اذهب إلى المحتوى
محاورات المصريين

ماذا تفعلى لو كنتى مكانى ؟؟؟؟؟؟؟!!


أهااات روح
 مشاركة

Recommended Posts

صباح الفل على احلى اعضاء فى اجمل محاورات :clappingrose::clappingrose:

الى سيدات المحاورات حبيت استفسر منكن عن سؤال....

وطبعا ممكن الافاضل رجال المحاورات ابداء ارائهم لمعرفة الكثير من الاراء ومن الجنسين

تعملى ايه لو زوجك جالك فى يوم وقالك انا هتجوز وخلاص اخد القرار! :unsure:

مع العلم انه يتعرف بعدم تقصيرك فى اى شئ فى الحياة الزوجية

ويقر ويعترف بمراعاتك لبيتك ولزوجك ولاولادك

وانما المبرر الوحيد انه عاوز ياخد فيها ثواب لانها فتاة تاخر بها سن الزواج او لانها ارملة او مطلقة

فماذا تفعلى؟؟؟؟

اناعندى راى بسيط بس حبيت اشوف ارائكو

رابط هذا التعليق
شارك

فماذا تفعلى؟؟؟؟

تضعي نفسك محل الفتاة المتأخر سن زواجها أو المرملة أو المطلقة

الناس اللي لا محل لهم من الأعراب في مجتمعنا ، الناس اللي مافيش حد في حياتهم

رابط هذا التعليق
شارك

وانما المبرر الوحيد انه عاوز ياخد فيها ثواب لانها فتاة تاخر بها سن الزواج او لانها ارملة او مطلقة

فماذا تفعلى؟؟؟؟

كلام فارغ وحجج واهيه

بلا ثواب بلا عقاب

إذا كان عاوز ياخد ثواب ويدخل الجنة حدف فعنده مليون طريقة أخرى غير خراب بيته . أقلها واسهلها .. كفالة يتيم أو رعاية مريض .. أو التطوع في جمعية خيرية ....

أرجو أن يضع الرجل نفسه ولو لمره مكان المراة ..

مش هاقول لا سمح الله إنها تيجي تقول له : عاوزه أخد ثواب وأروح أتجوز واحد أرمل أو مُطلق "

لأ ... قصدي يحس ولو للحظه بالنار اللي هاتبقى جواها وهي قايده له صوابعها العشرة شمع طول عمرها وبعد كده يروح لواحده ثانية أو زي ما بنقول واحده تاخده عالجاهز ..

وإذا كان يعرف مطلقة أو أرملة وراجل بتاع ربنا قوي وعاوز ياخد ثواب .. يبعت لهم مساعدات مادية كل شهر ...

ولو مش محتاجين .. يبقى يدور لها على واحد يناسب حالتها ..

عفواً أنا لا أقول إنهن عاهات لا سمح الله لإنهم أخواتنا بكل تأكيد

لكني أركز على القاعدة الشرعية التي تقول " درء الضرر .. مُقدم على جلب المنافع "

أنا شوفت الحالة دي مرة واحده في حياتي من 5 سنوات ... زوجة أحد أصدقائي تقريباً كانت شاربه بانجو ساعتها أو شممت شكارة جبس وسكرت جت قالت له .. عاوزاك تاخد ثواب في واحده صديقتي أرملة ولديها أطفال وتتزوجها .. وشكل الولا ما صدق راح متجوزها .. وعينك ما تشوف الا الضلمة .. مشاكل من الأتنين وغيره من الأولانية صاحبة الأقتراح المهبب ... وما كملش سنة وطلق الثانية

يعني خراب من الناحيتين :

1- مشاكل في بيته الأول

2- جرح اخر لأنسانة ليس لها أي ذنب ..

بأختصار : لو الزوج جه قال لمراته إنه أخد القرار ولا تراجع ولا استسلام .. تقول له طب تفرغ إنت للأعمال الخيرية وطلقني عشان تبقى بحريتك ...

رابط هذا التعليق
شارك

اصلى انا فتحت الموضوع هنا قبل كدا فى المنتدى

بس يفرق انك فتحته فى موضوعات شخصية وهنا حيفرق كتير

ليه هو انت حصل معاكى كدا

؟؟

شوفى انا للاسف مش بعرف اتكلم فى باب الامور الشخصية هنا - لما اى حد من الاخوة والزملاء الافاضل يعرض مشكلة شخصية اوى

لكن هو لو موضوع شخصى وحبيتي انك تاخدى راينا فيه مفيش مشكلة

فاصل ونواصل

اغابي

:give_rose:

رابط هذا التعليق
شارك

تقول له :

أنا عارفة إن قلبك حنين و طيب :rolleyes:

و أنا حاحط نفسي مكانها (زي أ/ غريب ما قال) :closedeyes:

و لازم يا حبيبي تاخد بالك منها دي ظروفها صعبة

و انت متجوز و مخلف مش حتقدر إنك تقسم نفسك بين هنا و هناك

عشان كدة.....

:blink:

ندور لها على عريس مناسب و مش متجوز

و انت تصرف عليهم اللي كنت حتصرفه لو كنت إتجوزتها

يعني تجيب لهم شقة و عفش و شبكة و اللي عاوزه كله .. مش حاستخسر فيهم

ما هو كله لوجه الله .. مش كدة؟؟؟؟ wst::

و بكدة تبقى ساعدت شخصين بدل ما تكون ساعدت شخص واحد

أحصنت إثنين من المسلمين .. مش واحد smk:

--------------------------------------------------------------------

إحقاقًا للحق

الرأي اللي فات ده كان رأي عضوة هنا في المنتدى

بس مش فاكرة في أي موضوع

بس رأيها عجبني جدًا .. ;)

رابط هذا التعليق
شارك

حبيبتي ما فيش حد بيتجوز حد شفقة و لا احسان

دا كلام معلش اهبل

عاوز تعمل خير يا سيدي شوف للست دي زوج مناسب ما الشباب اهو مرمي على القهاوي مش لاقي يتجوز

يبقى يضرب عصفورين بحجر بانه يعف شاب و فتاة

مش يستهبل و يقول اتجوزها صدقة جارية

ما بحبش الاستهبال عاوز تتجوز و عينك زاغت على حد خاليك راجل و قول الحقيقة مش تستعبط و تقول اعمل خير و اهو ينوبنا ثواب

رابط هذا التعليق
شارك

حبيبتي ما فيش حد بيتجوز حد شفقة و لا احسان

دا كلام معلش اهبل

عاوز تعمل خير يا سيدي شوف للست دي زوج مناسب ما الشباب اهو مرمي على القهاوي مش لاقي يتجوز

يبقى يضرب عصفورين بحجر بانه يعف شاب و فتاة

مش يستهبل و يقول اتجوزها صدقة جارية

ما بحبش الاستهبال عاوز تتجوز و عينك زاغت على حد خاليك راجل و قول الحقيقة مش تستعبط و تقول اعمل خير و اهو ينوبنا ثواب

هو ده الفيصل

خليك راجل .....

فى كلامك

فى تصرفاتك ....

عفوا سيدتى لست متزوجة ولا اعرف عن شعور الزوجات الكثير ....

وان كنت مخيرة فى اختيار الادوار ماذا افعل لو كنت مكانك ؟؟

.... طبعا هاتكلم معاه وهاقوله راى الناس الافاضل اللى سبقونى ...

بس الموضوع موش هايخلص بكلمتين اقولهم .....نتيجة الكلام لازم افهم كويس انه بكده بيختار انه يكون انانى ...

ولازم هو كمان يفهم ان الحيلة الساذجة دى موش محل نقاش ..وان الحقيقة لازم نواجهها زى ماقالت ريمووووز

وهنا وقفة نظام ....

لو ده قرار نهائى ...يبقى ...لازم انختار

صعب حد يحتفظ بكل الخيوط فى ايده ...بدون ماندع التمن

فى مبدأ من مبادى الاقتصاد بيقول ...

the cost of somthing what you giveup to get something

يعنى كل شى وله تمن ...مافيش حاجة ببلاش ....لازم يكون عنده تمن يدفعه ...عايز يعمل ثواب يبقى فيه تمن ...

بيتك وولادك ..احتفظى بيهم ولا تفرطى فيهم ....ويسعى هو على المسكينة والارمله خارج حدود البيت

وياخد تأشيرة خروج ...وعودة بس بعد الانتهاء من دوره اللى اختاره ....

"افتحى لطيرك القفص ....واديله حرية الطيران فى السما الواسعة ..ويوارينا جناحاته هاتعمل ايه لان فى ناس فاكرة نفسها راكبة جناحات السوبر مان " دى جمله مقتبسة سمعتها من راجل

رابط هذا التعليق
شارك

مع احترامي للجميع

كلام فارغ وحجج واهيه

بلا ثواب بلا عقاب

لماذا شرع التعدد؟؟؟؟

عذرا سيدى ...

كلانا يعرف رأى الشرع ولا ينكره

ما سألت عنه الاخت هو البعد الانسانى ......

عذرا ليت الموضوع لا ينجرف ليأخذ طابع لا محل له هنا على صفحات المنتدى ...

تقبل منى اعتذارى مرة اخرى :give_rose:

رابط هذا التعليق
شارك

عذرا سيدى ...

كلانا يعرف رأى الشرع ولا ينكره

ما سألت عنه الاخت هو البعد الانسانى ......

عذرا ليت الموضوع لا ينجرف ليأخذ طابع لا محل له هنا على صفحات المنتدى ...

تقبل منى اعتذارى مرة اخرى

اعتقد ان السؤال السابق ليس بعيد عن مغزى الحوار تماما

الموضوع فعلا سببه وسائل الاعلام الاي فهمتنا ان الرجل عندما يتزوج من الثانية نجد الزوجة الاولى وكأن الدنيا انتهت لكن لو فهمنا الوضع بشكل اكبر

هنلاقي ان الامور مش ضخمة اوي زي ماكلنا نشأنا وتربينا على كده

بمعنى المجتمع بيرفض فكرة التعدد وبيعتبرها جريمة قام بها الرجل في حق زوجته واولاده

لكن لو فتحنا عقولنا اكبر وفهمنا اكثر المرأة ستتقبل الموضوع بشكل أحسن وبرضا لكن الكرة هتكون في ملعب الرجل الا وهو العدل

ليه بنمشي وراء العادات والتقاليد وتاركين مأحله الله

هل نحرم مأحله الله؟؟؟

يبقى من ناحية البعد الانساني ده سببه المجتمع والعادات والتقاليد هي الاي ضخمت الموضوع

لكن في اخ فاضل قال نقطة حلوة انه ممكن يتبرع بملبغ ويزوج شاب ويبقى ضرب عصفورين بحجر

فعلا فكرة كويسة لكن؟؟؟؟

وماذا عن الزيادة المطردة في عدد الاناث بالنسبة لعدد الذكور

ممكن نصيغ السؤال من ناحية تانية

لو في أم عنده بنت مطلقة أو كبرت شوية مش تتمنى أن تزوجها لرجل متزوج كي تعفها ؟

الموضوع متعلق بالنشأة الدينية والتربية الصحيحة

ولكم وافر الاحترام

رابط هذا التعليق
شارك

لو قادر ماديا وصحيا وذو شخصية قوية تستطيع العدل بين الإثنين فلا أرى أنه إنسان مخطئ في قراره ولا يوجد هناك ظلم لطرف من الأطراف حتى لو كانت الزوجة ليست مٌٌقصرة في حق زوجها وأولادها، فلن نكون نحن البشر أكثر حكمة من الخالق سبحانه عز وجل ،، إلا وكان سبحانه وتعالى جعلها زيجة واحدة ولم يجيز التعدد.

ودعونا لا نخجل من التحدث بصراحة فالموضوع يتعلق أيضاً بالقوة الجنسية والشهوة المٌفرِطة فليس المغزى في أن يأخذ ثوابا أو فعل الخير، فالزوج القادر مادياً يستطيع أن يأخذ الثواب في فعل الخير في المساهمة في زيجة أي عروسين غير قادرين على إتمام الزواج ،، لكن الزوج القادر ماديا وصحيا ولديه شهوة مٌفرِطة لا يوجد أمامه سوى أن يتزوج من أخرى أو يفعلها في الحرام،، وأمامي النماذج كثيرة.

وفي رأيي أحد أسباب نٌدرة التعدد هذه الأيام هو إنشغال جميع الناس بمشاكل الحياة اليومية التي لا تنتهي حتى أنه لا يوجد وقت حتى يفكر في شهوة أو خلافه بالإضافة للتدهور الصحي والمادي في نفس الوقت.

تقبلوا رأيي بصدر رحب .. فجميعها آراء

تحياتي

رابط هذا التعليق
شارك

موضوع التعدد قُتل بحثاً في جميع الدنيا وعندنا في المحاورات أيضاً ..

لكن أود ان أُركز على نقاط بسيطة :

1- لا يُمكن لأي إنسان أن يُحل حراماً أو يحرم حلالاً من نفسه كده

2- التعدد حلال حلال حلال .... لكن ما هو أكل الجراد والضب حلال .. فهل كونه حلال يبقى واجب إني أفعله ؟ مع أختلاف التشبية

3- 90 % من الأراء اللي بنسمعها عن التعدد خصوصاً من الرجال عامله زي بتر أيه " لا تقربوا الصلاة " ....

ونشوف مع بعض كده التعدد جاء إزاي في القرآن

وَإِنْ خِفْتُمْ أَلاَّ تُقْسِطُوا فِي اليَتَامَى فَانكِحُوا مَا طَابَ لَكُم مِّنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلاَّ تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُوا

يعني ربنا كان بيتكلم في المقام الأول عن رعاية الأيتام وخصوصاً لو بنات . فعشان ما يبقاش في شبهة حرمانية من إختلاط الرجل بهم يبقى يتزوج منهم على الأقل يعفهم .... وقرن ذلك سبحانه وتعالى بالعدل ....

الأية الأخرى الخطيرة

وَلَن تَسْتَطِيعُوا أَن تَعْدِلُوا بَيْنَ النِّسَاءِ وَلَوْ حَرَصْتُمْ فَلاَ تَمِيلُوا كُلَّ المَيْلِ فَتَذَرُوهَا كَالْمُعَلَّقَةِ وَإِن تُصْلِحُوا وَتَتَّقُوا فَإِنَّ اللَّهَ كَانَ غَفُوراً رَّحِيماً

من أساسيات اللغة العربية . أستخدام أدوات النهي والنفي ومواضعها ... وكلنا عارفين إن " لن " بتبقى نافيه ... يعني ربنا عارف إن العدل بين الزوجات شيء في منتهى الصعوبة إن لم يكون مستحيل ونادر ...

لكن نسمع إيه بقى من الناس : يا عم خلينا أجرب وإنت بتفترض ليه في الأول إني مش هاعدل ....

وكإنه شراب هايجربه أو رحلة هايطلعها وراجع تاني

أما موضوع الأناث اللي أكتر من الرجال والمطلقات والأرامل .. فكل ده مردود عليه ... وهو تيسير عملية الزواج ... وكمان الوثوق في قدرة الله ..

يا جدعان ده إحنا بنقول بالبلدي " كل فوله ولها كيال "

يعني الأرملة والمُطلقة أو ما شابه أكيد هناك من الرجال ما يناسب حالتها ..

لا أقصد هنا إن الراجل يكون من المنخنقة والموقوزة والنطيحة وما أكل السبع .. يعني يبقى واقع ولا معيوب ولا ولا ولا ...

لكن ما حبكتش راجل متزوج ومستقر في حياته وويُقدم على هذه الخطوة ويبقى في إحتمال لتدمير حياته ..

يعني أنهي أولى يا جماعة ؟

1- إن يبقى في إحتمال لهدم اسرتي المستقر بزواجي الثاني ؟

أو

2- إحتمال إني أبقى سعيد في حياتي الثانية وأعف واحده وما إلى ذلك ..

رابط هذا التعليق
شارك

كل واحد وظروفه في الزواج الثاني

ولكن لا نحكم على أي رجل نوى التعدد أنه ظالم وبيعمل حاجة وحشة

حتى لو مكنش فيه داعي مرأي من التعدد ، فليس معنى التعدد حينها أنه ظالم

رابط هذا التعليق
شارك

السلام عليكم،

ماحدش ينكر ان الدين هو اساس حياتنا و هو الاطار الي احنا بنمشي جوااه و مفرووض ما نخرجش عنه،

بس ياريييت يا جمااعة ما نحورش الموضوع للإطار الديني،

كلنا عارفيين رأي الدين في قضية التعدد و وأحكامه فيها،

و الدين له رجالاته و علمائه الي ممكن يقولو كلمتهم، وارائهم بتبقى دايما مستندة لأدلة و براهين بدون تحكيم مشاعرهم و العاطفة،

ده مش مكان منقشة قضية التعدد دينا،،

الموضوع مطرووح مناقشته من الناحة الانسانية او الاجتماعية،

و عجبني جدا رأي انك تااخد ثواب في اتنين بدل ما تااخده في واحدة بس.. ثواب combo

رابط هذا التعليق
شارك

هو حد يجرؤ يجيب سيرة الدين ويقول إن ده حرام في الإسلام ؟

يا جماعة إحنا بنتكلم عن بُعد إجتماعي في الموضوع ليس إلا ...

لوما نتكلم عن زوجة مريضة أو لا تستطيع أن تُعطي زوجها حقها الشرعي أو أو أو أو .. وزوجها فكر يتزوج بأخرى ... فماحدش هايلومه

لكن واحد مستقر في حياته وعندها أولاد وبنات وتمام التمام ... يروح يُنكش بقى على حاجه تعمل له قلق في حياته ليه ؟

رابط هذا التعليق
شارك

اصلى انا فتحت الموضوع هنا قبل كدا فى المنتدى

بس يفرق انك فتحته فى موضوعات شخصية وهنا حيفرق كتير

ليه هو انت حصل معاكى كدا

؟؟

شوفى انا للاسف مش بعرف اتكلم فى باب الامور الشخصية هنا - لما اى حد من الاخوة والزملاء الافاضل يعرض مشكلة شخصية اوى

لكن هو لو موضوع شخصى وحبيتي انك تاخدى راينا فيه مفيش مشكلة

فاصل ونواصل

اغابي

:give_rose:

الشر بره وبعيد يااغابى هو مش معايا شخصيا بس مع صديقة ليا

تم تعديل بواسطة أهااات روح
رابط هذا التعليق
شارك

لكن واحد مستقر في حياته وعندها أولاد وبنات وتمام التمام ... يروح يُنكش بقى على حاجه تعمل له قلق في حياته ليه ؟

طيب حللي الإشكالية دي من فضلك يا س س

لكن الزوج القادر ماديا وصحيا ولديه شهوة مٌفرِطة لا يوجد أمامه سوى أن يتزوج من أخرى أو يفعلها في الحرام

الكلام في النقطة دي أنا أسف وعارف أنه حساس للغاية ولكنه واقع وواقع إجتماعي جدا

رابط هذا التعليق
شارك

لكن الزوج القادر ماديا وصحيا ولديه شهوة مٌفرِطة لا يوجد أمامه سوى أن يتزوج من أخرى أو يفعلها في الحرام

الكلام في النقطة دي أنا أسف وعارف أنه حساس للغاية ولكنه واقع وواقع إجتماعي جدا

يعني أصلاً هو متجوز معزه ولا ست زي الستات التانية ؟

قبل ما يبص بره .. خليه يبص جوه الاول ..

ولو الزوجة الأولى عندها مشاكل .. يروح يتجوز يا سيدي لكن يعمل حساب المشاعر البني أدمه الأولانية .. ما هي إنسانه زيه ولديها أحاسيس برضوا

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة
×
×
  • أضف...