ارفع معنوياتك....عمر طاهر

[لماضة مصرية جدا]

السلام عليكم و رحمة الله و بركاته

عجبني انا اوي المقال دوت بتاع "عمر طاهر"....فيه لستة بالحاجات لرفع المعنويات...عشان في الهنا تبات

يا رب دايما معنوياتكم مرتفعة....يا رب دايما حياتكم متيسرة

....اصلي بحس الدنيا بجد متستاهلشي

اسيبكم بقي مع الحاجات...لرفع المعنويات

ع جنب بقي

عمر لمض و لسانه متبري منه....فيمكن تتكعبلوا في حاجة كده و لا كده...ابقوا فوتوها يعني

و عيشوا بقي

ارفع معنوياتك

1- لرفع روحك المعنوية قم بإحصاء كل المعجزات التي حدثت لك في حياتك ومازالت تحدث (نجحت وتخرجت دون أن تتعلم شيئا، تقبض مرتبا دون

أن تفعل شيئا تقريبا، تنفق أكثر مما تكسب وعمرك ما عرفت إزاي؟، مازلت علي قيد الحياة رغم الهواء الملوث والماء الملوث والطعام الملوث، رغم الأزمة الماليةالعالمية مازلت قادرا علي شحن موبايلك، تسير علي قدميك كثيرا ولم تغرق في بالوعة حتي هذه اللحظة..إلخ).

2- قابل هؤلاء الذين يسيئون إليك بالإحسان بالذات أمناء الشرطة.

3- قم بزيارة المواقع الأثرية لتتعلم من أحداث الماضي (أرشح لك المنصة).

4- ابتعد عن الأماكن التي يكثر بها الناس المزيفة والثقيلة (إقفل حسابك علي الفيس بوك).

5- افتح موبايلك وقم بمسح كل أرقام الأشخاص الذين يسببون لك أي ضيق ..ثم اتخذ قرارا بعدم الرد علي الأرقام الغريبة عشان لو

عرفوا إنك مسحت أرقامهم هيضايقوك زيادة.

6- ابق في فراشك نصف ساعة بعد الاستيقاظ من النوم حتي تستعيد نشاطك وبالمرة تكون الميه المقطوعة جات.

7- حاول أن تبقي هادئا عند تعرضك لأزمات عاطفية (مع تحيات محسن السكري).

8-اشتر طقم ملابس داخلية مموه زي بتوع المارينز وتأمل نفسك به في المرآة ..ستضحك من قلبك صدقني.

9- علق في غرفتك بوستر للفنان يونس شلبي.

10- استيقظ مبكرا ولا تفتح الراديو علي محطة نجوم إف إم حتي لا تبدأ يومك بجرح تاني لشيرين، ولا تفتح الراديو علي إذاعة

الأغاني حتي لا تبدأ يومك بتخونوه لعبد الحليم ويمكنك الاستمتاع بكوميدياإذاعة القاهرة الكبري.

11- حاول أن تتواجد في الأماكن الصاخبة المثيرة التي يجتمع بها أناس كثيرون للاستمتاع وقضاء أوقات لطيفة ( استاد القاهرة

تحديدا قبل بداية ماتشات المنتخب حيث يغرق الملعب في الصمت ما إن تبدأ

المباراة )

12- أجعل أحلام اليقظة كلها سعادة.. تخيل نفسك صاحب ملاهي دريم بارك.

تعبت من العد أنا بقي

> حاول أن ترتدي داخل منزلك أزياء كوميدية (راجع مقتطفات من خطب القذافي علي اليوتيوب).

> ابتعد عن الأشخاص الذين يسببون لك الإحباط (وديها عند أمها أو طلقها والتفت لحياتك بقي). الله يسامحك مكنشي العشم

> حتي تشعر بالاسترخاء استمع إلي اسطوانة عليها أصوات من الطبيعة( يمكنك الاستمتاع بصوت الطبيعة في مدينة الحرفيين).

> قد يكون الاكتئاب سببه ضعف عام في الجسم لسوءالتغذية... توجه إلي البرنس واطلب طاجن عكاوي بالبصل وإذا لم تنعشك

العكاوي فعليك بطاجن مخاصي بلسان العصفور وإذا لم تنعشك المخاصي توجه إلي أقرب مستشفي وخليهم يعلقولك جلوكوز.

> اكتب مشكلتك علي رمل أحد الشواطئ وتأمل الموج وهو يمسحها..وإذا لم يصل إليها الموج بإمكانك عمل بي بي فوقها.

> استعيد الرومانسية وسافر لقضاء شهر العسل من جديد (يفضل أن تصطحب معك هذه المرة شخصا جديدا).

> اكتب كل المشاعر المؤلمة التي تشعر بها ثم توجه بها إلي دار الشروق لنشرها في كتاب واعمل لنفسك جروباً ككاتب ولم شوية

فانز واعمل حفلة توقيع وانشر صور الحفلة وبعدها اطلع لك في كام برنامج ومع

الوقت هتلاقي نفسك مش فاضي تكتئب.

> توقف عن مشاهدة برامج التوك شو التي لا تقدم لك يوميا سوي وجبة من المصائب.

> اجعل لك هدفا في الحياة تعيش من أجل تحقيقه ( وليكن تجديد رخصة السيارة).

> اشتر سماعة طبيب واكشف علي كل من تحبهم دون مقابل وطمئنهم أنهم بخير..

> اذهب في رحلة إلي الأماكن المفتوحة (توشكي).

> لا تتخذ قرارات طائشة (أنا عمري ما هاتجوز).

> لا تتخذ قرارات بلهاء (أنا لازم اتجوز بسرعة).

> قم بشراء كشكول سلك وافتح صفحة جديدة في حياتك، وحاول أن يكون الكشكول (وجه ووجه) حتي تمنح نفسك فرصة دائما لالتقاط الأنفاس.

هنكمل كمان شوية......

[لماضة مصرية جدا]

هنكمل تاني

> اشكر الله كثيرًا وتذكر مقولة رجل مجهول «لم يكن عندي حذاء وكنت دائم الشكوي من ذلك حتي قابلت رجلاً بلا قدمين».

> لا تؤجل عمل اليوم إلي الغد بالذات دفع فاتورة الموبايل.

> تجنب الزحام (خليك في البيت).

> إذا لم تتعلم من أخطائك خليك وراها لحد ما تتعلم.

> كن واثقًا أن الأشياء الجميلة في الحياة (ببلاش).

>تخلص من الوزن الزائد والدهون إما بممارسة الرياضة الشاقة (ممكن تروح تسلم لهم نفسك في القسم) أو باستخدام الأدوية (أرشح لك بريل مزيل الدهون العبوةالكبيرة).

> قم بشراء علبة ألوان شمع وورق تصوير باتنين جنيه وحاول أن ترسم وجوه كل الذين تحبهم. فكرة برضه

> حاول أن تجد في كتب الفلسفة إجابات لأسئلة تشغلك مثل معني جملة (حلقاتك برجالاتك).

>حتي تحمد ربك علي ما أنت فيه تذكر الأشخاص الذين يعيشون من حولك في مأساة

مستمرة مثل الشخص اللي اسمه نبيل لكن الناس طول الوقت بيقولوا له يا خالد.

> قم بإضاءة الشموع الفواحة برائحة الكراميل في أرجاء غرفتك مع موسيقي هادئة (رقم المطافئ 188).

>تصرف بتلقائية.. . عندما تجلس في مطعم منتظرًا اقطع جزءًا من رغيف العيش

واتجه به إلي أي منضدة وقل للجالسين (ممكن الطحينة بتاعتكم دقيقة؟).

> شاهد صورك القديمة وأنت طفل لتعرف أنك كنت غبيا كالعادة وأنت تستعجل مرور الأيام لتصبح شابًا مكتئبًا.

>إذا وجدت سيارتك (متكلبشة) لا تنزعج واتركها كما هي وانصرف ثم عد إليها في وقت متأخر ستجدهم قد حلوا الكلبشات لأنها عهدة وكده كده لازم تتسلم بالليل.

> لا تشاهد نشرة الأخبار ،يمكنك الاكتفاء بنشرة روتانا.

> تخلص من الأفكار القديمة البالية التي تعشش في مخك (اللي يحب مش لازم يستحمل.. .اللي يحب لازم يتعالج).

> ارتد ملابس تدل علي الجرأة والشجاعة مثل الأجنحة التي ارتداها عباس بن فرناس.

> امنح نفسك لقبًا يثير فيك روح الشجاعة (سفاح المعادي).

> تعلم شيئًا جديدًا (تعرف تركب الأنبوبة؟).

> اصنع لنفسك بنفسك الوجبة التي كنت تفضلها طفلاً (ساندوتش العجوة المتحمرة في السمنة).

> اشتر لنفسك كرسيًا هزازًا وضعه في البلكونة واسترخ وتأمل (إذا لم يعجبك الكرسي الهزاز اشتر «كرسي بعجل».

> تأكد أن المال لا يجلب السعادة ولا تنزعج إذا اكتشفت أن السعادة لا تجلب المال.

>

اعمل توكيلاً لمحام شاب لينوب عنك في المصالح الحكومية (منه تساعده علي بداية طريقه ومنه ترتاح من اكتئاب هذه المشاوير)، وإذا لم تجد محاميًاابحث عن شاب طلوقة صحته حلوة واعمل له التوكيل.

> لا تدع جيبكخاليا من حبات النعناع والشيكولاته وقدمها لمن تعرفه ومن لا تعرفه وإذا

قابلك شحات لا تتردد في أن تقشر واحدة وتضعها له في فمه.. صدقني ستغير هذه

التجربة فيك شيئًا لو امتلكت الجرأة علي تنفيذها، وستشعر بسعادة ما حتي لو

الشحات تف الشيكولاتة في وشك.

> حاول أن تشعر الآخرين أنك تقدر

جهودهم.. ضع علي باب الشقة ورقة عليها وجه يبتسم وقلب ملون وجملة(عزيزي

الزبال.. مش متخيل الحياة من غيرك).

> حاول أن تملأ حياة الآخرين بالمفاجآت.. اذهب للتبرع بالدم وقبل انصرافك قل لهم: أنا رجعت في كلامي وعايز دمي تاني.

> شاهد فيلم (غرام في الكرنك).

>أكثر من تناول الملوخية، فالملوخية التي نراها مجرد أكلة يراها العلماءأكلة مضادة للاكتئاب والتوتر، لأنها تساعد علي إفراز السروتينين الذي يسبب الشعور بالاسترخاء، لكن لابد أن تأكلها مطبوخة فهي لا تصلح للف في «سجاير».

> لا تشتر هدية لطفل ولكن اشتر هدية لشخص مسن ستمنحه أملاً ما يمكنك أن تلاحظه بوضوح.

> عيش عيشة أهلك.

> تفاد الاحتكاك بالجيران.. يفضل أن تركن سيارتك بعيدا عن العمارة أو عن الشارع كله.

> الاهتمام بالمظهر يرفع الروح المعنوية (آن الأوان أن تتخلص من الشعر الزائد في أنفك وأذنيك).

>صل الفجر في مسجد ستنا السيدة نفيسة ثم مارس بعدها رياضة المشي لمدة نصف

ساعة في نسيم الصباح النقي (بس حاول ماتكونش التمشية بتاعتك قريبة من

كوبري السيدة عائشة عشان الأتوبيسات بتقع من فوقه في الوقت ده).

>تأكد إن ماحدش واخد منها حاجة ومهما كنت عظيمًا أقصي حاجة ممكن تحصل عليهاإن صورتك تبقي طابع بريد واسمك يبقي علي شارع متفرع من شارع متفرع من ميدان الجيزة.

> ابحث علي النت عن كل الإنتاج المشترك بين (بليغ حمدي وسيد النقشبندي) و(بليغ حمدي ووردة) و(صلاح جاهين وسعاد حسني)

و(أسمهان ومحمد القصبجي).

> تخلص من الوحدة.. الحياة نكتة.. والنكتة علشان يبقي لها معني لازم تكون بين اتنين علي الأقل.

> خليها علي الله

بجد آخر واحدة دي هي اللي فيها الخلاصة

[لماضة مصرية جدا]

أخبار المعنويات ايه بقي

يا تري بقت كده

مساااااااااكم معنويات مرفوعة....اوي...(وش واحد بيشيل اثقال...بصباع واحد ;) )

[BONOFREEZ]

أخبار المعنويات ايه بقي

يا تري بقت كده

مساااااااااكم معنويات مرفوعة....اوي...(وش واحد بيشيل اثقال...بصباع واحد ;) )

شكر خاص ليكى يا لماضه عشان بجد انا بحب اقرا جدا لعمرو طاهر بس توقف عن الكتابه على موقع الدستور من ساعه المشكله

ياريت تتابعى نشر مقالاته هنا للاستفادة

وشكرا مرة تانيه على مجهودك

[Dreamwithme]

جميلة جدا المقالة .....جزاك الله خيرا للمشاركة....

ع جنب شوية تفاؤل من عندي

من أقوال أ.منصور الرفاعي:

هل الكوب نصفه فارغ أم نصفه مليء

حقيقة إن الأمر لا يتعلق بالكوب أساسا وليس الكوب محور القضية بل بطريقة نظرك له هي الأساس وهي المحور القضية والمهم في الأمر أنه يتعلق بك أنت بأي عين تراه

من أقوال د/ابراهيم الفقي:

من اليوم

لاحظ أفكارك قبل أن تتحول إلي تركيز،

لاحظ تركيزك قبل أن يتحول إلي أحساس،

لاحظ إحساسك قبل أن يتحول إلي سلوك،

لاحظ سلوكك قبل أن يتحول إلي نتائج،

لاحظ نتائجك قبل أن تحول مصيرك،

أنت لست العنوان الذي أعطيته لنفسك أو أعطاه لك الأخرون

أنت لست اكتئابا أو قلقا أو إحباطا أو توترا أو فشلا

أنت لست سنك أو وزنك أو شكلك أو حجمك أو لونك

أنت لست الماضي ولا الحاضر ولا المستقبل

أنت أفضل مخلوق خلقه الله عز وجل

فلو كان أي إنسان في الدنيا حقق أي شئ

يمكنك أنت أن تحققه بل وتتفوق عليه بإذن الله تعالي

وتذكر دائما أن الليل هو بداية النهار

وأن الشتاء هو بداية الصيف

وأن الألم هو بداية الراحة

والتحديات هي بداية الخير

والتفاؤل بالخير هو بداية القوة الذاتية

لذلك عش كل لحظة كأنها أخر لحظة في حياتك

عش بحبك لله عز وجل

عش بالتطبع بأخلاق الرسول صلي الله عليه وسلم

عش بالأمل

عش بالكفاح

عش بالصبر

عش بالحب وقدر قيمة الحياة

مساكي تفاؤل وسعادة

[لماضة مصرية جدا]

السلام عليكم و رحمة الله و بركاته

شباب و صبايا المحاورات

مبسوطة كتير انكم بقيتوا

يا رب دايما بقي.....(وش صياد شرير منشن البندقية بتاعته علي الحمامة....ههههه متخافوش دي بندقية بفلة)

عارفين ايه اللي عجبني في مقالة عمر طاهر....مش بس اسلوبه الساخر في التفاصيل اللي ممكن تكون عادية و بعضهااكيد عدت علينا في يوم ما

اللي عجبني انه عامل لنفسه "وصفة عمراوية طاهروية"...عشان كل ما يلاقي مؤشر المعنويات عنده في النازل...يرفعها بنفسه

ميستناش حد تاني...و لا كائنات تيجي من الفضاء....تطبطب عليه و تقوله.....ابوس ايدك...ارفع معنوياتك

اللي عاجبني.....ان فيه بعض الناس ممكن تعيش....عادي يعني....ممكن تبقي المعنويات عالية و هاي....و ممكن لا....و دايما بتقولك...اهي بتمشي

اللي قريته في مقالة عمر.....ان فيه ناس تانية...لازم معنوياتها اللي بتحرك كل ابداع جواها...لازم تكون عالية....و ده لازم يخليها تعارف شوية او شويتين

و عشان كده

كل واحد فينا.....عنده حتة بتاعته هو....بيحط فيها الوصفة بتاعته هو اللي بتدوس ع الزرار الصح جواه

دريم وز مي....قالت اقوال ابراهيم الفقي.....هايل

بونوفريز....هيكمل مع عمر طاهر...(عارف لو بصيت علي اخر الصفحة هتلاقي موضوعات شبيهة...عيش بقي)

و يمكن كل واحد يعمل دماغ تاينة خالص

المهم يبقي عنده خزنة يشيل فيها الوصفة دي....و يروحلها لما يحتاجها......و اكيد هيحتاجها

مسااااااكم رضا