25 يناير ... موعد المصريين (17)

[fatfouta]

الجزيرة : 2000 موظف بمدينة الانتاج الاعلامي يتظاهرون ويطالبون بإقالة انس الفقي وزير الاعلام .

[rewsha]

العربية

العربية:عـاجل: النائب العام المصري يتهم رسمياً أحمد عز بالفساد ويطلب من مجلس الشعب رفع الحصانة عنه

نفسي أشوفك يا حمادة وانت قاعد قدام النيابة مش عارف تتكلم كلمتين علي بعض

بس تفتكروا انه هيتحاكم بجد؟؟؟

أنا طبعاأتمني..بس مش لوحده..لو هيتحاكم

يبقي يتحاكم معاه جمال اللي اداله الصلاحيات دي كلها

و بعدين اللي مخليني شاكك أصلا انه ممكن يتحاكم محاكمة عادلة..إنه لو لقي نفسه رايح

في داهية..هيجيب وراه بلاوي..ويطلع عليهم القديم و الجديد

وهيجيب رجلين ناس كتير ممكن يكونوا لسه ماسكين مناصب الي الآن

عشان كده أنا حاسس - و يارب احساسي يطلع غلط -..انه هيطلع منها في الآخر

علي الأقل طول ما مبارك لسه في مصر

هوه فين مجلس الشعب؟؟؟؟؟

وله هايرفعوها عنه بالموبايلات؟

[الغريب]

أتوقع والله أعلم.. التنازل الجاي حل مجلس الشعب

[أسد]

توفى الى رحمة الله تعالى الفريق سعد الدين الشاذلي الصلاة غدا على الفريق بعد صلاة الجمعة في مسجد أبو بكر خلف شيراتون مصر الجديدة #Jan25

RT @memam8: وفاة سعد الدين الشاذلي القائد البطل صانع نصر أكتوبر..مات بعد أن إطمأن عليكي يا مصر .. الوداع لرجل من أخلص وأندر رجالك يا مصر #Jan25 #Egypt

رحم الله البطل العظيم "سعد الدين الشاذلي"

رجل سيسطر التاريخ ذكراه بمداد من ذهب

[الغريب]

سليمان: بعض تصريحاتى لقناة (أيه بى سى الامريكية) أخذت على محمل غير صحيح

أكد السيد عمر سليمان نائب رئيس الجمهورية أن بعض الجمل من تصريحاته لقناة (أيه بى سى الامريكية) أخذت على محمل غير صحيح وخاصة تعليقه حول التحول الديمقراطى فى مصر حيث أكد أنه مؤمن بالديمقراطية

وقال أننا نسعى لأن تنتشر ثقافة الديمقراطية بمصر .. وأن أى تفسير آخر لهذه العبارات هو تفسير مغلوط وفى غير محله.

وأكد نائب رئيس الجمهورية فى بيان له اليوم أنه أكد فى أكثر من بيان تقديره لحركة شباب 25 يناير ، وأنها تحرك يؤكد الديمقراطية التى تعيشها مصر ،موضحا أن الحوار الوطنى الذى يجريه والتعديلات الدستورية التى تم طرحها من أهم دعائم ودلائل هذا التحول الديمقراطى.

لو عم س س قال سمحوه هنسامحه

تم تعديل 10 فبراير 2011 بواسطة الغريب

[aimen]

توفى الى رحمة الله تعالى الفريق سعد الدين الشاذلي الصلاة غدا على الفريق بعد صلاة الجمعة في مسجد أبو بكر خلف شيراتون مصر الجديدة #Jan25

RT @memam8: وفاة سعد الدين الشاذلي القائد البطل صانع نصر أكتوبر..مات بعد أن إطمأن عليكي يا مصر .. الوداع لرجل من أخلص وأندر رجالك يا مصر #Jan25 #Egypt

رحم الله البطل العظيم "سعد الدين الشاذلي"

رجل سيسطر التاريخ ذكراه بمداد من ذهب

عاجل || دعوات من داخل الميدان بصلاة الجنازة على الفريق الشاذلي الذي ظلمه النظام ويقول الشباب إن خروج الفقيد من ميدان التحرير هو التكريم اللائق بشخص أحبه شعبه وأحب وطنه وأعطى مصر بلامقابل

[pink rose]

أتوقع والله أعلم.. التنازل الجاي حل مجلس الشعب

و الله العظيم هو لو يحل مجلس الشعب و يستقيل من الحزب و يلغى قانون الطوارئ

الناس هاتهدى و ممكن يوافقوا انه يفضل رئيس لحد سبتمبر

فيها ايه هو لو عمل كده و وفر على البلد اللي لسا جي و الله اعلم بيه

فيها ايه بس و لا ندخل بقى في مين بعده و لا عمر سليمان دا ينط و يلزق فيها

يا اخي معروف عنك انت مخك كويس و بيقولوا عليك ذكي ليه ما تهديش الشعب و ما حدش هايعملك حاجه انت عارف ان الناس طيبة (مش هبلة)عشان فرق كبير اوي

لكن هما عندهم اصل و اصلهم طيب دا اللي بيشيل كفنه و يروح لاهل اللي قتله بيسامحوه

عاندت معاهم و هما احسن ناس تعند و تركب دماغها

حل مجلس الشعب و الغي قانون الطوارئ و استقيل من الحزب اللي بوظ البلد و الناس هاتسيبك تخرج بكرامة مع انك عملت فيهم كتير

تم تعديل 10 فبراير 2011 بواسطة remo

[fatfouta]

عااااااااااااااااااااااااااااااجل

عن قناة الحرة الآن

الرئيس مبارك يعتزم نقل جميع سلطاته كقائد اعلى للقوات المسلحة للجيش المصرى

معناه ايه الكلم ده يا ولاد حد يفهمنى يعنى سلطاته كقائد اعلى بس ولا كرئيس؟؟؟؟؟؟؟؟؟؟؟؟

تم تعديل 10 فبراير 2011 بواسطة fatfouta

[مسافر]

صفحات من حياة سعد الدين الشاذلي

[ نص خطاب الذي وجهه إلى النائب العام

السيد النائب العام :

تحية طيبة.. وبعد

أتشرف أنا الفريق سعد الدين الشاذلي رئيس أركان حرب القوات المسلحة المصرية في الفترة ما بين 16 من مـايو 1971 وحتى 12 ديسمبر 1973، أقيم حاليا بالجمهورية الجزائرية الديمقراطية بمدينة الجزائر العاصمة وعنواني هو صندوق بريد رقم 778 الجزائر- المحطة b.p 778 alger. Gare بأن اعرض على سيادتكم ما يلي :

أولا: إني أتهم السيد محمد أنور السادات رئيس جمهورية مصر العربيـة بأنه خلال الفترة ما بين أكتوبر 1973 ومايو 1978، وحيث كان يشغل منصب رئيس الجمهورية والقائد الأعلى للقوات المسلحة المصرية بأنه ارتكب الجرائم التالية:

الإهمال الجسيم

وذلك انه وبصفته السابق ذكرها أهمل في مسئولياته إهمالا جسيما واصدر عدة قرارات خاطئة تتعـارض مع التوصيات التي أقرها القادة العسكريون، وقد ترتب على هذه القرارات الخاطئة ما يلي:

نجاح العدو في اختراق مواقعنا في منطقة الدفرسوار ليلة 15/16 أكتوبر 73 في حين انه كان من الممكن ألا يحدث هذا الاختراق إطلاقا.

فشل قواتنا في تدمير قوات العدو التي اخترقت مواقعنا في الدفرسوار، في حين أن تدمير هذه القوات كان في قدرة قواتنا، وكان تحـقيق ذلك ممكنا لو لم يفرض السادات على القادة العسكريين قراراته الخاطئة.

وبعد

عاد عام 1992 إلى مصر بعد 14 عاماً قضاها في المنفى بالجزائر وقبض عليه فور وصوله مطار القاهرة وأجبر على قضاء مدة الحكم عليه بالسجن دون محاكمة رغم أن القانون المصري ينص على أن الأحكام القضائية الصادرة غيابياً لابد أن تخضع لمحاكمة أخرى.

وجهت للفريق للشاذلي تهمتان الأولى هي نشر كتاب بدون موافقة مسبقة عليه، واعترف " الشاذلي " بارتكابها. أما التهمة الثانية فهي إفشاء أسرار عسكرية في كتابه، وأنكر الشاذلي صحة هذه التهمة الأخيرة بشدة، بدعوى أن تلك الأسرار المزعومة كانت أسرارًا حكومية وليست أسرارًا عسكرية.

وأثناء تواجده بالسجن، نجح فريق المحامين المدافع عنه في الحصول على حكم قضائى صادر من أعلى محكمة مدنية وينص على أن الإدانة العسكرية السابقة غير قانونية وأن الحكم العسكري الصادر ضده يعتبر مخالفاً للدستور. وأمرت المحكمة بالإفراج الفورى عنه. رغم ذلك، لم ينفذ هذا الحكم الأخير وقضى بقية مدة عقوبته في السجن، وخرج بعدها ليعيش بعيدًا عن أي ظهور رسمي.

ظهر لأول مرة بعد خروجه من السجن على قناة الجزيرة في برنامج شاهد على العصر في 6 فبراير 1999.

الجدير بالذكر أن الفريق الشاذلى هو الوحيد من قادة حرب أكتوبر الذي لم يتم تكريمه بأى نوع من أنواع التكريم, وتم تجاهله في الاحتفالية التي أقامها مجلس الشعب المصري لقادة حرب أكتوبر والتي سلمهم خلالها الرئيس أنور السادات النياشين والاوسمة كما ذكر هو بنفسه في كتابه مذكرات حرب أكتوبر. على الرغم من الدوره الكبير في إعداد القوات المسلحة المصرية, وفى تطوير وتنقيح خطط الهجوم والعبور، واستحداث أساليب جديدة في القتال وفى استخدام التشكيلات العسكرية المختلفة، وفى توجيهاته التي تربى عليها قادة وجنود القوات المسلحة المصرية.

والختام نسأل الله ان يتغمده برحمته ويسكنه فسيح جناته

[Simba]

عااااااااااااااااااااااااااااااجل

عن قناة الحرة الآن

الرئيس مبارك يعتزم نقل جميع سلطاته كقائد اعلى للقوات المسلحة للجيش المصرى

معناه ايه الكلم ده يا ولاد حد يفهمنى يعنى سلطاته كقائد اعلى بس ولا كرئيس؟؟؟؟؟؟؟؟؟؟؟؟

معناه اعلان الاحكام العرفية

ربنا يستر

[مسافر]

كده بيحرق الجوكر

[fatfouta]

ظابط قوات مسلحة: فى خلال ساعة سيصدر بيان من القوات المسلحة

[جويرية]

عااااااااااااااااااااااااااااااجل

عن قناة الحرة الآن

الرئيس مبارك يعتزم نقل جميع سلطاته كقائد اعلى للقوات المسلحة للجيش المصرى

معناه ايه الكلم ده يا ولاد حد يفهمنى يعنى سلطاته كقائد اعلى بس ولا كرئيس؟؟؟؟؟؟؟؟؟؟؟؟

معناه ان الجيش لما يموت الناس ، يبقي هوه الرئيس ملوش ذنب

[fatfouta]

الحرة

حسام بدراوي : اتوقع ان يستجيب مبارك لمطالب الشعب بعد غد

,وفى البى بى سى بيقول ان حشام بداروى قال قبل غد مش بعد غد

تم تعديل 10 فبراير 2011 بواسطة fatfouta

[pink rose]

لا فهمونا يا اخوانا بالراحة الله يكرمكم

يعني ايه الخبر دا

يعني ايه الاحكام العرفية دي؟

[Simba]

ظابط قوات مسلحة: فى خلال ساعة سيصدر بيان من القوات المسلحة

اكيد لازم يكون فيه اي خطوة من الحكومة والجيش قبل خطوة المتظاهرين بكرة

واي كان غضب المتظاهرين الا في النهاية مستحيل ان حد فيهم هيواجه الجيش

الناس كانت بتواجه الشرطة مش علشان بس بتفض مظاهراتهم بالقوة لا علشان الرواسب القديمة اللي جوه الناس من فساد الشرطة

انما الجيش غير الشرطة

حتي لو كان بيحمي النظام

مفيش عداء بينهم

علشان كده انا مطمن ان المواجهة شبه مستحيلة مع احتمالية ان الاعتصام يتفض خلال ساعات الليل

باي حال المكاسب اللي اتحققت الفترة اللي فاتت مش شوية

وربنا يسترها

[جويرية]

في اجتماع للمجلس الاعلي للقوات المسلحة

يا رب يخلوا عندهم دم و ينحوا الرئيس

[Om Zayd]

يا رب

يا رب

يا رب

[pink rose]

يا جماعة انا قلبي دلوقتي واقع في رجلي

يعني كده الجيش مع الناس و لا مع النظام

هيضرب الناس و لا هايقول لمبارك اتنحى

[fatfouta]

الجزيرة مباشر...

المجلس الاعلى للقوات المسلحه يجتمع الان لدراسه الموقف من الظروف الحالية