25 يناير ... موعد المصريين (10)

[لماضة مصرية جدا]

السلام عليكم و رحمة الله و بركاته

و الله العظيم...حرام...حرام اللي بيحصل فينا دوت

مش بتكلم بس عن الشباب بتوع ميدان التحرير

بتكلم عن الحوارات اللي بقراها من امبارح.....علي الفيس بوك.....و ع صفحات الانترنت.....و للاسف هنا كمان في المكان اللي بحترمه و بقدره

يا جماعة الخير.....الله يرضي عنكم......الله يرحمنا جميعا و يرحم امواتنا و يرحم الاحياء مننا......

الوقت دلوقتي....مش وقت كل واحد يطلع يفند و يحلل و يدافع و يبريء ذمته....من التاني....مع ان التاني مصري برضه

الوقت ده مش بتاع ان حد يطلع يقولنا يا جماعة بلاش تسخين.....

هو انتو فاكرين اللي كام بوست اللي حد بيحطهم هنا و لا هناك هم دولم اللي تسخين.....

و الله اني حزينة و مصدومة......و وصلت لحالة يأس بس عارفة مش وقتها دلوقتي خاااااااالص

التسخين حصل لينا كلنا.....خلاص...بالقرارات الغلط...و بالقمع اللاانساني

...اللي كان ليه في اللية و اللي مكنشي ليه و اللي كان واقف لسه ع البر لسه مش فاهم ايه اللي بيحصل....(ف وقت كتير ببقي مش فاهمة...مين ضرب مين)

التسخين حصل لينا كلنا.....لما شفنا الجمال و الاحصنة بتطلع تدهس الناس في الشوارع...(و دي كانت اول المطرة....و لسه هترخ)

دلوقتي اعتبروا ان فيه شباب....اخواتنا واقفين في وسط الميدان.....

مش يمكن عايزين يخرجوا.....

مش يمكن عايزين يقعدوا و يتظارهوا سلمي...حقهم.....مهما اعترضنا...بس برضه لازال حقهم....و لا زال حقنا ان احنا نسمع وجهتين و نثبت....مش كل شوية نتلخلخ...و نط من اقصي اليمين لليسار

الوقت دلوقتي نحميهم ازاي........نحافظ علي أ رواحهم ازاي

و بعد كده نبقي نتكلم عن الاجندات....و المخططات

يا عالم بكرة الجمعة....الناس هترح تصلي و هي بتقول السلام عليكم هتستدعي في لمح البصر صورة الشباب امبارح و هو طالع عليه شاب زيه برضه علي جمل و الاتنين بيضربوا في بعض

الناس كده كده هتطلع......الناس مش ممكن تقف.....لا مداخلة لينا هنا.....و لا بوست علي وول....و لا اللي حط ايقون ة فيها صورة الريس و التاني رد عليه بايقونة فيها ميدان التحرير

انتو مش شايفين خلاص الوقت فاااااااااااااااااات

كل ثانية بتعدي.....معناها اني احتمال افقد شاب مصري في الميدان

مش هيمهني هو بلطجي و لا كان من اللي وقفوا يوم 25 يناير...

اللي هيمهمني اني هنادي عليه و مش هيرد عليا و هقعد طول عمري بحسرتي عليه...و هفضل بقية العمر بسال نفسي.....باي ذنب قتلت.....محدش هنيفعني ساعتها

يا جماعة خلونا نفكر....نامن الناس دي ازي

مبتكلمشي عن المعتصمين فقط....بتكلم...نأمن المصريين كلهم ازاي

ارحمونا بقي

مش وقت الفرقة خااااااااااااااااالص

لما احنا حالنا كده و احنا قاعدين علي المنتدي....اومال الناس اللي في الميدان تعمل ايه...و هي بتقضي ليلة ورا التانية...و محدش عارف اخرتها ايه

خلونا نتوحد علي هدف واااااااااااااااااااحد......

انقاذ المصريين.....المصريين...المصريين....في ميدان التحرير

طب ليه منفكرشي الناس في مصر زي ما حمت بعضها اليومين اللي فاتوا هم نفسهم يعملوا

لجان شعبية لحماية المظاهرات السلمية

يعملوا لجان شعبية لتامين المداخل و المخارج

يعملوا لجان شعبية للتواصل مع الجيش

اللجان دي تبقي حيادية....لا هي مع دولم و لامع دولم....هي بتحمي....و للاسف بقت بتحمينا من بعض

الامر عايز تدخل......تدخل من الناس...و مش هنقدر نستني اي تدخل تاني من الدولة

خلوا الهدف.....ان احنا بس نطلع بكل اللي ف ميدان التحرير...من غير نقطة دم.....لا شباب فيس بوك..و لا بلطجية....و لا جيش

و بعد كده نبقي نجيبهم و نصنفهم...و نشوف

و بعد كده

نبقي نيجي هنا.....و نرجع تاني نقطع في بعض

المكان الشارع....و الهدف هو الناس اللي في الشارع

لا حول و لا قوة الا بالله العلي العظيم

و الله العظيم.......الغوا النت....اقفلوه......يا ريته ما اتفتح...يا رتني ما شفت اللي حاصل

رحمتك يا رب

[عنبو]

http://www.youtube.com/watch?v=wxIFHu0pK1Q&feature=player_embedded#

هدية لكل اللي بيتفرج على المحور و قنوات التليفزيون المصري

هيطلع دلوقتى واحد احول يقولك بلاب فضل مأجور وعميل واللواءت اللى طلعت امبارح وتكلمت منهم لواء مخابرات اسمه محمود حاجه كده

برده عميل ولواء شرطه ايضاً طلع كان زميل وزير الداخليه محمود وجدى برده عميل

الناس دى كلها عملاء ولا يوجد شريف الان فى مصر الا اعضاء الحزب الوطنى

[moory]

يا جماااعة في ناس كتير في مصر حصلها غسيل مخ من الاعلام

انا لسه بتكلم مع اخويا في مصر،

لقيتو بيقولي انا بأيد الرئيس مباررك الحكييم

أحتسب الصبر

تم تعديل 3 فبراير 2011 بواسطة Salwa

[Alshiekh]

إلى كل المتخوفين من أن نكون عراق أخرى

بإذن الله لم ولن نكون .. لأننا لسنا طوائف ... ولا أعراق ... ولا جنسيات مختلفة

وإذا كان قصدكم الصراع بين الحق والباطل .. بين الشرفاء اللي بيكتبوا التاريخ في ميدان التحرير الان .. وبين كلاب النظام الذين لا يمثلون 1 % من الشعب المصري ... فهؤلاء مكانهم السجن أو الموت حرقاً ....

إذن لا مجال لحرب طائفية

بالله عليكم .. بعد أن قضت اللجان الشعبية اللي كونها أخويا واخوك وكل شباب مصر وزهرة أملها .. هل سمعتم عن حادثة واحدة حصلت ولو حد غسيله إتسرق حتى ؟

هل سمعتم عن محل إتنهب أو سوق ولعوا فيه ؟

هل رأيتم الشباب طوال الأسبوع الماضي وهو يكنس ويمسح ميدان التحرير وحالة التناغم الموجودة بين الجميع ؟

هل شاهدتم الـ 8 مليون في جميع محافظات مصر وهم يهتفون ضد الباطل ؟

وهل رأيتم الباطل باعينكم بالأمس وهو يحرق البلد باكملها لكي تكون له الغلبة والحكم ؟

تعرف يا س س

لو كان النظام الاهبل ده استخدم جنود الامن المركزى وأمن الدولة فى أمن الوطن والمواطن بدلا من أمن الرئيس

كانت مصر تبقى افضل الف مرة فى خدمة النجدة من دول كثيرة حولنا. يقال ان عدد افراد وزارة الداخلية مع الامن المركزى يبلغ مليون وسبعمائة الف.

كنت تطلب النجدة تلاقيها عندك فى دقيقتين

لكن أمن المواطن مالوش لازمة ، المهم محدش يفتح بقه

[hOuSsAm]

مصر بتتباع ب 300 جنيه

واسفاه

الناس بيضرب عليها رصاص حى عشان 300 جنيه

الناس فى مديان التحرير بتسال احنا ليه بيتعمل فينا كدة

ايه الغلط اللى عملناه

كل ده عشان بنقول للظلم لا

حسبنا الله ونعم الوكيل

غسلوا اديهم بدم الشباب

ومن يحب ان يشارك فى غسيل الايدين الدم كتير

واللى مش هيلاقى دم يجى ياخد من دمى

عشان بقى حلال خلاص

طالما حلال على شباب التحرير فبقى حلال على كل مصرى

خلاص ياخونا دم المصريين بقى حلال على اى حد

هيبقى ليه تمن بس يوم ميحصل حاجة بكره غير كدة فلا تلموا اى حد

حسبى الله ونعم الوكيل

[م تيمور المراغي]

التسخين حصل لينا كلنا.....خلاص...بالقرارات الغلط...و بالقمع اللاانساني

...اللي كان ليه في اللية و اللي مكنشي ليه و اللي كان واقف لسه ع البر لسه مش فاهم ايه اللي بيحصل....(ف وقت كتير ببقي مش فاهمة...مين ضرب مين)

التسخين حصل لينا كلنا.....لما شفنا الجمال و الاحصنة بتطلع تدهس الناس في الشوارع...(و دي كانت اول المطرة....و لسه هترخ)

تعرفي يا لماضه لغاية امبارح الصبح كان فيه انقسام في الرأي في الخطوه المقبله بعد خطاب مبارك الثاني ,,

وانا نفسي كنت مع الرأي اللي بيقول نصبر على الراجل كام شهر لحد ما يغور ونبدأ نبني مصر على نضافه ,,

لكن الرأي المقابل كان والله ليه بعد نظر ان الرجل ده بيحرق اي حد يخالفه بدأا من اي شريف في مصر الجنزوري وعمرو موسى انتهاءا ببورسعيد ودول افريقيا ,,

وبعدها بكام ساعه فوجئنا به يطلق على المفروض انهم ولاده بلطجية الحزب بتوع الانتخابات ومسجلي الخطر بتوع وزير السجون الجديد ,,

البلطجيه من سفالتهم واقفين امام الشابات الثائرات بيعملوا حركات يعف لساني عن ذكرها ,,

اقول لكل مخالف ترضى اختك او بنتك تشوف المناظر دي ويبقى هم الحكام والمنتصرين والمتحكمين فينا ؟؟

عارفين امبارح البيوت ليه باتت آمنه ما طلعش عليهم البلطجيه ؟؟

عشان الثوار الشرفاء لم ينكسروا واستمروا في الصمود ..

عارفين لو الثوار دول سمعموا كلام *** و انسحبوا ؟؟

شوفوا الليله لو مانزلوا سيداتنا وبناتنا في الشوارع بقمصان النوم قولوا عليا مابفهمش ,,

اقول لكل مرجف ,,

حرام عليك احنا بندافع عن شرفك وعن بيتك وعن عرضك من ناس حتطلع على شقتك انت الليله وتفعل بك الافاعيل ..

احنا اللي واقفين لهم وحنسحقهم والله بعد صلاة الجمعه ان شاء الله ,,

بكره سيميز الله سبحانه الخبيث من الطيب ,,

والثوار على قلب رجل واحد والمجتمع الدولي كله في صفنا ,,

[moory]

لو الرئيس لم يتنحى و استمر في عناده الغبي

مش هيكون فيه غير حلين

1. تدخل الجيش، لو الجيش انحاز للناس (يااا رب) ، عزله او حتى تهريبه

2. تدخل خارجي، ونصبح عرااق أخر

لن نكون عراق آخر أبدا

أؤمن بذلك بقوة

لن يحدث

شباب الثوار كانوا بيغسلوا ميدان التحرير بالماء والصابون ويمسكون الاكياس ويجمعون القمامه

شباب الثوره كلهم مثقفين ومحترمين وجامعيين يملؤهم الامل والحب الحقيقي لمصر ,,

بلطجية مبارك من المسجلين خطر وارباب السوابق ومدمني المخدرات ,,

لو دول اللي انتصروا حيمسكوا البلد وحيطلبوا المكافأه من النظام ووالله ما حيرحموا فتاه ولا سيده ولا رجل عجوز ,,

شعب مصر الحر عرف امس خلاص مين اللي هجموا عليهم في البيوت وسرقوا وحرقوا واغتصبوا

شعب مصر دلوقتي شايف مين الوطني المخلص ومين المسجل خطر ,,

وسبحان الله

زي مايكون ربنا اعطانا امس رساله

كان الشرفاء من اهل اليمين

وكان المسجلين خطر على يسار الشاشه !!

اللهم اكتبنا من اهل اليمين ,,

واكييد كلنا عمرنا ما هانرضى اننا نكون عرااق اخرى

احنا دلوقتي في مرحلة انقسام حقيقي بين الشعب،

وبالذات الناس الي فصر

والسبب الحقيقي هو الاعلام

ماحدش شاف الي الشرطة علمتو،

ماحدش شاف اي حاجة من الكلام ده

فأنا بدعو كل الناس انها تعمل شييير لكل الصور الي تثبت خيانة الشرطة لينا

ده ممكن يعمل نوع من انواع الوقفة مع الناس العاقلة الي ترددت

[arkan]

أحمد شفيق على قناة الحياة

[se_ Elsyed]

استاذى الفاضل ابو محمد احييك - فعلا - اغلب الشباب - مشيو بيوتهم خلاص

- اتاكد ان اغلب اللى موجودين حاليا ماجورين وعملا وخونة من احزاب معارضة وجهات دولية

وفى شاهد عيان على قناه العربية قال

ان فى واحد بيرش عليهم اوراق مالية من فئة 200 ج بجانب توزيع الوجبات السريعة والمشروبات لشراء بقاؤهم فى الميدان

من هؤلاء اللذين يشترون بقاء الشباب فى الميدان - لا احد يقول لى الشباب الشرفاء اصحاب موقف 25 يناير

ولا احد يقول لى انهم حركة 6 ابريل او شباب الفيس بوك

ولا احد يقول لى الله على تعاون وحب شعبك يا مصر - وشوف المصريين - وبيبعتولهم فلوس واكل

إنتي بتتكلمي جد ؟

طب لو إنتي وبتحبي مصر كنتي قبلتي 200 ج ووجبة كنتاكي عشان تتظاهري ؟

ولو إتظاهرتي وحصل قتل .. كنتي هاتفضلي مكانك ولا تمشي خوفاً على حياتك ؟

حرام عليكم اللي بيقرا الكلام ده ويصدقه .. يبقى له الحق يروح ومعاه عبوة مولوتوف ويقتل الناس دي شر قتلة

[arkan]

والنهاردة التفاوض ولم يتعذر احد من المتفاوضين

على المحور الان

بيدعو للهدوء ومالا يدرك كله لا يترك كله

بيدعو الشيوخ للتهدئة

وبنعتذر عما دار امبارح لسوء فهم

سيطرح ما حدث وكيف المحاسبة

[م تيمور المراغي]

حزب الوفد على قناة الجزيرة :

بالامس كنا موافقين على التفاوض مع نظام مبارك ,,

ولكن بعد اجرام النظام امس ,,

فلن نتحاور مع اي شخص في النظام

[moory]

يا جماااااعو لازم نعمل ما هو اكثر من الكلام

الدعاء لوحده هو اضعف الايمان

واحنا ممكن نشاارك اكتر من كده

اعملو شيير لكل الصور و الفيديوهاات التي تثبت اجراام النظام

انشرهااا في كل مكان

الفيس بوك، المنتديات الأخرى، تويتر

اعلن عن رأيك بكل قوة

ما تحللش كتيير، شبعنا تحليلات

عايزين نعمل، نتحرك،

[م تيمور المراغي]

شاهد الآن يا أبا محمد

هجوم البلطجية على الشباب

شاهد هجوم البلطجية على خيرة شباب مصر

تحت سمع وبصر الداخلية والجيش

بدأت محترمة يوم 25 يناير .. استقطبت تأييد وتعاطف الجميع شبابا وشيوخا وأطفالا .. ثم توالت الأخطاء من الجانبين ..

أهم خطأ من جانب مبارك هو تأجيل خطاب الأمس إلى ما بعد يوم الجمعة الماضى

أهم خطأ من شباب هذه الثورة الطاهرة هو عدم الاحتفال بالنصر فور إلقاء الخطاب ..

أنا يا سيدى لا أدرى إن كان من يقفون الآن فى ميدان التحرير هم أنفسهم من قاموا يوم 25 يناير بالعمل الجليل .. لا أدرى .. أشك .. لا بل شبه متأكد أن من بقى فى الميدان هم من ركبوا الموجة .. إنهم يتلقون الأموال والوجبات الآن

هؤلاء ليسوا هم أبناء الوطن المخلصين .. أنا أعرف أين أبناء البلد المخلصين .. إنهم من يقفون تحت نافذتى الآن وفى يد كل منهم سلاح ومن بينهم ولداى (أدعو الله أن يحميهم جميعا) ..

كم بلطجى الآن فى ميدان التحرير ؟.. كم عدد المنتظرين خلع الرئيس قبل أن يغادروا المكان ؟ ..

أستطيع أن أقول لك إنهم لا يصلون إلى عدد من يقفون الآن فى شوارع الحى الذى أسكنه والحى المجاور .. لا ينامون ..

لا يصل عددهم إلى عدد من رأيتهم فى نهار اليوم فى شوارع الاسكندرية ينظمون المرور ويرفعون القمامة إلى عربات النقل التى استأجرها أهل الحى ..

هؤلاء هم شباب مصر المخلصون حقا

أما من يقفون الآن فى ميدان التحرير ينتظرون لحظة خلع الرئيس

وأما البلطجية الذين يهاجمونهم

فأنا أعرف أنهم لا يعنيهم الوطن فى قليل أو كثير .. كلاهما دُمى .. عرائس بخيوط .. أعرف اليد التى تمسك بخيوط البلطجية .. أما خيوط من ينتظرون لحظة خلع الرئيس فالأيادى التى تمسك بها كثيرة .. كثيرة .. كثيرة

مرة أخرى

أهنئكم على التلغراف الذى وصل من أمريكا ومن الاتحاد الأوروبى وفيه كلمتكم وكلمة من هم فى الميدان ولكن بالانجليزية NOW

bv:- bv:- bv:-

استاذى الفاضل ابو محمد احييك - فعلا - اغلب الشباب - مشيو بيوتهم خلاص

- اتاكد ان اغلب اللى موجودين حاليا ماجورين وعملا وخونة من احزاب معارضة وجهات دولية

وفى شاهد عيان على قناه العربية قال

ان فى واحد بيرش عليهم اوراق مالية من فئة 200 ج بجانب توزيع الوجبات السريعة والمشروبات لشراء بقاؤهم فى الميدان

من هؤلاء اللذين يشترون بقاء الشباب فى الميدان - لا احد يقول لى الشباب الشرفاء اصحاب موقف 25 يناير

ولا احد يقول لى انهم حركة 6 ابريل او شباب الفيس بوك

ولا احد يقول لى الله على تعاون وحب شعبك يا مصر - وشوف المصريين - وبيبعتولهم فلوس واكل

لازم نتاكد ان الموقف اتحول 180 درجة يا محاوراتية - اى نعم يوم 25 يناير كانت مطالب مشروعة ويوم مشرق - لكن اللى موجودين حاليا

اهداف خارجية وبعيد عن مصر وامن مصر - انتم احرار - اللى موجودين حاليا فى الميدان خونة وعملاء وباعو مصر لليدفع اكتر

وبرغم كل داه انا خايفة على اراقة الدماء - على ارضنا الطاهرة - لان فى عناصر منهم لسة بريئة ومسكينة ولا حول لهم ولا قوة

اتمنى من الله ان يزيل الغمة لان ما يتربص لنا فى الايام القادمة اسوأ بكثير من عهد مبارك على الاقل من ناحية دول الجوار والعلاقات الخارجية لمصر

هناك مطامع دولية واستراتيجية كثيرة ظهرت فى الافق - ياريت نفووووق قبل فوات الاوان

يارب احمى مصر من الفتن والمأجورين

البلطجيه حيطلعوا على بيتك الليله يا غيبو ,,

اهنيكي على الانحياز اليهم ,,

[pink rose]

شوفتوا

اللي حصل امبارح كان خطأ

بس الاختلاف في الرأي لا يفسد للود قضية

الف الف مبروك

ربنا يخليك يا سيادة اللوز

تم تعديل 3 فبراير 2011 بواسطة remo

[hOuSsAm]

تيمور ولماضة والله برافو عليكوا

كلامكوا موزون ومنطقى وفى الجون وعين العقل

بس عايزين نشتغل

يا جماعة ايه رايكوا نبدا نتصل بالناس اللى فى التحرير ونعملهم مساندة نفسية

الناس منهارة والله

كلموهم فى التليفونات واقفوا جنبهم

فين ميكاوى ورضوى هما كانوا فى فريق المساندة النفسية

محتاجينها بجد دلوقتى

الناس فى مصر بيتعملها غسيل مخ

اللى كانوا رافضين مبارك من اسبوع بس بيبوسوا تراب رجليه امبارح

وصلت ان امى تحط صورة مبارك عالماسينجر

انا جالى حول وحسيت انى بكلم حد تانى

عايزين نعمل اى حاجة مصر ممكن تضيع بكلام ***

يارب كونا معنا وارنا الحق حق وارزقنا اتبعاه

يارب اهدى كل مصرى للحق والصواب امين يارب العالمين

[عبير يونس]

يا جماااااعو لازم نعمل ما هو اكثر من الكلام

الدعاء لوحده هو اضعف الايمان

واحنا ممكن نشاارك اكتر من كده

اعملو شيير لكل الصور و الفيديوهاات التي تثبت اجراام النظام

انشرهااا في كل مكان

الفيس بوك، المنتديات الأخرى، تويتر

اعلن عن رأيك بكل قوة

ما تحللش كتيير، شبعنا تحليلات

عايزين نعمل، نتحرك،

الدعاء هو العبادة

و التضرع و التذلل به للواحد القهار هو الإيمان كله و ليس أضعفه

هو سلاح فتاك

و لكن يلزمه نية صادقة

[م تيمور المراغي]

عاوز ا قول كلمه مهمه :

النظام الجبان ده بيتنازل مع الضغط عليه ,,

كلما ضغطنا على الجبان كلما قدم الينا التنازلات ,,

سنستمر في الضغط عليه والاستبسال عن شرفنا وعن مصر كلها ,

وبقول لكل جبان حيطاطي للبلطجيه ومسجلين الخطر انت حر في نفسك ,,

لكني مش حبقى زيك وانسحب وانحني للبلطجيه وحدافع عنك انت الاول و عن شرفك قبل شرفي ,,

اطمني يا مصر ,, لسه فيكي رجاله من اصلاب الرجال ,,

[moory]

يا جمااعة احنا كلنا هنا عارفيين موقفنا،

وكلنا مقتنعيين اننا كلن ضد النظاام

مش محتااجين كلام اكتر من كده

عايزين نبتدي نقنع الناس الي في مصر انهم مخدوعيين

من غير ما نتكلم معاهم كتيير ، لأنهم حاسسين ان الجزيرة مولعاها

عايزين نكتب رأينا على status بتاتنا في الفيسبوك

عايزين نعمل شيير لأكبر كمية من الصور و الفيديو

عايزين نقولوهم ان الي في التحرير مش هما بس الي عايزين الخاين يمشي

عايزين نكسب اكبر قدر من الناس عششان بكرة

جمعة الرحيييييل

[aimen]

RT

@Bad_way: الفتنة إنك ماتبقاش عارف مين صح ومين غلط , لكن لما تبقي عارف مين هو الصح ومين هو الغلط وتساوي بينهم تبقي شريك في الغلط ومن غير كرامة #Jan25

[pink rose]

عــاجل الدستور الأصلي || نتنياهو : عدم ترشح مبارك لرئاسة مصر "يوم مأساوي" في تاريخ الشرق الأوسط