عيش معاه دقيقتين وحاتتغير حياتك.

[Salwa]

صباح سعيد

صباح السعادة والتفاؤل الأمل .

انهاردة الصبح ترددت كثيرا قبل كتابة هذا الموضوع

لكن؟؟؟

تغلبت على عاطفة المشاركة ..تغلبت المشاعر الانسانية .

اليكم فيديو قصير جداا مدته دقائق لا تتعدى عدد اصابع اليد الواحدة

شاب .اسمه البير...عنده تسعتاشر سنة ...كتلان من مقاطعة كتالونيا باسبانيا..مريض وعلى كرسى متحرك ..بالاضافة ( عنده لوثيميا ) يعنى سرطان ف الدم

تغلب على اليأس ....عاش ..اقصد انه يعيش بكل التفاؤل ..

زار اربعين دولة على كرسيه المتحرك .

يقول

يمكن لو كنت سليم مكنتش حابقى سعيد كدة

السعادة هى انك متفكرش ف اللى فات وتحزن...................

عيش كل لحظة وشوف كل حاجة حلوة ..

اعذرونى ..

يمكن انا انظر للأشياء بطريقة تانية .

بس حبيت تشاركونى احساس ان الانسان ممكن يبقى سعيد حتى ومشى ف الدنيا بدون ...قدمين

وحتى لو كان محتاج يغير دم كل يومين

http://www.vimeo.com/17595873

[لماضة مصرية جدا]

السلام عليكم و رحمة الله و بركاته

صباح السعادة....ذات التفاصيل الخاصة جدا

ما هو ده يا ماما سلوي...اللي بيخلينا نصحي كل يوم الصبح و نقاوم قانون الجاذبية لتحت

هو ده ياماما سلوي....انطلاقة الروح...اللي هي يعني ممكن تحصل في دقيقتين

هو ده يا ماما سلوي احساس الرضا....ان الواحد ممكن يكون جسمه.....مريض....

لكن روحه طايرة في عالم تاني من الرضا....من اليقين.....من تلمس الجمال منين ما يكون

صحيح ....معندوش قدمين.....

لكن عنده عيون مختلفة...

عيون بتقدر تحول كل ما يراه غيره ضربا من الخيال.....لشيء في متناول الايد

صحيح...ان....ممكن بياخد جرعة كيماوي....عشان يعافر في السرطان...

بس السرطان هو اللي بيعافر معاه....

لانه مع كل جرعة كيماوي....جواه بتتفجر جرعة مقاومة....إنه عايز يرجع تاني للحياة و يعيشها بكل ما فيها

صحيح...ان ....خلايا جسمه قد تكون مشوهة بفعل المرض....

لكن ثنايا روحه سليمة...و سليمة جدا جدا جدا....و مش بس كده

اذا كنا بنسال ربنا انه يعافينا مما ابتلاه....فاني بدعي ربنا انه "يعديني".....من انطلاقة الروح اللي شوفتها فيه

عارفة يا ماما سلوي....اقتربت من شباب كتير.و اطفال ربنا ابتلاهم باللوكيميا....

و لقيت يا امي الغالية.....المرض بيعيد تشكيل ارواحهم تماما

اليأس مالوش مكان....وسط الجرعات المخيفة

يمكن بنخاف في وقت......لكن الخوف بيطلع من جوانا رغبة غير عادية.....للعودة.....

رغبة غير عادية لاكتشاف السعادة و ان كانت بادق التفاصيل.....

رغبة مشروعة جدا جدا جدا.....انه يتنفس....و انه يحط ايده امام انفه كل صباح و يتاكد انه لازال يتنفس....

.إذن....هناك مليون باب للسعاد بانتظاري للطرق عليه

السعادة....قرار....

. قرر انه يكون سعيد

و حضرتك....قررتي.....ان السعادة هتحصل في دقيقتين

و التوبيك هنا "قرر" ان الدايرة تتسع عشان كل منا يبحث عن سعادته بعيون مختلفة....هي موجودة....و بكثرة...فقط بانتظارنا

شكرا لا تكفي......و لكن مني لكي....عيون تلتمع عرفانا و امتنانا

صباح حضرتك....عيون....مبصرة....لانها طالعة من روح القلب

[Dreamwithme]

شكرا جدا علي الفيديو

ابتسامة الشاب وتعبيرات وجهه مؤثرة جدا

فعلا السعادة شئ نابع من داخلنا .......قرار أننا نستمتع باللحظة اللي أحنا عايشين فيها ونستمتع بالتجربة اللي بنمر بها

ياريت كلنا يبقي عندنا عيون بتشوف بالطريقة اللي حضرتك بتشوفي بيها