التحالف والمحور فى المنتدى !!!

[KWA]

خيانة خيانة خيانة ...

كي دبليو خاننا يا رجالة وبيتصرف من نفسه .... إشرب يا حشيش بقى

أدي القائد الميداني اللي وضعت فيه عصارة ثقتك وفضلته علي وأنا اللي قايد لك صوابعي العشرة كاندلز ...

الله ...الله...الله....ليه كده يا سي السيد ....شايل كل ده في قلبك و ساكت ...علي العموم يا عم انا سيبهالك ....بس نصيحه اخويه المعركه دي خسرانه خسرانه....و سيبك من حشيش....لأن اخرته وحشه اوي اوي....

بس إيه ده هي دي روبي اللي عاملين عليها قلق ؟!!!!

يا عم دي شكلها متخرجة من مكتب مخدماتي حتى بالأمارة يعلوها الصدأ .. والله أنا بأتكلم جد دي مافيهاش ريحة الأنوثة ومنتسبة لمعشر النساء بالباطل لحد ما تُفرج .

اخر المعلومات الأستخباريه ان الأنسه روبي من المنصوره و متخرجه من كليه الأداب جامعه المنصوره ....اما تخصصها ايه ...فليس معروفا حتي الأن....

حشيش wrote

معلهش سؤال من أخوكم حشيش وهو طريح الفراش بمستشفى القوات المسلحة الميدانى...هيا روبى لابسة حاجة تحت البلوزة السوده دى ولا من الحر يعنى ولا إيه ؟؟؟...وبعدين ما قالتش نقابلها فين ؟

هو ده سبب خسارتنا لمعركه اسلوب و طريقه التفكير في كيفيه سير المعركه و اخرتها هرب علي المستشفي بحجه انه عيان ....احنا اللي غلطانين في اننا وثقنا في شخص اسمه حشيش و متخذ من الضفدعه رمزا له...خليها تنفعك.....معلومه لله ...الجاكت اللي لبساه الأنسه روبي...له وجهين....واحد شيتوي والأخر صيفي و الهدف من هذا الأستيل هو توفير شراء بعض الملابس....بس الصوره اتخدت لهافي الربيع.....

نظراً لسيولة موقف (قصدى ميوعة موقف) KWA من تولى المسؤلية لحين شفائى تقررعزله وتعيين إبن مصر بدلاً له ليصبح أقوى خلف لأضعف سلف  ...كما تقرر تعيين مصراوى أبرود نائباً له...فاسمعوا لهم وأطيعوا فى الحل والترحال...وفى المنشط والمغرم...وكونوا لهم لباساً...يكونوا لكم رداءاً...ولا تختلفوا فينفرط عقدكم وتظهر عوراتكم 

ده رساله موجهه لك يا سي السيد للمره الثانيه حاشيشكو يخذلك و لا يعطيك اي منصف حتي لو حارس.....ادي اخره الصحوبيه مع المدعو حشيش ...و لسه

[guivara]

نانسي...روبي...لابسة مش لابسة... صينية بطاطس باللحم ,, قرع عسلى بالصوص و المكسرات!!! ....شعرية باللبن و القشدة ..بسبوسة....لحمة فراخ سمك...مربى.. كوستاليته ....حلة مسقعة!!!

"أسقي القراقيش"؟؟

""طبيخ مغمس""؟؟؟؟؟؟؟؟؟

هو, تاريخيا, كان أسمهم " التحالف و المحور" و لاّ "الحلاليف و المحور" ؟

rs:

[kfaya]

العزيزة جيفارا .....

الموضوع فكاهة ... ولا يحتمل مثل هذه الأوصاف الجارحة .... rs:

[moody00x]

هو, تاريخيا, كان أسمهم " التحالف و المحور" و لاّ "الحلاليف و المحور" ؟

كده هتقلب بغم ونكد....ياريت ننتقى ألألفاظ

[guivara]

؟؟؟؟؟؟؟؟؟؟؟؟؟...؟؟؟؟؟؟

واضح إن للكلمة معنيين..معنى لا أعرفه و هو الذي تنزعجون منه و معنى أعرفه و هو الذي أقصده ! و هو بمعنى الشخص الشره اللي يحب الأكل...وهى كلمة أعتقد أنها دارجة بهذا المعنى..وقد ذكرت في كتابات كثيرة منها حكايات ألف ليلة و ليلة مثلا..

عامة معذرة عن إزدواج المعاني الذي ليس لي يد فيه!

بالمناسبة يوجد جامع في المحلة اسمه "جامع الحلوف".متهيألي أن المحافظة سترفض إطلاق إسم يعتبرفظ على مبنى ديني! لذا فإني أعتقد أن المعنى الذي أقصده هو السائد فعليا و ليس الاخر ..الذي لا أعرفه rs:

[moody00x]

وأنا أعتقد أن اللفظ لا يحتمل ألأزدواج ...على حد علمى أن كلمة حلوف هى شتيمة و هى مرادف لكلمة حيوان ...

حضرتك إن كان لم يصلك هذا المعنى من قبل حاولى تقوليه لأنسان يكون بينك وبينه عشم علشان مايزعلش فعلآ وقوليله إنك تقصدى حكاية شره فى

ألأكل دى وشوفى رد فعله....

عمومآ حصل خير

[حشيش]

والله ياجيفارا إنتى باين سنتك حتبقى زرقه rs: ...إذاً فهى الحرب...وكما قال أخونا كفاية فنحن لها وأهلها ورثناها كابر عن كابر...المهم بقى إنتى متزعليش من هزارنا لو جه تقيل حبتين معاكى...وكان البادى بالشر أظلم :)

[guivara]

مرسي أوي يا حشيش إنك ماكسفتنيش زي باقي الأعضاء.

:)

ده أنا كنت مكبوسة قوي..لأ .. قصدي "مكسوفة".( أحسن تطلع مكبوسة كلمة مش لطيفة) rs:..

و بالمناسبة السعيدة دي...و إكراما لك.. أنا قررت أستسلم. و لن أرفع السلاح ضد "التحالف" بعد اليوم ..

[se_ Elsyed]

خبر عاجل

أصيب بالأمس قائدة المفرزة التاسعة للفيلق الثالث الشاويش هاندي كرفس ، وذلك أثناء قيادتة للبيتش باجي على شواطيء مدينة الخُبر الساحلية ..

وإليكم الأخبار بالتفصيل :

فأثناء تأدية الأخ القائد المُفدى س س نائب القائد الاعلي للقوات المسلحة في دولة رجالستان ,, كان بصحبته الأخ الشاويش هاندي وبعد ان فرغوا من تدريبات السباحة العنيفة .. إنتقلوا إلى الدرس الثاني وهو تأدية مناورات عسكرية بإستخدام البيتش باجي .. وما هي إلا لحظات حتى سقط هاندي من على صهوة جوادة وأصيب إصابات متفرقة بالجسد والوجه وهي عبارة عن سحجات وكدمات وأصبحت حالته انفشه خالص ...

تمنياتنا للأخ هاندي بالشفاء العاجل حتى يعود إلى قيادة مفرزته ويدحر أعداء الوطن من النسوة والبنات .

أنا حاسس بالذنب .. انا اللي قتلته .. أنا اللي قتلته

[Cleo]

وما هي إلا لحظات حتى سقط هاندي من على صهوة جوادة وأصيب إصابات متفرقة بالجسد والوجه وهي عبارة عن سحجات وكدمات وأصبحت حالته انفشه خالص ...

تمنياتنا للأخ هاندي بالشفاء العاجل حتى يعود إلى قيادة مفرزته ويدحر أعداء الوطن من النسوة والبنات .

أنا حاسس بالذنب .. انا اللي قتلته .. أنا اللي قتلته

ألف سلامة يا هاندى... ما يقع إلا الشاطر... brth)

[crossfield]

و الله صعبانين عليا الجماعة دول يا كليو

بيفكرونى بدون كيشوت و هو بيحارب طواحين الهوا.

[حشيش]

و الله صعبانين عليا الجماعة دول يا كليو

ما يصعبش عليكى غالى ياأم بدوى brth) .....دى تمارين إحماء ومهارات فردية كان بيتدرب عليها الفارسان سى السيد وهاندى كرافت.....وبعدين سى السيد قال إن إصابة هاندى كرافت سطحية يعنى يدوب إرتجاج فى المخ وشلل نصفى rs: ...ياساتر عليكى وعلى شماتك.....إففففف rs:

[سقراط المصري]

حشيش ، سي السيد ، ابن مصر ، وكل الزملاء انا معاكم في التحالف.

معلش انا جيت متأخر اصلي كنت واقع في الأسر ، وهحكيلكوا بعدين عن التعذيب الرهيب اللي حصلي من فيروز ونشوى وكليو .

تصور خلوني امسح بلاط المطبخ ، واحمي العيال قبل اما يناموا ، وعملوا فيا حاجات فظيعه ، تبدأ بتقشير شوال بصل ، وتنتهى بشرب اللبن اجباري.

هحكيلك بالتفصيل بعدين ، اصل مراتي قاعده جانبي وبتبرق لي بعنيها. :angry:

سقراط

[Cleo]

حشيش ، سي السيد ، ابن مصر ، وكل الزملاء انا معاكم في التحالف.

معلش انا جيت متأخر اصلي كنت واقع في الأسر ، وهحكيلكوا بعدين عن التعذيب الرهيب اللي حصلي من فيروز ونشوى وكليو .

تصور خلوني امسح بلاط المطبخ ، واحمي العيال قبل اما يناموا ، وعملوا فيا حاجات فظيعه ، تبدأ بتقشير شوال بصل ، وتنتهى بشرب اللبن اجباري.

هحكيلك بالتفصيل بعدين ، اصل مراتي قاعده جانبي وبتبرق لي بعنيها. :angry:

سقراط

أحسن دعاية لإرهاب الأعداء هى إنك تسيب واحد من الأسر حى... عشان يحكى للباقيين.... :D

دلوقتى كله هايستخبى ...!! :)

[kfaya]

الى اليوزباشى سقراط .......

جميع قصص التعذيب فى الأسر بما فيها مسح البلاط و حماية العيال و تخريط البصل و غسيل المواعين أو ألوان أخرى من الأزلال و التشفى ....... ترسل فى بصورة مشفرة عن طريق الرسائل الخاصة الى جميع القادة .....

يحظر ترديد تلك الأشاعات علنا حفاظا على الروح المعنوية ......

ملحوظ :

لو ايديك مقشفة .... ولا ريحتك بصل أو ثوم ...... تخلص من تلك الخصال الحريمى فورا و توجة لأدارة الشؤن المعنوية لعمل اللازم ....

و اللة أكبر و النصر لنا ......

trch:

[crossfield]

ما يصعبش عليكى غالى ياأم بدوى

o rs: :o :o :o

أنا أم بدوى يا حشيش؟؟؟؟؟؟؟؟؟؟؟؟؟

!!!!!!!!!!!!!!!!!!!!!!!!!!!!

طيب حيث كد بقى

هننزلوا البدروم يعنى هننزلوا البدروم rs:

و لن أتنازل عن راسك مع طبق فتة بالتوم

امممممممممممم

إنها لذيذة

rs:

كليو

أنا شايفة انك فى الجبهة لوحدك

معلش أعذرينى أنا اليومين دول بامصمص فى راس هاندى ومش عايزة تخلص

قال إحماء قال

هعععععععععععععع

:angry: :) :D

[kfaya]

الى الفريق أول حشيش .....

هو أنت أللى نزلت البدروم مع أم بدوى ؟؟؟؟؟؟

يعنى هى بتمصمص فى راسك دلوقتى ولا راس المقدم هاندى ......

و النبى دققى كدا يا أم بدوى .... لو فية شنب تبقى راس حشيش ... و لو شعرة مكتكت يبقى هاندى .....

احنا بنتاكل يا جدعان ....... :) ,,, :angry:

[se_ Elsyed]

معلومات أساساً مضلله ... والعدو يتوهم إن رؤوسنا سهلة المنال ... وأساساً كروس فيلد ما تعرفش إن راس هاندي " سطيحة " يعني كلها زحاليق فدي تتمصمص إزاي قولولي يا محاربين يا مخضرمين ؟

ما تخافش يا هاندي مش هاسمح لحد إنه يقرب لك أو إنه يستغل إصابتك ويحاولوا يأسروك ...

حرام عليكوا إنتوا ماعندكمش اخوات صبيان

[إبن مصر]

me0: عالجبهه هيا يا رجال..

me0: عالجبهه هيا يا رجال..

me0: عالجبهه هيا يا رجال..

me0: عالجبهه هيا يا رجال..

بيان بانتصارات قواتنا:

تمكنت قواتنا الباسله البطله من البطش بما اطلقوا عليه انتفاضه الحريم والتى كانت تخطط لسيطره غير مسبوقه تاريخيا للنساء خارج حدود الحرملك..

هذا وقد تم اسر قائده الانقلاب فيروز زبرجد تركواز ونفيها الى معتقل المغول بمطروح.

وتجرى الان عمليات تمشيط واسعه للقضاء على قوات العدو فى كافه المناطق وتخوم البلاد.

ونحن اذ نزف انباء انتصارتنا للقائد المفدى حشيش لنرفع له اسمى ايات العرفان ونلهث بالدعاء ان يتم شفاءه على خيركى يعود لنا قائدا ومعلما وسراجا منيرا ونجدد له العهد بالوفاء والاخلاص شاكرين له ثقتنا الغاليه فى قيادتنا للقوات

الله اكبر والنصر لنا وليخساء الخاسئون. :huh:

قياده رجالستان الموحده

ويلك يالى تعادينا يا ويلك ويل mc:

ويلك يالى تعادينا يا ويلك ويل mc:

ويلك يالى تعادينا يا ويلك ويل :)

ويلك يالى تعادينا يا ويلك ويل mc:

[se_ Elsyed]

يبدو إن الأخبار الحلوه لا تأتي فرادى ... فمع انباء الإنتصارات التي وافانا بها مراسلنا العسكري إبن مصر أبو العافية من امام مقر القيادة الرجالية .. تزامن ذلك مع عودة الاخ الشاويش هاندي كرافت معافاً في بدنه وعقله وها هو يصول ويجول في ساحات الوغى فيقتل هذه ويأسر تلك ويجرح تلكموا ...

هنيئاً لنا معشر الرجال بهذا الإنتصار المدوي والذي تتناقل أخباره كل وكالات الدعاية والإعلان .. وربنا معاكوا يا شباب .

الظاهر إنها رحلة خلوية مش معركة دي ...