25 يناير ... موعد المصريين ( 12)

[fatfouta]

استقاله جمال مبارك من الحزب و تعيين حسام بدراوى خلفا له

خليهم يستمروا فى التنازلات اكتر واكتر لغايت مانوصل لمطالبنا الاساسية

نفسى بقى الخطوة الجاية تبقى قانون الطوارئ

[امير مجروح]

مصيبة يا جماعة

مصيبة

علي شريط اخبار البي البي سي

من مصادر صحفية

تفجير اكبر كنيسة في رفح

ليه كده بس

احنا مش هنفووووووق ابداااا

انا سمعت تكذيب للخبر ده دلوقتى وبيقولوا فيه ان مافيش كنائس فى رفح....مش عارفة اذا كان صح ولا غلط بصراحة

فعلا محافظ شمال سينا ينفى هذا الخبر

تم تعديل 5 فبراير 2011 بواسطة امير مجروح

[tarek hassan]

يا جماعة لازم نحذر ونحذر الناس الخطة الجديد للرئيس هي إنه يتبع سياسة الأرض المحروقة ممكن

يحرق كنائس

يحرق أنابيب الغاز

يقتل مسيحيين

حركاته اللي بيخاطب بها الغرب على حساب قضية الفتنة الطائفية اللي هو اخترعها

مع إن كل الناس شافت الشباب عملوا إيه مع الكنائس وحموها بأرواحهم

بس دا كله ممكن ييجي عليه ويعجل بالتغيير انتبهوا

تم تعديل 5 فبراير 2011 بواسطة tarek hassan

[Simba]

انا سمعت تكذيب للخبر ده دلوقتى وبيقولوا فيه ان مافيش كنائس فى رفح....مش عارفة اذا كان صح ولا غلط بصراحة

الحمدلله

دي اخر حاجة بجد الناس عايزاها بعد ما اتلم الشمل

[امير مجروح]

مبارك يستقيل من منصبه كرئيس للحزب الوطنى الحاكم

تم تعديل 5 فبراير 2011 بواسطة امير مجروح

[fatfouta]

مبارك يستقيل من منصبه كرئيس للحزب الوطنى الحاكم

ياااااااااااارب والله احلى خبر

اتنازل تنازل بقى وخلصنا

هو وابنه فى يوم واحد كده....مش قلت لكم خلينا نستنى باقى التنازلات

[Alattar]

مبارك يستقيل من منصبه كرئيس للحزب الوطنى الحاكم

فين الخبر ده يا أخ أمير

أنا فاتح الجزيرة دلوقتي..مش شايف حاجة من دي!!

تم تعديل 5 فبراير 2011 بواسطة Alattar

[fatfouta]

مبارك يستقيل من منصبه كرئيس للحزب الوطنى الحاكم

فين الخبر ده يا أخ أمير

أنا فاتح الجزيرة دلوقتي..مش شايف حاجة من دي؟؟

على قناة الحرة يا عطار

[Om Zayd]

وقال التقرير "يأتي الاقتصاد في قلب المشاكل المصرية. سقط نظام مبارك للافتقار الى نظام اقتصادي يضمن وصول الثروة الى مختلف طبقات المجتمع ولاتساع فجوة عدم التكافؤ (بين طبقات المجتمع) وارتفاع نسبة الفقر ومعدل البطالة وارتفاع معدل التضخم".

وأضاف "الازمة السياسية الحالية في مصر تكلف البلاد خسائر لا تقل عن 310 ملايين دولار يوميا. السياحة أول القطاعات المتضررة. استمرار حالة عدم اليقين السياسية وأعمال العنف سيكون لها أثر مدمر على عائدات السياحة هذا العام".

سؤال .. الفساد كان بيكلف اقتصاد مصر كام سنويا؟؟

و الارباح كانت بتصب في جيب مييييييييين؟

تنضف بس مصر و بايدينا هتبقى أغنى و أقوى دولة في المنطقة

[Alattar]

مبارك يستقيل من منصبه كرئيس للحزب الوطنى الحاكم

فين الخبر ده يا أخ أمير

أنا فاتح الجزيرة دلوقتي..مش شايف حاجة من دي؟؟

على قناة الحرة يا عطار

القناة دي ظروفها ايه يا فتفوتة؟؟

أنا ما فتحتهاش قبل كده

لو الكلام ده صحيح..يبقي فعلا..مش فاضل غير قانون الطوارئ

و يبقي كده تمام أوي ان شاء الله

ولو اني ما أعتقدش .. لأن الريس لو شال قانون الطوارئ

من وجة نظره .. يبقي كده امنه الشخصي في خطر

تم تعديل 5 فبراير 2011 بواسطة Alattar

[fatfouta]

مبارك يستقيل من منصبه كرئيس للحزب الوطنى الحاكم

فين الخبر ده يا أخ أمير

أنا فاتح الجزيرة دلوقتي..مش شايف حاجة من دي؟؟

على قناة الحرة يا عطار

القناة دي ظروفها ايه يا فتفوتة؟؟

أنا ما فتحتهاش قبل كده

لو الكلام ده صحيح..يبقي فعلا..مش فاضل غير قانون الطوارئ

و يبقي كده تمام أوي ان شاء الله

ولو اني ما أعتقدش .. لأن الريس لو شال قانون الطوارئ

من وجة نظره .. يبقي كده امنه الشخصي في خطر

هو فعلا الخطوة الجاية كده تبقى قانون الطوارئ رغم انفه

قناه الحرة بحسها معتدلة والله يا عطار والخبر تقريبا مش كذب لان المذيعة قطعت كلامها وجابت المراسل فى القاهرة هو اللى قالها الخبر....ماعتقدش انهم يكذبوا فى خبر ذى ده

[Simba]

يا جماعة ماهم علي التلفزيون اهو بيقولوا فيه تفجير للكنيسة علي البي بي سي

لكن لصلابة جدران الكنيسة الحمدلله الخسائر مش كبيرة

ومفيش اصابات ولا قتلي الحمدلله

بس المصيبة في التفكير الشيطااااااااني ده

[Om Zayd]

يا جماعة ماهم علي التلفزيون اهو بيقولوا فيه تفجير للكنيسة علي البي بي سي

لكن لصلابة جدران الكنيسة الحمدلله الخسائر مش كبيرة

ومفيش اصابات ولا قتلي الحمدلله

بس المصيبة في التفكير الشيطااااااااني ده

زي ما فجروا الكنيسة في اسكندرية

خطاب للخارج

[fatfouta]

الهيئة المستقيلة هم...

جمال مبارك

احمد عز

صفوت الشريف

مفيد شهاب

زكريا عزمى

على قناة الحرة

تم تعديل 5 فبراير 2011 بواسطة fatfouta

[Alattar]

يا جماعة ماهم علي التلفزيون اهو بيقولوا فيه تفجير للكنيسة علي البي بي سي

لكن لصلابة جدران الكنيسة الحمدلله الخسائر مش كبيرة

ومفيش اصابات ولا قتلي الحمدلله

بس المصيبة في التفكير الشيطااااااااني ده

كان لسه في حوار مع أحد أعضاء مركز الأهرام للدراسات الاستراتيجية علي الجزيرة

كان بيقول ان دي كلها من ألاعيب النظام عشان يبين لأمريكا و العالم ان الأمن منعدم

في مصر ..للظروف الحالية..ليكسب تعاطفهم

[لماضة مصرية جدا]

عاجل, التلفزيون المصري: إستقالة أعضاء المكتب السياسي للحزب الوطنى الحاكم

[أحمد سيف]

مبارك يستقيل من منصبه كرئيس للحزب الوطنى الحاكم

أين المشككين ***** الذين كانوا بينتقدوا الثوار بالأمس وعايزينهم يرجعوا بيوتهم

آهو صمودهم بيحقق لنا التنازل تلو الآخر وقريبا تحقّق الثورة جميع أهدافها وينزاح النظام

مبروك للثوار ومن يدعمهم ولو من خلف الكيبورد ولا عزاء للموالسين والجبناء

تم تعديل 5 فبراير 2011 بواسطة Mohammad
حذف الفاظ لاتصح

[لماضة مصرية جدا]

الهيئة المستقيلة هم...

جمال مبارك

احمد عز

فتحى سرور

مفيد شهاب

زكريا عزمى

على قناة الحرة

اول ما قريتها.....استقالة مبارك...كنت هضرب الزغروطة.....بس الله يسامحهم طلع الواد ابنه

رجعنا الزغروطة مكانها.....و الله ماتغلي علي الراس الكبيرة....بس هو بقي يعملها

يا رب

فاضل علي الحلو زقة.

و ليكن شعار المرحلة

ادي زوووووووووووووبة زقة

[aimen]

مبارك يستقيل من منصبه كرئيس للحزب الوطنى الحاكم

أين المشككين ***** الذين كانوا بينتقدوا الثوار بالأمس وعايزينهم يرجعوا بيوتهم

آهو صمودهم بيحقق لنا التنازل تلو الآخر وقريبا تحقّق الثورة جميع أهدافها وينزاح النظام

مبروك للثوار ومن يدعمهم ولو من خلف الكيبورد ولا عزاء للموالسين والجبناء

الله اكبر

يارب نصرك

يارب

[أحمد سيف]

بس عارفين ... ده ممكن جدا يكون ملعوب من النظام ... يستقيلوا من الحزب الوطني ويروحوا يؤسسوا حزب جديد زي ما السادات عمل مع حزب مصر

وطبعا جميع أعضاء الحزب الوطني الحاليين سينتقلون تلقائيا للحزب الجديد ... ولو سألت واحد منهم بكره عن مبادئ الحزب الوطني هيقولك أول مره أسمع عن حزب بالإسم ده