25 يناير ... موعد المصريين (3)

[wolfire]

عادل امام .. يصف المظاهرات مظاهرات بلطجية .. عاش كلب وهيموت كلب طول عمره بيلحس جزم الحزب الوطني

[fatfouta]

خبر مفرح

بعد اعلان قناة الرأى السورية التوقف عن تقل الانتفاضة المصرية بسبب تهديد الحكومة بايقاف القناة

ها هى الان ترجع لمساندتنا وتبدأ فى النقل المباشر

ارى ان الدول بدأت تنفض يدها من الفرعون ونظامه

اللهم انصرنا يا رب

اللهم انصرنا يا رب

ارجعوا تابعوا القناة مرة اخرى

ممكن التردد تانى معلش؟؟؟؟ عشان انا كنت زهقت منها وشيلتها خالص

[raouf]

التردد 11316

vertical

[se_ Elsyed]

التردد 11316

vertical

هل لها تردد على عرب سات ؟

[doha]

نثلا عن احد المنتديات ..

يوسف العومي

Thu, 27/01/2011 - 22:33

وصل مساء الخميس إلى مطار القاهرة قادما من روما المهندس رشيد محمد رشيد وزير التجارة والصناعة، والقائم بأعمال وزير الاستثمار فى مصر، وشهدت عودته على متن رحلة مصر للطيران رقم 792 اهتماما غير مسبوق من مندوبى الصحف والوكالات الإعلامية، بعد ما ترددت أنباء عن استدعائه للعودة إلى القاهرة من قبل القيادة السياسية، لتكليفه بتشكيل حكومة جديدة برئاسته الجمعة، إلا أنه خرج سريعا من صالة الوصول مبنى الركاب رقم «3» دون الإدلاء بأى تصريحات .

المصري اليوم

تفتكروا ؟؟

[امير مجروح]

حد عنده موقع لفتح الفيس بوك ؟

الرابط ده شغال عن تجربة ...

http://www.lisp4.facebook.com/

انشرواااااااااا

[م تيمور المراغي]

نثلا عن احد المنتديات ..

يوسف العومي

Thu, 27/01/2011 - 22:33

وصل مساء الخميس إلى مطار القاهرة قادما من روما المهندس رشيد محمد رشيد وزير التجارة والصناعة، والقائم بأعمال وزير الاستثمار فى مصر، وشهدت عودته على متن رحلة مصر للطيران رقم 792 اهتماما غير مسبوق من مندوبى الصحف والوكالات الإعلامية، بعد ما ترددت أنباء عن استدعائه للعودة إلى القاهرة من قبل القيادة السياسية، لتكليفه بتشكيل حكومة جديدة برئاسته الجمعة، إلا أنه خرج سريعا من صالة الوصول مبنى الركاب رقم «3» دون الإدلاء بأى تصريحات .

المصري اليوم

تفتكروا ؟؟

والله يا ريت يا ضحى

الراجل ده بالذات له حيثيه علميه وتاريخ غني عن الذكر ,,

بدل تايد الطويل التيله ,,

[se_ Elsyed]

نثلا عن احد المنتديات ..

يوسف العومي

Thu, 27/01/2011 - 22:33

وصل مساء الخميس إلى مطار القاهرة قادما من روما المهندس رشيد محمد رشيد وزير التجارة والصناعة، والقائم بأعمال وزير الاستثمار فى مصر، وشهدت عودته على متن رحلة مصر للطيران رقم 792 اهتماما غير مسبوق من مندوبى الصحف والوكالات الإعلامية، بعد ما ترددت أنباء عن استدعائه للعودة إلى القاهرة من قبل القيادة السياسية، لتكليفه بتشكيل حكومة جديدة برئاسته الجمعة، إلا أنه خرج سريعا من صالة الوصول مبنى الركاب رقم «3» دون الإدلاء بأى تصريحات .

المصري اليوم

تفتكروا ؟؟

even

هل هذا يُغير من الأمر شيء ؟

يعني خنقة 30 سنة ... وتخريب البلد ... كل ده هايحله رشيد ؟

الموضوع أكبر من كده .. فالجميع لا يريدون تغيير لاعب او عدة لعيبة .. بل نريدان نغير الكوتش العجوز نفسه ....

[fatfouta]

حد عنده موقع لفتح الفيس بوك ؟

الرابط ده شغال عن تجربة ...

http://www.lisp4.facebook.com/

انشرواااااااااا

والموقع ده بيكسر الحجب

http://www.hotspotshield.com/

والفيديو ده كمان

http://www.youtube.com/watch?v=XNX85G9qGw4&feature=player_embedded

أنشروووووهم جزاكم الله خير

تم تعديل 27 يناير 2011 بواسطة fatfouta

[se_ Elsyed]

كارثة لو كان ده تفكيرنا

لو تفكيرنا وطموحنا أنحصر في تغيير رئيس الوزرا اللي عاوزين نشيلة الليلة .... يبقى كده الجميع يرجع بيته ويشد اللحاف وينام ...

[باهى الطائر الحزين]

تفتكروا ؟؟

حينضحك علينا تانى،كفااااايه تلاتين سنه،ضاعت من عمرنا

وشببنا زى مانتوا عارفين.؟؟،وبنتنا المساكين.؟؟

[aimen]

http://www.youtube.com/watch?v=HaZYKpxO20U

الجميل

محمود سعد

شباب مصر رجالة وهذا الجيل ارجل منا

وردا على الوزير صفوت الشريف في مداخلة لنفس البرنامج بالأمس الأربعاء تساءل سعد عن مفهوم الرجولة لدى الوزير واصفا الشباب المصري بأنه "شباب رجالة" لأنهم وقفوا ضد الفساد والمحسوبية والظلم، وعن مظاهرات جمعة الغضب المقرر لها غدا الجمعة بعد الصلاة قال سعد أنه يثق في الشباب المصري ووعيه وقدرته على تنظيم مظاهرات سلمية وأن هذا الجيل سينجح فيما فشل فيه جيل سعد والأجيال السابقة.

جريدة الشروق

بالمناسبة هو المحروق وابنه فين

معقولة كل ده فى الحمام

طبعا عندهم اسهال من اللى حصل وبيحصل

يارب

انصر مصر

بالفيديو: محمود سعد: شباب مصر رجالة وهذا الجيل أفضل من جيلنا

[Simba]

يا تري هيقع وتكتر سكاكينه

[samehmagdy]

بدون تنزيل او تصطيب برامج نقدر نفتح الفيس بوك وتويتر ونتواصل بكره غصب عن الحكومه

ادخل على الموقع ده

My link

هيفتحلك صفحه تكتب فيها اسم الموقع مكان موقع جوجل اللى كاتبه هو كمثال

وهيفتح معاك حتى لو مقفول من شركات الانترنت نفسها

تم تعديل 27 يناير 2011 بواسطة samehmagdy

[aimen]

بكرة ماتش الفاينال ان شاء الله.... قولوا يارب.. مالناش غيره

نواره نجم - جبهة التهييس الشعبية

وحيث انه ماتش الفاينال، فانا مش عايزة حركات المنتخبيعني ايه مش عايزة حركات المنتخب، يعني مش عايزة الثقة بالنفس الزايدة اللي بتخسرنا الماتشات، احد اسباب نجاح ماتش الثلاثاء ان كل واحد كان نازل وهو فاكر ان غيره مش نازل، لدرجة ان اللي اتفقوا مع بعض كانوا مخونين بعضودي اشارة كويسة، اشارة ان الشعب المصري مش تبع الرايجة ولا حاجة زي ما بيقولوا علينا، واشارة ان كل اللي نزلوا نازلين وهم عندهم تصور ان اليوم حيفشل بس "انا نازل اعمل اللي عليا".. بالظبط كدهماحدش يقول: ما كل الناس نازلة... لان كل الناس نازلة دي حتؤدي الى "هي جات عليا"؟ اه.. جات عليك.. كل واحد نازل يعمل الواجب اللي عليه ومالوش دعوة غيره نازل ولا مش نازلبصوا بقى.. هالله هالله عالجد والجد هالله هالله عليهما عادش ينفع دلوقت اي تراجع، مش شعارات، لا.. دي مصالح،

النظام المصري مزنوق زنقة الكلاب، وعلى رأي العيال اللي كانوا بيهتفوا النهاردة وامبارح: ساكت ساكت ساكت ليه؟ انت مت ولا ايه؟ ساكت لانه مش عارف يقول ايه؟ هو طول عمره ماشي معانا بالمبدأ الشهير اللي قاله في التسعينيات على الملأ: "هو كل ما الشعب يعوز حاجة نعملها له؟" كأننا في الجيشولو طلع دلوقت قال لنا هو كل ما الشعب يعوز حاجة نعملها له حيسخن الناس اكتر.. كمان دي انتفاضة الجمال فعلا، خلاصيعني مثلا انت لما تقعد خمس سنين تهمل مراتك، تقولك عايزة اغير الانتريته، تطنشها، عايزة اخرج واتفسح زي الستات، تطنشها، قول لي بحبك، تطنشها، وهي ساكتة ساكتة ساكتة، وتيجي بعد خمس سنين تقولك طلقني خلاص... ما ينفعش بقى ساعتها تقول لها: انت قولتي لي عايزة الانتريه لونه ايه؟ طب ايه رأيك في حديقة الازهر؟ اغنيلك اغنية احب احبك واعيش لحبك؟خلاص يا عم... خلاص.. الكلام ده كان من خمس سنين، دلوقت الست بتقولك طلقها... طلقها...

مبارك حيعمل ايه؟لا الراجل في زنقة ربنا يوريها لكل حاكم عربي ويختمها لهم جميعا بأغنية "أنا فهمتكم.. أي نعم.. فهمتكم"الحاجة الوحيدة اللي في ايده يعملها دلوقت انه يحاول يقسم صف الشعب.. ودي حتبقى محاولة يائسة، هو لعبها قبل كده كتير ونفعت معاه، بس دلوقت التوقيت كيك اخر حاجة، يعني اخر حاجة حيحاول يعملها انه يدي امتيازات فئوية لبعض فئات الشعب، اغلب الظن حتبقى العمال، وممكن المسيحيين (اللي فضل ينحر فيهم ودمهم ساح اكتر ما ساح في الحروب مع اسرائيل)، او النخب السياسية، الاحزاب بقى ولا الحركات، عشان يقسم الصف ويبقى فيه ناس تانية تطلع لنا فجأتن وتقول: يا جماعة نحاول نستمع لصوت العقل، احنا مهما كان مش عايزين فوضى، ثم ايه البديل؟ السؤال الوسخ ده اللي قعدنا في العبودية عشرات السنين

احنا مش عايزين بديل، هو مش انتي بايوتك، احنا عايزين نظام، نظام ديمقراطي، شريف ونزيه، واستقلال، لو جبت قرد وقعدته على كرسي الرئاسة في بلد قانون ودستور محترم ومؤسسات مستقلة حيعرف يدير البلاد احسن من "بديل الزعامة" مش عايزين زعامة احنادي اخر حاجة في ايده يعملهااحنا حنعمل ايه؟ولما باقول احنا، باقول الشعب المصري، كنت زمان باخاف اقول احنا الشعب المصري على اساس اني مش واخدة توكيل منه وما اعرفش بالظبط هو عايز ايه، بس دلوقت اقدر بالفم المليان اقول احنا الشعب المصري، ايوة، احنا احنا احنااحنا اللي ماشيين في شارع الهرم دلوقت وهم بيقولوا: الشعب يريد اسقاط النظاماحنا.. احنا اللي كل راجل في الخمسين الف يجري على اي بنت بتنضرب ويحجز عليها من غير ما يلمسها وينزل الضرب على ضهرهاحنا.. احنا.. احنا... اللي مسكنا اكياس عشان نلم فيها الزبالة اللي واقعة على الارضاحنا الشعب المصري مش حنتفرق، ومش حينفع نتفرق، والاصوات اللي حتطلع تنصحنا باننا نستمع لصوت العقل حتنضرب بالجزم القديمةليه بقى؟

1- لأننا فعلا طلعنا شعب محترم وقطع لسان اللي يقول علينا اي حاجة تانية2- لأن لو حصل وحد دماغه زقزقت.. احنا كده بنتتحر، بنتتحر ليه، لأننا صعدنا الخناقة بينا وبين النظام، وهو صعد وقتل لنا 12 شهيد، اي تراجع حنتشنير.. احنا والنظام وصل بينا الامر ان بقينا يا احنا يا هملو مش احنا.. يبقى هم، ولو بقوا هم، النظام ده حينتقم مننا انتقام الجبابرة على اللي عملناه فيه التلات ايام اللي فاتوا.. خلاص، ما عدش فيها كسوف ياما اعملي معروف، لو نجح النظام، لا قدر الله، في انه يشق الصف المصري، ويستقطب بعض الفئات من خلال امتيازات معينة كل الشعب، بما فيه الفئات المعينة، حنتعلق في الحيط ونتثبت بالشنيورمن غير الدخول في خلافات كتيرة سياسية، خلينا نفتكر ان 18 و19 يناير اللي كانت انتفاضة جياع فعلا، وما كانش فيها اي عداء لشخص السادات نفسه، السادات احتواها وبعدين راح هوب كلوب ضارب كل المصريين على دماغهم في ضربة انتقاميةانتوا بتتعاملوا مع ظباط جيش... مش مع شيوخ تصوف، لو رجعنا في كلامنا او نزلنا سقف طلباتنا او اتقسمنا النظام حياخدنا على حجره وبعدين يعجنا عجن عشان يضمن اللي بدر منا في الايام اللي فاتت عمره ما يطلع ابدا (انا عايزة افهم مين كل الناس اللي بتتصل بيا دي وانا باكتب البوست؟ انا حاقفل التليفون) الى جانب ان فيه عنصر شخصي، مبارك زعلان، فيه ما يزيد عن ميتين الف مواطن مصري في مختلف المحافظات قالوا له: ارحل بقى يا عم، خلي عندك دم... ومبارك اصلا ما بيحبناش، قبل كده قال علينا همنا على بطننا ودماغنا فاضية، وابواقه قالت علينا ما عندناش كرامة، من ضمنهم عبد المنعم سعيد... يعني هو اصلا قرفان منا، وابنه قرفان منا، واحنا بلغناه بشكل واضح ان القرف متبادللو رجعنا خطوة حينتقم منا ويدعك مناخيرنا في الرصيففاكرين احداث المحلة والعلاوة؟ المحلة وقعوا صورته، راح طالع وادانا علاوة، وتاني يوم العلاوة رفع سعر البنزين، ودي كانت حاجة محدودة، ما بالك اتفاجئ ان الشعب المصري عنده الجرأة انه يبجح فيه ويقول له امشي؟

الخلاصة: عدم تراجعنا مش شجاعة مننا.. عدم تراجعنا خوف على مصلحتنا.. احنا حنتدهك.. رسمي نظمي فهمي، بما فينا الفئات اللي سيتم استقطابهاالامن حيعمل ايه؟والله الامن راخر خلاص، مافيش في ايده حاجة يعملها، الامن مش نايم بقاله تلات ايامحاجة من الاتنين، يا اما يتعاطف معانا، ويبقى صاحبي وحبيبي وكفاءةيا اما يتغابى علينا.. يا ريت.. عشان اعصرك تنزل قوانين طوارئ صغيرة لو الامن تعاطف معانا يبقى بينجد نفسه من انه يتحط تحت محاسبة ويا ريت يتعلم من درس الامن التونسي اللي حايح دلوقت وعمال يقول انا كان مضغوط عليالو اتغابى على الناس، يبقى بيخلص الليلة لصالحنا بقى، ومش حنضطر نقعد نستنى انا فهمتكم.. حتخلص واحنا واقفيناحتمال انه يسلط بلجية ده حاصل بالفعل، بس البلطجية دول ولا يسووا تلاتة نكلة، يتحلق عليهم وياكلوا ضرب لما يبان لهم صاحب بقى

المسلمين حيعملوا ايه؟

حتاخد تلاتة اربعة صحابك وتروح اقرب جامع لبيتكوا (مش اقل من تلاتة وحاقولك ليه)، احنا المرة دي مش عايزين نحدد مساجد، احنا عايزين نتوزع في مصر كلها وعلى كل الجوامع لان ده حيرهق الامن، بدل ما الامن يحاصر جوامع بعينها، تبقى جوامع مصر كلها فيه على الاقل تلاتة اربعة غاضبين، اول ما الصلاة تخلص حتطلع وتهتف بعزم ما فيك: الشعب يريد اسقاط النظام، زمايلك حيقولوا وراك، التلاتة اللي حيقولوا وراك، حيشجعوا اتنين تانين، اللي حيشعجوا بدورهم خمسة تانيين.. مش اول ما تهتف وما يقولش وراك غير صحابك تسكت، تهتف تاني، وتالت، ورابع، وعاشر، لحد ما تلاقي اكبر عدد بيهتف وراك وتمشوا مع اللي هتفوا معاكوا وتتجمعوا في اقرب ميدان

ولازم لازم لازم، تتفق مع واحد على الاقل، صاحبك مسيحي يستناك برة الجامع قال يعني بيشرب سيجارة جنب الكشك، مش حتروح من غير واحد مسيحي

المسيحيين حيعملوا ايه؟

مش انا يا منسي حاسبت على ازازة الزيت اللي الحاجة كانت شارياها؟

مش احنا جينا وحاوطنا الكنايس؟ انتوا كمان حتعملوا نفس الحكاية، حتقف عند الجامع تحمي المسلمين بدل ما يعايروك بقى ويقولوا لك العدوان الثلاثي سنة ستة وخمسين يا زواوي كان بسبب اني تضامنت معاك في عيد الميلاد

صاحبك حيطلع مع التلاتة اربعة صحابه (ياريت لو صحابك كتير تبقى فل ويبقوا اكتر من اربعة) واول ما يهتفوا تندس وسط المصلين وتروح قايل معاه

بالنوسبة للبراشوتات والمزايدين على البراشوتات

اي حد عايز ييجي يبرشت على الانتفاضة الشعبية اهلا وسهلا ومرحبا ييجي يشرفنا ويآنسنا وينورنا ضيف علينا

اسمعوني بقى، احنا مش لازم نلفظ البطانة، ومش لازم كمان نسمح لهم انهم يركبوا علينا، يعني زي ما التوانسة عملوا بالظبط، البراشوتات السياسية هبطت عليهم، ماحدش قالهم اطلعوا برة، بس قالوا لهم قشطة.. تعالوا ورايا

بالظبط كده، البراشوتات السياسية اهلا وسهلا، وييجوا ورا الناس، مش قدامهم، ماحدش فيهم قيادة، وماحدش فيهم زعيم، وما حدش فيهم مطرود كمان، متضامنين ومنضمين واهلا وسهلا ويمشوا ورا الناس والناس هي اللي تسوقهم وتحدد لهم مسارهم، لان اساسا البراشوتات السياسية دي لو اخدت قياد الامور حتسلمنا مع اول مساومة مع النظام، لازم يتزنقوا كده واي رخاوة في نبرتهم تقابل بالتلطيش على وشهم، ويتقال لهم انتوا مالكوا؟ انت جاي تعزي ولا جاي تهرج؟ جاي تتضامن مع الناس وتسمع كلام الناس اهلا وسهلا، جاي تعمل على قفانا زعيم على الست الوالدة بقى

بالنسبة للمزايدين على البراشوتات: مالكوش دعوة.. يوقع محفظته مطرح ماهو عايز، مش عايزة انا واحد يطلع يصوت لي في قناة تبع رجل اعمال ويقول لي "كانوا فين الاخوان؟ كان فين البرادعي؟ دلوقت افتكرتوا الناس؟" مالكش دعوة، على قلبنا عسل.. يوقع محفظته مطرح ماهو عايز، الناس هي اللي حتسوقهم وهي اللي تحدد لهم مسارهم، وهم مش قيادات، هم تابعين للشعب، وخليك في نفسك يا كابتن، احنا عايزينهم، عشان يا امور احنا مش حنسيب خناقتنا مع النظام ومطلبنا العادل ونتخانق مع الاخوان والبرادعي، الناس جاية تضامن معانا، وجاية تسمعنا وتمشي ورانا... كتر خيرهم، خليك بقى انت في نفسك

عندي امل يا رب يتحقق:

قبل ما ننزل من البيت، الساعة عشرة الصبح، كل الناس تطلع من الشباك وتقول بعزم صوتها: الشعب يريد اسقاط النظام

لو سايق عربية تعملها نغمة كلاكس عايزة كل عربيات مصر تضرب الكلاكس ده

اخيرا:

قولوا يا رب.. قولوا يا رب.. قولوا يا رب

تم تعديل 27 يناير 2011 بواسطة aimen

[fatfouta]

مش كل الفنانين ذى عادل أمام ولسه فيه فنانين شرفاء يستحقوا التقدير

R.N.N | شبكة رصد أسفر الاجتماع الذي دعى إليه خالد الصاوي للتضامن مع المتظاهرين في الانتفاضة التي تشهدها مصر حاليا عن إعلان العشرات من الفنانيين عن مشاركتهم في مظاهرات يوم جمعة الغضب ومن الفنانيين الذين وقعوا على البيان الذي أعلنوا فيه مشاركتهم بالمظاهرات هم: منى زكي وخالد يوسف ونهى العمروسي وخالد الصاوي وأحمد رشوان ومحمد أبو سيف وفتحي ...عبد الوهاب وصفاء الطوخي وأحمد فؤاد سليم ووائل حمدي وبلال فضل وعماد البهات ومحمد فريد ونادين شمس ومريم ناعوم وأحمد عيد، فيما أكد المخرج السينمائي شريف عرفه مشاركته في المظاهرة وكذا الفنان عمرو واكد رغم عدم حضورهم الاجتماع.

[fatfouta]

قناة الراى...

مصادر اعلامية...تعليمات مشددة لدى جميع شركات الانترنت وبقطع الانترنت تماما يوم الجمعة وعدم الإكتفاء بحجب المواقع فقط

يا ترى ممكن يعملوا كده فعلا ويقطعونا عن مصر؟؟؟؟؟؟؟؟

تم تعديل 27 يناير 2011 بواسطة fatfouta

[Alshiekh]

إلى أهالى السويس

إلى شعب مصر فى يوم الغضب

أهدى إليكم هذه الأغنية لعلها تشد من إزركم

http://www.youtube.com/watch?v=2pZ0VPY0W80

[raouf]

التردد 11316

vertical

هل لها تردد على عرب سات ؟

للاسف يا ابو حميد فقط النايل سات واتوقع توقفها غدا او بعده بالكثير

تم تعديل 27 يناير 2011 بواسطة raouf

[امير مجروح]

موكد : اشتعال مظاهره فى الهرم