25 يناير ... موعد المصريين (18)

[شرف الدين]

ملاحظة صحيح

جميع الفنانين اللي في صف الثوار اسمهم خالد

خالد صالح

خالد الصاوي

خالد يوسف

خالد أبو النجا

خالد النبوي

[عنبو]

بيان تانى لاء

بيان تانى لاء

خليك يا ريس وبلاش بيانات

بقيت اقوم مفزوع بالليل من بيان الرئيس

[mekkawy]

عن الجزيرة:

مروحيتان تهبطان في باحة قصر العروبة

مين يا تري؟ عمر سليمان السكرة؟

[رضوي]

الراجل بتاع موافقة علي العربية اهه

وماعندوش مانع نعدل الدستور ونحل المجلس

طيب خالص

غلبان اوي

حد يسأله عن الناصرية ؟؟؟؟؟؟؟؟؟؟؟؟ حد يسأله عن يوم الاربع والمذبحة ؟؟؟؟؟؟

[م تيمور المراغي]

آخر الاخبار ,,

الامل في الجيش حيكون من الرتب المتوسطه

الرتب الكبيره من اول طنطاوي الى قادة الافرع والمناطق تم شراء ولائها خلاص ,,

واللي و صلني ان التحرك المقبل من قيادات الجيش هي فض المظاهرات بالقوه ,,

وان الخوف بينهم الان هو عدم اطاعة الرتب المتوسطه للاوامر الصادره اليهم بفض الثوره ,,

وان ما يجري الان امام القصور الرئاسيه هو استدراج المتظاهرين واستفزازهم للهجوم على قوات الحرس الجمهوري لتكون لديهم الحجه اللازمه لقمع المتظاهرين بالقوة,,

المطلوب الان

عدم الانقياد الى اي استفزاز من استفزازات مؤيدي مبارك ونحن نعلم من هم ,,

والاصرار على سلمية المظاهرات والاعتصام على بعد مناسب من القصور الرئاسيه وعدم محاولة اقتحام السياج الامني او الاسلاك الشائكه المقامه حولها ,,

سيكون على المتظاهرين حول القصر الرئاسي حاليا انتظار الدعم بوصول باقي المتظاهرين اليهم وسنقوم بعمل الحشد اللازم لذلك بكل الوسائل المتاحة ,,

من الغد سيبدأ العصيان المدني في كل المرافق الحيويه للدوله ان شاءا لله ,,

البيان الثالث المقبل للجيش سيكون منحازا تماما للرئاسه او ما يطلق عليه الشرعيه الدستورية ,,

الثبات الثبات

حتى النصر

او الاستشهاد ,,

[mekkawy]

اهدي يا عنبو

الله أكبر الله أكبر .. حد يأذنله في ودنه يا ولاد

خلاص يا حبيبي متخفش .. امشي يا بيان .. امشي يا كخة

خلاص مشي يا حبيبي متخافش مفيش بيانات دي فرقعة اعلامية

[رضوي]

مصادر للجزيرة : 3 مروحيات تهبط في باحة قصر العروبة ؟؟؟؟؟

ومصدر عسكري للجزيرة . مجلس القوات المسلحة سيتخذ اللازم لتأمين الوطن والمواطنين بمصر !!!!!!!!

[mekkawy]

شبكة رصد

من داخل الحدث : # رائد بالقوات البحرية يؤكد للمتظاهرين أمام قصر رأس التين أن مبارك غادر مصر كلها وأن الجيش سيعلن سيطرته على الوطن خلال ساعة في البيان رقم 3

تضارب تضارب و لخبطة

فين الحقيقة يا عاااااالم

[م تيمور المراغي]

اتوقع نزول كوماندوز داخل القصر الرئاسي لحمايته

لا معنى اخر لوصول المروحيات غير ذلك

سلميه سلميه

سنحاصر كل القصور الرئاسية ,,

[شرف الدين]

فاكرين يا جماعة عمار الشريعي لما اتكلم مع منى الشاذلي

لما قالها أنا حاسس من ساعة ما قطعوا النت إننا شوية بهايم ( وسوري على اللفظ )

للأسف ما زالت الطبقة الحاكمة تتعامل مع الشعب على هذه الصفة

على أننا مجموعة من الحيوانات لا يحق لنا أن نعرف ماذا يجري في الغرف المغلقة

بيان يتلوه بيان

وخطاب يتلوه خطاب

ونحن لا نفهم شيئا

من المسؤول الآن ؟ لا أحد يعلم

طب أكلم مين دلوقت لما أحب أخاطب شعب مصر

تم تعديل 11 فبراير 2011 بواسطة شرف الدين

[عنبو]

اهدي يا عنبو

الله أكبر الله أكبر .. حد يأذنله في ودنه يا ولاد

خلاص يا حبيبي متخفش .. امشي يا بيان .. امشي يا كخة

خلاص مشي يا حبيبي متخافش مفيش بيانات دي فرقعة اعلامية

كوباية ميه بسكر مش قارد اخاد نفسى يا ميكو

الله يخرب بيتك يا مبارك خليت الشباب يقطعوا الخلف

[eslam elmasre]

والله والله والله لا يمكن ان يمكث مبارك بعد اليوم ساعة لان اليوم تقريبا لم يعد في البيوت الا العجائز والمرضي

حتي الاطفال الصغار والمواليد خرجوا للهتاف في الثورة

اليوم بالفعل خرجت مصر عن بكرة ابيها وهذا استفتاء شعبي ليعرف مبارك ان الشعب بكل طوائفه لم يعد يحترمه ولم يعد يحبه بل يكن له كل كره

مبارك ردم علي تاريخه الذي كان مشرفا بيده لا بيد غيره

الان مبارك يجهز لبيان هام ولو كان لديه بعض من كرامة ان يعلن تنحيه وينتهي الموضوع وليذهب الي غير رجعة غير مأسوف عليه

[المهندسه]

مش عارفه ليه حاسه ان البيان ممكن يقول انه سافر و الجيش هيسيطر...

تفتكروا؟؟؟!!!ولا بحلم و نايمه فى العسل ...مش كده

[شرف الدين]

والله والله والله لا يمكن ان يمكث مبارك بعد اليوم ساعة لان اليوم تقريبا لم يعد في البيوت الا العجائز والمرضي

حتي الاطفال الصغار والمواليد خرجوا للهتاف في الثورة

اليوم بالفعل خرجت مصر عن بكرة ابيها وهذا استفتاء شعبي ليعرف مبارك ان الشعب بكل طوائفه لم يعد يحترمه ولم يعد يحبه بل يكن له كل كره

مبارك ردم علي تاريخه الذي كان مشرفا بيده لا بيد غيره

الان مبارك يجهز لبيان هام ولو كان لديه بعض من كرامة ان يعلن تنحيه وينتهي الموضوع وليذهب الي غير رجعة غير مأسوف عليه

في مداخلة سابقة لي منذ حوالي 4 أيام قلت

الخاطرة الثالثة:

الشعب المصري أيضا.

فرصتكم الأخيرة قد تكون على أقصى تقدير يوم الجمعة القادم... إذا لم تخرجوا بنفسكم عن بكرة أبيكم لتضعوا مشهد النهاية في فيلم ( شيء من الخوف ). بالكلمة الخالدة ( باطل ) وحينها سيكتب تاريخ عهد جديد لمصر... عهد يكون عرابه هو الشعب المصري نفسه، ويظل الحاكم فيه مدينا للشعب المصري نفسه، وليس لقواته المسلحة.

وقد اختفت كل الحجج. فما عاد هناك أمن دولة ولا أمن مركزي ولا بلطجية، والجيش لن يطلق رصاصه عليكم.. فما حجتكم في البقاء في المنازل إذن إلا أن تكونوا بالفعل تريدون بقاء الرئيس مبارك.

إن لم تخرجوا يوم الجمعة القادم على أقصى تقدير فلا يعودن أحد منكم ويشتكي من البطالة أو غياب العدالة الاجتماعية... لا يشكون دكتور جامعي أو حتى إمام مسجد يعلم أن قرار تعيينه في وظيفة هو أهل لها أو منصب يستحقه ليس راجعا إلى مؤهلاته أو إمكانياته.. وإنما العامل الحاسم فيه هو التقرير الأمني الذي سيكتبه ربما مخبر أو ضابط على أقصى تقدير.

لا تشتكي سيدة عجوز منكم من بقائها ساعات طويلة في أيام البرد أمام مخبز الخبز من أجل عدة أرغفة من عيش مهتريء هو أقرب للآدمية

لا يشكون سكان العشوائيات من غيابهم عن المجتمع وعن الحياة الكريمة.

لا يقولن أحد منكم بعدها آه.

الكلمة الأخيرة لكم. ونحن في الانتظار

[عنبو]

الناس اللى بتطالب بخروج مشرف لمبارك لانه صاحب الضربه الجويه

نسيوا عمل ايه فى الفريق الشاذلى

اللى وضع خطة الحرب وعبور خط بارليف

طيب ايهم قدم لمصر اكثر !!!

سجن الشاذلى سنه ونص مع ان المحكمه برأته

والله ربنا بيخلص منه

والله العظيم ربنا له حكمه ان ينتهى خكمه بالشكل الخزى ده

ويبقى اول رئيس فى مصر الناس كلها تخرج وتقوله مش عاوزينك

ربى ولك الحمد

الفريق الشاذلى ربنا يرحمك ويسكنك فسيح جناته

وتقبل اسفنا لاننا لم نقف معك ولم نعطيك قدرك الذى تستحقه

تحياتى

عنبو

[fatfouta]

قال صحيح مبارك ساب البلد وسافر وفيه بيان بعد قليل؟؟؟

طب بيان من مين؟؟ من الجيش ولا من مبارك ولا من المذيع؟؟

معلش اصلى كنت نايمة وصحيت عالخبرين دول قولت يعنى البيان هيكون ايه ممكن يقولنا الفالانتاين قرب وكل سنة وانتوا طيبين يا ولاد

يعنى لما البلد كلها خرجت النهاردة فى الشوارع هما مستنيين ايييييييه؟؟؟؟؟؟؟؟؟

[رضوي]

التليفزيون المصري : الاف المتظاهرون يتوجهون لقصر الرئاسة

[Simba]

معلش يا جماعة

هاخدكم بس شوية من جو الحماس ده

دلوقتي علي دريم 2 واحد اتصل منهار جدااا وبيبكي في برنامج الحقيقة بيقول ان اخته كانت خرجت في المظاهرات بس مش علشان اسقاط النظام ولا حاجة خرجت قدام المحافظة مع زميلاتها علشان تطالب برفع الاجور

بعد كده اختفت وبعدين اكتشفوا انها في امن الدولة بعد كده امن الدولة بيقول مش عندهم

وراح عمل بلاغ للنائب العام واللي يسمع الولد ده قلبه يقع

واحدة تانية اتصلت

بتقول ابنها عنده 15 سنة اختفي لما كان رايح مع اصحابه التحرير وقلبوا عليه الدنيا واخر حاجة سمعوها انه في الجيش الحربي ومش عارفين يوصله له

حرام كده

الوضع لو ما بقاش اهدي الايام اللي جاية ناس مالهاش ذنب بتدفع التمن

محدش عارف حاجة والله

ولا انا كمان بقيت عارف حاجة

فين الصح وفين الغلط

الله اعلم

[م تيمور المراغي]

بيان سيصدر بان الجيش سيتولى السلطة لمرحلة انتقالية

نقلا عن العربية

[رضوي]

انجي القاضي مراسلة العربيةمن امام قصر الرئاسة تؤكد من مصدر عسكري ان الجيش سيحكم لفترة انتقالية