25 يناير ... موعد المصريين ( 9)

[fatfouta]

الجيش بيطفى الحرايق لكن واقفين بيتفرجوا عالمذابح

تم تعديل 2 فبراير 2011 بواسطة fatfouta

[الســـاري]

كنوز اكثر من سبعة الاف سنة حافظ عليها كل الفراعنة والملوك والخلفاء والسلاطين والمماليك ستذهب في عصر مبارك .. حسبي الله ونعم الوكيل

[المهندسه]

يا جماعه رئيس وزراء ايران بيقول لشعبه

ابشروا غدا سيصبح الشرق الاوسط كله معنا مع الامبراطوريه لان مصر قد سقطت

بيقول علينا كده ...بيقول على مصر سقطت...يا فرحه العالم فينا ...العالم كله كان مستنى اللحظه دى

انا مش مصدقه كل ال بيحصل فى مصر ده

على فكره ايران كان برده ليها يد فى ال بيحصل ده

دخلت ناس ودستهم وسط المصريين علشان الدنيا تولع اكتر

ياريت ترحل بقه يا ريس كفايه هنبقى فريسه ارحل ارحل

[مغتربة]

التلفزيون بيقول ماكنش فى حصنه و جمال

آه..صح

و مافيش كمان متظاهرين..دي رحلة منظماها مدرسة عباس بن فرناس الثانوية المشتركة- بنين

أقوللك علي حاجة...اطفي التليفزيون

و اسمعي الراديو أحسن

و البيان الى بعد كده

التلفزيون المصرى ينفى وجود ميدان اسمه ميدان التحرير فى العاصمه المصريه

[se_ Elsyed]

بداو بالفعل الخطوة الثانية بإشعال النيران في ميدان التحرير والمُجمع ومن في ميدان التحرير من الشباب الشرفاء

اما الخطوة القادمة فهي الهجوم على الاحياء السكنية وحرق من فيها وكذلك حرق المحال التجارية والمصالح الحكومية ...

[se_ Elsyed]

على فكره ايران كان برده ليها يد فى ال بيحصل ده

دخلت ناس ودستهم وسط المصريين علشان الدنيا تولع اكتر

ياريت ترحل بقه يا ريس كفايه هنبقى فريسه ارحل ارحل

حرام يا باشمهندسة .. حرررررررررام

وهي إيران بتحكمنا من 30 سنة وبتولع في الشعب من 30 سنة ؟

[fatfouta]

حولوها لمذبحة خلاص الميدان خلاص بقى مجزرة والله

لسه يا حيوان عاوز تمسك الحكم تانى؟؟؟؟

هيتكلم يقول ايه تانى والجيش فين من ده كله وفتحلهم الطريق ليه اصلا

الكل اتفق عالشعب الغلبان

الشرطة

الحكومة

الجيش

الحزب

البلطجية

انا هيجرالى حاجة والله هل هييجى اليوم اللى همشى فى ميدان التحرير واقول كان زمان هنا فيه حاجة اسمها المتحف المصرى؟؟؟؟؟؟؟؟؟؟؟؟

[شرف الدين]

حولوها لمذبحة خلاص الميدان خلاص بقى مجزرة والله

لسه يا حيوان عاوز تمسك الحكم تانى؟؟؟؟

هيتكلم يقول ايه تانى والجيش فين من ده كله وفتحلهم الطريق ليه اصلا

الكل اتفق عالشعب الغلبان

الشرطة

الحكومة

الجيش

الحزب

البلطجية

انا هيجرالى حاجة والله هل هييجى اليوم اللى همشى فى ميدان التحرير واقول كان زمان هنا فيه حاجة اسمها المتحف المصرى؟؟؟؟؟؟؟؟؟؟؟؟

أنا بقى يا فتفوتة خلاص كررت إني مش راجع مصر تاني لو النظام ده مرحلش

تفتكري دي بلد تستحق إن الواحد يعيش فيها

بجد انا مخي هينفجر

تم تعديل 2 فبراير 2011 بواسطة شرف الدين

[ComingSoon]

يا جماعه رئيس وزراء ايران بيقول لشعبه

ابشروا غدا سيصبح الشرق الاوسط كله معنا مع الامبراطوريه لان مصر قد سقطت

بيقول علينا كده ...بيقول على مصر سقطت...يا فرحه العالم فينا ...العالم كله كان مستنى اللحظه دى

انا مش مصدقه كل ال بيحصل فى مصر ده

على فكره ايران كان برده ليها يد فى ال بيحصل ده

دخلت ناس ودستهم وسط المصريين علشان الدنيا تولع اكتر

ياريت ترحل بقه يا ريس كفايه هنبقى فريسه ارحل ارحل

ممكن تعطينا رابط لهذا الكلام ؟ ولا هو كلام وخلاص

الحقيقة ان اسرائيل اكثر دولة ايدت النظام المصري طوال فترة المظاهرات

[pink rose]

هو فين؟

[jasmin hamed]

كده خلاص ضرب كل العصافير بحجر واحد خربها و قعد على تلها

[الغريب]

بالله عليكم اللي على الجمل ده مواطن مصري

[م تيمور المراغي]

بسم الله الرحمن الرحيم

بيان من المهندس الاستشاري / تيمور المراغي - architect

اخواني واخواتي الثوار الاحرار ,,

الان والآن فقط تأكدت والله من هم اهل الحق ومن هم اهل الباطل

اهل الحق تجمعوا اياما في ميدان التحرير لم تحدث منهم حالة خروج واحده على النظام بل كانوا متحضرين ايما تحضر وقاموا على صيانة المكان ونظافته وتامينه ,,

واهل الباطل من يقوم الآن بحرق مصر لكي يبقى الكلب جالسا على الكرسي

الجبان الخائن الذي اوقع الفتنه بين اهل مصر فلتموت ولتقتل المئات لا يهم في سبيل بقائه في منصبه

الحمد لله لقد استقام المنسم لكل ذي بصيره

قال الاقدمون قل لي من معك اقل لك من انت ,,

انظر للكلب مجدي الدقاق الكافر مع اي طرف وانت تعرف من هم اهل الباطل ,,

انظر لعمرو خالد و عمرو موسى واحمد زويل والدكتور البرادعي و شرفاء 6 ابريل وادمن خالد سعيد مع من تعلم من هم اهل الحق ,,

فهل في ذلك قسم لذي حجر ,,

ايا شعب مصر الثائر ,,

قد آمنا بك وصدقناك ، وشهدنا أنك على الحق ، وأعطيناك على ذلك عهودنا ومواثيقنا ، على السمع والطاعة ، فامض في ثورتك لما أردت فنحن معك ، فوالذي اقسم بعزته وجلاله ان ينصر المظلوم ولو بعد حين ، لو استعرضت بنا هذا البحر فخضته لخضناه معك ، ما تخلف منا رجل واحد ، وما نكره أن تلقى بنا عدونا غدا ، إنا لصبر في الحرب ، صدق في اللقاء . لعل الله يريك منا ما تقر به عينك ، فسر بنا على بركة الله . فسر رسول الله صلى الله عليه وسلم بقول سعد ، ونشطه ذلك . ثم قال : سيروا وأبشروا ، فإن الله تعالى قد وعدني إحدى الطائفتين ، والله لكأني الآن أنظر إلى مصارع القوم

وموعدنا مع المفسدين يوم الجمعه بعد الصلاة ان شاء الله ,,

بسم الله الرحمن الرحيم

﴿ وَأَعِدُّواْ لَهُم مَّا اسْتَطَعْتُم مِّن قُوَّةٍ ﴾

صدق الله العظيم

موعدنا بعد الغد

ان شاء الله ,,

[مغتربة]

من مصراوى

الجيش يدفع بعناصر مشاه لفض اشتباكات التحرير

[المهندسه]

يارب يارب يارب

[أحمد سيف]

لكل من راهن على تغير سلوك نظام مبارك البلطجي ... هاهي الإجابة تأتيكم بلا إبطاء ... ولكن ********** ... بئس ما أخترتم لأنفسكم ... يا شعب مصر الأبيّ الصامد ... هذه ساعة الحسم ... لننزل جميعا الى الشوارع لنساند إخواننا وندافع عن الثورة ضد نظام الإجرام والبلطجه والإرهاب ... هذا النظام المجرم يخوض معركته الأخيرة ضد الشعب فلننتصر فيها

[akramgroup]

حسبى الله ونعم الوكيل

الموضوع خطيييييييييييييييييييير

مش معقول انا مش مصدق اللى بيحصل

بعد الواجهه المشرفه لشعب مصر والروح المعنويه العاليه بعد ما شفنا شعب مصر الحقيقى

وقولنا كل الفئران دخلت الجحور ومحدش قادر يوقف امام رغبة الشعب والشباب الواعد ده كله

يطلع شويه الصيع والزباله دول اللى ميعرفوش يفكوا الخط يقلبوا الموازين كده

كل ده بسبب الفاسدين الكبار

البلد هاتنضف ازاى

مش عارف هانعمل ايه فى الفاسدين دول كلهم

يموتوا كلهم عشان نرتاح من كم الفساد ده

ربنا يستر على الشرفاء

يارب متذلناش لحد يارب

وارحمنا وارفع مقتك وعضبك عنا ياارحم الراحمين

[pink rose]

عاجل من الميدان:مع اعتراف بعض المقبوض عليهم من راكبي الخيل و الجمال بميدان التحرير, اعترفوا انهم مأجورين بواسطة كمال الجبري عضو مجلس الشعب عن دائرة نزلة السمان

[jasmin hamed]

القناه الاولى بتقول اشتباكات بين دعاة الاستقرار و المناهضين

السؤال دعاه الاستقرار معاهم مولوتوف ليه

[شرف الدين]

لكل من راهن على تغير سلوك نظام مبارك البلطجي ... هاهي الإجابة تأتيكم بلا إبطاء ... ولكن المنافقين والمرجفين والمغيبين ... بئس ما أخترتم لأنفسكم ... يا شعب مصر الأبيّ الصامد ... هذه ساعة الحسم ... لننزل جميعا الى الشوارع لنساند إخواننا وندافع عن الثورة ضد نظام الإجرام والبلطجه والإرهاب ... هذا النظام المجرم يخوض معركته الأخيرة ضد الشعب فلننتصر فيها

أؤيدك تماما يا أستاذ أحمد

اسمعوا النكتة دي من المرجفين

واحد دلوقت على قناة الجزيرة

بيقولك احنا لحد دلوقت ماسكين 3 باكستان دخلوا طنطا من غير جوازات