25 يناير ... موعد المصريين ( 12)

[fatfouta]

http://www.youtube.com/watch?v=UGnGVJI0epI

ده مخرج فيلم 678 اللي كان بيناقش قضية التحرش

فيديو تحفة وكلام مافيش بعد كده

بالله عليكم تسمعوه عشان تشوفوا روح المتظاهرين فى الميدان وفى كل انحاء مصر الجميلة

شكرا يا سمبا :clappingrose:

[samehmagdy]

الرجاله اللى بحق وحقيقى قاعدين هناك فى الشارع مش خايفين من الموت ومستحملين كل دى علشان خاطر يجبولنا حقنا المغتصب

التنازلات بتتوالى علِشان الناس دى رجاله بجد وقادره تجيب راس الطاغيه على الارض

لكن للاسف فى ناس كتير لسه بتطعنهم فى ظهرهم وبتتهمهم انهم عملاء وانهم مبيعبروش عن الشعب

وهما مرابطين هناك والموت حواليهم

كل دى علشان خاطر واحد مش عارف يروح شغله اليومين دول او واحد نزل جاب ازازة زيت غاليه او واحد خسر جزء من فلوسه فى البورصه

انما بعد الثوره ما تحقق كل اهدافها يطلع يقولك انا كنت اول واحد طلعت فى الثوره دى وانا اول واحد عملت وسويت

والله بحسد كل اللى فى ميدان التحرير وكل شهيد وكل مصائب نزلت منه نقطه دم فى سبيل بلده واحنا هنا فى الغربه مش قادرين نعمل حاجه

[م تيمور المراغي]

تحيه بسيطه لكل من ضحى بنفسه من اجلنا جميعا

برغم كل محاولات النيل منهم

http://www.youtube.com/watch?v=DTa8WIQWSRM

أيادي مصرية سمرا ليها في التمييز !!

ممدودة وسط الزئير بتكسر البراويز

سطوع لصوت الجموع شوف مصر تحت الشمس

آن الآوان ترحلي يا دولة العواجيز

عواجيز شداد مسعورين أكلوا بلدنا أكل

ويشبهوا بعضهم نهم وخسة وشكل

طلع الشباب البديع قلبوا خريفها ربيع ".

يصف الشاعر ميدان التحرير ، فيقول:

"يادي الميدان اللي حضن الذكري وسهرها

يادي الميدان اللي فتن الخلق وسحرها

يادي الميدان اللي غاب اسمه كتير عنه وصبرها

/ ما بين عباد عاشقة وعباد كارهة

شباب كان الميدان أهله وعنوانه

ولا في الميدان نسكافيه ولا كابتشينو".

كما يقول الأبنودي في وصف الشباب المتظاهرين:

"خدوده عرفوا جمال النوم علي الأسفلت

والموت عارفهم أوي وهما عارفينه

لا الظلم هين يا ناس ولا الشباب قاصر

مهما حاصرتوا الميدان عمروا ما يتحاصر

فكرتني يا الميدان بزمان وسحر زمان

فكرتني بأغلي أيام في زمن ناصر".

تم تعديل 5 فبراير 2011 بواسطة architect

[tarek hassan]

مبارك يستقيل من منصبه كرئيس للحزب الوطنى الحاكم

أين المشككين ***** الذين كانوا بينتقدوا الثوار بالأمس وعايزينهم يرجعوا بيوتهم

آهو صمودهم بيحقق لنا التنازل تلو الآخر وقريبا تحقّق الثورة جميع أهدافها وينزاح النظام

مبروك للثوار ومن يدعمهم ولو من خلف الكيبورد ولا عزاء للموالسين والجبناء

شاء الله أن يعترف مبارك بأن الثورة على صواب وها هو يتنازل لها ويقدم لها القرابين التي لن تنتهي بإذن الله إلا برحيله رسميا بعد أن سقط شعبيا

وللأسف البعض ينتظر الفشل للثورة ليقول أنا كنت على صواب فقد قلت لكم بدلا من أن يقول لقد كان الحق معكم

وشاء الله أن ينكشف أناس كثيرون ومنهم شيوخ كان يعتقد فيهم الناس وكانوا في نظري دائما شيوخ الميكروباص والحماسات بدون علم حقيقي وشغلوا الناس بمعارك جانبية بينما كانوا أقزاما في ثورة الشباب وقد قلت ذلك في أول أيام الثورة وقبل أن تبدأ وهاهم اليوم أبطال الفضائيات الحكومية الفاجرة يبكون على الاستقرار والأمن والأمن والاسطوانات المشروخة

( قد يعلم الله المعوقين منكم والقائلين لإخوانهم هلم إلينا ولا يأتون البأس إلا قليلا )

[Simba]

بس فين هشام الجخ من الاحداث

عتاب كبير

وعلامة استعجاب اكبر

[fatfouta]

هدية لكل المصريين بالله عليكم تسمعوه

دعاء امام المسجد النبوى الشريف فى صلاة الجمعة أمس

اسمعواااااا مافيش مشاعر تتقال بعد كده

http://www.youtube.com/watch?v=aciSEw-Q9so&feature=player_embedded

[ozoozo]

ماتنسانيش ياباشمهندس من المرحله الجايه

اظن انكم هاتحتاجوا لمجهودي

ايه رايك نعمل وزاره للرمان وامسكها انا:closedeyes:

[Diab]

وسائل اعلام عالمية تفتح ملف ثروات آل مبارك

و التي تقدر تقريبا من 40 مليار..الي 70 مليار دولار

قعدت أحسبها حسبة بسيطة كده

لو الثروة 40 مليار دولار

بعد ما حولت الي ريال

و قسمتها علي مرتبي

يعني تقريبا..الثروة دي تقدر بمرتبي لمدة

1785714 سنة

والله يا جماعة فعلا..الرقم اللي طلع ده

بس أنا مش هيأس أبدا..و لازم ان شاء الله أوصل للمبلغ ده..يعني لازم اوصلله

أنا مش أقل منهم في حاجة

فات من 1785714 سنة حوالي ثلاث سنين

ادعولي يا جماعة

بطريقة غير مباشرة عرفنا مرتبك كام :closedeyes:

[aimen]

RT: الخطوة القادمة : مبــارك هيطلق سوزان .. يمكن الشعب يهدى شويّة #Egypt #tahrir #Jan25

RT @3amMina: لو كانت الناس اللي في التحرير مشيوا بعد خطاب الرئيس... تفكتروا كان صفوت الشريف وجمال مبارك طاروا #jan25

RT @gr33ndata: RT @minazekri: RT @shmpOngO: عندما علموا انها ثورةجعلت المسيحي يحمي ظهر المسلم أثناء الصلاة ادركوا الخطر القادم عليهم #jan25

RT @Run_Rana: احد المتظاهرين: استقالة مبارك من الحزب الوطنى مالهاش دعوة بالموضوع، كأنى رايح اشترى لحمه و ادونى فراخ!! #jan25 #tahrir

RT @abanidrees: الحزب الوطني في مصر اراد ولادة جديدة له فأتوا بحسام بدراوي كونه طبيب نساء وتوليد :) #Jan25 #25Jan #tahrir #Egypt #FreeEgypt

فاضل على الحلو دقه خلصنا بقه طلعت عينينا #tahrir #egypt #jan25

الشعب يريد فلوس الرئيس ... واحنا معاهم :) RT @H_Eid الشعب يريد فلوس الرئيس....الشعب يريد فلوس الرئيس....الشعب يريد فلوس الرئيس.... #Jan25

نحن على بعد خطوة واحدة من سقوط مبارك وحزبه بعد استقالته من الحزب الوطني. يبدو أنه في طور الفهم الآن. #egypt #jan25

الفرق بين بن على ومبارك أن بن على شرب ريد بول وأخد جوانح وطار .. أما مبارك فشرب فودكا وقعد يترنح ويضرب فى كل الإتجاهات #egypt #jan25

تم تعديل 5 فبراير 2011 بواسطة aimen

[أحمد سيف]

بس عارفين ... ده ممكن جدا يكون ملعوب من النظام ... يستقيلوا من الحزب الوطني ويروحوا يؤسسوا حزب جديد زي ما السادات عمل مع حزب مصر

وطبعا جميع أعضاء الحزب الوطني الحاليين سينتقلون تلقائيا للحزب الجديد ... ولو سألت واحد منهم بكره عن مبادئ الحزب الوطني هيقولك أول مره أسمع عن حزب بالإسم ده

أ. أحمد برجاء التوضيح أكثر للإستفادة

مبارك أدرك أن الحزب الوطني انتهى فعليا يوم جمعة الغضب ولم يعد هناك أي فائدة من بقاءه وأنه حتى لو استقرت الأمور فالشعب سيظل رافضا لوجود هذا الحزب

علشان كده قال خلينا نرميه لحسام بدراوي الوجه المقبول نسبيا لدى الناس يمكن يهدئ ذلك من ثورتهم قليلا في هذه الأيام الحرجة ... وبعد أن تستقر الأمور يمكن أن يتحول الحزب الوطني برئاسة حسام بدراوي الى أحد أحزاب المعارضة الأليفه ويقوم مبارك وباقي أفراد العصابة بتشكيل حزب جديد (بفكر جديد طبعا) بنتقل اليه جميع أصحاب المصالح لتستمر المسيرة المباركة

أعتقد أن الجميع الآن أدرك أن الحزب الوطني بلجانه ومؤتمراته (وكذلك أي حزب على شاكلته) ماهي إلا هياكل فارغة كانت وظيفتها منح غطاء للسلطة البوليسية التي تحكم مصر، وفي أوقات الأزمات ترمي مثل ورق الكلينكس بعد أن استنفذت وظيفتها.

[مغتربة]

تخيلوا كده لو الثوّار اللي في مصر سمعوا الكلام ورجعوا بيوتهم وقعدوا يتفرجوا على التليفزيون المصري... ومن كتر مصداقيته :sad: الناس اتأثرت وعرفت غلطها وراحوا جري على أبوهم الحاج حسني يحبوا على ايده ويقولوا له سامحنا احنا أبناء عاقين وولاد ستين في سبعين كمان!!!

لو الناس فعلا عملت كده .... وبصينا لقينا زي النهاردة كده مظاهرات عاملينها المغربيين وشايلين علم مصر وبيهتفوا بحرية مصر وبيحيوا الثورة وبعظمة شهداءها....

ولاّ الأنقح بقى.... زي ما أنا لسه شايف من شوية....

مظاهرات علشاننا في القدس .... آه والله وغزة كمان

مش حد تاني أبدا

طيب اقسم بالله العظيم يا ابو عمار انهارده نازل مروح الضهر شمن الشغل فمديري الامريكي شايفني جاي على الاسانسير فقام مبتسم لي ورجع خطوه للوراء عشان ادخل الاول وسالني اذا كنت نازل الجروند ولا الجراج واحنا نازلين يقوم قايل لي Nice Work ,, Viva Egypt

الراجل ده كان من اتقل خلق الله على قلبي ,, لكن بعد ما شرفونا الشباب ورفعوا راسنا بقينا صوحاب ,,

يا بشمهندس انت بتأكد اهوه ان الغرب له مصلحه فى ال بيحصل ده

امريكا دوله بنت ستين فى السبعين والامريكان كلهم كذلك طبعا...ومديرك ده مبسوط اوى لان ال بيحصل ده فى مصلحه بلده ماما امريكا

فهو مبسوط اوى علشان بلده... لكن احنا بالنسبه له نولع و تولع مصر...

يعنى لما البنت الى بتيجى تساعدنى فى البيت الفلبينيه تقولى و هى عندى امبارح انها بتحترك جدا الثوره الى فى مصر و انها متبعاها و معجبه جدا بالشعب بتاعنا

يبقى كدا الفلبين ليها مصلحه من الى بيحصل !!!!!!!

لازم نفصل بين توجهات الاشخاص و مصالح الدول

بالتاكيد اميركا ليها مصالح فى الشرق الاوسط بشكل عام و فى مصر بالاخص

لكن مش معنى كدا ان اى انسان هيتضامن معانا هيكون دا السبب او المحرك ليه

العالم كله فعلا معجب بشاجاعتنا و بيتضامن معانا بغض النظر عن المصالح السياسيه

دا شعور افراد و ليس انظمه

[Simba]

انا اسف كنا اجبن من اننا نكون معاكم

[الغريب]

محتاجين بعد شوية كده

ثورة لعلاج التلفزيون المصري من العته

تحت شعار ممكن ناكل البلوظة بس يا واش يا واش

سمبا التلفزيون المصري بهذا الشكل يعد وقود للثورة ، إقرء مقال فؤاد الهاشم اليوم بالوطن الكويتية

بس فين هشام الجخ من الاحداث

عتاب كبير

وعلامة استعجاب اكبر

جه في بداية الأحداث على الجزيرة ، وأيدها بشدة

مبارك أدرك أن الحزب الوطني انتهى فعليا يوم جمعة الغضب ولم يعد هناك أي فائدة من بقاءه وأنه حتى لو استقرت الأمور فالشعب سيظل رافضا لوجود هذا الحزب

علشان كده قال خلينا نرميه لحسام بدراوي الوجه المقبول نسبيا لدى الناس يمكن يهدئ ذلك من ثورتهم قليلا في هذه الأيام الحرجة ... وبعد أن تستقر الأمور يمكن أن يتحول الحزب الوطني برئاسة حسام بدراوي الى أحد أحزاب المعارضة الأليفه ويقوم مبارك وباقي أفراد العصابة بتشكيل حزب جديد (بفكر جديد طبعا) بنتقل اليه جميع أصحاب المصالح لتستمر المسيرة المباركة

أعتقد أن الجميع الآن أدرك أن الحزب الوطني بلجانه ومؤتمراته (وكذلك أي حزب على شاكلته) ماهي إلا هياكل فارغة كانت وظيفتها منح غطاء للسلطة البوليسية التي تحكم مصر، وفي أوقات الأزمات ترمي مثل ورق الكلينكس بعد أن استنفذت وظيفتها.

تمام يا أستاذ أحمد ، بس الناس رافضة الأشكال والأسماء دي أكتر ما هي رافضة الحزب ، يعني الناس بتشتم الناس دي أكتر من الحزب وأعتقد أنهم أتحرقوا ولم يعد لهم أي أمل ، وبخاصة أن أمثال أحمد عز فسادهم في البزنس أكبر بكتير من فسادهم في الحزب

[م تيمور المراغي]

http://www.youtube.com/watch?v=UGnGVJI0epI

ده مخرج فيلم 678 اللي كان بيناقش قضية التحرش

فيديو تحفة وكلام مافيش بعد كده

بالله عليكم تسمعوه عشان تشوفوا روح المتظاهرين فى الميدان وفى كل انحاء مصر الجميلة

شكرا يا سمبا :clappingrose:

ده اكيد عميل لاحمد حلمي و حركة اتوبيس 678 المحظوره :happy:

على فكره محمد دياب من المجددون وهو من زمان عضو معروف من شباب صناع الحياه

[aimen]

شركة جاسكو مصر تنفى حدوث انفجار فى انبوب الغاز الموصل بين مصر والأردن لأسباب ارهابية ..وانما تم لأسباب فنية

[fatfouta]

صورة الطفلة اميرة تسكن بالرمل قتلها ضابط شرطة بقسم الرمل ثان فى بلكونة بيتها لانها كانت تصور انتهاكات الشرطة يوم جمعة الغضب

[الغريب]

خايف...اسكت

شايفها فتنه...احفظ نفسك لا تدعم طرف من الاطراف

ولا تتهم احدا بالعماله او الخيانه

انزل شغلك واعمل واجباتك وبس

سيب اللي بينضرب علشانك ينضرب

...لو مش قادر تبقي جنبيه

ماتضربوش انت كمان

لو مش عارف فين الصح وفين الغلط...اسكت

ماتحبطش اللي بيغير بجد

ماتقفش جنب اللي ظلمك علشان تعيش و السلام

انزل الشارع وماتخافش

روح شغلك

افتح محلك

واعمل كل اللي نفسك فيه

سيب النظام يحتضر

وسيب اللي في التحرير يجيبولك التحرير

[se_ Elsyed]

قُبلة على رأس كل شاب ثائر قوي في ميدان التحرير

قبلة لروح كل شهيد ضحى بروحه عشان نعيش في كرامة

-----------------

ها هو النظام الخسيس يقدم تنازلات يوم بعد يوم وينهار يوم بعد يوم

وها هو يضحي بكل رموز الفساد ليترك ظهرهم عارياً ..

وبإذن الله نراهم جميعهم على المشانق قريباً

--------------

إيه اللي لسه شايفه ده ؟

قادة الجيش المصري كانوا هناك العصر ويتحدثون مع الشباب بمنتهى الأدب لكي ينصرفوا ... وإذ بالشباب يمطرونهم بالورود والزهور ويقبلونهم في حب .. فينحسب القادة في هدوء وسط هتافات

هو يمشي .... مش هانمشي

ياللي ما بتفهمشي .. إرحل يعني إمشي

--------------

أقسم بالله هما دول حكام مصر ... وهما دول اللي لازم يكون منهم الوزرا والقادة

مش كهول عفا عليها الزمن وماشيه بالصبغة والفياجرا

[طبيبة بالخارج]

خايف...اسكت

شايفها فتنه...احفظ نفسك لا تدعم طرف من الاطراف

ولا تتهم احدا بالعماله او الخيانه

انزل شغلك واعمل واجباتك وبس

سيب اللي بينضرب علشانك ينضرب

...لو مش قادر تبقي جنبيه

ماتضربوش انت كمان

لو مش عارف فين الصح وفين الغلط...اسكت

ماتحبطش اللي بيغير بجد

ماتقفش جنب اللي ظلمك علشان تعيش و السلام

انزل الشارع وماتخافش

روح شغلك

افتح محلك

واعمل كل اللي نفسك فيه

سيب النظام يحتضر

وسيب اللي في التحرير يجيبولك التحرير

كلامك صحيح تماما

زوجي اليوم ناقش احد المصريين المعترض على الثورة و حجته ان ما يحدث مسبب لضرر كبير و عدم استقرار بمصر

رد زوجي عليه بسؤاله هل انت راضي على نظام مبارك؟ فقال : لا لكن اكيد في وسائل تانية للتغيير من غير ثورة

فرد زوجي : رئيس الدولة عمل قانون يمنع من اختيار رئيس جديد للبلد بحرية و أيضا مجلس الشعب مزور فما هي الطرق الشرعية كما ترغب و يمكن ان نقوم عن طريقها بالتغيير بدون الثورة؟

لا يوجد رد

[aimen]

RT

@MK_Hamdan: #Jan25

العملاء في ميدان التحرير اقالوا حكومة وحولوا وزراء للتحقيق واقالوا كم قيادي من الحزب الحاكم، يا ترى باقي إيه فيكي يا أجندة؟

#Egypt

تم تعديل 5 فبراير 2011 بواسطة aimen