25 يناير ... موعد المصريين (5)

[se_ Elsyed]

الجميع في ميدان التحرير يهتف بصوت واحد

هو يمشي .. مش هانمشي

[hOuSsAm]

دعوة

لمحاورات المصريين

أن نكون إيجابيين

فهل من مجيب

نصلي ركعتين قيام ليل وندعي لمصر بدل النت والفضائيات

لمدة نصف ساعة فقط

مين قال معاك

معاك يا غريب

وربنا يتقبل

[عبير يونس]

دعوة

لمحاورات المصريين

أن نكون إيجابيين

فهل من مجيب

نصلي ركعتين قيام ليل وندعي لمصر بدل النت والفضائيات

لمدة نصف ساعة فقط

مين قال معاك

معاك طبعا

و ياريت كمان نلزم الاستغفار حتى و احنا قاعدين على النت

{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12}}

[عنبو]

دعوة

لمحاورات المصريين

أن نكون إيجابيين

فهل من مجيب

نصلي ركعتين قيام ليل وندعي لمصر بدل النت والفضائيات

لمدة نصف ساعة فقط

مين قال معاك

مع حضرتك باذن الله....و من امبارح

بس الليلادي كمان

يا رب

انا كنت بفكر ان احنا نتفق علي وقت

بس هستاذن حضرتك كل واحد مع نفسه لاختلاف التوقيت....في كل بلد

و جزي الله حضرتك كل خير

وانا معاكم

[لونا]

دعوة

لمحاورات المصريين

أن نكون إيجابيين

فهل من مجيب

نصلي ركعتين قيام ليل وندعي لمصر بدل النت والفضائيات

لمدة نصف ساعة فقط

مين قال معاك

معاك إن شاء الله

------------------------------------------------------------------------

يا ترى حسني مبارك عرف ما هي وظيفة الأمن ؟

الأمن لحماية البلد و حماية الشعب

الأمن ليس لحماية سيادته .. و سيادته فقط

الأمن ليس لضرب وحدة المصريين

الأمن ليس للفرقة بين المسلمين و المسيحيين

الأمن ليس لقتل بلال و خالد

الأمن لحمايتنا و حماية ممتلكاتنا

الأمن لخدمة الشعب و الوطن

[jasmin hamed]

رقم اللجنة الشعبية لحماية الممتلكات العامة 0140319661

[شرف الدين]

يا جماعة ده رقم تليفون القائد العسكري لمنطقة الرحاب

أي حد ساكن في الرحاب أو حواليها وعنده مشكلة يتصل عليه

0116386664

0121011069

ده صديق شخصي ليا وحاليا هو بيأمن مدينة الرحاب

أدعو كل الشباب المصري الى النزول للشوارع لحماية مصر

ادعو التراس اهلاوي والتراس زملكاوي والتراس اسماعيلاوي وكل روابط الأندية النزول للشارع لحماية تراب مصر

يا كل شباب مصر انزلوا الشوارع واحموا تراب مصر

ذرة واحدة من تراب مصر اغلى عندي من روحي ومن اهلي واحبابي وامي واخواتي

كلمة دكتور احمد زويل

الى كل المصريين

نظرا للظروف التي تمر مصر الغالية

فإنني كغيري من ملايين المصريين

اشعر انه من واجبي ان ابعث بهذه الرسالة

ان الشباب يتظاهر من أجل وطن فيه عدل وحرية ومساواة

جميع المصريين يطالبون بمصر ينعمون فيها بالعزة والكرامة

واهم اسباب تراجع مصر

نظام الحكم - الانشغال بالصراع على السلطة بين الحرس القديم والحرس الجديد

الوضع الاقتصادي حيث اقتصرت فئة قليلة بالثراء الفاحش نتيجة تزاوج السلطة والمال

التعليم الذي أصبح كالحضيض

1- الدستور: تشكيل لجنة من حكماء مصر لوضع دستور جديد

2- القضاء: ضمان الاستقلال

3- الانتخابات: ضمان النزاهة

4- الحكومة: تعيين الحكومة الوطنية الجديدة

إن مصر غنية بأبناءها القادرين على تحمل المسؤولية

( ده اللي لحقت اكتبه )

[se_ Elsyed]

إتصالات من هاربين من السجون والحبس إن الشرطة هي اللي فتحت السجون وهربت الناس وسرقت الأسلحة وحرقوا اقسام الشرطة

حسبي الله ونعم الوكيل

[Al Mohager]

يا جماعة جيش ايه اللى نتصل بيه

احنا قلنا دى خطة منظمة لسيطرة على الامور مرة اخرى

قلنا الشرطة مع البلطجية هما اللى عاملين الذعر ده و كمان شبكات المحمول اشتغلت و عشان الناس تنقل الاخبار و الشائعات عشان الذعر ينتشر

و الجيش بيتفرج ولما بينزل أى منطقة البلطجية بيمشوا فى سلام عشان يحكموا السيطرة على بلد كلها

دى خطة الدولة عشان ترجع تمسك البلد تانى و الناس تخاف و ترجع بيوتها و بلطجية الشرطة مع الجيش يمسكوا البلد تانى

[عنبو]

شوفتوا كلمة احمد زويل

الله على العلم والعلماء

بجد لازم نضحى يا جماعه

لابد ان نضحى باى شىء من اجل الحريه وكرامة المصريين

[fatfouta]

عن البى بى سى

واشنطن....الولايات المتحدة بدات الضغط على مبارك

بس مش عارفة هتضغط بايه الصراحة ماقالوش

تم تعديل 29 يناير 2011 بواسطة fatfouta

[jasmin hamed]

طارق يوسف مراسل جريدة الوفد بالبدرشين علي العاشرة مساءً | علي الرغم من عدم خروج المظاهرات في البدرشين تم حرق الشرطة حيث قام ظباط المركز باطلاق السجناء والبلطجية وظابط الشرطة يخبره تلقيهم اوامر بذلك

[عبير يونس]

هو احنا بنناقش ايه دلوقتي

ما احنا خلاص عرفنا ان الشرطة خونة

و ان الجيش ساعدهم و وقف يتفرج

و شباب مصر الرجالة

عملوا و بيعملوا لجان شعبية عشان يحموا البلد

بلاش بقى نضيع طاقتنا في التساؤلات

و خلينا نركز في الدعاء

و في الايجابيات اللي بتحصل دلوقتي من رجالة مصر

مصر اللي طول عمرها ولّادة

الكل خذلنا

شرطة

و جيش

و حكومة بقى لها 30 سنة بتخذلنا

امتى حنتجه بقى للي لا يمكن يخذلنا

{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ }النمل62

اوعوا تخافوا

و لا تتحسروا

و لا يصيبكم الاحباط أبدا

أبدا أبدا أبدا

أحلك ساعات الليل سوادا

هي ما تسبق الفجر مباشرة

[jasmin hamed]

سوريا مشفره كل قنوات الاخبار و المواقع حتى لا تصل اخبار مصر

[jasmin hamed]

رجاء النشر: عدد كبير من البلطجية يتجه الأن من المطرية الى الزيتون ثم الى مصر الجديدة. قاطنى المنطقة يستعدون بالسكاكين والمطاوى

الخبر ده مؤكد يا أوزو

يا ريت نأكده الأول

كلمت حالا صحابى عند محكمة امصر الجديده و بيقولو الرجاله فى الشارع يحمى

الناس و المحالات

[الغريب]

على الجزيرة - لم يتم نهب مستشفى سرطان الاطفال بسبب وقفة الشعب

دا الفرق بين الجزيرة والعربية

[زهرة الجبل]

أنا عاوزه أعرف بس علشان روحي ماتطلعش و أنا قاعده

يعني و لو تصور .. خمنوا كده .. حد يتوقع و يرد عليا

هل ممكن بعد كل اللي احنا فيه ده ما يخلص إن نمسك بإيدينا مجموعه مسؤوله عن كل ده و نعاقبهم؟

يعني ممكن إحتمالية ده تبقى كم في الميه ؟

خلاص دلوقت الكل بيقول ده تخطيط كبير و دول هم الشرطه انفسهم

و إلا فإيه هو التفسير المنطقي لإختفاء مليون و ربعمئه ألف عسكري شرطه فجاه من مصر كلها ؟ راحوا و اتبخروا فين ؟

و انهي بلاعه دي اللي كان مستخبي فيها كل البلطجيه دول و انفجرت فجأه ؟

طيب لو الكلام ده مظبوط .. هل هنقدر علشان مانموتش بالجلطه و لا انفجار في المخ إننا نحاسب الناس دي؟

ولا خلاص هيلموا كم حرامي صغيرين كبش فداء و يقولوا هم دول و يطلعوا منها و يطلعوا لنا لسانهم؟

شفنا كتير قبل كده كليبات عجيبه للشرطه و هي بتبهدل الشعب و تضرب المساجين و تعذيب غير شرعي

بس بحوادث فرديه

طيب الحوادث دي رغم بشاعتها و سفالة مرتكبينها الا انها كانت غير عامه .. و ده عيب مننا اننا ماتحركناش وقتها لاننا كنا في امان منها

طيب دلوقت طاحوا في الكل .. هل هنقدر نحاسبهم؟ و لا خلاص كده ؟

أنا همووووووت .. أنا حاسه إن روحي هتطلع

حسبي الله و نعم الوكيل

تم تعديل 29 يناير 2011 بواسطة زهرة الجبل

[jasmin hamed]

الاهالى صدو محاولات نهب مستشفى ٥٧٣٥٧ و القصر العينى

بلا خسائر تذكر

[شرف الدين]

أنا عاوزه أعرف بس علشان روحي ماتطلعش و أنا قاعده

يعني و لو تصور .. خمنوا كده .. حد يتوقع و يرد عليا

هل ممكن بعد كل اللي احنا فيه ده ما يخلص إن نمسك بإيدينا مجموعه مسؤوله عن كل ده و نعاقبهم؟

يعني ممكن إحتمالية ده تبقى كم في الميه ؟

خلاص دلوقت الكل بيقول ده تخطيط كبير و دول هم الشرطه انفسهم

و إلا فإيه هو التفسير المنطقي لإختفاء مليون و ربعمئه ألف عسكري شرطه فجاه من مصر كلها ؟ راحوا و اتبخروا فين ؟

و انهي بلاعه دي اللي كان مستخبي فيها كل البلطجيه دول و انفجرت فجأه ؟

طيب لو الكلام ده مظبوط .. هل هنقدر علشان مانموتش بالجلطه و لا انفجار في المخ إننا نحاسب الناس دي؟

ولا خلاص هيلموا كم حرامي صغيرين كبش فداء و يقولوا هم دول و يطلعوا منها و يطلعوا لنا لسانهم؟

شفنا كتير قبل كده كليبات عجيبه للشرطه و هي بتبهدل الشعب و تضرب المساجين و تعذيب غير شرعي

بس بحوادث فرديه

طيب الحوادث دي رغم بشاعتها و سفالة مرتكبينها الا انها كانت غير عامه .. و ده عيب مننا اننا ماتحركناش وقتها لاننا كنا في امان منها

طيب دلوقت طاحوا في الكل .. هل هنقدر نحاسبهم؟ و لا خلاص كده ؟

أنا همووووووت .. أنا حاسه إن روحي هتطلع

حسبي الله و نعم الوكيل

هي حاجة منين

يا إما الحكومة برئاسة مبارك عاملة ده عشان تخلينا نقول الفساد افضل من الفوضى

يا إما حبيب العادلي مرضيش انه يكون كبش فدا وانه بعد كل الخدمة اللي خدمها لمبارك

يكون نصيبه في النهاية انه يكون كبش فدا

فقرر يقلب الطرابيزة على الجميع

[زهرة الجبل]

نائب الرئيس الأمريكي سألوه عن النظام الحاكم المصري و هل يرى أنه نظام دكتاتور

فأجاب على الهواء المباشر انه لا يمكن وصفه بالنظام الدكتاتور فهو دائماً متعاون مع السياسه الأمريكيه و داعم للسلام مع إسرائيل

هو ده المعيار

متعاون مع السياسه الأمريكيه و داعم لإسرائيل

و لا تعليق