إضحـــك مع الشـــعب المصـــرى ودمـــه الخفـــــيف

[shiko]

عاجــــــل : تسجيل 20 حالة وفــــــــــــــاة ......من الضحك ... اثناء خطاب القذافى

[باهى الطائر الحزين]

من حق المرأه ان تنتخب،سواء كانت انثي ام ذكر

الاخ / معمر على الاخر

[fatfouta]

صفحة اللشمسية اللى ورا القذافى عالفيس بوك

ودى رسالة من ادمن الصفحة

للناس اللي مش بتعمل شير للبيج .. ستندمون حين لا ينفع الندم .. من أنتم .. من أنتم .. دقت ساعة الديليت .. دقت ساعة البلوك .. الله أكبر .. لا رجوع إلي الأمام .. شير .. شير.. شير :)

[aimen]

صفحة اللشمسية اللى ورا القذافى عالفيس بوك

ودى رسالة من ادمن الصفحة

للناس اللي مش بتعمل شير للبيج .. ستندمون حين لا ينفع الندم .. من أنتم .. من أنتم .. دقت ساعة الديليت .. دقت ساعة البلوك .. الله أكبر .. لا رجوع إلي الأمام .. شير .. شير.. شير :)

الصفحة دى كمان شوية حيبقى اعضاؤها اكثر من زوار موقع وزارة الداخلية المصرية

[Simba]

الراجل ده فين دلوقتي يا جدعان

ده مفجر الثورة والفيديو بتاعه كان انتشر انشار رهيب ساعتها

http://www.youtube.com/watch?v=GBH70jG-Q3o

[أبوعمار]

من الشعب المصرى للشعب الليبى الشقيق

نناشدكم بإنهاء التظاهرات لان الشعب المصرى مش حيستحمل خطاب تانى من القذافي

بن علي ومبارك بعتوا رساله للمعمر القذافي..

عزيزي القذافي........ فله شمعه منوره

طبعا معانا

دعوة لمظاهرة ترليونية للاعتذار لحسنى..و ستكون بعنوان

جمعة اللى يشوف بلاوى غيره تهون عليه بلوته

[Simba]

http://www.youtube.com/watch?v=tRsUb35BDoY

[رضوي]

مظاهرة مليونية اخر الشهر لنقل ميدان التحرير للساحل الشمالي

استعداداً للصيف ..... وعلي المتظاهرين الاستعداد جيداً :

مايوهك أبو توكة راكتك , عوامتك السودة , نضارتك , شمسيتك , سندوتشاتك , عدتك

وبلاش شبشب البحر علشان لما تجري من الأمن

[رضوي]

شعار بنات 25 يناير

افرحوا يابنات مش هتعنسوا

الشباب هيشتغل وهتتجوزا !!!!!!!

[رضوي]

الصين تبداْ في صناعة فوانيس رمضان مبكراً هذا العام

ويتميز انتاج هذا العام من الفوانيس انه سيكون علي هيئة القذافي

بدلا من

كرمبو

========

سائقوا التوك توك في مصر يتظاهرون

لإستعادة التوك توك الذي سرقه القذافي

=====================

عاجل : تسجيل 20 حالة وفاه من الضحك اثناء خطاب القذافي

============

عاجل : الجزيرة تعتذر عن بث خطاب القذافي حيث أن حقوق الملكية للخطاب مخصصة لقناه موجة كوميدي

[spain]

يقولون

القذافي في اخر ابداعات الكتاب الاخضر

..

التلفزيون هو تلفزيون و راديو في نفس الوقت والعكس غير صحيح

لانك اذا اغمضت عينك يصبح التلفزيون راديو

بينما اذا استمعت للراديو واغلقت عينك سيبقى راديو

فنان يا قذافي ..

...شيلو نيوتن وحطو القذافي

[doha]

الحمد لله دي مفيهاش تريقة . .بس بجد .. جاااامده

http://www.youtube.com/watch?v=VcHGxaQ0ePI&feature=related

[fatfouta]

إذا فقدت بلوفر سبعة (v neck) فقد يعود إليك....إن لم يعد فهو مِلك أحمد شفيق

[رضوي]

اللي فهمناه من الخطاب بتاع القذافي

إن الليبيين لازم يتحالفوا مع اخوانهم الليبيين

ويثوروا علي الليبيين

علشان ليبيا تنتصر في النهاية علي كل الليبيين

وتبقي ليبيا لليبيين

[رضوي]

دعاء الحكام العرب بعد ثورتي تونس ومصر |||| اللهم إني أعوذ بك من الفيس بوك والتويتر واليوتيوب اللهم باعد بيني وبين النت كما باعدت بين المشرق والمغرب اللهم عليك بالمدونات واصحابها اللهم أبق لنا الخيل والبغال والحمير ولا تجعل مصيبتنا في الكراسي اللهم اكفنا شر الهتاف و. ..العيال اللي مش بتخاف

[fatfouta]

من جروب الراجل اللى على حق يقول للبلوفر لأ

إذا فقدت بلوفر سبعة (v neck) فقد يعود إليك....إن لم يعد فهو مِلك أحمد شفيق

تم تعديل 28 فبراير 2011 بواسطة fatfouta

[rewsha]

عاجل:تم توجيه تهمة اهدار 25 مليون جنيه لاحمد شفيق لشراؤه بلوفرات منتهية الصلاحيه

[rewsha]

شفيق يطلق حملة ترشيحه رئيساً لمصر ببرنامج انتخابي تحت عنوان, بلوفر لكل مواطن

[rewsha]

السبب الحقيقي وراء عدم ظهور شفيق مع محمود سعد من يومين... البلوفر كان في الغسيل

[pink rose]

من شعب مصر الى الرئيس القادم : امشى بما يرضى الله علشان الـ 85 مليون خدوا نمر بعض و هى رنه و انت عارف الباقى. الله...الوطن...التحرير...يوم الجمعة