عـبـيــــــد و اســــيـاد - غرسو 14 دبوس فى جسدها

[اغابي]

انا قريت حوادث كتير - لكن الحادث داه اثر جوايا - الحادث عن خادمة طلبت مرتبها - هو مش من حقها انها تطلب مرتبها

اعتقد دى لو كانت عايشة فى امريكا او كندا او فى اوربا كانت من اول يوم لها حقوقها

اللى تطالب بيها وتلاقى الف صوت يساعدها ومن حقها الحصول على جنسية كمان

كان الله فى عونها - تيجي تشوف الدلع اللى مدلعاه لخدامتى باعتبرها واحدة من الاسرة

وعمرى ما قللت من شانها وباحترمها قدام الناس ولما بطلب منها حاجة بقولها لو سمحتى - وعلى فكرة هى بتدلع عليا اوى بجد

لكن اللى متاكدة منه انها بتحبنى اوى انا واولادى -

اللى بينى وبين اى انسان على الارض هو التعامل الادمى - اى شخص بينى وبينه ربنا - مفيش عبيد واسياد مفيش عبيد واسياد مفيش عبيد واسياد

اليكم الخبر

خادمة طالبت براتبها.. فأدخلوا 14 دبوساً في جسمها

محمد مهدي

ما زالت الخادمة السريلانكية في. آر. ليشماشي (38 عاماً) تعالَج في مستشفى شمالي غربي مدينة كورونيغالا السريلانكية بعد عملية جراحية أجريت لها هناك

لسحب 9 دبابيس من أصل 14 أُدخلت بطريقة عنيفة في جسمها.

ويقول الطبيب المعالج إن ليشماشي أبلغت الجراحين في المستشفى أن عائلة كويتية عملت لديها

كانت تُدخل في يديها ورجلها اليسرى دبابيس، بعضها بطول 3.5 سنتيمترات، لأنها كانت تسأل عن راتبها كل 6 أشهر، على حد قول

لخادمة تعالَج في مستشفى داخل سريلانكا

صورة أشعة ليد ليشماشي تُظهر الدبابيس في داخلها (أ. ف. ب)

المصـــدر

http://www.alqabas.com.kw/Article.aspx?id=652009&date=14112010

تم تعديل 14 نوفمبر 2010 بواسطة اغابي

[اغابي]

ومن جريدة الراى

اقدما على فعلتهما عندما طالبت بأجرها

سريلانكية اتهمت معزبها وزوجته بـ «غرس» 14 مسماراً في جسدها

اتهمت خادمة سريلانكية كانت تعمل في الكويت لدى عودتها الى بلادها (قبل بضعة أيام)، معزبها وزوجته بتعذيبها من خلال غرس 14 مسمارا معدنيا في اجزاء متفرقة من جسمها، لا لشيء سوى لأنها طالبتهما برواتبها المتأخرة

الدكتور سوما راجامانثري، الذي يشغل منصب مدير المستشفى العام في بلدة كوروينغالا الواقعة في شمال غربي سريلانكا، قال ان المرأة التي تدعى ليتشتشامي وتبلغ من العمر 38 عاما أُخضعت لدى عودتها الى وطنها أخيرا الى عملية جراحية لاستخراج المسامير المطمورة في داخل جسمها، مشيرا الى انه تمت حتى الآن إزالة 9 من بين 14 مسمارا سلكيا أظهرتها صور الاشعة السينية. مدير المستشفى أوضح ان المرأة أبلغت الجراحين الذين أجروا العملية بأن كفيلها الكويتي وزوجته غرسا المسامير في يديها وساقيها، وهي المسامير التي وصل طول بعضها الى 3.5 سنتيمترا، عندما طالبتهما بدفع رواتبها المتأخرة لمدة 6 أشهر.

لكن مدير المستشفى اضاف قائلا: «لا نستطيع ان نؤكد صحة روايتها، لكنها قالت ان كفيلها وزوجته هما اللذان فعلا ذلك بها».

في الوقت ذاته، اكتفى ناطق رسمي باسم الشرطة السريلانكية بالقول انه يجري حاليا اجراء تحقيقات حول تلك القضية.

وأبلغ مسؤول في سفارة سيرلانكا لدى الكويت «الراي» انه «علم بأمر القضية التي أثارتها ليتشتشامي من خلال وسائل الاعلام السيرلانكية، وبصدد تقصي وقائع ما حصل من خلال السلطات في بلاده».

تم تعديل 14 نوفمبر 2010 بواسطة اغابي

[الســـاري]

الظلم ظلمات ..

حسبنا الله ونعم الوكيل ..

بس يا اغابي ..

فيه مواضيع كتير عن خادمات بيعملوا اللي افظع من دا في البيوت

فيه عوائل كتير ركبت كاميرات تجسسية عشان تراقب سلوك الخادمات في غيابهم تحديدا مع الاطفال الصغار

مش ح اقولك بأة على اللي كشفوه

حاحط مقطع بسيط جدا لخادمة تضرب ابن سيدها الصغير

وده ارحم مقطع شفته

http://www.youtube.com/watch?v=HpJwVdHqJis&feature=related

[اغابي]

الظلم ظلمات ..

حسبنا الله ونعم الوكيل ..

بس يا اغابي ..

فيه مواضيع كتير عن خادمات بيعملوا اللي افظع من دا في البيوت

فيه عوائل كتير ركبت كاميرات تجسسية عشان تراقب سلوك الخادمات في غيابهم تحديدا مع الاطفال الصغار

مش ح اقولك بأة على اللي كشفوه

حاحط مقطع بسيط جدا لخادمة تضرب ابن سيدها الصغير

وده ارحم مقطع شفته

http://www.youtube.com/watch?v=HpJwVdHqJis&feature=related

هى عملت كدا

ليــــــه

؟؟

ليــــه

؟؟

ليــــه

جربت تعامل خدامتك كويس

ولاقيتها وحشة

استحــــــالة

استحــــــالة

خلينا نتكلم بصراحة ونواجه الحقيقة

[اغابي]

على فكرة يا سارى انا مش بتكلم عن ناس معينة او مش بقصد جنسية معينة انا اقصد من الموضوع - الفكرة نفسها

انا شفت زميلى فى الشغل وهو جنسيته فلسطيني - بيتعامل مع خدامته بقمة فى الفظاعة ومراته زيه واهو مش خليجيين

الكلام مش مقصود بيه الخليجيين - لكن العرب عموما بيتعاملوا بالمنطق داه - يعنى زميلى الفلسطيني داه استعجبت وقولتله دى لو دبحتك وانت ونايم باليل قليل عليك

مفيش الليونة فى التعامل واللطف - الناس دي بتبقى محتاجة بجد ان حد يطبط عليهم وبعدين منتشر جدا الانتحار كل يوم خادم اسيوي او خادمة انتحرت

ليه فين الرحمة والليونة فى التعامل

المبدأ نفسه منتشر بطريقة غريبة

تم تعديل 14 نوفمبر 2010 بواسطة اغابي

[Om Zayd]

لا حول و لا قوة إلا بالله

هيقف قدام ربنا ازاي و هو ظالم و متجبر بفلوس ربنا وهبهاله؟

الناس دي ما بتفتكرش ان فيه حساب؟

بالنسبة للشغالين .. زيهم زي بقية البشر .. منهم الكويس و الوحش

منهم اللئيم النمرود اللي مهما تكرميه ما يطمرش فيه و منهم الوفي اللي ما ينساش المعروف

فاكرة قلب ابيض و الشغالة بتاعتها؟

تحياتي

[اغابي]

برضوه يا ام زياد احنا بنطلب الرحمة - بنطلب اننا نتعامل معاهم بليونة ونواسيهم فى احزانهم

انا بقولكم خدامتى 3 مرات تموت امها - كل مرة يجيلها تلفون من الهند

و تفتح نواح الاسطوانة اياها وتقول ان مامتها ماتت وانا كل مرة اواسيهم واقولها

لو تبطلى تطلبي الطلب بمحايلة ما انت موتى مامتك قبل كدا مرتين ومع ذلك اواسيها برضوه -

وانا عارفة انهم بيحاولوا يحايلوا

ويكذبوا علشان يوصلوا لغرض معين - انا ما بقولش انهم ملايكة - بس هما بجد لا حول لهم ولا قوة مساكين جدا

وبعدين شوية شوية انت بتعوديهم على الصراحة معاكى لما يثقوا فيكي اكيد الصراحة حتيجي وحداها

لازم الرحمة

[Om Zayd]

شوفي يا أغابي .. اللي يعذب أي حاجة فيها روح "مش بس بني آدم" أكيد عنده خلل و محتاج علاج

اللي بيخرب و يشوه اي حاجة جميلة حتى لو جماد .. محتاج يتعالج

دور المجتمع و الدول انها تحط قواعد و قوانين عادلة تنظم العلاقة بين الناس بحيث ما يبقاش حد تحت رحمة حد تاني

[الســـاري]

على فكرة يا سارى انا مش بتكلم عن ناس معينة او مش بقصد جنسية معينة انا اقصد من الموضوع - الفكرة نفسها

انا شفت زميلى فى الشغل وهو جنسيته فلسطيني - بيتعامل مع خدامته بقمة فى الفظاعة ومراته زيه واهو مش خليجيين

الكلام مش مقصود بيه الخليجيين - لكن العرب عموما بيتعاملوا بالمنطق داه - يعنى زميلى الفلسطيني داه استعجبت وقولتله دى لو دبحتك وانت ونايم باليل قليل عليك

مفيش الليونة فى التعامل واللطف - الناس دي بتبقى محتاجة بجد ان حد يطبط عليهم وبعدين منتشر جدا الانتحار كل يوم خادم اسيوي او خادمة انتحرت

ليه فين الرحمة والليونة فى التعامل

المبدأ نفسه منتشر بطريقة غريبة

ابداً يا اغابي ما جاش في بالي حكاية جنسيات .. وانا اخر واحد يبص على اي موضوع من زاوية جنسيتي وجنسيتك

لاني عارف ان اي شعب بالعالم فيه وحشين وفيه ناس كويسة ..

والمقطع اللي عرضته انا .. لبيت امريكي

بس الموضوع .. لازم ننظر له من عدة زوايا .. عشان نكون منصفين

يعني لو افترضنا ان سيد الخادمة هو اللي مسبب البلاوي .. وياكل حق الخادمة ويمنع عنها حقوقها

يبقى الحل بالاطفال البريئة دي ؟ اللي ما تقدرش تدافع عن حقها ومالهاش صوت

وانا متأكد انك بتعاملي خادمتك كويس لكن صدقيني انا اتعامل معاهابلطافة اكثر .. احنا معتبرينها فرد من العائلة بمعنى الكلمة .. رغم انها مثل حكاية خادمتك قارفانة بحكاية الاعتذارات وكل شوية ماما مريضة ولا اختي مسافرة ولازم اودعها ولا بنت عمي بتولد .... الخ

انا عندي مبدأ .. طول مافيه انسان بينك وبينه فيه علاقة مصلحة متبادلة .. محدش ممكن يكون عبد او سيد مثل ما حضرتك كتبتي بالعنوان .. ماهو الطفل الصغير ده برضو عبد ومشلول الارادة عند الخادمة .. ومهما حرص الاباء على اطفالهم برضه ممكن بدقيقة بس تعمل معاه الهوايل ..

واللي عذب الخدامة ده انسان من الاخر كده غبي .. لانه ما حسبش حساب ان ممكن تنتقم باطفاله لو لقت فرصة .. او ابسط حاجة تعمل اللي هي عايزاه بالاكل والشرب اللي بيطفحه

زي الكفيل اللي يطفش مكفوله وما يخدش بباله ان فلوسه بايده ممكن بكل بساطة ينتقم منه لو ما يخاف من ربنا ويسرقها او يطفش الزباين او يعمل بلاوي

يعني مش الخادمة بريئة على طول الخط .. ولا السيد بريء على طول الخط .. وياما خادمات لقوا ارباب عمل زي العسل .. ومع كدا عملوا بلاوي باطفالهم .. مش عايز اوضح اكتر هم عملوا ايه احترام للمنتدى ولموضوعك القيم

[الســـاري]

شوفي يا أغابي .. اللي يعذب أي حاجة فيها روح "مش بس بني آدم" أكيد عنده خلل و محتاج علاج

اللي بيخرب و يشوه اي حاجة جميلة حتى لو جماد .. محتاج يتعالج

دور المجتمع و الدول انها تحط قواعد و قوانين عادلة تنظم العلاقة بين الناس بحيث ما يبقاش حد تحت رحمة حد تاني

اوكي .. الدولة ممكن تحط قوانين لصالح الخادمة .. وهي كبيرة وراشدة وتعرف كيف تتحصل على حقوقها

بس الطفل الصغير .. وهم اكبر ضحية للخادمات .. ح يعرف ازاي يدافع عن حقه ؟ ح يعرف اهله منين انه انضرب او انعملت فيه حاجة لا قدر الله

افضل حل ان كل بيت فيه خادمة واطفال يركبوا كاميرات .. من جد والله .. هو ده الحل الوحيد

[مصطفى يونس]

على فكره فى حادثه نفس دى بالضبط كانت هنا فى السعوديه من حوالى شهرين كدا بس المعلم اللى كان بيعذ الخدامه كان بيغرس مسامير فى جسم الخادمه السرلانكيه والصحف السعوديه كتبت عن الحادثه دى بس اعتقد انهم عندكم فى الكويت حنينين شويه غرسو دبابيس هنا فى السعوديه غرسو مسامير

[اغابي]

على فكره فى حادثه نفس دى بالضبط كانت هنا فى السعوديه من حوالى شهرين كدا بس المعلم اللى كان بيعذ الخدامه كان بيغرس مسامير فى جسم الخادمه السرلانكيه والصحف السعوديه كتبت عن الحادثه دى بس اعتقد انهم عندكم فى الكويت حنينين شويه غرسو دبابيس هنا فى السعوديه غرسو مسامير

استاذ مصطفى

شوف اللى بيعذب داه - من منطق العبودية والسيادة - انه هو السيد والشخص داه كانه مش روح

ومش انسان وبيعذب فيه من مبدا انه ملكه فيه ملكيه بينهم ومين اعطاه هذا الحق ومين فهمه انه مشتريه بفلوسه

بالاضافة للاجرام - هل الناس دي فى عقاب ليها - حيطبق القانون - اشك

ولا الواسطة حتطلعهم براءة - لان الخدامة اللى اتأذت دى على اعتبار انها لا قيمة لها

انا بكرر ما بقصدش جنسية معينة - ممكن يحصل فى ى دولة عربية

انا اعرف خليجيين - محترمين وبيتعاملوا بزوق واديمة - مع كل الناس

وكل بلد فيها الكويس وفيها الوحش

لكن بنقول على مبدأ - العبيد والاسياد

موجود

فعلا

[شريف مان]

الناس دى لو بيعبدوا البقر حتى !! مش هيعملوا كده

خادم رسول الله صل الله عليه وسلم أنس بن مالك والذي خدم رسول الله صل الله عليه وسلم عشر سنوات .. فدعا له الرسول بطول العمر وكثرة الولد والمال

فكان هو آخر من مات من الصحابه رضوان الله عليهم

لقد كان أنس يتعجب إذ أن رسول الله صل الله عليه وسلم طوال العشر سنوات لم يقل له ياأنس لما فعلت هذا او لماذا لم تفعل هذا

[لماضة مصرية جدا]

مساكي رحمة يا أاغابي

بقدم رجل و اخر التانية من ساعة ما قريت التوبيك الصبح...و قلبي كان حاسس انه هيبقي حاجة تفرتك الاعصاب...الله يسامحكم

في المواقف اللي زي دي دايما بفتكر آيتين

"و ما كان ربك نسيا"

"ألم يعلم بأن الله يري"

يعني هو الواحد لو اتعامل ان ربنا شايفه و مطلع عليه في كل افعاله بجد الحياةكلها هتبقي غير

مش كل الناس بتفكر زي بعض....و مش كل الناس بتعامل ربنا و بتحاسبه في تصرفاتها

لكن السؤال...الرحمة فين....الرحمة بكل وجوهها؟؟؟

و لاني دايما بحس ان اي قصة ليها جانب تاني...غير الزاوية اللي بتتقدم يبقي لازم افكر

ان الاسرة اللي عملت ده....هي نفسها اكيد مرت بتجربة سادية جدا و ابتدت تنفسه في اول كائن مستضعف لديهم...(و ده مش معناه ان بلتمس ليهم العذر )

لا حول و لا قوة الا بالله العلي العظيم

بس بقي في حياتنا سلسلة إهانات...محدش عارف ابتدت فين....و هتوصل لغاية مين

و فيه ناس بتضطر تسكت عشان لقمة العيش....(و لو اني بعتبر اللقمة اللي متغمسة باهانة...يبقي الصيام هنا احسن)

برضه ع الناحية التانية.....فيه اسر كتير اوي بتعتمد ع الشغالة او "المربية"....و مش فاهمة منين جابوا اسم المربية دوت

محدش بيربي غير الام....محدش يعرف يشد و يعاقب و يصالح و يضرب و يدلع...و يسامح و يغفر زي الام

معرفشي ازاي.....الام...اي حاجة في الدنيا ممكن تشغلها انها تشوف ابنها او بنتها في اي لحظة بتكبر زي الزرعة قدام عينيها

بقول ده

لاني من شوية....شفت جاري "عبد الرحمن"

عبد الرحمن شاب عنده حوالي 20 سنة لكن ربنا ابتلاه فهو معاق ذهنيا أو ذوي احتياجات خاصة

كانت "المربية" بتفسحه في الجنينة....و للاسف...كانت ماسة "عبد الرحمن" بايد....." و كلب العائلة المدلل...بالايد التانية

قلبي وجعني.....وجعني اوي

وجعني من حاجات كتير

وجعني من احساس...ان يمكن عبد الرحمن مش فاهم....لكن انا فهمت

يمكن عبد الرحمن مش فارقة معاه و عايش في دنيا جميلة بيسرح فيها لوحده...لكن انا تعبت من الام اللي فكرت انها تشتري كلب مدلل....و تعوض بيه عاطفة كان ابنها احق بيها

يمكن عبد الرحمن كان محتاجة مربية زي "ايرلين" اللي اكيد بتاكله و بتلبسه و بتهتم بشئونه.....بس ايرلين....فاتها انها و هي ماشية....تفضل ماسكة ايده و تخاف عليه....و تحبه....لانها كانت مهتمة...انها تاخد صورة تذكارية ليها في كل حتة في الجنينة....و كانت مهتمة اكتر ان "عبد الحمرن ميطلعشي فيها

الحياة....بها شجون.....وكل قصة ليها اكتر من وجه

معذرة ع الاطالة

تم تعديل 14 نوفمبر 2010 بواسطة لماضة مصرية جدا

[Dreamwithme]

موضوع مؤلم جدا.....

بصراحة كل ما أستطيع أن أفكر فيه بعد ما قرأت الموضوع

إن إزاي انسانة بسيطة قبلت أن تتغرب في بلاد بعيدة عن بلادها

ثقافة مختلفة تماما ....بيئة مختلفة تماما ....لغة مختلفة تماما....

كل ما حولها غريب عنها .... وكل هذا من أجل المال لتؤمن حياة كريمة لأسرتها ....

هذا الوضع مؤلم في حد ذاته ....

فما بالكم أن نضيف عليه أنها إذا سألت عن راتبها أن تعذب ؟!!!!

وضع مؤلم ....

فطرة الانسان السليمة تمنعه من أن يعذب أي شئ فيه روح زي ما قالت أم زيد فما بالكم بالانسان...

أتفق تماما مع الأخ ساري أن فيه فظائع تحدث من الخادمات .... لكن أكيد ده مش مبرر أن يكون فيه تعذيب ...

[اغابي]

سعودية «سلخت» خادمتها

الرياض - يو بي اي

أقدمت سيدة سعودية على تعذيب خادمتها الاندونيسية بتشويه ملامحها وحرق جلد رأسها

حتى سلخه إضافة إلى حرق شفتها في المدينة المنورة غرب المملكة.

وذكرت صحيفة «الوطن» السعودية أمس أن ابن السيدة السعودية المتهمة

أقر بأن أمه هي التي عذبت العاملة، بعد أن حاولت والدته تفسير الأمر بكونه نتيجة

محاولة انتحار العاملة بإلقاء نفسها من البناية.

وأحالت هيئة التحقيق والادعاء العام في المدينة المنورة المرأة (54 عاما) إلى شعبة السجن العام

بعدما أفضى التحقيق إلى اتهامها بتعذيب عاملتها

في الوقت الذي لاتزال فيه العاملة المعنفة ترقد في مستشفى الملك فهد العام وسط رعاية طبية.

ورصدت في المستشفى ملامح العاملة المشوهة، وجلد رأسها المسلوخ، والحروق المتوزعة في مواقع مختلفة من جسدها الهزيل

الرقبة واليد اليسرى إضافة إلى الشفة العليا، فيما يلتف الشاش الأبيض على رأسها وثلاثة من أصابعها.

http://www.alraimedia.com/Alrai/Article.aspx?id=239318&date=21112010

ربنا احن من الكل - ربنا يشفيها

[مصطفى يونس]

سعودية «سلخت» خادمتها

الرياض - يو بي اي

أقدمت سيدة سعودية على تعذيب خادمتها الاندونيسية بتشويه ملامحها وحرق جلد رأسها

حتى سلخه إضافة إلى حرق شفتها في المدينة المنورة غرب المملكة.

وذكرت صحيفة «الوطن» السعودية أمس أن ابن السيدة السعودية المتهمة

أقر بأن أمه هي التي عذبت العاملة، بعد أن حاولت والدته تفسير الأمر بكونه نتيجة

محاولة انتحار العاملة بإلقاء نفسها من البناية.

وأحالت هيئة التحقيق والادعاء العام في المدينة المنورة المرأة (54 عاما) إلى شعبة السجن العام

بعدما أفضى التحقيق إلى اتهامها بتعذيب عاملتها

في الوقت الذي لاتزال فيه العاملة المعنفة ترقد في مستشفى الملك فهد العام وسط رعاية طبية.

ورصدت في المستشفى ملامح العاملة المشوهة، وجلد رأسها المسلوخ، والحروق المتوزعة في مواقع مختلفة من جسدها الهزيل

الرقبة واليد اليسرى إضافة إلى الشفة العليا، فيما يلتف الشاش الأبيض على رأسها وثلاثة من أصابعها.

http://www.alraimedia.com/Alrai/Article.aspx?id=239318&date=21112010

ربنا احن من الكل - ربنا يشفيها

بسبب القضيه دى النهارده جه خبر فى جريده الرياض بعنوان

الحكومه الاندونيسيه تقرر وقف ارسال عمالتها للمملكه حتى اشعار اخر

الخبر على الرابط ده

http://www.alriyadh.com/2010/11/21/article578670.html

[الســـاري]

طفل بريء ... صح ؟

لا يغركم المنظر

هذا الطفل اسمه مشاري

قام هذا الطفل بتعذيب الخادمة الاندنوسية المسكينة بالبكاء والازعاج

فما كان من المغلوبة على امرها الا ان تضع له السم في الرضاعة

حتى ترتاح من الدوشة

تدهورت حالة الولد ، وفاضت روحه البريئة ..

حسبي الله ونعم الوكيل في تلك الخادمة الحقيرة

http://healthspe.com/news.php?action=show&id=1715

بسبب القضيه دى النهارده جه خبر فى جريده الرياض بعنوان

الحكومه الاندونيسيه تقرر وقف ارسال عمالتها للمملكه حتى اشعار اخر

الخبر على الرابط ده

http://www.alriyadh.com/2010/11/21/article578670.html

كان من المفروض ان تتخذ المملكة هذا القرار وتوقف استقدام الخادمات الاندنوسيات بعد كل جرائمهم ضد الاطفال واعمال السحر والسرقات والدعارة وغيرها من التي تملأ الجرائد كل يوم

كل يوم

وكان لابد لقضية الطفل المسموم من الخادمة الاندنوسية ان تكون اخر قضية بذاك الملف ، وان يصدر القرار من فوره