مشكلة فنية فى خاصية الموضوعات الحديثة

[Advisor]

نواجه مشكلة فنية فى خاصية الموضوعات الحديثة و جارى التعامل معها

[مغتربة]

انا افتكرت انها مشكله عندى انا بس لكن طلعت مشكله عامه

جزاكم الله خيرا على التنبيه

يا رب تنحل بسرعه لان انا حاسه نفسى تايها و مش عرافه ايه الجديد

تحياتى

[doha]

مشكلة ايه ؟ الموضوعات الحديثة عندي شغاله كويس

على العموم انا بدخل عليها من الرابط ده ..

http://www.egyptiantalks.org/invb/index.php?app=core&module=search&do=new_posts&search_filter_app[members]=1

جربيه يامغتربة ..

[مغتربة]

شكرا يا ضحى على الرابط

فعلا فادنى

لكن قبل المشكله كانت القائيمه دى بتظهر فى الصفحه الرئيسيه للمنتدى قبل اقسام المنتدى

فكان كله بيكون فى مكان واحد و دا بيسهل البحث اكتر

يا رب الاداره تعرف تحل المشكله دى بسرعه

يحياتى

[لماضة مصرية جدا]

السلام عليكم و رحمة الله و بركاته

هو انا ليه مفتقدة فكرة البانر....شريط الاخبار اللي بيجري و كنا بنجري وراه عشان نتابع الجديد

هل فيه امكانية يرجع

و الله وحشني

شكرا

[عادل أبوزيد]

موضوع فى موقع ال لآىبى العربى عن بانر آخر المواضيع و مع ذلك لا يستخدمونه هناك الرابط هو :

http://arabips.com/f...كات-لنسخة-ipb3/

[Advisor]

بصفة مؤقتة تم إضافة خاصية الموضوعات الجديدة - أحدث 5 موضوعات - فى يسار الصفحة الرئيسية.

[شريف مان]

الحمد لله ان المشكلة اتحلت ... بس ياترى كانت ايه المشكلة :)

[masraweya]

مبرووووووووووووووووك

[akramgroup]

تمام كده الله ينور عليك

وكمان انا لسه واخد بالى من موضوع التايم اللى تحت اسم العضو

الوقت بتاعه اون لاين بس مش فاهم يعنى ايه بالظبط

[مغتربة]

فرحت جدا لما دخلت و لقيت انها اتحلت

لانها بجد بتفرق جامد

الف شكر على المجهود

[doha]

مش عارفه المحاورات مالها النهرده عندي بطيئة بشكل لا يوصف يعني اضغط على اللينك يتحمل لي البانر وعنوان الصفحه ولوجو المحاورات اما بقية الصفحه فعشر سنوات على الاقل على ماتفتح .. شاكه ان المشكلة من اشتراك النت عندي بس مش متاكده .. هل في مشكلة في المحاورات ؟

[Scorpion]

انا عندي شغال زي الفل يا مدام ضحي ...

احتمال بس دي علامة تانية من معالم انهيار المجموعة البريدية اللي احنا مسمينها محاورات المصريين ...

[doha]

انا عندي شغال زي الفل يا مدام ضحي ...

احتمال بس دي علامة تانية من معالم انهيار المجموعة البريدية اللي احنا مسمينها محاورات المصريين ...

الفاضل سكوربيون .. اعتقد نبرة التهكم في كلامك مش مقبوله ومش ده محلها هنا واعتقد برضه ان صديقك من صدقك مش من دلس عليك واوهمك ان كله تمام والواقع غير ذلك .

على كل حال متوقعه هجووم طاقم الاشراف المعتاد علي زي ماهو معتاد منهم في اي نقد يوجه للموقع مهما كان غرض النقد ده بناء ولا نيته خير او غير ذلك .. وكأنها ( جريمة ) تستحق ( العقوبة ) ان الواحد يقول رايه ..

على فكره .. المحاورات في النازل ومستوى الكتابات فيها منحدر ده اذا اعتبرنا ان فيها كتابة اصلا وبقالنا شهرين تلاته مش لاقيين حاجه نقراها الا موضوع هنا او موضوع هناك ومعادش في قراء متابعين والاعضاء ( طفشوا ) بالعربي كده وحرام يعني وعيب اوي لما موقع اسمه محاورات ( المصريين ) يكون كبيره موضوعين تلاته في الاسبوع هم الي يستاهلوا القراءة والبقية ياخناقات ياحشو ورق .. عيب اوي لما المصريين هم العقول المحركه والاقلام المؤثرة في معظم المنتديات العربية واجي هنا الاقي اقسام بحالها ميته مش لاقيه حد يكتب فيها سطر ..

كلمتين واقعيين متاكده ان في ناس تانية كتير كان نفسهم يقولوهم ومشيوا ولسه مقالوهمش بس اعتقد ده الوقت اني اقولهم .. عارفه مش هيغيروا من قناعاتك شيء ولا هيغيروا من الوضع شيء وكبيرها يومين تلاته ينزل فيهم موضوعين تلاته يثبت بيهم البعض ان كله تمام ثم يعود الجميع للنوم ليستيقظوا على شكوى من عضو آخر يتقابل بالتهكم والسخريه من حسنين ومحمدين ثم تكرر القصة ..

عاوز تعتبر ان كل شيء تمام اعتبره هو رايك انت حر فيه بس متحاولش تحجر على رايي لما اقول انه مش كده بل كل شيء سيء وشديد السوء وانا شخصيا عجزت في اني اغير من الوضع شيء ولم يصبح امامي غير الانسحاب وكون وجودي اصبح ميفرقش كتير عن انصرافي فحتى اني انسحب اصبح شيء عديم القيمه .. فالمنتدى الي ميطلعش مني احسن ماعندى معتبرش مشاركه فيه .. المنتدى الي مخرجش منه افضل مما دخلته فكريا وذهنيا معتبرش اصلا عضوة فيه .. انسحابي انا او غيري هو تحصيل حاصل هيحدث في وقت ما وطالما الوضع على هذه الحال ..

كان ممكن اسكت بعد ماقلت ملاحظاتي الاولى عن وضع المحاورات خاصه ورايي عبرت عنه حتى لو محدش عقب عليه .. لكن اصرارك انت وغيرك على تحويل الموضوع لمهاترات شخصية وتهكم على اراء غيركم لمجرد اننا ( تجرأنا ) وانتقدنا او عبرنا عن الوضع بصراحه شيء منتقد وبشده .. فان كان المتدى سيء فتصرفاتكم من هذا النوع هي اشد منه سوءا ..

اصل هتضحكوا على مين وتوهموا مين ان الوضع فل اذا كنا كلنا اعضاء وبنقرأ وبنكتب وشايفين الي حوالينا وشايفين ومقدرين ان كنا بنستفيد مما يكتب او لا ..

لا انكر ان في بعض المواضيع كويسه ولا انكر ان في بعض الاقلام تستحق ان يقرا لها لكن كام من كام . بل كل كام بيظهر الكويس ده . كل كام بنقرأ للكويس ده ...

وتفضل حضرتك تهكم براحتك واتريق براحتك وحطني في دماغك انت والفاضل التاني بكيفكم .. ده مش هيغير من حقيقة الوضع شيء ومش هيخلي كتاباتكم قمه ومنتداكم روعه والناس مش ملاحقة خبط على بابه ..

خذوا راحتكم على الآخر ..

ومعليش بقى لو مداخلتي دي ملهاش علاقه بالموضوع بس هي رد على سطر ملوش لازمه قريته في هذا الموضوع ..

عوافي ..

[Scorpion]

صدقيني قريت اول سطر و اكتفيت لأني خلاص الباقي حافظه صم ....

سعيكم مشكور يا افندم ...

[م تيمور المراغي]

الحمد لله على عودة الروح للصفحه الاولى ,,

كده اجمل بكثيييييير ,, :happy:

[الغريب]

مشكورين على الجهود المبذولة

ولكن ملاحظة

قائمة الموضوعات الحديثة، لم يعد بجانب كل موضوع ترقيم الصفحات الخاص به، حتى يمكن الدخول مباشرة للصفحة الأخيرة من خلال الصفحة الرئيسية

ولكن يستلزم الأمر فتح الموضوع ثم الدخول للصفحة الأخيرة

مش كسل والله ، بس تساؤل وتنبيه فقط

شكرا

[pink rose]

كنت الاول لما افتح موضوع يدخلني على المداخلة الجديدة

لكن دلوقتي لما افتح موضوع يجيبه من الاول و اقعد اراجع كل الصفحات لحد ما الاقي اخر مداخلة قريتها و ابدأ بقى اشوف الجديد

هل العيب دا من جهازي انا و لا المشكلة من المنتدى

شكرا

[Alshiekh]

مشكورين على الجهود المبذولة

ولكن ملاحظة

قائمة الموضوعات الحديثة، لم يعد بجانب كل موضوع ترقيم الصفحات الخاص به، حتى يمكن الدخول مباشرة للصفحة الأخيرة من خلال الصفحة الرئيسية

ولكن يستلزم الأمر فتح الموضوع ثم الدخول للصفحة الأخيرة

مش كسل والله ، بس تساؤل وتنبيه فقط

شكرا

كنت الاول لما افتح موضوع يدخلني على المداخلة الجديدة

لكن دلوقتي لما افتح موضوع يجيبه من الاول و اقعد اراجع كل الصفحات لحد ما الاقي اخر مداخلة قريتها و ابدأ بقى اشوف الجديد

هل العيب دا من جهازي انا و لا المشكلة من المنتدى

شكرا

من خلال الصفحة الرئيسية ، إذا أردت/ى الدخول للموضوع من بداياته ، إضغط/ى على إسم الموضوع

أما لو رغبت/ى فى الدخول إلى آخر مداخلة فى الموضوع ، أنظر/ى إلى عامود " آخر مشاركة " وأضغط/ى على السهم الصغير بجانب " اليوم " سيأخذك إلى أخر مشاركة.