مساعدة

[Guest كيلو بترا]

بعد التحية ...

البرنامج لم يقبل تسجيلي باسم : كيلوباترا (كدا ) ..

تحايلت عليه وسجلت ا كدا .. (كيلوبترا) ..

فهل من مساعدة لتصحيح الإسم يا إدارة حوار المصريين لآنني لم اجد أي عضو بإسم كيلوباترا هنا غيري ولا مبرر لما فعله البرنامج .... rs:

ملاحظة أتفهم أن الإدارة لاتتحكم بالبرنامج لكنها ستتحكم بهذا الخلل وهي الوحيدة القادرة على تصحيح الإسم .

مع حبي واحترامي :)

تم تعديل 16 يوليو 2004 بواسطة كيلو بترا

[حشيش]

كيلوبترا كتبت

مساعدة

الله يحنن عليكى rs: ...الحقيقة يابنتى الفكة اللى كانت معايا إشتريت بيها خس وجزر :)

[White heart]

أولا مرحبا بك معنا .... :)

و لو ان الكلام موجه الى الإدارة - و انا مجرد عضو زيي زيك، لكن اسمحيلي "أفتي" فيها rs:

انا لا أعلم اذا كانت البرمجيات الأخيرة أصبحت قادرة على عدم تكرار إسم التسجيل، من عدمه - و لكن مع إحترامي الكامل لرغبتك فى إختيار هذا الاسم، الا انه هناك بالفعل اسم "كليو باترا" - (مع ملاحظة المسافة تانى فى وسط الاسم) صحيح انك اخترتي "كيلوباترا" - لكن انا من رأيي انه من الأفضل عدم تكرار الإسامي بالمنتدى، بل لو أمكن حتى "اللوجو"!!!

يعني منعا لكثير من اللغط - و اللخبطة على الأعضاء عند قرائتهم لمداخلة أحداهم - و سيزداد الأمر صعوبة اذا كانوا أكثر من 2 !!! يعني دة انا ممكن اشبهه بإطلاق نفس الاسم على طفلين "او اكثر" فى اسرة واحدة - أتخيل مدى الصعوبة، بل والمواقف المحرجة احيانا التى ستترتب على هذا التكرار.....

انا عن نفسي كنت سأحزن اذا كان الاسم الذى اخترته موجود فعلا يوم اشتراكي فى المنتدى - و لكن لو كان موجود فعلا بالطبع كنت سأحترم مبدأ "الأقدمية" :) فى هذه الحالة - و لمن سبقني فى إختيار هذا الإسم.... حاليا مثلا يوجد "ابن الأسكندرية" - و "ابن الأسكندريه" انا لا أعلم الا واحد فقط منهما - و لكن صدقيني لا أعلم أى منهما هو من أعلمه!!! و نفس الشئ مؤخرا كان "جورج" - و "جورج"!!! طبعا اللوجو ممكن يساعد كتيير، لكن مش كل الأعضاء يميلوا الى إختيار لوجو كما انه أحيانا الموقع الذى يكونوا قد اختاروا اللوجو منه يتوقف مع الوقت، و لا يحدث العضو مننا بيانته، فيبقى بلا لوجو!!! و أحيانا اخرى يكون اللوجو متكرر، حتى اننى أعتقد ان بعض الأعضاء ممكن ان لا يلاحظوا انه ليس متكرر نظرا لإختلاف الأحجام ...... الا ان مسألة اللوجو بالنسبة للعضو الجديد صعب عليه يعرفها من أول يوم يسجل فيه، لكنى أعتقد انه من الافضل ان يغيره من تلقاء نفسه اذا ما اكتشف تكراره!!!!

أرجو أن لا أكون قد تسببت لكى فى أى غضب - أو مضايقة، و أعتذر ان كنت تطفلت على الإدارة نظرا لأن الحديث غير موجه لى - لقد أردت فقط ابداء رأيي فى المساعدة المطلوبة ....

و مرة اخرى مرحبا بكي rs:

[Guest كيلو بترا]

بعد التحية والاحترام ،،،

شكراً جزيلاً لإهتمامكما ..(كان نفسي اجد وردة وسط التعابير لأقدمها لكما )

وبخصوص تكرار الإسم لو طلبت مني صاحبة الإسم الغاء اشتراكي سأفعل كما أنني ألغي طلب تصليح الإسم كي يتميز عن اسم الزميلة الأقدم مني .

مع حبي واحترامي للجميع rs:

brth)

تم تعديل 17 يوليو 2004 بواسطة كيلو بترا

[se_ Elsyed]

يعني يا ست كليو لخبطتينا في الإسم وكمان لخبطتينا في اللوج وكل شويه أفتكرك محبط صاحب ووكيل العلامة التجارية لهذا اللوجو brth) rs:

لو فيها ثقالة .. ممكن تغيري اللوجو . rs: وأدي الوردة أهي الي مش لاقيها في التعبيرات مع إنها موجوده في الصف العاشر .

[Cleo]

يعني يا ست كليو لخبطتينا في الإسم وكمان لخبطتينا في اللوج وكل شويه أفتكرك محبط صاحب ووكيل العلامة التجارية لهذا اللوجو  brth)  rs:

أنا جيت جنبك..!!!!

يا عم أنا قاعدة فى حالى لا جيت جنب محبط و لا كلمتك خالص..!!!

و بعدين أنا مش باكلم الأعداء..!!!

و كمان بتحاول ترشينى بوردة...!!! rs:

[Masrawy Abroad]

ملحوظة تانية يا كيلو بترا

انتي وقعتي في خطأ إملائي شائع....لأن الكتابة والنطق الصحيحين هو "كليو" وليس "كيلو"......حتى اسمها بالانجليزية Cleopatra ..يعني حرف اللام يجيء قبل الياء سواء في النطق أو الكتابة.

brth)

[ragab2]

يعنى

خطأ فى الإسم واللوجو والإستهاجية

وإيه كمان

[Guest كيلو بترا]

بعد التحية والحب للجميع ،،،

اولا أنا اسمي كدا ... أرجو احترام خصوصيتي ورغبتي وحريتي لزعل أوي ...

ثاناً : المشرف العام الدكتاتور المحترم أنت لديك منطق غريب عجيب وخذ بالك أنا لفيت 99 موقع وجيت هنا بالصدفة البحتة ... ورغم ده هناقشك ..لآنني مؤمنة بالحوار جدا بدا .. fsh::

يعني بسلامتك انت مثلا افرض مسلا مسلا اني عصيتك يوم .... وليكن لديك بهذا الموقع 1000 لوجو .. او لوبو ...أ و افتار ..أ.و رمز أو نقول كده ببساطة ربنا ..صورة يحق لنا نحن الرواد المساكين أن نختار مايناسبنا منها ...فلمااذا تتدخل حضرتك وتحرمنا من هذه الحرية ومن هذا الاختيار ..

و يعني افرض أن عدد الأعضاء والأعداء صار مليون

انشاء الله يصير ومشاء الله لو صار عند حضرتك في موقعك ده يعني ... مليون عضو ... يعملوا ايه ...و كيف لا يشتركوا بللوجو بتاعهم ...

وكمان يعني سؤال أخير يعني انت فصلت لكل عضو لوجو خاص بيه ؟

طب ممكن من فضلك تفصلي لوجو خاص بكليوباترا ...أو نفرتيتي

أو نفر مايند .. h):

أو تسبني بحالي عشان أنا ما أحب خد يفرض عليى حاجة وأحب أختار كل حاجة بنفسي lo::

trch:

clp::

____________________

h):

___________

قدس الحرية ليحكمك السي سيد واللي حاكمك لاكمك

اخخخخخخخخخخ

سلام مربع gt:

تم تعديل 19 يوليو 2004 بواسطة كيلو بترا

[Masrawy Abroad]

يا ترى انتي منين يا كيلو؟ وإزاي عرفتي موقع محاورات المصريين؟

[nashwa]

العضوة كيلو بترا

انا مش حناقشك فى اسلوب ردك ... لكن ححاسبك بنفس الميزان اللى حاجيتى بيه المشرف العام الدكتاتور (حسب وصفك)

بما انك بتطلبى حريه التصرف ونظام مابحبش حد يفرض عليه حاجه ... فاولا ماتفرضيش على اي حد رايك تحت بند انا حزعل والله انت حره فى موضوع الزعل ده لكن مش حره فى فرض رغباتك حتى لو حتزعلى

كونك اخترت اسم كيلوا بترا .. ده حق وحسب كلامك كان ممكن تغيريه لو فيه عضو اخر بنفس الاسم... تحت نفس المبدأ ده ممكن نحكم على الصوره الرمزيه ... انت سجلت فى المتندى وعجبتك اى صوره ... ده حق .. لكن لما تعرفى ان فيه عضو اخر استخدم نفس الصوره منذ فتره .. يبقى ده تجنى على حريه الاخر... اللى ابسط مبدأ للحريه الشخصيه ... حريتى تنتهى عند حدود حريه الاخر

وحكايه التفصيل .. تقدري تتعبى نفسك شويه ... بدل نظام حزعل واولع فى القعده باللى فيها.... من الافضل تبحثى عن صوره معبره ليكى سواء كانت كيلو (باترا) او كليوباترا ... بما انك بتحبى تختارى كل حاجه بنفسك

وسلام

[Cleo]

يعني يا ست كليو لخبطتينا في الإسم وكمان لخبطتينا في اللوج وكل شويه أفتكرك محبط صاحب ووكيل العلامة التجارية لهذا اللوجو  ;)  :lol:

أنا جيت جنبك..!!!!

يا عم أنا قاعدة فى حالى لا جيت جنب محبط و لا كلمتك خالص..!!!

و بعدين أنا مش باكلم الأعداء..!!!

و كمان بتحاول ترشينى بوردة...!!! :lol:

شوفى يا كيلوباترا...

الصراحة المداخلة اللى فوق دى أنا افتعلتها علشن أحاول ألفت نظرك بالمحسوس إن تكرار الأسامى فى المنتدى ممكن ينتج عنه سوء تفاهم كتير. و أنا الصراحة استخدمت الأسلوب ده لأنى اتكسفت إنى أسبب إحراج لو طلبت منك تغيرى الاسم...

فيه نقطة كتير من الزملاء اللى بيدخلوا المنتدى جديد بيقعوا فيها... إنهم مش بيحسوا بالفرق بين اليوزر نيم بتاع الإيميل، و اليوزر نيم بتاع المنتديات...

عالإيميل ممكن تلاقى مليون واحد اسمهم محمد و كل واحد كاتب اسمه بطريقة شكل... بس مابيحصلش لبس لأن ولا واحد فيهم يعرف التانى.. أما فى المنتديات، إحنا بنبقى أعضاء فى عيلة... لازم كل واحد يكون له اسم و أفاتار يميزه عن الباقيين... يعنى مثلا... ينفع دولتين يبقى ليهم نفس الاسم؟؟؟ أو نفس العلم؟؟

على فكرة كان فيه أخت تانية سبقتك و اختارت اسم كليوباترا، (بالهجاء الصحيح ) :lol: و يمكن يكون حد من الأخوة أو الإدارة لفتوا نظرها لنفس الكلام و الموضوع عدى بسهولة... يعنى هى إما غيرت الاسم أو انسحبت بهدوء بدون أن يشعر أحد بشىء من ذلك.. و غيرها كتير من الشباب أو البنات... بس دى أكتر واحدة أنا فاكراها عشان اسمها يتشابه مع اسمى..

العملية ليست "دكتاتورية" من الأخوة المديرين .. إنما هى تنظيمية و العملية مش ضدك انت شخصيا عشان تاخديها بالحساسية و العند دول..

و دلوقتى بصراحة أصبح لا مفر من إنى أقولك إنى أكون متشكرة جدا لو قدرتى تغيرى اسمك الحركى لأنه بيسبب لى لخبطة أحيانا...

لكى أطيب تحياتى

كليو

[White heart]

بصراحة يا جماعة انا أشعر بالذنب ... ;)

و كنوع من تبرئة ساحتي ... قمت بعمل هذه المحاولات المتواضعة و يبقى على الأقل حلينا مشكل "اللوجو" - لعل إحداها يحوز على إعجاب العضوة الجديدة "كيلو باترا" - التى أتفهم رد فعلها لشعورها بنوع من التكالب ضدها ...

اييييييييييييييييه هو كلكم عليا و لا اييييييييييه ؟؟؟ :lol:

مما أنعكس هذا على ردها الأخير .... و بالأصالة عن نفسي اقدم لها - و للإدارة مرة اخرى إعتذاري .....

[Cleo]

إنت بتجيب الحاجات دى منيييييييين...! !!!!!!!!! ;)

[White heart]

Cleo كتبت:

إنت بتجيب الحاجات دى منيييييييين...! !!!!!!!!! :lol:

صنعة إيديا و حياه عينيا .... :lol:

الله يرحمها بقى Mademoiselle Viola (لسة فاكر اسمها) .... هى اللى حببتني فى الألوان عامة - و القص و اللزق خاصة .... ;)

[ragab2]

هوايت هارت

راجل فنان

وله باع فى عالم النت

[se_ Elsyed]

ثاناً : المشرف العام الدكتاتور المحترم

يعني بسلامتك انت  مثلا افرض مسلا  مسلا اني  عصيتك يوم .... انشاء الله  يصير ومشاء الله  لو صار عند حضرتك  في موقعك ده يعني ... مليون  عضو ...  يعملوا  ايه ...و كيف لا يشتركوا بللوجو  بتاعهم ...

وكمان  يعني سؤال أخير يعني انت فصلت لكل عضو لوجو خاص بيه ؟

طب ممكن  من فضلك تفصلي لوجو  خاص بكليوباترا ...أو نفرتيتي 

أو نفر مايند .. :lol: 

قدس الحرية ليحكمك  السي سيد  واللي حاكمك  لاكمك

اخخخخخخخخخخ ;)

سلام مربع :lol:

لا اعتقد بإن هناك فتاة او إمرأة تستخدم هذا الأسلوب في الحديث ... ولو تفضلتي بالرجوع إلى مداخلتي فلن تجدي فيها ما يستدعي هذا الكلام الفارغ اللي سيادتك قولتيه ... ولكنني نصحتك بشكل مهذب بتغيير اللوجو لعدم حدوث لبس لدى الزملاء .

أما قولك

انشاء الله  يصير ومشاء الله  لو صار عند حضرتك  في موقعك ده يعني ... مليون  عضو

فأود ان اوضح لك بإن هذا الموقع ليس ملكاً لأحد فيفعل فيه ما يريد وإنما أنا عضو كبقية الزملاء ولكن كل ما في الأمر بإنني أحترم نفسي وبالتالي اعتقد بإن بقية الزملاء احترموني وبالتالي قبلوني مشرفاً بدون أي مميزات أو صفات تميزني عنهم ولكن كل ما في الأمر هو أن مهمتنا هنا هي مهمة تنظيمية فقط لا غير ...

هذا كان كلامي كعضو عادي .

أما كلامي كمشرف : فهذا تحذير لكِ بعدم إستخدام مثل هذا الأسلوب في الحديث او الرد على أي زميل هنا وإلا سنضطر آسفين لإتخاذ موقف ضدك لأننا تعودنا هنا على الإحترام المتبادل بين الزملاء ... وإذا كنتي تؤمنين بالحوار كما تقولين فبالتأكيد قد سمعتي عن شيء إسمه أدب الحوار .

[Masrawy Abroad]

بصي يا كيلو....انتي شكلك كده مش مصرية وعاوزة تتكلمي باللغة العامية بتاعتنا بس اعرفي ان التعبيرات خانتك وطلعت منك غلط خالص...

أما لو مصرية وعاملة فيها شامية او لبنانية فده موضوع تاني بقى

أطلقوا الأسود..... mc: mc:

:huh:

[kfaya]

بصى يا كليو .....

الثعبان اللى على رأس كليوباترا اللى مصممة وايت هارت , شكلة جميل .... شغال يعنى ....

اية رأيك تكلمى وايت هارت يركبهولك مكان الخرم اللى أعلا رأس أفيتارك ....

[Cleo]

بصى يا كليو .....

الثعبان اللى على رأس كليوباترا اللى مصممة وايت هارت , شكلة جميل .... شغال يعنى ....

اية رأيك تكلمى وايت هارت يركبهولك  مكان الخرم اللى أعلا رأس أفيتارك ....

:huh:

vmp:

mc: