مطلوب موضوع مثبت عن القرارات الإدارية في محاورات المصريين

[الغريب]

السلام عليكم

راسلت أمس الفاضل الأستاذ عادل أبو زيد على معرف Advisor بخصوص الحاجة إلى موضوع مثبت على غرار موضوع "ضم وتعديل موضوعات" يكون بمثابة فهرس أو نشرة لكل القرارات الإدارية بمحاورات المصريين، مثل إيقاف عضو أو إنذار عضو أو إعلان بخصوص عارض معين في مصر ورؤية محاورات المصريين في عرضه بالمنتدى..

وقد آثرت مراسلته على الخاص لأن الأمر ربما كان مجرد فكرة لدي أحببت أن أعرف وجهة نظره فيها..

ولكني تفاجأت اليوم أن موضوع "25 يناير موعد المصريين" حينما أدخل عليه يبدو أنه قد تم حذفه بالكلية، ولا أعلم ما السبب..

وأنا أنزه القائمين على المحاورات أن يكون مثل هذا الأمر مسئ للمشاركين بالموضوع إذا لم يتم الإعلان عن الإجراء الذي أتخذ بشأنه..

وحتى لو كانت الإدارة قد قامت بحذف الموضوع لشئ في نفسها، فلا ننسى أنه قد أنضم إليه موضوع بخصوص المغتربين ، فضاع بذنب موضوع الدعوة..

شكرا لتفهمكم وتفاعلكم

[مغتربة]

انا ايضا تفاجئت عندما دخلت اليوم ووجدته حذف تماما

اعتقدت انه خطا تقنى لان العاده انه مهما كانت الموضوعات ساخنه فان الاجراء الذى يتخذ معها هو حذف المداخلات التى يرى فيها تجاوز او حتى الاغلاق مع الترك و ليس الحذف

اعتقد انه من حقنا على الاقل ان نعرف سبب هذا الاجراء ( ان كان فعلا حدث و ليس خطا تقنى فى برمجيات المنتدى ؟)

ما دام هناك موضوع فتح لعده ايام و شارك فيه مجموعه من الاعضاء بتفاعل فعلى الاقل يجب ان يفهموا سبب الحذف الكلى

اتمنى من الاداره ايضاح الامر لنا

و شكرا

[mamdowh]

وانا كمان كنت عامل مداخله فى موضوع رسالة للرئيس (حاجه زى كده مش فاكر إسم الموضوع بالتحديد) لا لقيت المداخلة ولا لقيت الموضوع نفسه لدرجة إنى شكيت فى نفسى

:protest:

[اغابي]

شكرا يا غريب لفت انتباهى دلوقتى لكن برضوه انا فى رايي الشخصي ان

موضوع زى 25 يناير داه انا باعتقد انه كفكر ينتشر عن طريق المنتدى

بصراحة ومع احترامى لاى راى قد يخالفنى هو موضوع خطر جدا على امن مصر

يعنى ايه نحرض اننا نقوم بثورة ومش عارفين ايه العواقب اللى ممكن تحصل

اعتقد ان الناس مش فاهمة ايه العواقب - صدقونى - هل منتظرين نسمع

ان الشوارع فيهاضرب رصاص عشوائي وسلب ونهب وسرقة من قطاع الطرق والمجرمين ومنعدمى الضمير

موضوع خطر جدا جدا جدا جدا جدا

فعلا الادارة لازم تحذف اى موضوع يكون خطر على امن مصر او نظامها

وداه رايي الشخصي

خالص الود

اغابي

تم تعديل 17 يناير 2011 بواسطة اغابي

[الغريب]

شكرا يا غريب لفت انتباهى دلوقتى لكن برضوه انا فى رايي الشخصي ان

موضوع زى 25 يناير داه انا باعتقد انه كفكر ينتشر عن طريق المنتدى

بصراحة ومع احترامى لاى راى قد يخالفنى هو موضوع خطر جدا على امن مصر

يعنى ايه نحرض اننا نقوم بثورة ومش عارفين ايه العواقب اللى ممكن تحصل

اعتقد ان الناس مش فاهمة ايه العواقب - صدقونى - هل منتظرين نسمع

ان الشوارع فيهاضرب رصاص عشوائي وسلب ونهب وسرقة من قطاع الطرق والمجرمين ومنعدمى الضمير

موضوع خطر جدا جدا جدا جدا جدا

فعلا الادارة لازم تحذف اى موضوع يكون خطر على امن مصر او نظامها

وداه رايي الشخصي

خالص الود

اغابي

يا أغابي أحنا كلنا قولنا كدة في الموضوع ورفضنا الدعوة ، بس المشكلة ليست في الدعوة المشكلة الموضوع راح فين ؟ الإجراء ضده أيه ؟ والموضوع اللي إدمج معاه راح فين ؟

بالعكس أنا لما بعرف رد الإدارة على موضوعات زي دي بيزيد إحترامي لمحاورات المصريين ؟

[لماضة مصرية جدا]

السلام عليكم و رحمة الله و بركاته

مش معاكي يا اغابي..(صباح الودر و حمد لله ع السلامة)....مش معاكي بقي في موضوع ان الادارة تحذف ما تراه خطرا علي امن مصر....

طب حتي بدون تنويه!!!!!!!!!!!!!!!!!!!!!!!!!!!!!!!!!!!!

طب يعني ايه "ما تراه الادارة".....!!!

اذا كان الموضوع ساخن و اذا كان يتم تناوله بشكل واسع في كل حتة ع الانترنت

موضوع 25 يناير ليس اختراعا شخصيا لاحد الاعضاء بالمحاورات دي دعوة تمس مصر كلها و منتشرة ع النت جدا يعني لو مكناش عرفناها من المحاورات كنا عرفناها من مليون حتة تانية

لكن الفرق و ده الدور اللي بيميز المحاورات (و للاسف شكلنا هنتحرم منه).....هي طريقة التناول و العرض و طريقة تحليل الامور بشكل غير انفعالي و بمنطقية بتخلي الواحد يشوف الامور برؤية اوضح و بالتالي بتحميه من انه ينزلق في اي دعوة ما مهما كان ظاهرها عسل

كل واحد فينا مسئول...و لما انطرح توبيك ساخن زي ده...كلنا شاركنا فيه....يمكن احتدت الاصوات...

لكن "ما نراه" كمحاورين هو ان احنا لازم نتفاعل....و لازم نفهم ايه اللي بيجري حوالينا

و لازم نفهمه من مكان بنثق فيه و من عقلاء بنحترم آراؤوهم

ع هامش القرارات

التوبيك مختفي من انبارح بالليل....

و باشمهندس اركتكت كمان مظهرشي النهاردة الصبح.....

يمكن محتج....

يمكن متضايق...

او يمكن...إمممممم اتقبض عليه مثلا

انا بقول كده الموضوع بقي اكبر من الادارة.....!!!!

(سؤال بس عشان انا جديدة في عالم المنتديات و كدهون.....هي المنتديات متراقبة!!!!)

طب ده خبر خير ان شاء الله

انا هروح اقعد ع الفيس بوك بقي.....و لو جم اتنين مخبرين.....ابعتهوملي هناك

صباحكم خير ان شاء الله

[Simba]

انسي يا صاحبي

طالما رأيك مجرد اقتراح

ومش خارج من اجتماعات الطاولة المستديرة وهما ماسكين السيوف

يبقي هتعتبره الادارة تدخل اجنبي في الشئون الداخلية للمنتدي

[مغتربة]

شكرا يا غريب لفت انتباهى دلوقتى لكن برضوه انا فى رايي الشخصي ان

موضوع زى 25 يناير داه انا باعتقد انه كفكر ينتشر عن طريق المنتدى

بصراحة ومع احترامى لاى راى قد يخالفنى هو موضوع خطر جدا على امن مصر

يعنى ايه نحرض اننا نقوم بثورة ومش عارفين ايه العواقب اللى ممكن تحصل

اعتقد ان الناس مش فاهمة ايه العواقب - صدقونى - هل منتظرين نسمع

ان الشوارع فيهاضرب رصاص عشوائي وسلب ونهب وسرقة من قطاع الطرق والمجرمين ومنعدمى الضمير

موضوع خطر جدا جدا جدا جدا جدا

فعلا الادارة لازم تحذف اى موضوع يكون خطر على امن مصر او نظامها

وداه رايي الشخصي

خالص الود

اغابي

احنا كلامنا يا اغابى عن العمليه التنظيميه بشكل عام مش عن فكره الموضوع دا بالذات انا لما اشارك فى موضوع و ياخد منى وقت و جهد فعلى الاقل اكون ابديتيت بالتطورات الى بتحصل فيه

انا النهارده ورت على الموضوع كتير فى كل الاقسام و كنت هبعت اسال استاذ ارتيتيكت هو نقله فين لولا انى شوفت موضوع استاذ الغريب بالصدفه و دخلتوا

فعلا فيها ايه لما يكون فى موضوع مثبت بالاجراءات الى زى كدا علشان الناس تبقى على بينه او اهون الضرر انه تتبعت رساله اليه لكل واحد شارك فى موضوع معين لو الموضوع دا اتقفل او اتحذف و كمان لو اى مداخله ليه اتحذفت يوصله رساله اليه علشان بس الناس تكون فاهمه

دا بخصوص الموضوع اما بخصوص اعتراضك على فكره الموضوع نفسه فاعتقد ان الدغوه للتظاهر مفيهاش ابدا اى تحريض على الفوضى او تشجيع على الشغب

ايام خالد سعيد ملينا النت و المنتدى هنا دعوات للتظاهر و الاحتجاج من غير ما قلم واحد يكون فى باله دعوى للشغب او تحريض على الفوضى

الدعوه ماليه النت و مهياش اختراع اخترعناه هنا و الموضوع كان ماشى بكل ديموقراطيه و الاصوات المعارضه قالت رايها اكتر من الاصوات المؤيده

على حد علمى مقريش فى الموضوع لغيه امبارح كلمه واحده بتقول للناس احرقوا نفسكم او شاغبوا او اقلبوها فوضى

امن مصر هاجسنا كلنا الى وافق و الى اعترض

الوقفات التضامنيه مهياش بدعه اتفتحت فجاه فى موضوع امبارح و اعتقد ان مسار الموضوع كله مكنش يستحق ان يتم حذفه بهذا الشكل الغريب

[اغابي]

السلام عليكم و رحمة الله و بركاته

مش معاكي يا اغابي..(صباح الودر و حمد لله ع السلامة)....مش معاكي بقي في موضوع ان الادارة تحذف ما تراه خطرا علي امن مصر....

طب حتي بدون تنويه!!!!!!!!!!!!!!!!!!!!!!!!!!!!!!!!!!!!

صباحكم خير ان شاء الله

لماضة انا هاقولك على كام نقطة

النقطة الاولى

دى اراء - انا رايي انى مش عاوزة ان المنتدى يكون بيئة لنشر مثل هذه الافكار او يساهم بيها باى شكل من الاشكال

وانا لما اتكلمت اتكملت عن الموضوع نفسه 25 يناير مش عن الموضوع المثبت للقرارات الادارية

النقطة التانية

موضوع ان الادارة تبلغنا او زى ما بيقول غريب تعملنا موضوع مثبت

عن القرارات الادارة والتنبيهات داه فعلا من حقنا وانا معاكم طبعا - وداه عادى على فكرة موجود فى كل المنتديات

النقطة الثالثة

للاسف فعلا - بشمهندس تيمور زعلان جدا

اخر نقطة يا لماضة

هدية منى

:give_rose:

[اغابي]

احنا كلامنا يا اغابى عن العمليه التنظيميه بشكل عام مش عن فكره الموضوع دا بالذات انا لما اشارك فى موضوع و ياخد منى وقت و جهد فعلى الاقل اكون ابديتيت بالتطورات الى بتحصل فيه

انا النهارده ورت على الموضوع كتير فى كل الاقسام و كنت هبعت اسال استاذ ارتيتيكت هو نقله فين لولا انى شوفت موضوع استاذ الغريب بالصدفه و دخلتوا

فعلا فيها ايه لما يكون فى موضوع مثبت بالاجراءات الى زى كدا علشان الناس تبقى على بينه او اهون الضرر انه تتبعت رساله اليه لكل واحد شارك فى موضوع معين لو الموضوع دا اتقفل او اتحذف و كمان لو اى مداخله ليه اتحذفت يوصله رساله اليه علشان بس الناس تكون فاهمه

دا بخصوص الموضوع اما بخصوص اعتراضك على فكره الموضوع نفسه فاعتقد ان الدغوه للتظاهر مفيهاش ابدا اى تحريض على الفوضى او تشجيع على الشغب

ايام خالد سعيد ملينا النت و المنتدى هنا دعوات للتظاهر و الاحتجاج من غير ما قلم واحد يكون فى باله دعوى للشغب او تحريض على الفوضى

الدعوه ماليه النت و مهياش اختراع اخترعناه هنا و الموضوع كان ماشى بكل ديموقراطيه و الاصوات المعارضه قالت رايها اكتر من الاصوات المؤيده

على حد علمى مقريش فى الموضوع لغيه امبارح كلمه واحده بتقول للناس احرقوا نفسكم او شاغبوا او اقلبوها فوضى

امن مصر هاجسنا كلنا الى وافق و الى اعترض

الوقفات التضامنيه مهياش بدعه اتفتحت فجاه فى موضوع امبارح و اعتقد ان مسار الموضوع كله مكنش يستحق ان يتم حذفه بهذا الشكل الغريب

لا يا مغتربة انا هاشرحلك انا عاوزة اقول ايه

انا معاكم ان الادارة تعمل موضوع مثبت للقرارات الادارية زى ما كل المنتديات عملت - دى نقطة لا خلاف عليها

والا اصبح الامر كانه تعسف فى استخدام السلطة من قبل الادارة موجه الى الاعضاء

وبكدا متفقين فى النقطة دى

لكن بالنسبة للنقطة التانية

ايام خالد سعيد الوضع كان مختلف على الاقل كان اهدا من كدا

المرة دى التظاهر مش عادى

لان الوقت مش عادى

حاليا

موضوع تونس و الناس عاوزة تشارك وتقلد وفعلا تعمل هيجان لكن كله - تقليد اعمى

احداث التفجيرات الاخيرة فى مصر الفترة دى - كلها - بتقول ما ينفعش نعمل دعوة لمظاهرات قد تكون سلمية

او قد تتحول الى بركان ثائر ووقتها برضوه الضحايا هيكونو من الشعب المصري اللى لا ليهم فى التظاهرات ولا غيره

تم تعديل 17 يناير 2011 بواسطة اغابي

[لماضة مصرية جدا]

صباح القهوة الرايقة غيبو الغالية

بصي "نشر الفكرة"....منقدرشي نمنعه و احنا في عالم مفندق كده من كل ناحية.....احنا بنتكلم ع النت يا جدعان.....يعني ضغطة زرار هلاقي اللي عايزة اعرفه و اللي مش عايزة اعرفه

لكن اني احتضن الفكرة......مش معناه تأييدها....معناه اني احطها قدام صاحبها علي الترابيزة.....عشان يشوفها من كل الزوايا....و مش عشانه هو بس...عشان اي حد هيجي يمر من جنب الترابيزة يبقي قدر يشوف الفكرة كاملة...واضحة.....و بالتالي ياخد قرار و يتبني موقف يتحمله هو شخصيا

طبعا يعز علينا زعل الباشمهندس اركتيكت.....عارفة هو زعلان ليه....لانه انفعل بالفكرة زيادة عن اللزوم....التحم بيها.....و تفاعل معاها بشكل شخصي...(دي وجهة نظري الخاصة...اللي ممكن اكون خطا فيها و يسامحني الباشمهندس)

.و بالتالي فقد حياديته و ده اللي كنا بنحاول نوصله امبارح في الحوار....كنا بنحاول نوصل للحياد

احنا ممكن نناقش الفكرة من غير ما نناقش صاحبها اصلا......لان الفكرة موجودة يا ناس ع النت....مش افتكاسة يعني

بالنسبة لجزيئة التنويه بحذف الموضوع.....انا قعدت امبارح اخش من توبيك و اطلع من توبيك و راسلت الادارة و محدش رد عليا.....قولت يمكن انا عشان بخش بالليل و كدهوت...و كلهم نايمين

و لما صحيت....لقيت فعلا انه اتشال

طيب......نستغرب بقي و نتعجب.....و نتساءل!!

و بس خلاص

[fatfouta]

موضوع 25 يناير...الادارة ليها وجهة نظر فى اغلاقه ولو قرينا الاعلان ده هنقدر نتعرف على وجهة النظر دى

http://www.egyptiantalks.org/invb/index.php?showannouncement=64&f=3

لكن موضوع عنبو (اللى ايده فى الميه مش ذى اللى ايده فى النار)

ده كان بيتكلم عن حاجة تانى وهى موقف المغتربية من اى ثورة او مظاهرات قد تحدث فى مصر.... او عدم تحفيز الناس على الثورة والمظاهرات

بصراحة شايفة ان الموضوعين اللى انضموا مختلفين عن بعض لان لكل كاتب فيهم وجهة نظر بعيدة عن التانى

والامر فى الاخر يرجع للادارة

[عنبو]

fatfouta

مرسلة اليوم, 01:11 PM

موضوع 25 يناير...الادارة ليها وجهة نظر فى اغلاقه ولو قرينا الاعلان ده هنقدر نتعرف على وجهة النظر دى

http://www.egyptiant...uncement=64&f=3

لكن موضوع عنبو (اللى ايده فى الميه مش ذى اللى ايده فى النار)

ده كان بيتكلم عن حاجة تانى وهى موقف المغتربية من اى ثورة او مظاهرات قد تحدث فى مصر.... او عدم تحفيز الناس على الثورة والمظاهرات

بصراحة شايفة ان الموضوعين اللى انضموا مختلفين عن بعض لان لكل كاتب فيهم وجهة نظر بعيدة عن التانى

والامر فى الاخر يرجع للادارة

عرفيتيها ازاى دى يا فتفوته جبتيها من الكنترول ولا ايه ! اصلى مستنى النتيجه الى هتطلع تقول ان الموضوعين مختلفين

او مش مختلفين

رحمتك ياااااااااااااااااااااااااااااااارب

[Scorpion]

الزملاء الأعزاء ...

أولآ باسم فريق المشرفين اقدم اعتذار بالغ علي تأخيرنا في الأعلان عن غلق الموضوع المذكور بصفة مؤقتة اولآ .. و عن التأخير في الوصول الي قرار حاسم بصدده و ذلك لحساسية المسألة ثانيآ .. و ان كانت النقاشات بين فريق المشرفين قد وصلت الي نهايتها و سيتم الأعلان عن قرارهم في القريب العاجل ...

كلنا ثقة في تفهمكم و تعاونكم معنا ...

أما بالنسبة لطلب تثبيت موضوع للقرارات الأدارية .. فلقد تمت الموافقة عليه و سيتم تثبيت الموضوع الموجود بالفعل و يسمي "اجراءات ادارية" ...

كل الشكر لأهتمامكم الذي يساعدنا علي ابقاء المحاورات هذا المكان الجدير بنا كلنا ....