سوال لاستاذ خالد شحاتة والاخوة بخصوص الاستقدام

[egyptawy]

سلام عليكم

دلوقتى ياجماعة مراتى راحت عملت التحاليل من اسبوعين والمكتب طلع رقم النت

لكن بيقولى التحاليل متاخخرة فى وزارة الصحة ولسة ما بعتهوش واحتمال يكون فيه مشكلة

وادانا رقم وهانروح الوزارة بكرة نسال

هل ممكن فعلا المعامل تكون اتاخرت فى ارسال التحاليل

ياترى اعمل ايه عشان انا مستعجل والسفارة هتئفل الاسبوع الجاى

شكرا

[خالد شحاته]

الاخ الفاضل

السلام عليكم ورحمة الله وبركاته

خالي زوجتك تروح المعامل وتخد الجواز وورقة النت معها عادي جدااا ان شاء الله لو مفيش اي مشكله في التحليل في نفس اليوم المعامل هترسل للقنصليه اما لقدر الله في اعاده بتعملها وهي موجوده وان شاء الله المعامل بترسلها في اليوم الثالث وعلي فكره هات رقم النت ورقم الجواز وارسلهم علي الخاص نتاكد من كلام الشركه هل فعلا التحليل موصلش ولا في شي تاني لان للاسف في شركات بتكون مخالفه وبتخد واقف من السفاره شهر وتلعب علي الناس وتقول التحليل موصلتيش وربنا يقدم الا فيه الخير

[egyptawy]

الف شكر ياستاذ خالد لرد حضرتك

طيب هل معنى انه مو صليش يبقى فيه حاجة لا قدر الله فى التحليل

اصل الا انا اعرفه انه لو فيه حاجة المعامل بتبعت للسفارة على طول من غير ما تستنى الشخص لما يعيد

الف شكر لرد حضرتك

[egyptawy]

دلوقتى ياستاذ خالد احنا رحنا المعامل وهناك قالولنا مطلوب عينة تانية وده معروفة من زمان لكن للإسف البهوات الا فى المكتب كانوا مكسلين يتابعوا ويسالوا

دلوقتى بقى هل حاجة عادية انهم يطلبوا عينة تانية ولا كده لا قدر الله لاقوا حاجة وعايزين يتاكدوا

وكمان هل التحليل هيلحق يوصل السفارة يوم السبت او الاحد مثلا عشان نخلص ولا السفارة هتئفل

شكرا

[خالد شحاته]

الاخ الفاضل

العينه بتوصل علي طول لانها اعاده المهم ان الشركه تدخل الجواز والجواز بيجالس في القنصليه يوم واحد فقط وتستلم تاني يوم انا بعض المكتب بعملو لهم هما ايام علشان مش المندوب يروح السفاره كل يوم لو حاجه واقفت عليك انا تحت امرك

[mekkawy]

شوف يا ايجبت باشا

اللي حصلك حصل معايا بالظبط تحديداً موضوع عينة تانية

و لو معمل وزارة الصحة طلب عينة تانية يبا محتاجين يتأكدوا من التحليل و شاكين ان فيه حاجة .. مش عاوز افول في وشك زي ما بيقولوا لكن خلينا نتعامل مع الواقع .. اعرف بس بعد العينة التانية ايه النظام و فيه ايه في التحليل و ان شاء الله افيدك و مهما كان الحال ولا يهمك زوجتك هتجيلك بالسلامة ان شاء الله.

مكاوى

[خالد شحاته]

شوف يا ايجبت باشا

اللي حصلك حصل معايا بالظبط تحديداً موضوع عينة تانية

و لو معمل وزارة الصحة طلب عينة تانية يبا محتاجين يتأكدوا من التحليل و شاكين ان فيه حاجة .. مش عاوز افول في وشك زي ما بيقولوا لكن خلينا نتعامل مع الواقع .. اعرف بس بعد العينة التانية ايه النظام و فيه ايه في التحليل و ان شاء الله افيدك و مهما كان الحال ولا يهمك زوجتك هتجيلك بالسلامة ان شاء الله.

مكاوى

وليه مش تقول العينه الاولي انسرقت وتبعت بس بلاش ندخول في الكلام ده علي فكره اي حد طلب منه عينه اخري بيكون سليم مائه في المائه

[egyptawy]

شوف يا ايجبت باشا

اللي حصلك حصل معايا بالظبط تحديداً موضوع عينة تانية

و لو معمل وزارة الصحة طلب عينة تانية يبا محتاجين يتأكدوا من التحليل و شاكين ان فيه حاجة .. مش عاوز افول في وشك زي ما بيقولوا لكن خلينا نتعامل مع الواقع .. اعرف بس بعد العينة التانية ايه النظام و فيه ايه في التحليل و ان شاء الله افيدك و مهما كان الحال ولا يهمك زوجتك هتجيلك بالسلامة ان شاء الله.

مكاوى

طيب معلش ممكن تقولى بعد ما طلبوا منك العينة التانية ايه الا حصل

وياترى لو فيه حاجة لا قدر الله ممكن اعمل ايه

شكرا

[mekkawy]

استاذ خالد

مش شرط يا باشا تكون العينة اتسرقت و صاحبها سليم 100% ساعات بيكون فيه اصابة كامنة أو مش مؤثرة أو الجسم حامل للأجسام المضادة .. و الأكيد بيعملوا عينة و اتنين و تلاتة و ممكن في الرابعة يدوك نتيجة

شوف يا ايجبت باشا

لو افترضنا الأسوأ و ان فيه اصابة فخير و بركة انكم عرفتوا بدري بدري عشان في الأول الأمور بتكون اسهل أوي في العلاج .. خلينا بأة دلوقتي نركز على وصول زوجتك ليك

اذا طلعت النتيجة ايجابية (يا رب تطلع سلبية) المكتب هنا بيخلع ايده خلاص و زوجتك بتطلب تاخد نتيجة من الصحة و بيدوهالها ان شاء الله على 3 مرة كدة .. و المكتب بيدلها تعمل ايه بس خليني أقولك ..

بتاخد هي النتيجة و حضرتك بتروح السفارة أو القنصلية و بتعمل تعهد بانك على علم بالاصابة و مسؤل عن توفير التأمين الصحي و انها لن تعمل و لن تختلط و كدة و هم في السفارة عندهم فورمة الكلام ده و ده اجراء روتيني جداً .. هتروح بعد ما تختم من السفارة على الخارجية و توثق التعهد ده في 5 دقايق .. الدنيا سهلة جداً و الله مش صعبة خالص .. تبعت التعهد ده لزوجتك و خلي معاك صورة احتياطي .. هتاخد هيا التعهد مع أوراقها و نتيجة التحاليل و هتروح على السفارة السعودية في مصر قسم الرعاية الطبية .. بمنتهى الذوق و الاحترام هياخدوا منها الورق و هيقولوها راجعينا بعد 4-5 ايام .. و هتاخد التأشيرة بمنتهى اليسر و الف مبروك و تتجمعوا على خير.

انت بس ابعتلها كل حاجة تثبت تواجدكم مع بعض و تواجدك في السعودية .. انا عملت احتياطي و بعت كل ما قد يمس الموضوع من مستندات و زوجتي قالتلي الورق اللي بعته كله نفعها و رجعوا ناس كتير على اي حاجة .. لكن هي أخدوا منها الورق كله.

ابعت نسخة من عقدك .. قسيمة الجواز المتوثقة .. الورقة الصفرا بتاعت الاستقدام .. صور من اقامتك و جوازك و تأشيرتك مختومين من الشركة .... و هكذا .. الحاجات دي مش شرط لكن أمان عشان تخلصوا

الكلام ده متجرب أكيد.. و ربنا يوفقك يا رب و يجمعكم على خير و اهدوا كدة على بعض و خليك هادي بدون تعصب خالص.

مكاوى

[egyptawy]

طيب انا زوجتى راحت المعامل وقالولها الكهربا قطعت فى اليوم الا جيتى فيه والعينات ضاعت عشان كده بنعيد

وقالولها تعالى خدى النتيجة بعد 3 ايام

هل معنى انها تروح تاخد النتيجة بنفسها يبقى العينة ايجابية

لانى الا اعرفه انهم بيبعتوها السفارة مباشرة

شكرا جدا على اهتمامكم

تم تعديل 27 أكتوبر 2010 بواسطة egyptawy

[ozoozo]

استاذ خالد

مش شرط يا باشا تكون العينة اتسرقت و صاحبها سليم 100% ساعات بيكون فيه اصابة كامنة أو مش مؤثرة أو الجسم حامل للأجسام المضادة .. و الأكيد بيعملوا عينة و اتنين و تلاتة و ممكن في الرابعة يدوك نتيجة

شوف يا ايجبت باشا

لو افترضنا الأسوأ و ان فيه اصابة فخير و بركة انكم عرفتوا بدري بدري عشان في الأول الأمور بتكون اسهل أوي في العلاج .. خلينا بأة دلوقتي نركز على وصول زوجتك ليك

اذا طلعت النتيجة ايجابية (يا رب تطلع سلبية) المكتب هنا بيخلع ايده خلاص و زوجتك بتطلب تاخد نتيجة من الصحة و بيدوهالها ان شاء الله على 3 مرة كدة .. و المكتب بيدلها تعمل ايه بس خليني أقولك ..

بتاخد هي النتيجة و حضرتك بتروح السفارة أو القنصلية و بتعمل تعهد بانك على علم بالاصابة و مسؤل عن توفير التأمين الصحي و انها لن تعمل و لن تختلط و كدة و هم في السفارة عندهم فورمة الكلام ده و ده اجراء روتيني جداً .. هتروح بعد ما تختم من السفارة على الخارجية و توثق التعهد ده في 5 دقايق .. الدنيا سهلة جداً و الله مش صعبة خالص .. تبعت التعهد ده لزوجتك و خلي معاك صورة احتياطي .. هتاخد هيا التعهد مع أوراقها و نتيجة التحاليل و هتروح على السفارة السعودية في مصر قسم الرعاية الطبية .. بمنتهى الذوق و الاحترام هياخدوا منها الورق و هيقولوها راجعينا بعد 4-5 ايام .. و هتاخد التأشيرة بمنتهى اليسر و الف مبروك و تتجمعوا على خير.

انت بس ابعتلها كل حاجة تثبت تواجدكم مع بعض و تواجدك في السعودية .. انا عملت احتياطي و بعت كل ما قد يمس الموضوع من مستندات و زوجتي قالتلي الورق اللي بعته كله نفعها و رجعوا ناس كتير على اي حاجة .. لكن هي أخدوا منها الورق كله.

ابعت نسخة من عقدك .. قسيمة الجواز المتوثقة .. الورقة الصفرا بتاعت الاستقدام .. صور من اقامتك و جوازك و تأشيرتك مختومين من الشركة .... و هكذا .. الحاجات دي مش شرط لكن أمان عشان تخلصوا

الكلام ده متجرب أكيد.. و ربنا يوفقك يا رب و يجمعكم على خير و اهدوا كدة على بعض و خليك هادي بدون تعصب خالص.

مكاوى

ياريت يامكاوي ربنا يكرمك وتكسب ثواب في الناس

في اعضاء كتيبر عندهم المشكله دي ومعندهمش الاجراءات بالتفصيل فياريت تعمل موضوع لوحده بالخطوات دي هايفيد ناس كتير

ايجيبتاوي ماتخافش

وارد جدا ان العينه تضيع او تبوظ يعني تبقي (هيمولايزيد) يعني الكرات الحمرا تتكسر والهيموجلوبين يتخلط علي السيرم فبيحتاجوا عينه جديده لان اللون الاحمر بتاع الهيموجلوبين هياثر علي قراءات الاليزا فلازم ياخدوا عينه جديده صافيه

او زي ما قالك استاذ خالد انها اتاسرقت لواحد مصاب وبيقولوا انها ضاعت

وهي كده كده هاتروح السفاره هما قصدهم تيجي تاخد ورقه مكتوب فيها راجع السفاره -مادام طلعت الورقه دي فهي سليمه-

ماتقلقش انت بس وربنا هايسرلك الامور ان شاء الله

تم تعديل 27 أكتوبر 2010 بواسطة ozoozo

[خالد شحاته]

المشكله ان الرعايا السعوديه بتكب غير مصرح لها بالعمل لانها تحمل فيروس واي زوجه او من الاولاد بتخد التاشيره عادي جداااا من الرعايا بس المشكله في العباره السابقه

[ALMOSAFER]

السلام عليكم ورحمة الله وبركاته

كلام الأستاذ مكاوى صح مية المية

أنا لسه من كام يوم عامل نفس اللى قال عليه لأن زوجتى طلع عندها فيروس B والمكتب قال لها روحى الشئون الطبية فى السفارة علاطول

وطلبوا التعهد والاوراق اللى قال عليها الأخ مكاوى

وبعد أسبوع كانت واخدة التأشيرة الحمد لله

مجرد اجراءات روتينية بسيطة يعنى

بالتوفيق للجميع

[Guest محمود نجيب]

السلام عليكم ورحمة الله وبركاته 

انا مقيم في المملكه وعملت استقدام لزوجتي وطلع عندها مشكله في التحاليل ان انزيمات الكبد عاليه المهم روحنا وقدمنا في تساهيل والجواز دخا القنصليه ورجع بدون اي افاده ايه العمل. ارجو الافاده