25 يناير ... موعد المصريين (15)

[fatfouta]

[fatfouta]

وائل فى التحرير النهاردة

[رضوي]

السلام عليكم ورحمة الله وبركاته

وحشتوووووووووني اووووووووووووووييييييييييي

يااااااااااااااااااااااااه

أنا كدة محتجالي سنتين علشان اتابع كل اللي فاتني دة !!!!!!!!!!!!!!!!!! :sad:

مافيش اي ملخصات بتنزل ؟؟؟؟؟;)

ماعلينا

الايام اللي فاتت دي واللي لسة جاية ان شاء الله لازم تتكتب كل ثانية فيها ........... عشناها بابتسامة جميلة علي الرغم من الضغوط العصبية اللي اتحملناها

طول ماانت قاعد في البيت وبتابع الصحف والفضائيات والمحليات حاجة ......... وانك تنزل وتتكلم مع الناس حاجة تانية خالص

ملخص الايام دي ............. هنقوله بعدين

لكن لازم اتكلم عن يوم بعينه ............... يوم الثلاثاء ........... خطاب الريس ( ماانكرش اني كنت احد المخدوعين ) اتخدرنا كلنا بجد ( او ممكن نقول كنا عايزين حل يريح اعصابنا ويخلينا ننام بعد اسبوع صعب اوي )

خلاص هدينا .......... بدأنا نتصل بأصحابنا اللي في الميدان ....... كانوا محبطين شوية ....... بس تعبانين برده ........ بعضهم رجع بيته يريح شوية ...... والبعض قال خلاص كفاية وانسحب .......... والبعض صمم يفضل مكانه

يوم المؤامرة القذرة ( واللي للاسف طول اليوم لظروف خاصة ماقدرتش اتابع اي وسيلة اعلام ) بالليل بقي ولما قدرت اتابع اتصدمت ........ او قرفت من كمية القذارة .......... ( مع اني زي كتير غيري خلاص بقي ارتاحنا لخطاب بسلامته وابتدينا نتنفس الصعداء ) لكن اعرف من مصادر موثوق منها اللي عمله شوية ال .......... دول مابقيتش عارفة اصدق ايه ؟؟؟

واشوف ماترفض ان تصدقه عيني ( دة احنا كنا بجد عايشين في غيبوبة فعلاً )

كل اللي بيحصل من قرارات مباحثات ......... لاتطمئن بالمرة

كل المتابعات دي حاجة والتعامل بجد مع الناس حاجة تانية مختلفة تماما

ماانكرش اني اتخدرت شوية من خطاب بسلامته

لكن مش لدرجة اني خلاص علشان تعبت من السهر طول الليل واني مش لاقية السلع الاساسية حتى بعض الادوية .........الخ .............. اني خلاص بقي اقول علي الثوار الابطال ....... كفاية كدة ......... ودول شوية عيال معطلين الدنيا ....... والحكومة عملتلهم اللي هما عايزينة ........ ومش عارفين نعيش

وان حسني مبارك دة الراجل اللي حامينا بقاله 30 سنة وكفاية انه لحد النهاردة مادخلناش ولا حرب وعايشين في حمايته في امان ......... وان حبيب العادلي لوحده اللي خاين ......... والريس ياعيني ماكانش يعرف .......... وانه بريء من كل ذنب برأة الذئب من دم ابن يعقوب ..........الخ ............ دول طلعوه كمان بطل ومستحملنا 30 سنة مش احنا اللي مستحملين ..... دة ضغط الاعصاب والسهر والخوف من المجرمين اسهل بكتير من اني اسمع الكلام دة ......... انا اطمنت للخطاب اه ..... لكن مااتحولتش 180 درجة ووصفت الابطال بالفاسدين ؟؟؟؟؟؟؟؟؟؟

علي فكرة .......... الكلام دة غالبية الناس بتردده .............. غالبية وليس كل

انا تعبت من الكلام مع البشر ( ولأني بعتبر ان دور التوعية دة مهم ) فضلت اتكلم وادخل في مناقشات وحورارت انا واصحابي لحد لما تعبنا ........... بعض الناس بيتجاوب معانا والبعض الاخر بيردد نفس كلام الاعلام المصري

ياربببيييييييييييييييييييييييييي

نفس الكلام تيبيكال ............ كوبي وبيست ............. اللي بيقولوه ع المصري بيتقال قدامي ........ بحذافيره

فاصل ...... وان شاء الله نرجع نواصل

[aimen]

مظاهرة مش نافعه

اعتصام مش نافع

اخر حاجه الناس عامله زار يمكن مبارك ينصرف

http://www.youtube.com/watch?v=vmui6OFgZh8

[aimen]

احمد بيه السقا

مع عماد اديب

و رولا خرسا

على الحياة 2

اتلم الموكوس على خايب الرجا

خيبة الله عليكم اجمعين يارب

اتعرفتوا يا شباب لموا الدور بقى

[Om Zayd]

حمدا لله على سلامتكم يا رضوى

[fatfouta]

صور النهاردة قبل مانبدأ يوم جديد وموضوع جديد

[لماضة مصرية جدا]

ام خالد سعيد( ربنا يرحمه ) مع وائل غنيم ( صاحب صفحة كلنا خالد سعيد )

السلام عليكم و رحمة الله و بركاته

امبارح في اللقاء الغير عادي مع مني الشاذلي...مني راحت نادت عليه و قالت له يا خالد

و هو قالهايا ريتني كنت خالد

حقيقي فيه ناس ممكن تموت....ممكن جسمها يختفي وسط التراب.....لكن اسمها لوحده ممكن يقوم اعاصير

ربنا يرحمك يا خالد و يبارك فيك يا وائل

فخورة حد السماء بنموذج الشاب المصري....خقيقي....ده النموذج اللي بيصحي فينا كل احساس حلو

[aimen]

من التويتر

ملكة الدراما: منى الشاذلي بدأت ومعاها بطرس بطرس غالي يبحثان الحلول الوسط- هيا العالم دي عايشة على كوكب في مجرة تانية #Jan25 #Egypt

هو أحمد السقا عبيط؟ بيقولك هاتولي حد من التحرير يتكلم وهرجعه تاني بإيدي! هو فاكر نفسه أمين شرطة ولسه بيتكلم عن الثوار على انهم عيال؟ #jan25

إلى أبواق النظام: بكرة النظام يسقط ونفضالكم يا حلوين ... تعالوا لعمو يا حبايبي هتروحوا منا فين ! هع هع #Jan25 #Tahrir

RT @ana_moslem: قمة الجحود والنكران أن يرى شباب التحرير الموت بأعينهم وأن يذوقوا الأمرين من أجلنا ثم نتهمهم بالعمالة والخيانة وأنهم مؤجورين #tahrir #jan25

RT @rbnasralla: هو احمد السقا عاوز يقول أية أنا مش فاهم حاجة #jan25

احمد السقا: حاخذ اللي يتفاوض وأرجعه للتحرير بإيـــــــــدي.. يا سلام يا غرندايزر #Jan25 #Chub

RT @ahmedalaa1316: تحول عجيب في آراء مذيعين و ممثلي مصر عن شباب التحرير .. كله دلوقتي عاوز ينال رضاهم و من شوية كانوا هما سبب خراب البلد #jan25 #tahrir

RT @mand0z: حد يقول لأحمد السقا يبطل كلام في السياسة. الناس اللي بتقول الشباب تكون حزب دي ولا بتفهم في السياسة ولا تعرف يعني إيه حزب أصلاً #Jan25

RT @safabdallah: تامر أمين : النظام الآن يتطهر من كل الفاسدين اللي راكبين على كتافه ... طيب وانت بتطلع بأي نوع صابون؟؟؟ #jan25 #tahrir #egypt

السقا شكله بيرقع كلامه القديم .. انا مش فاهمك يا اخ #Jan25 #Egypt

من الآن بدأ المصريون في ألمانيا يستعدون لإستقبال مبارك لو لا قدر الله جه ألمانيا يعني #egypt #jan25

RT @DostorNews: المتظاهرون في ميدان التحرير يهتفون ضد عمرو أديب قائلين "ارحل يا عميل" #jan25 #egypt #tahrir

RT @holom10: قالوا أن تحديد مدة شهر هى تضييع للوقت : فقهاء القانون الدستورى فى مصر - تعديلات المواد الثلاثة تستغرق ساعات #Jan25 #Egypt #Mubarak #Tahrir

القذافي: مبارك فقير ولايملك ثمن ملابسه ونرسل له الدعم وعملاء اسرائيل وراء ما يجري http://bit.ly/hyYOOH #Egypt #jan25

خفافيش الظلام .. أجندات .. لدينا نظام حُكم يعيش في كهف مُنعزل عن العالم مُنذ الستينات ! #Jan25 #Suliman

#Jan25 #Egypt آلاف المعتصمين يستقرون في شارع مجلس الشعب وينقلون خيامهم إلى هناك ويعلقون لافتة على المجلس "مغلق حتى إسقاط النظام‎"‎

RT @elbadildotnet: لتفادي طرده من ميدان الحرية .. فخري عبد النور يهتف: يسقط مبارك#Jan25 http://fb.me/KCfO8kpz

بينما يتفشخر علينا عمر سليمان بتنبئ هذه الأحداث منذ عام .. عزيزي سُليمان : إتلهي #Jan25

روح يا سقا .. عايزين عمرو واكد .. ممكن يقوم بمهمتك لو كنا عايزين #Jan25 #Egypt

الله يحرق المادة 76 على 88، هي الناس دي عبيطة؟؟ الدستور باطل يبقى لا نبص على 76 ولا 88، الشعب يقول نغير يبقى نغير، هو قرآن؟ #jan25 #egypt

[fatfouta]

مجموعة من الشباب بايتين ادام مجلش الشعب رغم قرار من الحكومة بإغلاق الشارع لمنع التظاهر فيه

تم تعديل 8 فبراير 2011 بواسطة fatfouta

[Simba]

دلوقتي بس عرفت ليه لما بيحبوا يصرفوا العفاريت بيقولوا دستور يا اخوالنا

[لماضة مصرية جدا]

لا تصدقوهم !

الإصلاح تحت ضغط الثوره ,,

أسوأ أنواع الأصلاح..

بل أنه إصلاح كاذب ..فهم يُحملون اليه حملاً !

فى روسيا عندما ثار الشعب على الرئيس بوريس يلستين ..

طلب من الشعب انه يكمل فترته الرئاسية لمنع الفوضى،

النتيجة انه فى "الكام شهر" اللى كانوا فاضلين ،

تم القضاء نهائيا على المعارضة

و تجميل صورة مدير المخابرات "فلاديمير بوتن" و وقت الانتخابات "الحرة" بوتن فاز باكتساح و كمان أعيد انتخابه مرة، و النظام نفسه استمر لـ ثلاث فترات رئاسية حتى اللحظة ...

الخلاصة ..أنصاف الثورات مقابر للثورة !

اليوم الرابع....اسبوع الصمود

تم تعديل 8 فبراير 2011 بواسطة لماضة مصرية جدا

[tarek hassan]

القذافي: مبارك فقير ولايملك ثمن ملابسه ونرسل له الدعم وعملاء اسرائيل وراء ما يجري

فعلا شغلانة الرئاسة دي جايبه همها ياريت تريح نفسك أنت ومبارك منها

[طبيبة بالخارج]

10:37 الجزيرة: السلطات المصرية تغلق شارعي مجلس الشعب والقصر العيني بعد اكتظاظهما بالمتظاهرين وامتلاء ميدان التحرير بأكمله

10:35 حركة 6 أبريل تعلن عزمها تسيير مظاهرة إلى قصر الرئاسة

10:28 قوات الجيش المتواجدة داخل مجلس الشعب تطلب من المحتجين إزالة لافتة "مغلق حتى اسقاط النظام" التي وضعوها على بواب البرلمان الرئيسية، والمتظاهرون يمتثلون ويضعونها على سور المجلس.

10:24 واشنطن تحث عمر سليمان على إلغاء فوري لقانون الطوارئ والآن عبر اتصال هاتفي بينه وبين جوزيف بايدن نائب الرئيس الأمريكي.

10:15 أردوغان يحذر إسرائيل من التدخل في شئون مصر الداخلية..والخارجية المصرية تحتج لدى تركيا لتدخلها في "الشأن الداخلي المصري"!

الدستور الأصلي

[طبيبة بالخارج]

شبكة رصد كشفت مصادر قضائية معلومات أولية توافرت لجهات التحقيق مع الوزراء السابقين ورجال الأعمال تفيد بأن ثروة هؤلاء تصل لمليارات الدولارات .

ثروة أمين التنظيم السابق بالحزب الوطني أحمد عز تبلغ 18 مليار جنيه

وزير الإسكان السابق أحمد المغربى، 10 مليارات جنيه

...

ووزير السياحة السابق زهير جرانة 13 مليار جنيه

وزير التجارة السابق رشيد محمد رشيد فتقدر ثروته بـ12 مليار جنيه

وزير الداخلية السابق حبيب العادلى 8 مليار جنيه

__________________________________________________

عشان كده الواحد منهم حيموت على الكرسي

[لماضة مصرية جدا]

من التويتر

ملكة الدراما: منى الشاذلي بدأت ومعاها بطرس بطرس غالي يبحثان الحلول الوسط- هيا العالم دي عايشة على كوكب في مجرة تانية #Jan25 #Egypt

هو أحمد السقا عبيط؟ بيقولك هاتولي حد من التحرير يتكلم وهرجعه تاني بإيدي! هو فاكر نفسه أمين شرطة ولسه بيتكلم عن الثوار على انهم عيال؟ #jan25 والخيانة وأنهم مؤجورين #tahrir #jan25

ع فكرة انا خلاص بقيت اصاب فعلا بحالة من الغثيان من كل اللي بيحصل...بفكر فعلا ابطل اتفرج علي التلفزيون

مش هي مني الشاذلي نفسها...اللي اول ما السيد الريس خلص خطابه الفزيع المريع...و اللي بعده مباشرة راحت انهمرت الدموع من عينيها...و قالت احنا في لحظة تاريخية

و الكابتشن حموقة السقا....قاعد في الاستديو و قاعد يعمل خطاب ليه للمتظاهيرن....و عمال يزعق لما خرم طبلة ودني...انا مستعد...طب هو مش نزل الميدان ليه...مش هو في القاهرة برضه و لا ايه؟؟؟

يا جماعة انا ملاحظة حاجة تانية.....مش عارفة حد ملاحظاها زيي و لا ايه

يوم 27 و 28 كنا بنكلم كتير من اصحابنا و كتير منهم قالي بالحرف الواحد انهم نزلوا اليوم الاول...ع اعتبار ان 25 يناير كان نزهة نيلية علي راي خالد الصاوي...و هييييييييييه بريلا بريلا بريلاليلة خلصت

و رفضوا ينزلوا اي مظارهرة تاني

واللي تاعبني انهم قالوا كلام عجيب عن الشباب اللي زل...متهي الاحباط..و منتهي التقطيم ليهم

و دلوقتي......سبحان الله

خلاص كل الناس بقت مع الثورة.... :blink: (طب كنتوا فين من ساعة موقعة الجمال؟؟؟)

التلفزيون...هطفيه...

طب الناس....اللي ماشية مع الموجة.....اعمل فيها ايه....فعلا اتصدمت في كمية بشر غير عادي

استرجع مقولة للشيخ الغزالي رحمه الله

"إذا احتدمت المعركة بين الحق والباطل حتى بلغت ذروتها،

وقذف كل فريق بآخر ما لديه ليكسبها،

فهناك ساعة حرجة يبلغ الباطل فيها ذروة قوته،

ويبلغ الحق فيها أقصى محنته،

والثبات في هذه الساعة الشديدة هو نقطة التحول،

والامتحان الحاسم لإيمان المؤمنين سيبدأ عندها،

فإذا ثبت تحول كل شيء عندها لمصلحته،

وهنا يبدأ الحق طريقه صاعداً، ويبدأ الباطل طريقه نازلاً، وتقرر باسم الله النهاية المرتقبة اعلوا كلمة الحق يجب ان تعلوا ولا تنجرفوا للباطل"

تم تعديل 8 فبراير 2011 بواسطة لماضة مصرية جدا

[fatfouta]

أحمد خالد توفيق

إذن أنت بين نارين.. نار أنس الفقي التي تحاول إقناعك بأن المتظاهرين لا يتجاوز عددهم ألفًا، وقلة مندسة تتلقى وجبات كنتاكي من إيران! ونار الجزيرة المتشفية.. طبعًا لا شك في أنك ستختار الجزيرة، فهي تهيج لكنها لا تسخر من ذكائك، ولا تحاول إطعامك السريلاك. نحن ذهبنا إلى الجزيرة عندما لم نجد من يحترمنا في إعلامنا،.4 hours ago

[شرف الدين]

إن من يصنعون أنصاف الثورات لا يفعلون شيئا سوى حفر قبورهم بأيديهم

[aimen]

http://www.youtube.com/watch?v=t4r1QEe9r2U

http://www.youtube.com/watch?v=1OgRk4IP9ts

مؤتمر التضامن مع الشعب المصرى فى لندن - السفارة الأمريكية

المتحدثين اجانب كانوا فى ميدان التحرير

[fatfouta]