اذهب إلى المحتوى
محاورات المصريين

مذكرات بنوتة مفروسة ....


shiko

Recommended Posts

591391033.jpg

ظننت ان عاصفتي ستأتي مدمرة ....... وقد كانت

ولكنها كادت ان تدمرني انا ........ كادت ان تلقي بي من فوق اعلي الجبال

ظننت ان نار مدفأتي ستحرق كل الامي وتدفئني ...... وقد كان

ولكنها اوشكت علي حرقي انا ....... اوشكت علي كتابة اسمي في الذكريات

ظننت ان هدوئي يزعجني بشدة ........ ولكني عرفت مايزعجني اكثر منه

ظني كان كثيراً ........... ظننت اني أبحث هن نفسي .... ولكني كنت اضللها

لم أكن بهذا القدر الكافي من الصراحة مع نفسي ...... بل اني لم اكن ادري

لم اكن ادرك حينها ذلك الالم الشديد ..... يعتصرني بشدة ولا يوجد اي مخدر

وحيــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــدة

ووحدتي قاتلة ........... ربما كانت مشاعري مازالت دافئة ؟؟؟؟

ربما لم يكن دفتر ذكرياتي قد اكتمل بعد ......؟؟؟؟؟

ربما لم اكن اريد الرحيل ؟؟؟؟؟؟؟؟ نعم انها الحقيقة

لم أكن اريد الرحيل ........ فلقد وجدت ضالتي هنا ...... ورحيلي سيفقدني هويتي

لقد كنت اشبه بالمسافر في الصحراء في ليل قاس البرودة والظلمة

اراد ان يشعل ناراً لتدفئه وتنير له وتبعد عنه الوحوش ..... ولكنه بالغ في اشعالها

حتى كادت ان تحرقه ........... لقد ذاق لهيب النار ........

لا ادري ماذا كنت ؟؟؟؟ ولكني فقط تأكدت من حقيقة واحدة

هي تلك الحقيقة التي رفضتها ........ رفضت تصديقها

هي الان المؤكدة

518828890.jpg

لم اكن ادرك ان هذا الالم لايحتمل ولا يقوى عليه اي مخدر

الاستئصال ليس حلاً ....... لابد أن نبحث عن حل اكثر عقلانية

اللهم إرزقني بفرحة ... تجعلني أسجد لك باكية .

رابط هذا التعليق
شارك

  • الردود 86
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

السلام عليكم و رحمة الله و بركاته

معلشي يا شيكو....هناخد الفرسة منك لفة كده

الي ابنتي رضوي

يا بنتي يا ضنايا

يا ضنايا يا بنتي

انتي يا ست انتي مش كنا قاعدين في البلكونة و قولتلك يا بنتي مينفعشي كده

يا بنتي الهرية و الناكتة دي مش كويسة

هقولك صحتك

هقولك نفسيتك

هقولك طب جمال بشرتك

بصي يا رضرض القلب اللي انتي خلعتيه من مكانه...في الصورة اللي فوق ديت

لازم تشيله ايدين اتنين

يا اما ايد تشيل و حد يقعد جوه مستربع...و نتبادل الادوار

هوني علي نفسك

و بكل ببساطة اتكلمي....بس من غير ما تنفعلي

اللي قدامك....مبيبقاش عارف....عارفة كل الحوار اللي انتي قاعدة تتفرسي منه لوحدك دوت

يبقي الحل

انك تكبي

و تفضفضي

و تقوليها ببساطة

انا متضايقة من كذا

انت....انتي يا تري يا هل توري هتعمل....هتعملي ايه عشان متخلنيش متضايقة؟؟؟؟

سهلة دي

القلب اللي اتوجع

لازم يصفي عشان يعرف يحب

عشان هو اتخلق يحب

بس خلاص

متتفرسيش تااااااني بقي

منكن

---------------------

بس خلاص

لمؤاخذة يا شيكو....اتفضلي يا بنتي كمالي بقي....اسيبلك المخدة تعضي فيها....و لا شكلك منكن تتفرسي عليا

ده انا غلباااااان (وش سرحان في المسرحية)

رابط هذا التعليق
شارك

3645_p136192.jpg?t=1198819186

سيدي الغالي

وابي الغائب

والدنا ومليكنا وقائدنا

=========================

عد الينا .. اشتقنا اليك كثيرا

اسأل الله الظيم رب العرش العظيم ان يشفيك

وان يكلل خطواتك بالسلامة ..

ونبشرك .. نحن بخير وسلامة

،، مع اجمــل تحيـــاتي

الســــاري

782283329.png

رابط هذا التعليق
شارك

168536881.jpg

انا والتوم وهواك ....

التوم عـــــــقدة اصيلة فى حياة المصريين من ايام الفراعنة ...

طب حد هايقولى يابنتى يا حياتى ...تتفرسى من التوم ...

ادك التوم ده ...ادك ؟؟؟علشان تتفرسى منه ؟؟

اقولك يا سيدى ....

افضل افعص فى التومية المفعوصة وهى لازقة ...وعمله فيها مجنونة

التوم رحته مابتروحش من الايد ...الا بمية النار(فكرت احط التوم هو اللى فى مية النار علشان يتقشر بطريقة اسهل شوية )

لو حضرتى فكرت ادعك فى عنية (ده فى حال ما اتقابلت مع العفريت بتاع مصباح علاء الدين ) هايبقى عليه السلام ومنه السلام على عنية ....

كل ده من تومة مفعوصة ...

اول مافتح المحل اياه بتاع توم وجيرى ...قصدى قلت خلاص والله واحلوت يا بت يا شيكو ...وهانشترى التوم والبصل على الجاهز ...بس نائبى طلع على شونة ...وطلعوا برضه بيقشروا التوم ....

واليكم تجهيزاتى لحل عقدة التومة اللئيمة ...

الجلابية الزرقة ...المنقرشة باللون الابيض

والنضارة المكبرة ...

ونربع على البوتجاز من فوق ...لزوم المسقعة ...

=============================

التوم يا مطير من عينى النوم ....

القشرة لازقة ....وانا على زقة

تم تعديل بواسطة shiko

18344710.jpg

رابط هذا التعليق
شارك

n6404879121878147160489.jpg

صبح الصباح فتاح يا عليم ...

لا صحَّة لا صحَّة نافعة ولا تَعليم

والديك ينوِّح كوكوكوكو باردون يَا نظيف

....منقول عن لسان حال المصريين

18344710.jpg

رابط هذا التعليق
شارك

234863204.jpg

أكشن تانى مرة

ذاكر يا بن ادم مذاكرة الوحوش ....

الامتحان جاى برضه من اللى ماذكرتوش .....

رابط هذا التعليق
شارك

168536881.jpg

انا والتوم وهواك ....

التوم عـــــــقدة اصيلة فى حياة المصريين من ايام الفراعنة ...

طب حد هايقولى يابنتى يا حياتى ...تتفرسى من التوم ...

ادك التوم ده ...ادك ؟؟؟علشان تتفرسى منه ؟؟

اقولك يا سيدى ....

افضل افعص فى التومية المفعوصة وهى لازقة ...وعمله فيها مجنونة

التوم رحته مابتروحش من الايد ...الا بمية النار(فكرت احط التوم هو اللى فى مية النار علشان يتقشر بطريقة اسهل شوية )

لو حضرتى فكرت ادعك فى عنية (ده فى حال ما اتقابلت مع العفريت بتاع مصباح علاء الدين ) هايبقى عليه السلام ومنه السلام على عنية ....

كل ده من تومة مفعوصة ...

اول مافتح المحل اياه بتاع توم وجيرى ...قصدى قلت خلاص والله واحلوت يا بت يا شيكو ...وهانشترى التوم والبصل على الجاهز ...بس نائبى طلع على شونة ...وطلعوا برضه بيقشروا التوم ....

واليكم تجهيزاتى لحل عقدة التومة اللئيمة ...

الجلابية الزرقة ...المنقرشة باللون الابيض

والنضارة المكبرة ...

ونربع على البوتجاز من فوق ...لزوم المسقعة ...

=============================

التوم يا مطير من عينى النوم ....

القشرة لازقة ....وانا على زقة

طيب واللي تقولك علي فكرة ماتلزقش ريحة التوم من الايد ؟؟؟؟؟؟؟؟ تعملي اييييييييييييه ( وش طفلة شقية ) ؟

قشريه بالسكينة ....... ايوة ايوة ..... ومن غير ماتزعقي ؟؟؟

انا بتفرس من البصل يااختى ........ وانا اعيييييييييط

اللهم إرزقني بفرحة ... تجعلني أسجد لك باكية .

رابط هذا التعليق
شارك

92924187.jpg

الذكـاء الاصطناعى ...

عارفة ..

فى واحد رافع ايده فى اخر الفصل بيسأل يعنى ايه ...؟؟...

يعنى واحد يصطنع الذكاء ..على الاخرين المغفليين اللى حواليه

والصنعة بقى انهم يصدقوه ...ويبدؤا يتعاملوا معاه على انه جينيس ...

مفروووووووووسة من الناس اللى بتثق فى غبائى زيادة على اللزوم ...

مكتوب على وشى ان نسبة الذكاء اقل من النسبة المسموح بيها ؟؟

طب ليه متعشمين فى غبائى للدرجة دى ...؟؟

طب ده على اساس انى حاصلة على شهادة فى الدراسات الاجتماعية ...وماكملتش تعليمى لظروف قهرية ؟؟

طب على النعمة من نعمة ربى ...بفهم وعندى فى تكوينى البنى انسانى مــــخ .......محشور فى الجمجمة ولسة ماطرش

وبالكشف تبين انى ماعنديش باد سكتور فى الهارد

وكمان عندى من المنطق والتحليل المنطقى والاستدلال.... ...والجبنة ام خيار ...

فقط يقرؤن انفسهم ...ولا يجدون قراءة افكارى .....

d53142.jpg

الفرصة لا زالت سانحة للبقاء على قيد الحياة

سأتخلى عن ذكائى لحظات فى حضور سعادتكم ....ولكنى عذرا لن اتخلى عنه طويلا ....

فقط انتهز تلك الفرصة ....وأغرب عن وجهى سريعا ....

تم تعديل بواسطة shiko

18344710.jpg

رابط هذا التعليق
شارك

[234863204.jpg

زغرتــى يا ام نــاجى على ما امتـــحن وأجــى

رايحـــه فيــن يا بجعــه رايحـــه امتحن وراجعـــه

....منقوووول

18344710.jpg

رابط هذا التعليق
شارك

242860939.jpg

الدين لله ، والوطن للرئيس ...!

من وحى كتابات عبد الرحمن يوسف القرضاوى) )

18344710.jpg

رابط هذا التعليق
شارك

306002women.jpg

عين الحسود فيها عــــود

علل ما سبق ؟؟

طب ازاى اتنش العين من دول ...عينى انا اللى تتخزء؟؟

موش قلتلكم عوكوســـــــــات

اللهى اللى يحسد او ينق على حد يندب فى عينه اوركسترا موسيقية كامل ( موش عود واحد بس ).....

..........تتشك فى قلبك ......وتقطع احبالك الصوتية .....وتمشى من غير احبال يا للى ف بالى ....bsh:)

وانت عارف نفسك كويس ....ايوة انت (منفسن وماتحولش تنكر )

يا خراشى ....عينى باظت

الهى تبوظ عنيك الاتنين .....bsh:)

قعدت تنق على عينى ....لحد ماحوليت .....

schielen22926.jpg

اشوفك ماشى على رموش عنيك ...قول ان شاء الله

منك لله ده انا ماعداش علية 24 ساعة ..........

دخلت الامتحان لقتنى موش شايفة السطور ...والسطور دخلت جوة بعضها ....mfb:

وقعدت طول الوقت بدعك فى عنية وحاسة انها اتخزئت .........

ادعى عليك بإيه موش شـــــــــــايفة

عنية بتوجعنى يا ماما ....ااااااااااااااااااهههههههههه

تم تعديل بواسطة shiko

18344710.jpg

رابط هذا التعليق
شارك

92924187.jpg

الذكـاء الاصطناعى ...

عارفة ..

فى واحد رافع ايده فى اخر الفصل بيسأل يعنى ايه ...؟؟...

يعنى واحد يصطنع الذكاء ..على الاخرين المغفليين اللى حواليه

والصنعة بقى انهم يصدقوه ...ويبدؤا يتعاملوا معاه على انه جينيس ...

مفروووووووووسة من الناس اللى بتثق فى غبائى زيادة على اللزوم ...

مكتوب على وشى ان نسبة الذكاء اقل من النسبة المسموح بيها ؟؟

طب ليه متعشمين فى غبائى للدرجة دى ...؟؟

طب ده على اساس انى حاصلة على شهادة فى الدراسات الاجتماعية ...وماكملتش تعليمى لظروف قهرية ؟؟

طب على النعمة من نعمة ربى ...بفهم وعندى فى تكوينى البنى انسانى مــــخ .......محشور فى الجمجمة ولسة ماطرش

وبالكشف تبين انى ماعنديش باد سكتور فى الهارد

وكمان عندى من المنطق والتحليل المنطقى والاستدلال.... ...والجبنة ام خيار ...

فقط يقرؤن انفسهم ...ولا يجدون قراءة افكارى .....

d53142.jpg

الفرصة لا زالت سانحة للبقاء على قيد الحياة

سأتخلى عن ذكائى لحظات فى حضور سعادتكم ....ولكنى عذرا لن اتخلى عنه طويلا ....

فقط انتهز تلك الفرصة ....وأغرب عن وجهى سريعا ....

السلام عليكم و رحمة الله و بركاته

اديني ساباكي تتفرسي اهوت و مش راضية ازق كتف

بس بالنوسبة لموضوع الذكاء و كده يعني

ليه يا كابتشن شيكوز....بقيت احس ان الغباء برضه مطلوب....يعني بيخلي الواحد يعيش خفيف....لطيف...ظريف...عبيط

او بيستعبط يعني

نفسي في اي قرص...اسبرين...بنادول....يخلي العقل....يأنتخ كده...و يعوم علي مية البطيخ...ياااااه احساس ضايع صح

بس في وقت مطلوب

ايييييييييييه

كملي يا بنتي...

ربنا يوفقك

خالتك نزاكة

فوتكم بعافية

رابط هذا التعليق
شارك

306002women.jpg

عين الحسود فيها عــــود

علل ما سبق ؟؟

طب ازاى اتنش العين من دول ...عينى انا اللى تتخزء؟؟

موش قلتلكم عوكوســـــــــات

اللهى اللى يحسد او ينق على حد يندب فى عينه اوركسترا موسيقية كامل ( موش عود واحد بس ).....

..........تتشك فى قلبك ......وتقطع احبالك الصوتية .....وتمشى من غير احبال يا للى ف بالى ....bsh:)

وانت عارف نفسك كويس ....ايوة انت (منفسن وماتحولش تنكر )

يا خراشى ....عينى باظت

الهى تبوظ عنيك الاتنين .....bsh:)

قعدت تنق على عينى ....لحد ماحوليت .....

schielen22926.jpg

اشوفك ماشى على رموش عنيك ...قول ان شاء الله

منك لله ده انا ماعداش علية 24 ساعة ..........

دخلت الامتحان لقتنى موش شايفة السطور ...والسطور دخلت جوة بعضها ....mfb:

وقعدت طول الوقت بدعك فى عنية وحاسة انها اتخزئت .........

ادعى عليك بإيه موش شـــــــــــايفة

عنية بتوجعنى يا ماما ....ااااااااااااااااااهههههههههه

خليفة خلف خلف الله...خلف خلااااااف

عملتي ايه

يعني دخلتي الامتحان...مسكتي الورقة و حسستي عليها....و لاايه يا عرفةيا شووووواف

طب....ايه...يعني اروح اربط...ع الفرن اللي ع قمة الشارع علي قيمة صاجين كحك....هع هع هع

بعيد الشر عنك يا الغالية.....(ابقي اقري المعوذات يا امي...وصلك الدعاء و لا لا...حوووووول)

رابط هذا التعليق
شارك

  • بعد 1 شهر...

blackbirdflybannercopy-.jpg

الحقيقة المرة ....

انها الثورة يا مولاى ...( خيبة الله عليك )

لا موش ثورة 25 يناير ...لا

ولا أنثى الثور .....بتاعة محمر الجدافى لعنة الله عليه ...)

حضرتك دى ثورة الاتصالات .....

اى بى سيستم ..وشبكات ومحاميل و كدهوت يعنى ...

موش تقولى بطاقة مخرومة ....يا خرااااااااشى ....

معلومة اضافية ....على جنب

حضرتك جاى وزير اتصالات

موش امين مكتبة الاسرة والطفل .؟؟

تم تعديل بواسطة shiko

18344710.jpg

رابط هذا التعليق
شارك

190503_184567411588119_106901052688089_455229_6036593_n.jpg

لو كنت مُغتاباً أحداً لآ أغتبتُ

[ اُمي ] !.

فـإنهآ

[ أحق النآس ]

بــــــحسنآتيْ

....قالها آلشآفعيْ ...منقوول

18344710.jpg

رابط هذا التعليق
شارك

9tR85734.jpg

نداء قبل الأخير

إلى

الحيليوة الامور ...

ابو مرخين

ممكن تبطل اول ماتسـمـع حاجة ماتخصكش ....

مناخيرك تتمدد بهذا الشكل المريع

وتحشرها فى الكلام ...

ممكن ؟؟

======================

yR186518.jpg

الانذار الاخير

هادب السيخ المحمى فى صرصور مراخينك ....

تم تعديل بواسطة shiko

18344710.jpg

رابط هذا التعليق
شارك

  • بعد 3 أسابيع...

75995_455722888302_251086098302_5716982_3379119_n.jpg

لسانك حـصانك ....

إن صنته صـانك

وإن خنته خـانك .......

ششششششششش

ماتقولش لحد ....ممكن ؟؟

يا حصانى ....

موش عارفة ايه مسلسل الاعترافات اللى انا شغالة فيه ...!!

حاجة كدة شبه اعترافات العادلى واحمد عز

18344710.jpg

رابط هذا التعليق
شارك

  • بعد 2 أسابيع...

198907_10150118970709526_848404525_6271058_1400097_n.jpg

الي متي

سيبقي ظل طفولتي يطاردني..

إلى متى سأظل حبيسة فى داخل سنوات عمرى الاولى

ومتى سينحل قيدى بايام طفولتى الاولى ...؟؟

اسئلة دوما تروادنى عند مجئيى وذهابى او كلما رايت ذلك الظل يسبقنى ...ويدفعنى ان نتسابق سويا ....

مستوحى ....مقتبس ...

18344710.jpg

رابط هذا التعليق
شارك

  • بعد 3 أسابيع...

ذليل الحسب والنسب ...

ده مرض نفسوى يصيب ....

الكثير من بنو بشر من محبى الذل الاستعباد

وذلك بيحقق لهم نوع من العفن الفطرى بالشعور بالامتهان للنفس التى كرمها الله عز وجل واهانها هذا الذليل

سمعة واحد فى اخر الصف بيسأل...

طب منين اتعرف على المرض ...؟؟

هاتلاقى المريض من دول طالعله ورم فى قفاه بحجم الكنتالوب السيناوى وده بيحققله نوع من الفخر والسعادة

تلاقى الذليل من دول لابس حظاظة مكتوب عليها انا اسف يا ريس ....

ومعلق فى رقبته دلاية بصورة ريا وسكينة

ولابس تى شيرت مقلم بالعرض تشبها باسياده من عصابة الخمس ....

يظهر عليه اعراض التعرض للكهرباء بين ودانه وقفاه من الناحية الشرقية

اقل حركة من ايديك تلاقيه يصدرلك وشه ..فهو مستعد دايما لتلقى اى ضربات جوية ....

وهناك اعراض جانبية اخرى للمرض :

مدمن لمجموعات التقوية ومايعرفش من التعليم غيرها

يعشق قرارات العلاج على نفقة الدولة ......

بيموت فى كلمتين موافقون ....ومنافقون ....

لا يفرق بين امن الدولة والامن الغذائى .....اللى اتنين مجمعات استهلاكية ...

يهوى الوقوف فى الطوابير ..ومقدم على طابور عيش علشان يتغذى

بياكل العيش بمساميره علشان نقص الحديد ومكافحة الانيميا

انبوبة البوتجاز بالنسبة له ..حلم يحصل عليه بعد ما يتأهل لسجن الزوجية

عاشق لتاريخ مصر خاصة العصر الحجرى وعصر فرعون ....ومؤيد لفكرة الاثار فى يد الجميع

بيعرف من الخضار نوعين واحد مسرطن والتانى كوسة ......يعنى البدايل دايما موجودة فى حياته

بيعرف من العربيات ...3 انواع ..عربية الفول وعربية الكبدة واللغة العربية

عاشق لضريبة الدخل والضريبة الموحدة وضريبة المبيعات والعقارات وعارف ان الضرايب مصلحته اولا وموش مهم مصلحة اى حد غيره

عنده دش عليه 600 قناة ولا يشاهد الجزيرة ولا العربية ومابيشوفش غير المحور والفراعين

بيحلم يتجوز ويكون عنده 6 عيال ...الاولانى عزمى والوسطانى سرور والاخرانى شريف والباق هايشحتهم لاسياده ...

بوس الايادى..واجب قومى على كل مواطن ......

الفصل بين السلطات...واجب شرعى علشان العورات

..ماما سوزان وال بابا غنوج ليهم فضل كبير على مكتبة الاسرة

قتل واتقتل مرتين قبل كده...مرة فى قطر الصعيد اللى اتحرق ومرة فى العبار اللى غرقت ...

وكان نفسه يشارك ..فى الطيارة اللى انفجرت بس للاسف مالحقش يحوش حق التذكرة ...

العيد بالنسبة له عيد العمال ..أو....عيد ابن خالته .........

لا يعلم من الزجاجة غير عنقها ...مدد وقاعد فى العنق وموش ناوى يطلع ولا بالطبل البلدى

  • طب اتعامل مع المرضى من النوع ده ازاى ...
    اولا ً لازم تتعرف على الباس وورد بتاعته "الاخوة والاخوات ...."
    تقوم هابده فردتين كهربا الاتنين سالب ....
    وتقوم معامله بسادية وتكبر
    ...علشان يتولد لديه الاحساس بالذل ويتكاثر عفن الامتهان بداخله ...وتلاقيه يركعلك ويقلك
    انا اسف يا ريس ....ده على اساس اننا فى مركب ...

    محشور فى زورى جملة اخيرة ....
    مبارك عليك .....لوحدك يا ذليل ....
    بلا وكـسـة ..
    اجررررىىىىى يا شيكوووووووووو

تم تعديل بواسطة shiko

18344710.jpg

رابط هذا التعليق
شارك

شكشوتي .......... وحشاني يابنت الايييييييييييه

فينك يابنتي ........ مختفيه ليييييييييييييييييه

نورتي المذكرات تاني ياحبي ........ أكيد المنتدي له طعم مختلف بوجودك ....... عقبال باقي العصابة لما ترجع ونرجع قوى لايستهان بها في المحاورات

اللهم إرزقني بفرحة ... تجعلني أسجد لك باكية .

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...