ــــ 3ـــ طلبـــات وبــس - و مصباح علاء الدين

[Simba]

انا شفت الموضوع ده الصبح وصادف اني كنت بشوف الفيلم ده 16.Wishes.

ومضمون الفيلم عجبني اوي ان الغرق في الامنيات مش بخلينا نشوف الحاجات الحلوة اللي عندنا

بس ده طبعا ما يمنعش ان عندي امنيات كتيرة اوي

حتي العفريت ما يقدرش يحققها

بس هو لو يلخص ويجيب لي شقة يبقي كتر خيره

[جسار]

عفريت يا عفريت يا أبن الجنى نفسى تحقق لى تلات أمنيات و أنت وشطارتك بقه

أولا : تقف مكانى فى طابور العيش البلدى وتجيب بجنيه واحد ، بس تستحمل الزحمة وكتمة النفس

وكام زغد وكام قلم على القفا وتلقف العيش وهو سخن ملهلب بين أيديك وماتصوتش وخليك

عفريت راجل .

ثانيا : تروح أول الشهر تصرف لى علاجى الشهرى من التأمين الصحى ولو قالولك الطبيب لسه بدرى

عليه أترزع تلات أربع ساعات وأنتظره و أنت ساكت ، ولو جه ماتقولش حاجة خالص اللى يكتبه

فى الروشته خده و أنت ساكت ، وبعد كده روح أصرفه من الصيدلية وما يهمش لما تقف ساعة كمان

فى الطابور ولو قالولك الدواء مش موجود أطلع وعيط للمدير علشان يوافق على انه يديلك بديل

من بره وما تتأخرش .

ثالثا : تحاول تقنع سكان العمارة الافاضل بأن يشتركوا فى أعمال صيانة ونظافة العمارة وتحاول تلم

منهم اللى تقدر عليه ومش عايزك تزهق لو حد رزع الباب فى وشك ، أو لو حد قالك أنا ماليش دعوة

ده ان ماعنديش غير سبع عيال و أمهم خفاف خفاف لابنوسخ ولابنستهلك حاجة فى العمارة حتى السلم

بننزله جرى علشان ما نبوظهوش ، خليك تبت وتنح وصدغ قفاك .

تفتكروا العفريت أبن الجنى ممكن يورينى وشه بعد كده ، و ألا حيأخد تأشيرة جزر القمر ويفلسع على هناك !!

[ذهبية]

يااااةة يااغابى على مواضيعك اللى بتيجى كدة تخطف الابنسامة من على شفايفنا و بتجبرنا نسرح بخيالنا بعيد

ونحس ان الدنيا بين ايدنا وتحت امرنا

بصى انا طلباتى متواضعة جدااااا بس بجد عندى كبيرة جدااااا

1- الصحة و الستر يااااااااة على نعمة الصحة و الستر طول العمر ليا و لولادى و جوزى و وادعو الله ان ياتى اجلى و انا اعمل و ليس وانا فى الفراش

2- العدل يتحقق ميزان العدل فى كل حياتنا

3- الاقى المصريين منتشرين كدة فى كل دول العالم زى ما الصنين منتشرين فى بلدنا و بيشتغلوا اى حاجة ياريت نتعلم منهم بجد

[اغابي]

الآمنية الثانى : أن يعود الشباب فاعيد ترتيب أوراقى.

الأمنية الثالثة: " واسطة " .

http://www.youtube.com/watch?v=9AGYdUQoocI

ياااااااااااسلام يا استاذ محمد - دايما كدا تنزلنا بالمفيد المختصر

انا لو رجع بيا الزمن 9 سنين ورا كنت هاجرت كندا او اوربا - بدل الكويت

اللى ضاع فيها وقتى على الفاضي لا قيمة ولا ادمية ولا احترام ولا جنسية

وكمان واسطة

اعتقد ان كفاية امنية واحدة من الاتنين

لان الواسطة زى ما حضرتك نزلت الفيديو - هى بميت عفريت

وحتحقق كل الامنيات -اه من الواسطة - مش هاقولك - سحرها - دى اسرع من كل عفاريت مملكة الجان

مشاركة متميزة يا استاذى

[hOuSsAm]

3- الاقى المصريين منتشرين كدة فى كل دول العالم زى ما الصنين منتشرين فى بلدنا و بيشتغلوا اى حاجة ياريت نتعلم منهم بجد

هو فيه انتشار اكتر من اللى احنا فيه

المصريين موجودين فى كل خرم ابرة فى العالم

معلهش يا غابى هطلع عن موضوعك واقول على موقف حصل لصديق بمناسبة الانتشار

لى صديق اردنى وكان شغال فى شركة انجليزية وليها فرع فى السعودية

جاله خبرا او زائرين من انجلترا

ولما اتعرفوا على بعض فبيقوله انا من الاردن ....... الراجل الانجليزى يرد عليه ويقوله عارفكوا مصريين :D

يقوله لاء يا عمى انا من الاردن مش من مصر ........ يقوله عارف عارف كلكوا مصريين زى بعض :D

ياعم الحاج الاردن دى بلد ومصر بلد تانية......... يقوله عارف عارف احنا عندنا هناك مصريين كتير زيكوا كدة :D

قاله ياعم مصريين مصريين ....

[أبوعمار]

ازيك يا أغابي

بصراحة شوية أمنيات تخللي العفريت يدور له على شغلانة تانية

أنا في رأيي الأمنيات مختلفة من وقت للتاني

وده من فضل ربنا علينا ...إن أحلامنا متجددة عشان يبقى عندنا كل يوم هدف نقوم ونسعى علشانه

يعني لو هأفكر أطلب من الجني ايه حاليا أكيد الطلبات تختلف عن طلباتي بعد بعدين

افتكرت قصة قريتها من فترة اسمحوا لي أضيفها وأرجع أقول لكم أمنياتي وربنا يستر

A woman came out of her house and saw three old men with long white beards sitting in her front yard.

She did not recognize them. She said "I don't think I know you, but you must be hungry. Please come in and have something to eat."

"Is the man of the house home?" they asked.

"No", she replied. "He's out."

"Then we cannot come in", they replied.

In the evening when her husband came home, she told him what had happened.

"Go tell them I am home and invite them in."

The woman went out and invited the men in.

"We do not go into a House together!" they replied.

"Why is that?" she asked.

One of the old men explained: "His name is Wealth," he said as pointing to one of his friends, and said, pointing to another one, "He is Success, and I am Love." Then he added, "Now go in and discuss with your husband which one of us you want in your home."

The woman went in and told her husband what was said.

Her husband was overjoyed.

"How nice!" he said. "Since that is the case, let us invite Wealth. Let him come and fill our home

with wealth!"

His wife disagreed. "My dear, why don't we invite Success?"

Their daughter-in-law was listening from the other corner of the house.

She jumped in with her own suggestion: "Would it not be better to invite Love? Our home will then be filled with love."

"Let us heed our daughter-in-law's advice," said

the husband to his wife!

"Go out and invite Love to be our guest."

The woman went out and asked the three old men, "Which one of you is Love? Please come in and be our guest."

Love got up and started walking toward the house.

The other two also got up and followed him.

Surprised, the lady asked Wealth and Success: "I only invited Love; Why are you coming in?"

The old men replied together: "If you had invited Wealth or Success, the other two of us would've stayed out,

but since you invited Love, wherever he goes, we go with him. Wherever there is Love, there is also Wealth and Success."

[اغابي]

الآمنية الثانى : أن يعود الشباب فاعيد ترتيب أوراقى.

انا كمان عاوزة اطلب الطلب ده عشان لو العمر رجع بيا تانى هعيد فعلا ترتيب اوراق كتيرة فى حياتى ولو رجع شبابى اللى مابقتش حاسة بيه ابدااا هحاول اعيشه من جديد

الأمنية التانية.....الصحة ترجع ذى ما كانت الاول ولا نعترض على الله طبعا

الأمنية الثالثة.....ماعنديش أمنية تالتة

ومانيل المطالب بالتمنى ولكن تؤخد الدنيا غلابا

فتفوتة حبيبتى

شكرا لمشاركتك الجميلة

لكن ممكن خناقة على الطيارى كدا - انت لسة قطة وفتفوتة صوغننة

ليه بتتكلمى ان الشباب ضاع منك والصحة - ايه يا بنتى فى ايه - ما توهميش نفسك كتير

وكمان ليه تتنازلى عن تالت امنية

bsh:)

ادى اخرة زيارات العيادات النفسية

:P

تم تعديل 25 يناير 2011 بواسطة اغابي

[moory]

مش عارف لييه يا أغابي دايما لما بسمع سيرة عفريت الفانوس بفتكر لما بلدياتنا قعد يدعك في الفانوس لحد ما العفريت جاله تسلخاات...عفريت فقري :blink:

ولو جت على ال 3 امنيات، وبما انهم العفريت اتمسك طوارئ من 3 شهور على طريق الطالبية، يعنى مش هيعرف يعملي حاجة، فأنا بتمنى

1. أحاول اساعد في حل مشكلة البطالة في مصر...

2. أأسس شغلي الخاص..

3. أكلللللللللللللللل و ما اتخنش... حواار الأكل الصحي ده مش بياكل معانا

[Folana]

فلانة

سواقة العربية بنفسك ليها متعة وطعم تانى

انا عارفة صدقيني الامنية دي مهمة اد ايه

لكن انك تحققى الامنيات للناس - يبقى انتى واخداها سبوبة ولا ممكن يعنى تبقى مجاملات

علشان تفتكيريني - ابقى لو اتزنقت فى اى امنية على الماشي كدا اقصدك فيها زى مثلا رخصة سواقة

لبنت خالتى اللى فى حدائق الزيتون زى حاجات خفافى كدا يعني تخدمينا فيها بقى

انشالله كل واحد طلب امنية تتحقق له

السلام عليكم ورحمة الله...

والله يا اغابى ياحبيبتى ما اخبيش عليك...أنا حاخدها سبوبة استرزق منها..ولكن...قد تأتى علىّ لحظات كرم ورضا ..احقق فيها الامنيات بالمجان....لاهلى وحبايبى والمجتمع والناس والفقراء والمساكين من بنى جلدتى...

واذا كان على رخصة القيادة..دى مش محتاجة عفريت ولا يحزنون...ابعتى لى بس البيانات مع الظرف اياه...:)

بالنوسبة لامنيتك الثالثة دى:

ثالت امنية

انى اعمل حفلة كبيرة - لبيت العيلة محاورات المصريين واتشرف بمعرفتهم كلهم - كل واحد باسمه

حتى الناس اللى كنا بنختلف فى الاراء - اكيد حول المائدة المستديرة الحوار والمناقشات هيكون لها شكل مختلف

يعنى انا بأقول برضه انها مش محتاجة جنى ولا عفريت ...انت تقشرى بس .واحنا نلبى الندا...

الا اذا كان العفريت هو اللى حيغسل الصحون بعد العزومة....يبقى ربنا معاه ...

اسعد الله صباحك..

[اغابي]

واذا كان على رخصة القيادة..دى مش محتاجة عفريت ولا يحزنون...ابعتى لى بس البيانات مع الظرف اياه...:)

اه - قولى كدا - الظرف اياه - ;)

ياسلام على الحنية - يا سلام على الانسانية

بالنوسبة لامنيتك الثالثة دى:

ثالت امنية

انى اعمل حفلة كبيرة - لبيت العيلة محاورات المصريين واتشرف بمعرفتهم كلهم - كل واحد باسمه

حتى الناس اللى كنا بنختلف فى الاراء - اكيد حول المائدة المستديرة الحوار والمناقشات هيكون لها شكل مختلف

يعنى انا بأقول برضه انها مش محتاجة جنى ولا عفريت ...انت تقشرى بس .واحنا نلبى الندا...

الا اذا كان العفريت هو اللى حيغسل الصحون بعد العزومة....يبقى ربنا معاه ...

لا الاكل دوليفرى سيادتك يا فندم

:closedeyes:

بس بجد فعلا لو اللحظة دى تيجي كدا انا بحلم بيها - ونتجمع فى حفلة تنكرية وانا هالبس

واتنكر فى شخصية جوليت - بس ما تقوليش لحد - شششششششش داه سر بينا - وبعد ما نخلص بقى العشا والحفلة ونتجمع

حول المائدة المستديرة للمناقشات بمسدساتنا وسيوفنا - اقصد باوراقنا واقلامنا - ونتحاور بقى فى الموضوعات الساخنة على الساحة السياسية والمطبخية

ونشوف الاراء يا ترى تختلف كتير وجها لوجه عن الكتابة على المنتدى وهل ياترى فيه اقناع بين الاطراف والصول لحلول بدون استخدام اسلحة

اسعد الله صباحك..

شكرا يا فندم لمرورك الكريم واسعد الله كل ايام حياتك

[اغابي]

أما العفريت ..

وحاطلب منه يخلصنا من اللي بالي بالك .. بس مش عارف حيقدر ولا حيمسكوه وينفخوه

وحاطلب منه .. آخر حاجة .. لو إتنفخ .. يتخدني أنا وزوجتي وابني .. نروح حتة تانية خالص .. بس وقتها أنا حاختارها بمزاجي

اخخخخخخخخخخخ وانا كمان يا استاذ اسد

عاوزة العفريت يخلص مصر كلها من اللى بالى بالك برضوه

وبعدين اذا كان على النفخ مش مشكلة

العفاريت دول ولاد جنية اكيد له تصريف يفلت بيه من النفخ

طب ما بلاش سيرة النفخ نهارده لان بكرة السجون والمعتقلات هتبقى مليانة على الاخر -الشرطة نهاردة عندهم شغل كتير

[اغابي]

انا شفت الموضوع ده الصبح وصادف اني كنت بشوف الفيلم ده 16.Wishes.

ومضمون الفيلم عجبني اوي ان الغرق في الامنيات مش بخلينا نشوف الحاجات الحلوة اللي عندنا

بس ده طبعا ما يمنعش ان عندي امنيات كتيرة اوي

حتي العفريت ما يقدرش يحققها

بس هو لو يلخص ويجيب لي شقة يبقي كتر خيره

بالعكس الغرق فى الامنيات بنهرب من الحاجات الوحشة يا سمبا

وبعدين غرق ايه داه هما 3 طلبات مفيش غيرهم

اما بالنسبة لامنيه الشقة فانت امنياتك بسيطة ومتواضعة جدا

يا سمبا بس طلب واحد تطلبه - ما تسبيش حقك بقيلك اتنين