خليك إيجابي وأقترح معانا شعار جديد للحزب الوطني

[engmido]

طنش ....تعش ....تنتعش

[عادل أبو عمر]

يا سايب في كل المنازل علامة

مجاعة ... أنين ... كآبة ... ندامة

جهل وبطالة وعوالة وعيا

وفنون رخيصة وقِلِّة حيا

وهموم بتكتر ... وهموم تزيد

إنت في زيادة همومنا خبير

[shawshank]

يا سايب في كل المنازل علامة

بتفكرني بنشيد الجيش

[م تيمور المراغي]

علامه في وشنا

[ذهبية]

يللى رايح يا للى جاى الحزب الوطنى جاى جاى

ديمقراطية مباركية جمالية ولا برادعية و لا اخوانية

بص يمين بص شمال هتلاقى ورا الباب

[se_ Elsyed]

مش عارف

مع إحترامي للجميع ...

ما فيش ولا شعار هزني لحد دلوقت

طب بمناسبة الهز .. إيه رأيكم في " حزبني يا ... " ؟

أو " ما تبصليش بعين رضيه .. وبص للي هايندفع ليه " ؟

شدوا حيلكم يا جماعة وكل واحد يروح يطس وشه بشوية ميه ويضرب له فنجان قهوة وشندوشت بتنجان بالشطة ... أنا ميعادي مع الريس الساعة إتنين ومش معقول اقول له شقيقك فشل يا ريس ومشيها اي حاجه والسلام

-----------

أنا عاوز أديلكم Hint يساعدكم في المهمة الجسيمة دي

ودي اخبار من الكنترول على فكره ... الشعار الجديد اللي إختاره الحزب هايركز على محاربة الفساد في المرحلة القادمه

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

اه وكتاب الله

بس انا مصدقهم .. لان خلاص ما بقاش في حاجه تتفسد ..

يعني قفص الطماطم أتفعص خلاص .... فلن يضر الطماطم مزيداً من التفعيص إلا بقى لو قرروا يعصروها ويعملوها صلصة

[ابو محمد بن مصطفي]

ودي اخبار من الكنترول على فكره ... الشعار الجديد اللي إختاره الحزب هايركز على محاربة الفساد في المرحلة القادمه

مدام الموضوع جد و محاربة الفساد يبقي خد شوية من دول

الحزب الوطني ..... ضد الفساد .... حارب الفساد (رصدنا 100 مليون جنية لمحاربة الفساد)

قاوم الفساد ...... ورش فنيك

القطنة مبتكدبش

اذا جالك الفساد من الباب .... بص عليه مالشباك

خليك ايجابي ... سيبك من السلبية ..... (خليك حجر بطارية)

[se_ Elsyed]

طب إيه رأيكم في

" لو ما حاربتش معانا الفساد ... هانكشف راسنا ونشتكيك لرب العباد "

ونحط في الخلفية صورة واحده ست كبيرة لابسه أسود وناكشه شعرها ورافعها إيديها وبتدعي على الظالم وإبن الــــ ( حزب الوطني )

أو مثلاً " سيبك من النوم والسُهاد ... وتعالى حارب معانا الفساد "

أو مثلاً " ياواد يا سامح .. يابت يا سعاد .. يالا يا ولاد نحارب الفساد "

الراجل لسه مديني ميسد دلوقت وبيستعجلني عالشعارات وأنا في ورطه حكيكية

[م تيمور المراغي]

يلا حالا بالا بالا

هنوا ابو الفساد

حيكون عيد ميلاده الليله

اسعد الاعياد

فاليحيا ابو الفساااااااد

[se_ Elsyed]

يلا حالا بالا بالا

هنوا ابو الفساد

حيكون عيد ميلاده الليله

اسعد الاعياد

فاليحيا ابو الفساااااااد

برافو يا أرش

أنا عليه يا عم هاحط اللحم بتاعها عشان تبقى أغنيه متلحمه كويس

بس للأسف ده مش شعار ... ده ممكن ينفع أغنية بعد الحزب ما يكسب .

حاول تاني

[nightmare]

انت شكلك يا سي السيد مش هترجع الا لما نتلم كلنا في مارينا:D

شعارات الفساد

فسادك أمانة علشان . . نخربها أكثر ما هي خربانة.

فسادك يهمنا علشان . . ما نبقاش لوحدنا.

فسادك يهمنا . . وحمايتك عندنا.

من أجل سبوبة أكبر.

اللى يعيش ياما يكوش.

لا تقولى غلاء ولا أسعار . . الحزب الوثني مولعها نار.

من كان الحزب أبوه والحكومة أمه . . فمفيش حد يقدر يلمه.

الباب اللي يجيلك منه سبوبه . . اقلبه بلكونة.

تعيش تموت مالكش دية . . أصل اللي زيك مش قضية.

شعارات الطماطم بقي

الحزب الوثنى . . هنعصرك عصر.

طماطماية في أيدك خير من عشرة في القفص.

يا بخت من عصر طماطمتين في الخلاط.

قليل البخت يلاقي الطماطماية مفعصة.

مع تحياتي

تم تعديل 10 نوفمبر 2010 بواسطة nightmare

[م تيمور المراغي]

اسمعوا يا احباب

من ابواكوا الغرااااب

الواجب علينا

نشيله بين ايدينا

ونهنيه ونقول له

عصفور الجنينه

[م تيمور المراغي]

يلا حالا بالا بالا

هنوا ابو الفساد

حيكون عيد ميلاده الليله

اسعد الاعياد

فاليحيا ابو الفساااااااد

برافو يا أرش

أنا عليه يا عم هاحط اللحم بتاعها عشان تبقى أغنيه متلحمه كويس

بس للأسف ده مش شعار ... ده ممكن ينفع أغنية بعد الحزب ما يكسب .

حاول تاني

ميرسي يا س س احنا في الخدمه ,,

ثواني بس افتح الباب

فيه حد بيخبط جامد بره

لا دول مجموعة

قائدهم بيزعق

وبيشخط

افتح الباب لا نكسره

ثواني يا س معلش حروح افتح الباب !!!

[se_ Elsyed]

مع السلامه يا إرش

اللي بعددددددددددددددددددده

[م تيمور المراغي]

ماكانش العشم يا س ,, ده وقت تخلع فيه ,,

طيب وصيتك القضيه ,, امانه في رقبتك بقى

[MOOOM]

[م تيمور المراغي]

[se_ Elsyed]

إخص عليكو

كسفتوني قدام الراجل الكبير وخليتو رجبتي جد السمسمة ... وانا ما [احبش السمسم أساساً

مبارك أمام الهيئة العليا للحزب الوطنى: "علشان تتطمن على مستقبل ولادك" شعارنا فى انتخابات الشعب.. والباب مفتوح أمام المستبعدين فى الانتخابات القادمة

[م تيمور المراغي]

.....................

مبارك أمام الهيئة العليا للحزب الوطنى: "علشان تتطمن على مستقبل ولادك" شعارنا فى انتخابات الشعب..

......................

[se_ Elsyed]

من حقكو عليه تعرفوا ما دار بيني وبين الريس في إجتمعنا المغلق بقهوة الرؤساء اللي ورا محطة البنزيم في عابدين

أنا طبعاً وبمنتهى الكسوف لميت الشعارات بتاعتكو وخدتها للريس وروحت له عالساعة واحده واحده وربع كده .... لقيته مستنيني والشرر يتطاير من عينيه ودار بيننا الحديث التالي :

الريس : كنت فين يا سين لحد دلوقت ؟

سين سين : والله يا ريس عيني ما غفلت من أول أمبارح .. وولادك في المحاورات كانوا شغالين على واحده ونص ... قصدي على قدم وساق .. وبصراحة عملوا شغال عالي قوي وأفتكسوا شوية شعارت يستاهلوا بؤك ...

الريس : طب وريني كده

سين سين : إتفضل يا باشا ... وروحت فارد الشعارات على طقطوقة المشاريب بتاعت القهوة .. وقام السيد الرئيس حفظه الله بإلقاء نظرة سريعة على كل الشعارات .. ثم أخذ نفس عميق من الشيشة وقال

الريس : إيه القرف ده ... دي شعارات تحريضية تهييجية ضد الحزب يا أستاذ

سين سين : يا ريس ما هو تهييج الجماهير مطلوب خصوصاً في المراحل الثورية الوحدوية اللي إحنا بنعيشها دي

الريس : بلاش كلام فارغ وحدوية إيه وتقدمية إيه .. إنت شيوعي يالا ؟

وهنا شعرت بيد ثقيلة تنزل على قفايا قبل أن أهم بالرد .. ونظرت والدمع في عيني فوجدت إيد زكريا عزمي اللي عامله زي المرزبة مريحه على قفايا .. فصرخت : جت قطع إيدك ... إيه يا ريس هو أنا في قصر عابدين ولا في قسم أول عابدين ؟

ولم أستكمل بقية الجُملة إلا ولقيت قفا تاني بس المره دي بالصوابع بس وزي السهلوب نزل على وشي قائلاً : إخرس يالا وكلم البيه الظابط .. قصدي الريس عِدل

وهنا تدخل الريس بكل حنيه وقال : خلاص يا زكريا .. الولا بالمنظر ده مش هاسيتحمل القلم التالت .. هاتوا له حاجه يشربوها ..

س س : أنا عاوز ميلك تشيك بالفراولة

الريس : هاتوا له زفت على دماغه

وفعلاً في ثواني معدودة وجدت جرسون مرتدياص زي ضابط شرطة بنسر ونجمتين واقفاً أمامي بصينية الميلك تشيك .... وإذ فجأتن أنظر إلى الجرسون بنظره فاحصة وأصيح

سين سين : إيه ده .. مش حضرتك طلعت في دور المواطن بتاع سوهاج اللي الريس شرب عندك الشاي بالياسمين حتى بالامارة بنتك كان طالع لها والعياذ بالله قرون على شكل ضفاير ؟

وقبل أن أستكمل حديثي .. إذ بسهلوب اخر ينزل عليه لكن المره دي في فُم المعدة ....

وقبل ان أفيق وجدت الجرسون أختفى أخذً معه الميلك تشيك وحتى كوباية المية الساقعة خدوها ...

يُتبع