25 يناير ... موعد المصريين (6)

[ozoozo]

ياريت ياجماعه نتعاون ونبعاتها للبرامج ونشيرها علي الفيس وتويتر

نقلا عن الدستور الأصلي | وثائق خطيرة جدا تم الحصول عليها داخل مركز شرطة في حي الدقي وهي كانت موجودة في مكتب مدير المركز موجهه من مكتب الوزير لمراكز الشرطة

وبرضه انا شخصيا مش متاكد منها لعدم وجود ختم

لكن بعد كده ممكن نتاكد من رقم الصادر بتاعها

[se_ Elsyed]

ما أنت مش واخد بالك ... أكثر من 1000 طعن على 440 عضو يعني كل عضوه عليه قضيتين وحكم نفقه وحاجه بهدله

[Simba]

رغم هيافة خطاب سرور

والكلام المتكرر من زمن الزمان

لكن ايه اللي يخليه يطلع يقول الخطاب ده دلوقتي ... ايه الحكاية

[samehmagdy]

كشفت الدكتورة آمال عثمان، رئيس اللجنة التشريعية بمجلس الشعب، عن وجود ٤٨٦ نائباً بالمجلس مطعون فى صحة عضويتهم، موضحة أن ٢٢ نائباً فقط يمثلون ١١ دائرة لم تقدم ضدهم أى طعون، ستعلن اللجنة فى اجتماعها المقبل عن صحة عضويتهم، بالإضافة إلى النواب العشرة المعينين

قالت الكلام دى يوم

23/1/2011

تخيلو لما 90 % من اعضاء مجلس الشعب مطعون فى صحتهم

يبقى تصحيح ايه بقى اللى بيقولو عليه

مفيش تصحيح لازم حل مجلس الشعب واعاده الانتخابات بالكامل

بعد ما يغور الحيوان دى الاول طبعا

تم تعديل 30 يناير 2011 بواسطة samehmagdy

[شرف الدين]

اعتقد و الله اعلم

الوثيقة دي مضروبة

شكلها مش مقنع خالص و لا ختم و لا توقيع

و حتي الورقة نفسها مالهاش اي شكل رسمي

و ده مع اقتناعي ان محتواها اللي حصل فعلا

معاك فعلاً .. شكلها مضروبة

لكن لو فعلا حبيب العادلي لسه في الداخلية

يبقى ده معناه ان الوثيقة دي فعلا حقيقية

لأنه لا يمكن بعد كل اللي حصل وبعد تكير فتارين المتحف المصري وعمليات الإحراق اللي حصلت دي والسلب والنهب وهروب المساجين وده كله

يفضل العادلي وزير داخلية

ولو فضل العادلي في منصبه يبقى ده معناه إن فعلا اللي حصل ده تمثيلية

[pink rose]

لقيت مريم بنتي قاعدة مع نفسها كده بتقول

الشعب يريد يصطاد النظام

و بعدين لفت سألتني مامي هو ايه الشعب دا :blink:

[Simba]

من قناة العربية

الرئيس المصري حسني مبارك يسلّم أحمد شفيق خطاب التكليف بتشكيل الحكومة

ما هي الحكومة شغالة زي الفل اهي ولا في دماغها الناس اللي في التحرير

[ozoozo]

والله ياجماعه انا بفكر تعتذر لمبارك ونقوله سامحنا علي الشغب اللي عاملناه ده وانت زي ابونا وهاتسامح اولادك

زي اللي كانو بيتكلمومن شوبه علي المحور

[الغريب]

من قناة العربية

الرئيس المصري حسني مبارك يسلّم أحمد شفيق خطاب التكليف بتشكيل الحكومة

ما هي الحكومة شغالة زي الفل اهي ولا في دماغها الناس اللي في التحرير

قناة العربية بتهمد وقناة الجزيرة بتسخن والبي بي سي وسط

[مغتربة]

من قناة العربية

الرئيس المصري حسني مبارك يسلّم أحمد شفيق خطاب التكليف بتشكيل الحكومة

ما هي الحكومة شغالة زي الفل اهي ولا في دماغها الناس اللي في التحرير

مش عارفه بجد الراجل دا نوعه ايه بيتصرف بشكل عادى جدا و لا هامه حاجه

انا حاسه اننا فى الاخر الى هنرحل و هو هيفضل قاعد لوحده هناك

لا بجد دا مش ممكن استماته فى الحفاظ على الكرسى بصراحه تدرس

[ريمون]

الله عليكم يا مصريين

و ربنا يحمى اهالينا فى مصر و يحفظهم

عملنا مظاهره فى بوسطن امبارح و شارك فيها حوالى 600 فرد

مصريين و امريكان و عرب

و كان هدف المظاهره حث الحكومه الامريكيه على التوقف عن دعم مبارك و نظامه

اشهر الشعارات

-Egypt ... Egypt

-Down down with Mubarak ... Yaskot Yaskot Husni Mubarak

-Freedom ... Freedom .. Hurriah ... Hurryah

-Presiden Obama you should know .. Husni Mubarak is got to go (we called on Hillary Clinton as Senator Kerry as well)

- Kfaya .. Khlas ... Mubarak won't last

- Mesh 3awzenoh .. Mesh 3awzenoh.. We don't want him we don't want him

Here are some pics.

http://www.facebook.com/photo_search.php?oid=179718358733818&view=all

[زهرة الجبل]

مضايقاني الطريقه اللي بتتكلم بيها هيلاري كلينتون

بتتكلم بصيغة الجمع و كأنها ضمن هذا الجمع

نريد أن يتم اخلاء السلطه بصوره متدرجه حتى لا يحدث فراغ في السلطه

و حتى نستطيع أن نكوِّن سُلطه ديموقراطيه جديده بشكل سلس

هو ايه ده اللي نريد و نستطيع و نكوِّن و صيغه غريبه كأننا دوله لا سياده لها و كأنها وصيه علينا

صح و لا أنا إللي بيتهيألي ؟

تم تعديل 30 يناير 2011 بواسطة زهرة الجبل

[شرف الدين]

من قناة العربية

الرئيس المصري حسني مبارك يسلّم أحمد شفيق خطاب التكليف بتشكيل الحكومة

ما هي الحكومة شغالة زي الفل اهي ولا في دماغها الناس اللي في التحرير

مش عارفه بجد الراجل دا نوعه ايه بيتصرف بشكل عادى جدا و لا هامه حاجه

انا حاسه اننا فى الاخر الى هنرحل و هو هيفضل قاعد لوحده هناك

لا بجد دا مش ممكن استماته فى الحفاظ على الكرسى بصراحه تدرس

هو يا جماعة يمكن فاكر نفسه في الحرب

إما النصر أو الاستشهاد

أما الانسحاب فلا وألف لا

يمكن هو يفضل إنه يموت في الميدان من أجل الشرف العسكري

بس هو فين الزي العسكري

[Simba]

التورتة جاهزة جهزوا السكاكين .. واهتف يا شعب المساكين ...سألوا مين كبيرنا .. قالوا مش لاقين حد نضيف اليدين.. قالوا ثورة شبابنا .. قلت زهرة حلوة.. غرقانة في الطين

[Alshiekh]

ياريت ياجماعه نتعاون ونبعاتها للبرامج ونشيرها علي الفيس وتويتر

أيه مصدر الصور دى؟

المعروف ان مصر مفيهاش انترنت

طبعا الكلام المكتوب واقعى ومتصور انه تخطيط امنى مخابراتى ولكن

للأطمئنان

[أهااات روح]

شبكة رصد:

الأن ناشط سياسي : عمليات النهب و السرقه تم التهويل لها من قبل الدوله..لإرهاب الشعب المصري

[مغتربة]

موقع اليوم السابع عاد للعمل مره اخرى

هو النت رجع مصر و لا ايه ؟

[مسافر]

حركة 5 شباط من أجل التغيير السلمي في سورية

http://www.facebook.com/pages/hrkt-5-shbat-mn-ajl-altghyyr-alslmy-fy-swryt/130179247047522

[ozoozo]

ياريت ياجماعه نتعاون ونبعاتها للبرامج ونشيرها علي الفيس وتويتر

أيه مصدر الصور دى؟

المعروف ان مصر مفيهاش انترنت

طبعا الكلام المكتوب واقعى ومتصور انه تخطيط امنى مخابراتى ولكن

للأطمئنان

المصدر الدستور الاصلي علي الفيس بوك وعلي فكره اعتقد ان النت بتاع التليفون الارضي يتاع زمان شغال وكمان ممكن تتبعت في رساله وسائط علي الموبايل

http://www.facebook.com/album.php?aid=16908&id=120213561373523#!/photo.php?fbid=142380455823500&set=a.120232261371653.16908.120213561373523

[ozoozo]

شركات الإنترنت: تلقينا تعليمات بالاستعداد لإعادة تشغيل الخدمة في أي وقت