باتسيري ريمو البريمو

[pink rose]

اما يا ولادي يا حلوين عملتلكم حتة كيك بس بجد جميلة

طبعا هاتسالوني جميلة ليه؟

هاقولكم عشان الانسة المبجلة مريم شاركت في اعدادها و اكيد طلعت حلوة عشان بس مريومة لمستها

يالا اقولكم المقادير و الطريقة و الذي منه

قبل اي كلام اول حاجه نعملها اننا نشغل الفرن على درجة حرارة متوسطة

و بعدين نجيب الصينية اللي هانعمل فيها و ندهنها سمنة و نرشها دقيق

المقادير بقى:

5 بيضات و فانيليا

كوب و نص سكر او كوبيتين الا ربع اوكوبيين يعني حسب لمزاج اللي عاوزها مسكرة او معتدلة كده يعني

3 ملاعق كبيرة سمنة و ممكن تزودوا معلقة عليهم قشطة حسب الرغبة يعني

كوب حليب

كوبايتين و نص دقيق منخول مع معلقتين صغيرين بيكينج بودر

معلقة صغيرة كاكاو

الطريقة

نضرب البيض مع الفانليا كويس جدا

نضرب السمنة لوحدها او مع القشطة لحد لون السمنة ما يبقى ابيض مش اصفر

نضيف السكر الي السمن و نقلبهم لحد ما يختلطوا

بعد كده نضيف البيض المضروب على الخليط السابق لحد ما يتجانسوا

نحط الحليب عليهم و نستمر في التقليب

نبدأ في اضافة الدقيق شوية شوية و نقلب لحد ما تخلص كمية الدقيق

بعد كده ناخد 3 ملاعق كبيرة من خليط الكيك نحطهم في طبق و نحط عليهم الكاكاو و نقلب كويس لحد ما الكاكاو يختلط مع العجين

نبدأ بقى في تنزيل عجين الكيك في الصينية المدهونة سمنة و المرشوشة دقيق نحط الاول من الخليط الابيض

و بعدين خليط الكيك بالكاكاو و بعدين ابيض تاني و بعدين كاكاو و هكذا لحد ما تخلص الكمية

و بعدين نساوي العجين في الصينية كويس بحيث يكون متساوي يعني مش منطقة عالية و منطقة لأ كله يكون في نفس المستوى تقريبا

و بعدين ندخلها الفرن اللي احنا كنا مسخنينه من قبل ما نبدأ و نسيبها لمدة من 30 ال 45 دقيقة

يعني بعد نص ساعه كده نبص عليها و ندخل فيها سكينة لو طلعت نضيفة يبقى استوت خلاص و نشغل الشواية بس عشان الوش يحمر لو طلعت السكينة فيها عجين لسا نسيبها شوية كمان

كده خلاص خلصنا و ان شاء الله يطلع شكلها كده

انا بحب اوي اعمل الكيك في الصينية المخرومة من النص دي الكيك بيعلى فيها و كمان بيكون شكلها لطيف لما تتقطع

اسيبكم بقى مع الصور

هتلاحظوا اني عاملة الشكولاتة في نص الكيك بس دا لان جوزي مش بيحب الشكولاتة فا باعملها نص سادة له و نص بالكاكاو ليا

دا شكلها من جوا بقى لما تتقطع

يا رب تجربوها و تعجبكم

و بالهنا و الشفا

اه لو حد عاوزها تطلع كده بالشكل دا ممكن يبعتلي رسالة على الخاص و انا اوصلكم مريم تساعدكم فيها wst::

[لولا]

ايوه كده يا ريمو .. فرحينا بالحاجات الحلوه دى اللى مبتطلعش غير من تحت الأيدى الناعمة :happy:

احسن بندق افندى خلى وشنا قد السمسمه ومحدش بقى عنده اى شجاعه يشارك من بعد ما خطى برجله اليمين باب المطبخ

انا قريت المقادير الأول وطريقه العمل ومن الطريقه عرفت انها هتطلع تحفه فعلا بس الصور فعلا خلتنى اقول ما شاء الله لأنها فكرتنى بكيك "ساريتا"

اللى بيبقى فانيليا وشوكلاته مع بعض ... الكيكة دى تستاهل عشره على عشره بكل جداره .

تسلم الأيادى وخصوصا ايد الأنسة الرقيقه جدا مريومه .. wst::

البنت كده هتتخطب بدرى بدرى يا ريمو :lol:

ميرسي على مجهودك والصور كمان ويارب ديما

تحياتى

لولا

[بندق أفندى]

احم احم

يلا يلا

دستور

[pink rose]

ايوه كده يا ريمو .. فرحينا بالحاجات الحلوه دى اللى مبتطلعش غير من تحت الأيدى الناعمة :lol:

احسن بندق افندى خلى وشنا قد السمسمه ومحدش بقى عنده اى شجاعه يشارك من بعد ما خطى برجله اليمين باب المطبخ :lol:

انا قريت المقادير الأول وطريقه العمل ومن الطريقه عرفت انها هتطلع تحفه فعلا بس الصور فعلا خلتنى اقول ما شاء الله لأنها فكرتنى بكيك "ساريتا"

اللى بيبقى فانيليا وشوكلاته مع بعض ... الكيكة دى تستاهل عشره على عشره بكل جداره .

تسلم الأيادى وخصوصا ايد الأنسة الرقيقه جدا مريومه .. ;)

البنت كده هتتخطب بدرى بدرى يا ريمو

ميرسي على مجهودك والصور كمان ويارب ديما

تحياتى

لولا

ميرسي يا لولا يا جميلة

و طبعا عندك حق الواحدة بتدخل قسم المطبخ و تخرج منه و وشها في الارض :wub:

و بندق افندي احنا مش اده خالص في الاكل بس انا لقيته ما جابش و لا مرة سيرة الحلويات قولت بس يا بت يا ريمو جاتلك على الطبطاب و اهو ارفع راسنا شوية بدل الكسفة اللي احنا فيها على طول دي :lol:

و بالنسبة لمريم لو دا اللي هايخليها تتخطب بدري بدري كل يوم هاوقفها معايا في المطبخ

احم احم

يلا يلا

دستور

اهلا اهلا بندق افندي اتفضل البيت بيتك :lol:

اتفضل حتة كيك و طبعا كان نفسي تدوقها بجد و اعرف رايك فيها

بس المشكلة الوحيدة ان حضرتك في الدمام :wub:

تم تعديل 2 يونيو 2009 بواسطة remo

[بندق أفندى]

با أفندم أكيد تحفة .. أنا بأحب الكيك الخفيف جدا .. بس ما جربتش ولا مرة أعمله .. عاوز الأول أقفل المطبخ فى الأصناف العادية وبعدين أدخل على الحلويات ههههههههه

أى حاجة عاوزة مقادير مش سكتى خالص .. الا اذا بقيت محترف جدا فيها ومن غير مقادير وده عاوز أجرب فى ييجى 3 اشولة دقيق لحد ما تظبط ههههههههه

[fatfouta]

تسلم ايدك يا ريم انتى ومريومة شكلها حلو اوى

متخيلاكى انتى ومريم ونتوا مبهدلين الدنيا والمطبخ مقلوب عشان تعملوا الكيكة

بس فى الآخر المهم انها طلعت حلوة من ايدكم تسلموا يارب

[pink rose]

با أفندم أكيد تحفة .. أنا بأحب الكيك الخفيف جدا .. بس ما جربتش ولا مرة أعمله .. عاوز الأول أقفل المطبخ فى الأصناف العادية وبعدين أدخل على الحلويات ههههههههه

أى حاجة عاوزة مقادير مش سكتى خالص .. الا اذا بقيت محترف جدا فيها ومن غير مقادير وده عاوز أجرب فى ييجى 3 اشولة دقيق لحد ما تظبط ههههههههه

انت بس جرب دي مقاديرها مبظبوطة تمام

على فكرة الكوباية المستخدمة فيها مش كوباية شاي صغيرة لا لا كوباية من بتوع المايا الطوال دول

اللهم بلغت اللهم فاشهد

تسلم ايدك يا ريم انتى ومريومة شكلها حلو اوى

متخيلاكى انتى ومريم ونتوا مبهدلين الدنيا والمطبخ مقلوب عشان تعملوا الكيكة

بس فى الآخر المهم انها طلعت حلوة من ايدكم تسلموا يارب

تسلمي يا فاطمة

انتي بتقولي فيها دا كان يوما ما حصلش في تاريخ الامة العربية

خصوصا ساعة نخل الدقيق بقى

فجأة لقيت المطبخ بقى ابيض مش عارفه ليه

[pink rose]

كل سنة و انتم طيبين و للنسيم شامين :blush2:

و عشان هاذوها المناسبة اللذيذة جايبالكم كعكة لذيذة

المقادير

كوب لبن

نصف كوب سكر

نص معلقة صغيرة ملح

قطعة خميرة في حجم البيضة البلدي

تلت كوب سمن

ربع كوب ماء دافئ

3 بيضات

6 اكواب دقيق

نص معلقة كركوم

تزيين الوجه

ربع كوب سمن

ثلاث ارباع كوب سكر ناعم (و ممكن بودرة)

بياض بيضة

2 معلقة كبيرة عسل دافئ

الطريقة

نضع اللبن و الزبدة و الملح و الكركوم مع بعض و نقلبهم كويس و ندفيهم على النار

و نحهم في الطبق اللي هانعجن فيه و نضيف عليهم البيض بعد ما نكون ضربناه في الخلاط او بمضرب البيض

نضيف السكر و بعد كده نضيف الدقيق بالتدريج

الخميرة طبعا نحط عليها ربع كوباية الماء الدافئ و معلقة سكر و نقلبهم كويس لحد ما الخميرة تدوب و نضيفها على الخليط اللي فات

و نعجن بقى لحد ما يبقى عندنا عجينة متماسكة

نقسمها العجينة لثلاث اجزاء و نبرم كل جزء بمقاسات متساوية

بالشكل دا

و بعدين نعملهم ضفيرة بالشكل دا

و بعدين نلفها على شكل دايرة بالشكل دا

و بعدين نحطها في صينية مدهونة سمنة

نضرب مقادير تزيين الوجة معا في الخلاط حتى يصبحوا كالكريمة و ندهن وشط الضفيرة بالمقدار كله

ملحوظة على جنب

ممكن نحط في وسط الضفيرة بيض مسلوق

و نسيبها تخمر من بالليل و تخبز في الصباح في فرن متوسط الحرارة لمدة 20 دقيقة تقريبا يكون الفرن شغال من فوق و تحت يعني فرن و شواية في نفس الوقت

معلش الموضوع كتبته متأخر هي المفروض تفطروا بيها لكن ممكن تعملوها اول ما تصحوا و تتعشوا بيها :lol:

تم تعديل 5 أبريل 2010 بواسطة remo

[doha]

ماشاء الله باين عليها هتطلع هايلة بس ياريتك صورتيهالنا بعد ماخرجت من الفرن شكلها ايه ..

[pink rose]

ما هي لسا ما دخلتش الفرن اصلا يا ضحى

في مرحلة التخمر

:blush2:

[pink rose]

صباحكم نسمة حلوة

ادي الكعكة لما استوت الصبح

و ادي واحدة تانية بس دي ما شاء الله خمرت جامد و قفلت من النص

اتفضلوا معانا و بالهنا و الشفا

كان معكم شيف ريمو

تم تعديل 5 أبريل 2010 بواسطة remo

[مغتربة]

الف هنا و شفا

تسلم ايدك يا قمر

تتهنوا بيها يا رب

[shiko]

تسلم ايديكى يا شيف ...

بجد شكلها تحفة ....

هاجربها ...وهاوافيكى بالناتايج...

ميرسى ياريموووووووز

[ام نور محمود]

تسلم ايديكي ياريمو

هو صحيح الصور مش باينه عندي بس الوصف تفصيلي ووافي

هاجربها عمياني كده واقولك على النتيجة

دمتي بخير

[pink rose]

الف هنا و شفا

تسلم ايدك يا قمر

تتهنوا بيها يا رب

تسلمي انتي يا قمرة wst::

تسلم ايديكى يا شيف ...

بجد شكلها تحفة ....

هاجربها ...وهاوافيكى بالناتايج...

ميرسى ياريموووووووز

ها يا شيكو ايه الاخبار جربتيها و لا لسا؟

تسلم ايديكي ياريمو

هو صحيح الصور مش باينه عندي بس الوصف تفصيلي ووافي

هاجربها عمياني كده واقولك على النتيجة

دمتي بخير

تسلمي يا ام نور wst::

جربيها و قوليلي النتيجة

بس غريبة ليه الصور مش باينة عندك؟

[pink rose]

مساء الخير عليكم

جيبالكم النهاردة طريقة تورتة بس و الله بجد تسلم ايد اللي اخدت منها المقادير

انا جربتها و الله طلعت تحفة خفيفة جدا و طعمة جدا

المقادير:

الصينيه الـ 26

بتاخد 8 بيضات و200جم سكر بودرة و 280 جم دقيق

الصينيه الـ 28 سم بتاخد

10 بيضات و250 جم سكر بودرة و 350 جم دقيق

الصينيه الـ 30

بتاخد 12 بيضه و 300جم سكر بودرة و 420 جم دقيق

وتقدري تعملي حساب نسبه وتناسب لكل مقاس صينيه عندك

مقادير التورته الاسفنجيه بتختلف باختلاف الصينيه ومقاسها من اول البيض لغاية الكريمة

استخدام الميزان هو افضل حل بتكون المقادير مظبوطه جدا و ممكن استخدام حاجه زي كده

مرحلة التجهيز اهم من مرحلة الاعداد لانها بتسهل وتقلل الخطوات وتخليكي تركزي

واهم حاجة في التجهيز هي

- يبات البيض في الثلاجه قبلها بليلة و نفصل الصفار عن البياض قبل عمل الكيكه تقريبا بساعتين ويترك ليصل لدرجة حرارة الغرفه

- ينخل السكر البودره ويقسم لنصفين نصفه يضرب مع الصفار والنصف الآخر مع البياض

- ينخل الدقيق والبيكنج باودر بعد وزنه ويمكن اضافة ملعقة نشا وخصم وزنها من الدقيق ولو التورتة شيكولاته بتشيلي تقريبا 50جم دقيق وتضيفي كاكاو فاتح خام

- لابد من فرش الصينيه بورق الزبده لان الكيكه الاسفنجيه لا تقبل اي دهون تهبط وتبوظ فورا ، قصي قاعدة وجوانب علي مقاس الصينيه من ورق الزبده وتاكدي من مقاسهم جيدا قبل دهان الصينيه ادهني الصينيه بقطعة زبده من الثلاجه وافرشي الورق في الصينيه بحرص شديد بحيث الا يطول الوجه الاعلي للورق زبده علي الاطلاق

طبعا لازم تشعلي الفرن قبل البدء في عمل التورتة علي ـ180 درجه الحراره الهاديه تسوي الكيكه وسخونية الفرن تعليها

طبعا كلكم عارفين كويس تعليمات النظافه وجفاف اليد والادوات اللي تحافظ علي نجاح الكيكه

عند فصل البيض استعملي 3 اطباق واحد تفصلي فيه ثم تضعي الصفار في واحد والبياض في الاخر وتكرري العمليه لكل بيضه حتي لا تخسري البياض كله لان البياض لا يجب ان تنزل فيه نقطه صفار واحده سيفسد ولن يعمل مارنج قوي لتقف عليه الكيكه ليس مهم ان ينزل بياض في الصفار ولكن العكس لا

الطريقة

افضل طريقه ليس فقط ان تفصلي البيض ولكن لابد ان تضربي الصفار جيدا جدا جدا لا تملي حتى يصبح لونه ابيض بعدها اضيفي نصف كميه السكر المستخدمه للكيكه ببطء وانتي لسه علي السرعه الاولي ،زودي السرعه تدريجي استمري في الضرب حتي يتضاعف حجمه 3مرات ويتغير قوامه تماما يصبح ابيض وكثيف جدا جدا كانه كريمه ،

اضيفي ملعقة محسن وهو كالجل وعلي فكره انا ماكنتش باستعمله استعملته مؤخرا فقط بس الفرق يستاهل،

اضيفي 5 ملاعق مياه (ملاعق اكل) واستمري في الضرب بعدها شويه عدد ملاعق المياه= نصف عدد البيض المستخدم

ضعي الصفار المخفوق في وعاء واسع واغسلي العجانه والمضارب كويس جدا ونشفيهم جامد

وابداي في ضرب البياض اضيفي باقي كمية السكر ستجدين انه اصبح يكون رغاوي زي الصابون زودي السرعه الثانيه واضيفي ملعقة شاي خل يثبت القوام ويبيضه اكثر

اضربي علي اقصي سرعه وادخلي الجوانب بملعقه بلاستيك نظيفه وجافه استمري في الخفق حتي يتحول لمارينج ذو قمم صلبه ياعني لما توقفي العجانه وترفعي المضرب تلاقيه عامل بوز ولما تضعي اصبعك مايعلمش

اضيفي البياض علي الصفار المخفوق علي دفعتين وقلبي بخفه بملعقه خشبيه من تحت لفوق من دون ان تغيري الاتجاه ولا تحدثي فقاعات هواء ثم اضيفي الدقيق بالمصفاه علي عدة مراحل بخفه وقلبي بنفس الطريقه

صبي الخليط في الصينيه المدهونه وزعيه بالملعقه الخشبيه وساويه جيدا -ما تنسوش حراره الفرن علي 180 وادخلي الصينيه برفق شديد ولا ترجي الفرن ولاتخبطي الباب وتاكدي اولا ان الخليط متساوي بالصينيه ولو تطلب الامر هزها قليلا

اغلقي الفرن بهدوء واحسبي نصف ساعه لا تفتحي عليها ابدا

طبعا نسيت اقولكم انكم بتعملوا الكيكه وانتوا قافلين المطبخ تماما والشبابيك والابتعاد عن اي تيار هواء عشان الكيكه ماتبردش

ولما تطلع من الفرن كمان تكوني قافله اي تيار هواء

لازم تسيبي الكيكه تبرد تماما قبل ماتشيلي الورق من عليها او تطلعيها من الصينيه وتتاكدي اصلا انها استوت جيدا قبل خروجها من الفرن عشان ماتهبطش

برديها كويس قبل فتح اي شباك

نصيحة على جنب من اخوكم الجعيدي قصدي اختكم ريمو

السكر البودرة ما تشتريهوش جاهز لا انتي اطحني سكر في البيت

طبعا التزيين دا بقى حسب ذوق كل واحدة

اللي تجربها تقولي

خدوا شوية الورد دول :unsure:

تم تعديل 7 مايو 2010 بواسطة remo

[se_ Elsyed]

قال يا قاعدين .. يكفيكو تورتاتت الجايين ... وإحنا إيش عرفنا أنها طلعت كويسه مش معجنه أو مبعججه أو مفركشه .... الا لو كان الموضوع مدعم بالصور وبشهادة أتنين شيفات

تسلم ايدك يا ريمو

جميله قوي الكوباية بتاعت التحاليل دي .. بتفكرني بحاجات مش ظريفة أيام ما كنت شغال في معلم تحيل البرج :unsure:

[ssmaly]

قال يا قاعدين .. يكفيكو تورتاتت الجايين ... وإحنا إيش عرفنا أنها طلعت كويسه مش معجنه أو مبعججه أو مفركشه .... الا لو كان الموضوع مدعم بالصور وبشهادة أتنين شيفات

تسلم ايدك يا ريمو

جميله قوي الكوباية بتاعت التحاليل دي .. بتفكرني بحاجات مش ظريفة أيام ما كنت شغال في معلم تحيل البرج :lol:

ايه هى طلعت كوباية تحاليل ده انا كنت فاكرها تورتة بس نيو لوك wst::

عود حميدا يا استاذ سين سين

[pink rose]

هما الرجالة كده ما يعجبهمش العجب و لا الصيام في رجب wst::

ايش افهمكوا انتوا في التورتات و الكلام الكبير دا wst::

انتوا بس اكتبوا المقادير و الطريقه في ورقة و ادوها للمودام و هاتعرفوا انها بجد جميلة

للاسف فعلا اني لما عملتها ما صورتهاش بس ملحوقة ان شاء الله في اول مناسبة سعيدة عندنا هاعملها تاني و اصورها عشان الناس الشريرين اللي قاعدين متربصين :lol:

اما بالنسبة لحوار تحاليلي ياما دا فا no comment

و عموما هانزلكم صور تورتة مدام نهى اللي اخدت منها الطريقة

دا لون صفار البيض بعد ما اخد علقة تمام

دا البياض بعد ما عمل مارينج

و دي التورتة بعد ما طلعت من الفرن ما شاء الله

و دا تزيين الفنانة مدام نهى ما شاء الله عليها فنانة بجد كانها تورتة من برة صح؟

تم تعديل 7 مايو 2010 بواسطة remo

[engmido]

يا فندم طالما حضرتك الى عملاها

تبقى حلوة من غير صور

بس مش هندوق بقى :lol: