25 يناير ... موعد المصريين (5)

[fatfouta]

R.N.N | شبكة رصد

التلفزيون المصرى| يبث مباشر صور لبلطجية تم القبض عليه بالتعاون مع الاهالى والقوات المسلحة6 minutes ago

[شرف الدين]

يا جماعة مين اللي بيولع في مصر

لا يمكن البلطجية يولعوا في المصانع والمباني - هيستفيدوا ايه

في شيء غامض ورا اللي بيحصل ده

[تامر مصطفى]

ليه كلهم لابسين ازرق

يمكن ده لبس السجن و لا ايه مش عارفه

وهو اللي خارج من السجن رايح مستعجل علشان يلحق يسرق

مش يروح يشوف بيته وعياله الاول

[زهرة الجبل]

الحمد لله .. و لسه .. بجد ربنا يحميهم شباب زي الفل

لجان المقاومه الشعبيه و الجيش

وخلي بتوع الشرطه اللي اتخلوا عن الشارع يبلعوا كارنيهاتهم

[fatfouta]

R.N.N | شبكة رصد

خاص | تم منع الطعام منذ الصباح عن المساجين السياسين وإطلاق الغازات المسيلة عليهم داخل الزنازين في سجون الفيوم وطرة3 minutes ago

[darlengs]

و اي علاقه اي بلطجي بتخريب متحف وتكسير تماثيل وحرق مصلحه الضرائب؟؟ هيستفيد ايه؟؟

[Simba]

طيب وبعد الهيصة والخراب والقلق والرعب اللي الشعب عاشه

صاحبنا برضه هيكون لسه في الحكم ولا ايه والحزب الوطني الناس هيكون موفقها ايه منهم الايام اللي جاية

[fatfouta]

إلي عملاء شركة فودافون مصر: قوموا بتغير الرقم الوارد في "مركز إرسال الرسائل" من 20105996500+ إلي 20105996713+ لكي ترسلوا رسائل قصيرة

[darlengs]

بدء خطة لوضع متاريس على بداية الشوارع لمنع البلطجية من دخولها والأهالي يمدون الشباب الذي يقف عليها بالطعام والشاي

[fatfouta]

صور البلطجية والاسلحة اللى كانت معاهم

[أهااات روح]

ياجماعة انا كلمت اهلى دلوقتى فى مصر والحمد لله بيطمنونى وقالو ان شباب ورجال كل شارع مقسمين نفسهم على الشارع جزء فى اوله وجزء فى اخره وجزء فى وسطه لحماية امهاتنا وبناتنا فى البيوت

وده فى كل الشوارع

ده غير ان رجال الجيش منتشرين فى الشوارع الرئيسية

فالحمد لله اطمنو ان شاء الله كل اهلنا هيبقو بخير وتطمنو عليهم

ربنا يحمى شبابنا بارك الله فيهم

تم تعديل 29 يناير 2011 بواسطة أهااات روح

[شرف الدين]

تم الاعتداء على منزل اللواء إسماعيل الشاعر مدير أمن القاهرة

وأحد لواءات الشرطة اسمه اللواء البطران لقى حتفه في أحد السجون على يد أحد السجناء

[زهرة الجبل]

على دريم

مصدر امني من الداخلية يقول ان الشرطة المصرية ستعود

رسميا للشارع مساء غد وبالزي الرسمي

وان الاوامر كانت ان تنسحب قوات الشرطة من

اما المظاهرات فقط بسبب الانهاك لمدة 4 ايام

وان يكتفوا بتامين المنشئات ويتركوا

المظاهرات

ولما تم اتخاذ هذا القرار انفرط العقد وتمت مهاجمة كل ما ينتمي

للشرطة

وقال ان لواء سجون اغتيل من المساجين وتم الاعتداء على منزل اللواء

الشاعر مدير امن القاهرة

[زهرة الجبل]

سؤال مهم جدا خطر في بالي الآن

كل اللي اتمسكواكان معاهم :

سنجه .. مطوه .. سيف و أسلحه بيضاء كلها و شومه و حاجات كده

مين بقى اللي كانوا بيضربوا بالرصاص الحي و ماسكين أسلحه

و الناس اللي الأهالي قالوا عنهم في البلاغات انهم كانوا ماسكين اسلحه آليه من اللي اتسرقت من الأقسام ؟؟؟

دول فين و ليه ولا واحد من اللي اتمسكوا كان معاه سلاح من دول ؟؟؟

تم تعديل 29 يناير 2011 بواسطة زهرة الجبل

[أهااات روح]

سؤال مهم جدا خطر في بالي الآن

كل اللي اتمسكواكان معاهم :

سنجه .. مطوه .. سيف و أسلحه بيضاء كلها و شومه و حاجات كده

مين بقى اللي كانوا بيضربوا بالرصاص الحي و ماسكين أسلحه

و الناس اللي الأهالي قالوا عنهم في البلاغات انهم كانوا ماسكين اسلحه آليه من اللي اتسرقت من الأقسام ؟؟؟

دول فين و ليه ولا واحد من اللي اتمسكوا كان معاه سلاح من دول ؟؟؟

الى اتمسكو دول ومعاهم اسلحة بيضاء دول المجرمين والحرامية والبلطجية الى كانو فى السجون والشرطة خرجتهم

اما الى معاهم اسلحة اليه دول من الشرطة السرية وامن الدولةوعندهم تعليمات بنشر السرقة والقتل ونشر الفوضى على مستوى مصر كلها مش فى القاهرة بس

[اغابي]

خلاص بجد انا عمالة اعيط - بجد مش قادرة امسك اعصابى ولا دموعى

منظر المتحف المصري وهو متكسر بالشكل داه هاتجنن

الا اثار مصر وثروتها - مش قادرة اتخيل اثارنا بتتسلب من الجهلة والمجرمين

الشهود بيقولو ان سيارات الشرطة والاسعاف اللى اتسرقت من

قدام اقسام الشرطة والمستشفيات من البلطجية وقاطنى الجبال والشوارع الخلفية

هما شغالين ينهبو فى البلد ويكسروها - مش الشرطة يا جماعة - مش الشرطة

اه ياربي مش قادرة اتخيل ان مصر بتتنهب وتتسرق احنا مش هنقدر نعوض القطع الاثرية دي تانى - دى ثروة بلدنا

ياريت الشباب يحموا منشاتنا

يارب احمى مصر

يارب احمى مصر

انت هو ملجأنا وليس سواك

[شرف الدين]

على دريم 2

من إسلام

شاهد عيان

ناس تم إلقاء القبض عليهم ماسكين رشاشات وبيضربوا رصاص

المفاجأة تم اكتشاف انهم من الأمن المركزي

وخرجوا ورقة مصورة مكتوب عليها شعار الأمن المركزي

[pink rose]

هو الغباء وصل بيهم للدرجة دي

هما فاكرين الناس فراخ اول ما مجرمين يتهجموا على البلد الناس هاتخاف و تكش و ماحدش هايمسكهم و لا هايعرف هما مين

طب اهو طلع على دريم زي ما بتقولوا عشان و لا حد يقول الجزيرة و بتوقع و لا العربية بتشعلل

شكلهاايه بقى الداخلية دلوقتي

لما اتعرف ان كل المخربين منهم فيهم

حسبنا الله و نعم الوكيل فيك يا مبارك

[زهرة الجبل]

سؤال مهم جدا خطر في بالي الآن

كل اللي اتمسكواكان معاهم :

سنجه .. مطوه .. سيف و أسلحه بيضاء كلها و شومه و حاجات كده

مين بقى اللي كانوا بيضربوا بالرصاص الحي و ماسكين أسلحه

و الناس اللي الأهالي قالوا عنهم في البلاغات انهم كانوا ماسكين اسلحه آليه من اللي اتسرقت من الأقسام ؟؟؟

دول فين و ليه ولا واحد من اللي اتمسكوا كان معاه سلاح من دول ؟؟؟

الى اتمسكو دول ومعاهم اسلحة بيضاء دول المجرمين والحرامية والبلطجية الى كانو فى السجون والشرطة خرجتهم

اما الى معاهم اسلحة اليه دول من الشرطة السرية وامن الدولةوعندهم تعليمات بنشر السرقة والقتل ونشر الفوضى على مستوى مصر كلها مش فى القاهرة بس

مهو ده اللي احنا عارفينه .... بس يا رب يبقى رسمي

يعني هل ممكن زي ما دول اتمسكوا و اتزاع اسمائهم و اتصوروا علناً على شاشات التليفزيون يبقى كمان افراد الشرطه المتورطين كمان يتصوروا علناً و يتقال انهم دول متورطين و اسمائهم؟

[شرف الدين]

العظيمة ( في موقفنا هذا ) شيريهان حاليا على قناة الجزيرة

محدش يذلنا بالحرية اللي ادهالنا

الحرية دي حقنا