25 يناير ... موعد المصريين (4)

[se_ Elsyed]

أنا أراهن على الشعب المصري الرجالة

أراهن على الصعايدة والفلاحين وكل الفئات إنهم يتصدوا حتى ولو بالعًصي والأسلحة البيضاء لأي لص ويعلقه في ميدان عام ليكون عبره بأي حد يحاول يسرق أو ينهب

أين رجال الدين .. شيخ الازهر .. البابا ... اي حد

اعلم أن الغضب والبركان ثائر .. لكن على الأقل قولوا حاجه قبل ما تدهسكم أرجل الثورة

[arkan]

ربنا يتمها على خير

[الغريب]

انا كدة حاسس أن مبارك أنتهى والحمدلله

منستناش تصريح الراجل هرب خلاص

أقروا مداخلة سكوب الرائعة في صفححة 61

[se_ Elsyed]

من الأن سأرفع رأسي بفخر

من الان سأقول بأننا رجال .. بإننا لا نقبل الذل مهما طال الزمان .. بإننا خلعنا الديكتاتور .. بإننا تحررنا ... بإننا سنتنفس الحرية ... بإننا مسلم مسيحي كلنا مصريين ونسيج واحد وإننا أصحاب الأرض دي ...

[شرف الدين]

رجال اعمال وشخصيات نافذة تغادر مصر على متن طائرات خاصة

[ozoozo]

الجزيره

شخصيات نافذه تغادر مصر في طائرات خاصه

[الغريب]

قولتلكم كدة بخ مبارك أوت

[se_ Elsyed]

الكلب المنافق ... الكلب المنافق اللي قولت لكم عاوز أعرفه عنوانه ومراقبة من ظمان وهو لواء شرطة محمد عبد الفتاح وعضو مجلس الشعب ويشغل رئيس لجنة الأمن القومي في مجلس الشعب اللي كان بيموت نفسه في الدفاع عن النظام وقولت لكم من كام يوم بيقول إن اللي ماتوا في المحلة يستاهلوا .. وإن الشعب هو اللي غلطان وإن دول فئة مندسة

الان على قناة المحور يتحدث عن إن مش الحكومة اللي لازم تستقيل .. بل مبارك اللي لازم يقدم إستقالته ويــ ( يروح ) .. ده أنا بقى لي 20 سنة في مجلس الشعب بأطالب بعمل كوبري في دائرتي في نفادة بقنا وماحدش بيعبرني .. وبيتنصل من الحزب تماماً

ال الفيران بينطوا من السفينة

فتحي سرور بيتحدث الان على إنه أستدعى رئيس الوزراء ليتحدث أمام مجلس الشعب ههههههههههههههه

مجلس شعب ... رئيس وزرا ... أنا سمعت الحاجات دي فين ؟

[sheto]

الجزيره

شخصيات نافذه تغادر مصر في طائرات خاصه

فتحى سرور يتحدث على المحور

[أسد]

النظام المصري الغبي ..

طالما ما كان شحيح على المصريين ..

شح في السلع الغذائية ..

شح في توفير المواصلات ..

شح في الرواتب ..

شح في كل شئ ..

حتى في عز تعرضهم للخطر .. حتى والنظام ينهار هو شحيح

شحيح في حماية نفسه

شحيح في عدد وحدات الجيش التي تحميه ..

نظام غبي .. غبي بشكل عجيب

[se_ Elsyed]

رجال اعمال وشخصيات نافذة تغادر مصر على متن طائرات خاصة

هايروحوا فين ؟

اليوم إعتقلت السلطات الكنديه بلحسن الطرابلسي الأخ الأكبر لزوجة بن علي واللي كان اشبه باحمد عز ومسيطر على كل شيء مالياً في تونس ويحمل الجنسية الكندية وسيتم تسليمة للانتربول

هايروحوا سويسرا ؟

ستُجمد أرصدتهم وحقنا هايرجع لنا وهانبقى إن شاء الله أغنى دولة باهلها وناسها وشبابها اللي هانشيلهم فوق دماغنا

[شرف الدين]

فتحي سرور في منتهى العصبية

[أسد]

الدولة آمنة الدولة قوية .. والدولة مسيطرة

هذا ما ردده الدكتور / أحمد فتحي سرور على قناة المحور

بيهجص .. وبيقول كلام فارغ ..

الناس دي عبيطة .. وغبية ..

بيقول إنه دعا رئيس الوزراء لسؤاله في مجلس الشعب يوم الأحد

الدنيا والعة .,, وهو بيقول لسه حنشوف يوم الأحد

هل من المتوقع أن يبقى هذا النظام ليوم الأحد

الناس دي فعلاً غبية ..

في النهاية .. إتنرفز سرور من مذيعي المحور ..

وزهق منهم .. وقال لهم

كفاية عليكم كده .. وتوقف عن الكلام

وفي وسط حديثه قال انه خلال لحظات ستسمعوا مايسركم

[se_ Elsyed]

فتحي سرور في منتهى العصبية

ده بيخرف ويهترش وبيقول الأمور تحت السيطرة وإن مجلس الشعب حلو وماما حلوه

[mekkawy]

الحكومة تنهار انهيار سريع و تداعي غير مسبوق عالمياً

يا رب تمها على خير يا رب و اكتبلنا النصر .. اكتب النصر للشعب المسكين التعبان العظيم .. يا رب هنستحمل سنين و سنين من إعادة البناء و التعمير

يااااااااااا رب

[sheto]

فييييييييييييييييييييييييييييييييييينك يامبارك

اظهر ياحمااااااااااااااااااااااااااااااااااااار

[الغريب]

مصادر للجورنالجي داخل مصر تؤكد هروب مبارك

[م تيمور المراغي]

.............

وفي وسط حديثه قال انه خلال لحظات ستسمعوا مايسركم

سونه يا سونسون

مستنيينك تونسنا في جده ,,

القعده مع الشباب عالبحر يوم الخميس ماقولكش :happy:

[se_ Elsyed]

وفي وسط حديثه قال انه خلال لحظات ستسمعوا مايسركم

ما خلاص سمعنا ..

سمعنا وعرفنا إن النظام إنهار والكل هرب ...

بإذن الله مصر سالمة .. بإذن الله حلمنا اللي بنحلمه منذ أن عرفنا عالم المنتديات ونادينا وقولنا لأ للتوريث وراهننا على الشارع المصري وقولنا إن كل الحرامية دول هايتسحلوا ...

ها هو حلمنا يتحقق بعون الله .. ويتبقى أن نرى نظام مصري إنتقالي محترم ويحاكم هؤلاء الكلاب وتعود لنا ثورات بلدنا كلها ونعود نحن إلى بلدنا لنبنيها ولو من الصفر

أقسم بالله أنا أتحمل أن أعيش بدون أكل أو شرب ولكن بحرية وأدمية .. على ان أكنز المال وأنا مقيد ومكمم الفم وأرى بلدي تغتصب

في هذه اللحظة تذكرت أبواي وأستاذاي الأفوكاتو واخناتون .... لكنني أُهدى نشوة وفرحة هذه اللحظة إلى روحيهما الطاهرتان ...... ناما قريرا العينا يا أستاذ محمود ويا أستاذ محي الدين ..فلقد تحررت مصر من المماليك الأوغاد

[شرف الدين]

البي بي سي

مقتل شرطي مصري واصابة 4 آخرين اصابات خطيرة بالرصاص في رفح