الاختلاف

[ssamir]

السلام عليكم

الاختلاف بين الناس في التفكير في الاراء في الحكم علي الناس في التقاليد في طريقه السخريه حتي

ده عادي صح و مفيش حد اتخلق و كان في اللي يماثله 100% لازم في اختلاف

طب ليه كل الناس معتبره ان اللي يخالفها غلط و هما اللي صح و كيعتبروش ان رأيي صواب يحتمل الخطأ و الرأي الاخر خطأ يحتمل الصواب

هل لازم كل حوار يتحول لمناظرة و كل واحد يقعد بقي و يشرح وجهه نظره و ممكن موضوع بسيط ياخد اكبر من حجمه بكتير

الموضوع ده ملهوش دعوة بموضوعي القديم بس هو جاء في بالي لما زميلي في الشغل بيتكلم معايا دلوقتي و معتقد ان اي كلمه هو بيقولها صح و تعبني معاه بصراحه

ليه الناس تفكيرها اتجاه واحد مفيش اي محاوله لاختيار اتجاه تاني

تم تعديل 1 ديسمبر 2010 بواسطة ssamir