مصروف سوزان تميم شهريا 200 الف دولار من هشام طلعت - يابلاش

[اغابي]

ايه داه ايه الارقام دى يا هوووووووو

يعنى يا هشام يا طلعت كنت بتبعت للبنت المسكينة مصروف ايدها كل شهر اللى يعنى تنزل تجيب بيه من البقال شوية الطلبات فى لندن وسويسرا

الكام ملطوش دول 200 الف دولار - حرام عليك تبقى بخيل معاها كدا - يا ظالم

- وبعدين تبقى بخيل ليه هو يعنى مصر فيها فقرا ولا ناس مش لاقية علاج ومش لاقية مية نضيفة تنزل من الحنفيات ولا حاجة لا سمح الله

ويمكن واحد زيك كان يقدر يتبنى اى مشروع محترم قومي يفيد البلد ويقدمه لمصر هدية

روح ابني كوبري جديد ولا نضف منطقة ولا حتى غير شوية عربيات فى المترو

ولا اتبني قطار هديه وقدمه لهيئة السكة الحديد اهو اعمل اى منظر ترد بيه الجميل للبلد اللى اتبهدلت دى

لكن برضوه ارجع اسال

ازاى تبعت للبنت المسكينة دي بس الفلوس دول - طب انت كدا بتظلمها اوى اوى - مش حرام عليك - بتستفزنى ليه

بلاش نتفاجأ يا محاوراتية بالارقام اليومية والشهرية الله يخليكم

اللى كان بيبعتها هشومة لسوزانتو حابوبته واللى فى الاخر سابتو

انا بحذركم كل واحد يقرا بهدوء الارقام لكن بدون ما يضايق نفسه خالص

لو سمحتم بلاش تتضايقو على غربتكم من بلادكتم او غربتكم جوة بلادكم واللى حاصل فيها بسبب نماذج من الفساد زى هشام وفلوسه

هشام طلعت مصطفى: 200 ألف دولار شهريا

مصروف زوجتي «العرفية» سوزان تميم

القاهرة»

أفادت تقارير صحافية بأن رجل الأعمال المصري والبرلماني السابق هشام طلعت مصطفى، كان يمنح «المغدورة» سوزان تميم مصروفا شهريا إبان ارتباطه بها «عرفيا» قدره 200 ألف دولار ، أي ما يعادل مليونا و100 ألف جنيه مصري ، ما يعني أن تميم كانت تكلف رجل الأعمال 36 ألف جنيه يوميا، و1527 جنيها في الساعة ، و25 جنيها في الدقيقة الواحدة.

وقالت جريدة «الشروق» المصرية المستقلة في عددها الصادر أمس إنها حصلت على نص حكم محكمة استئناف جنيف، في شأن طلب هشام طلعت مصطفى تجميد أرصدة سوزان في بنوك سويسرا، لأنه حول إليها أموالا على خلفية مشروع زواج بينهما، قال إنه كان سوف يتم بمباركة زوجته المصرية أم أولاده الثلاثة.

وخلال التحقيقات، روى هشام والعديد من الشهود المصريين والأوروبيين يوميات رجل الأعمال والمطربة في فنادق سويسرا وفرنسا ولندن.

ويكشف الحكم القضائي أن هشام قدم للمحكمة ما يفيد بأنه قضى شهورا مع سوزان تميم خارج البلاد مقيما في أرقى الفنادق طيلة سنوات، باعتبارها زوجته عرفيا، وبموجب عقد زواج عرفي قدمه للمحكمة.

وكانت محكمة أول درجة في سويسرا قد حكمت برفض دعوى هشام بتجميد أرصدة سوزان، وصادرت مبلغ التأمين المدفوع منه، وقدره 200 ألف فرانك سويسري، وألزمته بدفع 250 ألف فرانك سويسري لسوزان تميم عن مقاضاتها، ووصفته بأنه «غير جاد في طلباته».

لكن رجل الأعمال استأنف عبر محاميه الحكم أمام محكمة الاستئناف ، وذكر في أوراق القضية أنه أنفق «مبالغ طائلة» على سوزان تميم خلال إقامتهما معا في فندق النيل بلازا تاور بمنطقة جاردن سيتي على نهر النيل بمصر، وهذا العنوان ثابت في جميع تحركاتها.

وقال هشام للمحكمة إنه تعرف على سوزان في يناير من العام 2004، وبعدها بشهور أهداها ساعة ماركة هابي ديموندس، وعليقة ذهبية، وساعة بوشكين، وساعة من الذهب الأبيض ماركة شوبار السويسري، وقدم هشام للمحكمة فواتير من متاجر فلوباتير بالاس في دبي، التي اشترى منها الهدايا خلال شهر مايو العام 2005 .

وقدم هشام للمحكمة ما يفيد بأنه أنفق 57 ألف فرانك سويسري على رحلته مع سوزان تميم لمدة 15 يوما في أغسطس العام 2006، ولفت إلى أنه خطب سوزان فعليا في العام 2005، وخلال احتفال الخطبة أهداها خاتما من الماس، ثم فتح لها حسابا في بنك «UBS» السويسري أودع فيه 10 آلاف دولار، ثم 200 ألف دولار، ثم 300 ألف دولار، ثم 200 ألف دولار، ثم 200 ألف دولار، وكان ذلك بصفة دورية كمصروف شهري لها.

وواصل هشام بأن البنك السويسري كان يرسل له كل مرة إشعارات إيداع المبالغ في حساب سوزان تميم، وقدم للمحكمة الإشعارات، وأكد أنه فور نشوب النزاع بينه وبين سوزان، أبلغ البنك، فأصدر قرارا بتجميد المبالغ لحين فض النزاع بينهما صلحا أو قضاء، كما تحفظ البنك على جميع المستندات الخاصة بعمليات السحب والإيداع.

واختتم هشام طلعت دعواه بقوله إن سوزان تركته في مايو العام 2007 بلا سبب، وقدم للمحكمة حكما صادرا من محكمة لبنانية بحبس سوزان تميم عامين مع النفاذ بتهمة سرقة طليقها السابق عادل معتوق، حيث سرقت منه مبلغ 230 ألف دولار أودعها كوديعة في البنك.

وشهد صاحب أحد متاجر الهدايا أن هشام أشرف بنفسه على مشتريات قيمتها 150 ألف فرانك سويسري لسوزان تميم، وأنه كلفه بشراء هدايا لها من محال استفالاي وديور وبولغاري، كما شهد الدكتور ألبري بيتش، من مركز جراحات التجميل في مدينة لوزان، أنه استقبل سوزان تميم في أبريل العام2007، وكان معها هشام طلعت، لإجراء عمليات تجميل لها، وكان من الواضح له أنهما رفيقان، وأن هشام هو الصديق والحامي لسوزان.

وشهد محامٍ لبناني يدعى «إيلي. ك»، أنه كان محاميا لهشام طلعت في لبنان، ومحاميا في الوقت نفسه لعبدالستار تميم والد سوزان، وأن الأخير أبلغه بأن هشام طلعت كان بصدد الزواج من ابنته، وأنه خطبها فعلا لكن مشروع الزواج لم يتم.

تم تعديل 29 سبتمبر 2010 بواسطة اغابي

[م تيمور المراغي]

ماهو برضوا بصراحه الراجل ليه حق في الغلا اللي احنا عايشين فيه ده ,, :happy:

طيب بجد انا عاوز استفسر ليه اصرارها الغريب ده انها تطفش وتسيبه ؟ ,, ماكانت تعيش وتسكت وخلاص ,, ولا هو فراغة عين و بس !!

ده الواحد بيدخل على مراته بكيس فاكهه بتبقى في قمة السعاده يعني وكده هههههه 

[اغابي]

طب ليه ما تقولش انها استرخمته او زهقت وعاوزة تغيره

:lol: :lol:

واضح انه فرض نفسه عليها بفلوسه وهى اوهمته انه الاول والاخير والاهم فى حياتها

كمان سرقت فلوسه من بنوك سويسرا - يعنى سرقت منه 33 مليون دولار حولتهم باسمها من حسابه الخاص لحسابها

وفضلت تصرف على الواد الملاكم اللى جنسيته عراقي - وهو داه بقى صاحبها الجديد

واللى هو كمان بيقول انها كانت متجوزاه عرفى برضوه والله واعلم ؟؟

اقولك على حاجة

فســــاد فســاد

مع انى انا الاول كنت متعاطفة مع القضية دى ومع هشام طلعت وعارفة ان اللبنانيات اهم حاجة عندهم انهم يصيدو اللى معاه فلوس داه مبداهم حتى هنا فى الخليج

مش مهم انت مين المهم فلوسك اد ايه ويبدأ يشتغلو بشوية الفرنساوي على الانجليزيى اللى حافظينهم على شوية اللبس وشغل الاونطة واكتر ناس بتوقع فى الفخ المصريين

ما بتشوفش منظر المصرى لما يقابل لبنانية او يشك فى واحده انها شبه لبنانيه - يا خبررر اسود انا فعلا باضحك على الموقف داه جدا

كان حصل مرة واحنا فى النادى مع اصحابنا واحد مصري جه انضم لينا هو ومراته

ولا اقولك ما اطولش عليك

فاصل ونواصل

اغابي

[nightmare]

ابتسمي يا أ. أغابي , فأنتى في مصر .

طب يا ريتها جت على ال 200 الف دولار وبس , امال حضرتك تقولى ايه لما تعرفى ان كل التكهنات تشير الى ان الحكم المخفف من الإعدام إلى 15 سنة والذي صدر ضده أمس كان بسبب دفعه دية إلى والدها قدرت قيمتها ب 750 مليون دولار

واحسبي حضرتك كمان أتعاب الجيش الجرار من المحامين وليس أى محامين , نحن نتحدث عن فريد الديب و أبو شقة وغيرهم والذى لن تقل أتعاب أقل واحد فيهم عن 10 مليون وده أقل واجب , دي القضية بقالها سنتين ولسه.

وأضيفي عليهم تكلفة سفريات محسن ورائها من هنا إلي هنا وتكلفة المراقبين لها وغيرهم.

وأضيفي عليهم ما ذكرتيه حضرتك .

لو هنتكلم في دول بس , يبقي احنا بنتكلم في حوالى مليار وربع المليار دولار بالميت يعني 6 مليار جنيه مصري , سبحان الله

ومش محسن لوحده , كلنا نفتكر برضه رجل الاعمال يحيي الكومي وقصته الشهيرة مع خلود العنزي زوجة الوليد بن طلال السابقة , اللى قلبته في 100 مليون دولار وخلعت ولا عرف ياخد معها حق ولا باطل.

الملايين دي بتتصرف كده بسهولة إزاى , إجابة السؤال ده من وجهة نظري لإنها جاية بسهولة ومن غير تعب , ويقدر يجيب غيرهم مية مرة , عادي ما الأراضي موجودة وناخدها ببلاش ونعمل قرض من البنك يبنيها وأطلعلى بكام مليار وانا قاعد على مكتبي, بسيطة خالص.

ده سفه وسوف يحاسبهم الله عز وجل كل واحد فيهم عن هذه الأموال ومن أين إكتسبها وفيما أنفقها.

ومش هو لوحده , السفهاء كثير ومن لا يقدرون قيمة النعمة التى فضلهم الله بها على كثير من خلقه.

شوفوا الفيديو ده , واحكموا بأنفسكم , ربنا يجيبله نقطة زي ما نقطنى.md2:

http://www.youtube.com/watch?v=ALDC198Oz1Q&feature=related

مع تحياتى

تم تعديل 29 سبتمبر 2010 بواسطة nightmare

[اغابي]

على فكرة هو شكله سكران طينة حتى مش قادر يتحرك ولا يتكلم

الله يفضحكم زى ما فضحتونا - خليتونا مضحكة الغرب

على فكرة الفيديو داه نقطنى وجابلي شلل

بس اللى هون عليا ان الراجل مش مصري انا كنت حاتغاظ اكتر لو انه مصري

زى هشام طلعت كدا

اغابي

تم تعديل 29 سبتمبر 2010 بواسطة اغابي

[أبوعمار]

لا تعليق عليهم وعلى كل اللي زيهم

حسبنا الله ونعم الوكيل

ربنا لا تؤاخذنا بما فعل السفهاء منا

[م تيمور المراغي]

طب ليه ما تقولش انها استرخمته او زهقت وعاوزة تغيره

:lol: :lol:

واضح انه فرض نفسه عليها بفلوسه وهى اوهمته انه الاول والاخير والاهم فى حياتها

كمان سرقت فلوسه من بنوك سويسرا - يعنى سرقت منه 33 مليون دولار حولتهم باسمها من حسابه الخاص لحسابها

وفضلت تصرف على الواد الملاكم اللى جنسيته عراقي - وهو داه بقى صاحبها الجديد

واللى هو كمان بيقول انها كانت متجوزاه عرفى برضوه والله واعلم ؟؟

اقولك على حاجة

فســــاد فســاد

مع انى انا الاول كنت متعاطفة مع القضية دى ومع هشام طلعت وعارفة ان اللبنانيات اهم حاجة عندهم انهم يصيدو اللى معاه فلوس داه مبداهم حتى هنا فى الخليج

مش مهم انت مين المهم فلوسك اد ايه ويبدأ يشتغلو بشوية الفرنساوي على الانجليزيى اللى حافظينهم على شوية اللبس وشغل الاونطة واكتر ناس بتوقع فى الفخ المصريين

ما بتشوفش منظر المصرى لما يقابل لبنانية او يشك فى واحده انها شبه لبنانيه - يا خبررر اسود انا فعلا باضحك على الموقف داه جدا

كان حصل مرة واحنا فى النادى مع اصحابنا واحد مصري جه انضم لينا هو ومراته

ولا اقولك ما اطولش عليك

فاصل ونواصل

اغابي

ليكي حق فعلا اغابي ,, الواحده لما تحب انسان ممكن هيا اللي تصرف عليه كمان مش هو

الله يرحمها ,,

الفاصل خلص بقى والا لسه ؟؟ B)

انا كمان ححكي موقف عن الاونطه بتاعت مهندس لبناني كان زميلي في الرياض لكن ليديز فيرست ,,

تم تعديل 29 سبتمبر 2010 بواسطة architect

[اغابي]

ليكي حق فعلا اغابي ,, الواحده لما تحب انسان ممكن هيا اللي تصرف عليه كمان مش هو

الله يرحمها ,,

الفاصل خلص بقى والا لسه ؟؟ B)

انا كمان ححكي موقف عن الاونطه بتاعت مهندس لبناني كان زميلي في الرياض لكن ليديز فيرست

شكرا على مشاركتك

الفاصل خلص

اتفضل حضرتك

>

>

>

تسجيل متابعة

اغابي

[akramgroup]

مش عارف اخرة الراجل ده ايه هايجراله ايه من اعماله اللى شبه وشه دى smk: smk:

بس ربنا يهديه ويهدينا جميعا

وقادر ربنا على كل شىء :rolleyes:

بس انا صعبان عليا الفلوس اللى اترمت فى الارض دى

ده على الاقل ممكن يكون ضيع حوالى 1200 جنيه wst:: ولا ممكن يوصل ل 1300 جنيه wst:: wst::

مش حرام الفلوس دى

:hysterical:

تم تعديل 29 سبتمبر 2010 بواسطة akramgroup

[م تيمور المراغي]

لا معلش ههههههه

انتي تحكي الاول هههه

طيب

من 6 سنين تقريبا هبط علينا في المكتب مهندس لبناني بصراحه قمه في الاناقه والجمال حاجه تفتح النفس كده :)

الموهيييم ,, طويل العمر بقى واخده في ايده فرحان بيه اوي وبصراحه الحق يتقال زادت كمية المشاريع اللي دخلت المكتب على وشه الابيض المشوب بحمره ,,

طبعا زي مانتي عارفه مدير الحسابات صاحبي مصري واحنا بيننا وبين بعض كل الاسرار بتتقال يعني وافاجأ ان مهاب بياخذ تقريبا مره ونصف مرتبي رغم اني اقدم منه في المكتب وفي سنوات الخبره ,, انا من ناحيتي ما علقتش اولا عشان ده سر حيضر مدير المكتب لو طلع فطبعا على رقبتي تاني حاجه حنقعد يعني نبص لخلق الله في ارزاقها بس كنت حاسس بزعل شويه ان اللبنانيين مرتباتهم اعلى حتى لو تساوت الخبره ,,

تدور الايام ونبقى انا ومهاب اصدقاء حقيقين بالموضوع اتفتح عن المرتبات انت ياعم بتاخذ كام 24000 الف في عين العدو ,, طيب يا مهاب ليه مرتب اهلك اكبر من مرتبي عشان لبناني وحليوه يعني ههههههه ,,

قال لي يا تيمور احنا بنصرف على البروباجاندا بتاعتنا دي اللي انت شايفها اضعاف ما انتم بتصرفوا ,, عربيتي مثلا ليكزس وانت عربيتك كورولا وانا بلبس بدله سينييه بكذا وانت لبسك اقل ,, المهم لقيت فعلا في النهايه ان اللي بنحوشه انا وهو شهريا بيصفي على نفس الرقم وقتها ووقتها فقط انفرجت اساريري قلتله يعني مش عشان انت حلو كده ومربرب شوف ازاي ههههههه

مستني حكايتك انتي ,,, :happy:

[اغابي]

شكرا استاذى الفاضل

هو انا قصتى تختلف شويتين - لكن ممكن ليها علاقة بطريقة تفكير سوزان تميم وبشكل عام طريقة تفكير اللبنانيات الفاتينات

فى يوم روحنا النادى 5 عائلات مصريين و رايحيين نقضبي اليوم فى حمام السباحة ونفسح اولادنا

المهم واحنا قاعدين كدا مر جنبنا واحد ومراته لبنانيين لسة واصلين حالا النادى

بالصدفة الراجل اللبنانى يعرف واحد من المصريين اللى موجودين معانا

سلموا على بعض وداه عرف داه على الباقيين وداه عرفنا على مراته اللبنانية وانضم لينا يشاركنا فرحتنا باليوم الجميل

مفيش شوية واشتغلت الحركات اللبنانية سيبك بقى من كلمتين الفرنساوي على الانجليزي بتوع مراته

لا المدام طلبت شاذلونج ومددت عليه ولبست المايوه وهات يا دهان بكريمات اشكال والوان لانها عاوزة توصل للون البرونزش من الشمس - اوووه لالاه

مفيش شوية واخدو جنب 3 ستات من صحباتنا المصريات وهات يا غمز ولمز على اللبنانية ومايوها واختشي مفيش وكل واحدة كانت مبرقة لجوزها

blw)

انا جوزى خدها من قصيرها وخد الاولاد نزل البحر وحمامات السباحة اليوم كله ما شفناش وشه خالص

الهانم اللى مستنية اللون البرونزش وممدة على الشاذلونج انا الوحيدة اللى رغيت معاها الباقيين ما كنش ليهم مزاج

:lol: :lol:

سالتها انتى متجوزة من امتى قالتلى من سنيتين - سالتها ليه ما خلفتيش اطفال

- راحت قالتلى - لالا لالا انا جسمي يتبهدل - شو اطفال يعنى وحمل لا انا لازم اتمتع بحياتى الاول

طيب وجوزها جنبها عادى فى كل الاحداث دي

عدى اسبوع واتجمعنا تانى كلنا فى الويك اند

فى نفس النادي لقيت صاحبتى بتشكيلي من جوزها - ننزل بموسيقى تصويرية حزينة يا جماعة

هو جوزها كان اول مرة يقابل مرات صاحبه اللبنانى فى اليوم داه

اتارى الهانم لقته لقطة بدات تروح الشغل عند جوزها وهات يا سحب فلوس منه هى وجوزها

ياخدو من المصري بال150 دينار وبال200 دينار فى اسبوع صارف عليها هى وجوزها 650 دينار او مايعادل 13 الف ج مصري

ومن ضمن طلبات اللبنانية انها عاوزة 80 دينار تشترى قلم حبر ماركة لباباها فى عيدميلاده - الله طب ما تاخدى من جوزك

:o

اتلكمت هى وجوزها على المصري اللى سحرته روزيتا على راى الفلم

وكان بيته حيتخرب لولا ما ربنا خلى ولاد الحلال يتدخلوا فى الوقت المناسب

لان صاحبتى المصرية كانت مصرة تاخد اولادها وترجع بيهم مصر ومش حتعيش معاه تانى

وكما انا ركزت لاقيت بجد مراته شكلا جميلة جدا جدا واللبنانية ما تفرقش غير شوية لغات طول القعدة -

طيب السؤال ليه الرجالة المصريين اول ما يشوفوا واحدة لبنانية مع ان مراته ماشية جنبه اجمل منها بجد ليه دماغه تلف - ايه الاسباب يعنى

هل بيبهرهم المايوه ولا التمديدة على الشاذلونج وانها تتقلب يمين وشمال ولا كلمتين الفرنساوى والانجليزيى ولا لازقتها اليوم كله مستنية اللون البروزى من الشموسة ولا ايه يخليك تدفع فلوس اطفالك وبيتك وتديهملها لانها عاوزة تروح للكوافير - تصدق ان جوزها من ضمن الطلبات اخد من المصري 50 دينار علشان المدام عاوزة تروح الكوافير

يعىن كله بعلم جوزها كمان وبمباركته

تحياتى اغابي

:roseop:

تم تعديل 29 سبتمبر 2010 بواسطة اغابي

[م تيمور المراغي]

اقول وماحدش من اخواتي المصريات تزعل مني ,,

اللبنانيه هيا ربنا خلقها كده تجيد لفت النظر دي شغلانة حياتها من وهيا طفله كل اللي حولها بيعدوها تكون غنوجه و مهضومه يعني الاسره تفتخر بان بنتها بتخبل العقل بينما اختي البنت المصريه يا عيني بس عيب وا تتكلميش ماتبصيش لدرجة نها حتى بعد الجواز برضوا الترسبات دي بتفضل جواها ,,

افضل ام هي الام المصريه ,,

افضل زوجه وست بيت هي المصريه تربي الولاد وتصون زوجها وتحافظ على ماله وكرامته والحمد لله

انما في الدلع بقى معلش ههههه

ان فاتك اللبناني مش حيرجع تاني :)

[خالد شحاته]

والله ضحكتيني يا مدام اغابي

علشان كدا جوزك هرب من وجع الدماغ كفايه لعب علي الاجهزه في البيت كمان يكون فيه لبنانيه كدا يكون جاب اخره معكي

بس علي فكره با مدام اغابي كل اللبنانين كدا للاسف مفيس برثع الخشي الا بيثول عليه في مصر البناني بجي السعوديه

طاظا زاي ما بيقولو اهم شي الاول السياره وبعيد يجيب مراته مراته تجي من هنا للازم يسكن في فيلا او شقه فخمه جدااا

بس للاسف الا بيعمله البناني استحاله اي مصري يعمله الا معندوش كرامه ولا احترام لبيته هنا في السعودي ممكن البناني

يتزل الشغل ويرسل كفيله يجيب طلبات من البيت من عند زوجته علي اي اساس يرسله فين النخوه وفين الكرامه والكبرياء علشان كدا خلال كم سنه يسكن في قصر ويكون كلام زوجته عنده اومر ما يثدر يقولها حاجه ربنا يستر علي الجميع

[اغابي]

اقول وماحدش من اخواتي المصريات تزعل مني ,,

اللبنانيه هيا ربنا خلقها كده تجيد لفت النظر دي شغلانة حياتها من وهيا طفله كل اللي حولها بيعدوها تكون غنوجه و مهضومه يعني الاسره تفتخر بان بنتها بتخبل العقل بينما اختي البنت المصريه يا عيني بس عيب وا تتكلميش ماتبصيش لدرجة نها حتى بعد الجواز برضوا الترسبات دي بتفضل جواها ,,

افضل ام هي الام المصريه ,,

افضل زوجه وست بيت هي المصريه تربي الولاد وتصون زوجها وتحافظ على ماله وكرامته والحمد لله

انما في الدلع بقى معلش ههههه

ان فاتك اللبناني مش حيرجع تاني :)

لالالالالا

انا مش معاك - المصريات شيك جدا - لكن فى حدود اللى يناسب اسلوب حياتنا فى مصر

انت عندك الشارع اللبنانى غير الشارع المصري

المصرية شيك وحلوه بس ما تقدرش توصل للبس داه وجوزها اول واحد حيعترض لو حتى هى فكرت تلبس كدا

الله امال انهبلت باللبنانية دى ليه

وكمان المصريه ام بالدرجة الاولى يعنى اهتمامها واولوياتها لاولادها - اه ممكن تروح الكوفير مرتين بالشهر او مرة بالشهر لكن مش تعمل عنده اشتراك شهرى يعنى ليه يعنى كل يوم كوفيره

كمان ترتيب اولويات المصرية واجندتها تخلتف عن اللبنانية

عاوز تفهمني ان واحد زى هشام طلعت مفيش واحدة مصرية لفتت انتباه مفيش مصرية منغنجة كدا

ومدلعة فى نفسها ولا جوز هيفا وهبي المصري ما جمعش اى مصرية تناسبه راح اتجوز هيفا

يعنى عاوز تفهمنى ان صاحبنا المصري لو مراته طلبت منه تجيب شاذلونج وتلبس مايوه وتمدد عليه كان حيوافق

طب ليه جريت ورا دي و مشكلة استمرت شهر ونص مش اسبوع ولا حاجة لالالا

والدنيا اتقلبت هنا وكانت حياته حتتخرب بسبب واحدة بتضحك عليه وبتستهبله هى وجوزها وواخدين مرتبه وشطبه على فلوسه

من الاخر المصرية مجتهدة جدا

المصرية واقعية جدا وحلوة وشيك ومهتمية بحياتها وبتحاول تجتهد وترضي جميع الاطراف

ترضي ربنا وجوزها واطفالها واهلها ونفسها برضوه

تحياتى للجميع

اغابي

تم تعديل 29 سبتمبر 2010 بواسطة اغابي

[akramgroup]

فكرتيني بحاجه يااغابى واللهى

فى اجازة العيد اللى فات ده كنت متفق مع واحد صاحبى اننا هانطلع كلنا بيروت نقضى اجازة العيد هناك

ده بحكم ان مراته لبنانية بس هو مصري

المهم لظروف ما مقدرتش اطلع على بيروت وفضلت فى جدة وهو شاكرا كان بيدينى التقرير اليومي على الموبايل كل يوم

منها اعرف ايه اللى بيحصل ومنها انه يحسرنى ويندمنى انى مسافرتش السفرية دى

وكان كل مايكلمنى على الموبايل يقولى يااكرم انا كل يوم اتخانق مع مراتى بسبب بنات بيروت مع ان زوجنه لبنانية بردوا

بس هو كل يوم كان يقولى يلا تعالوا احنا مستنينكم وكان احلى تعليق بسمعه لما اقوله ايه الاخبار كان يقولى

انا حاسس انى عايش فى فيديو كليب وانا المخرج

بصراحه انا عارف شعب لبنان معظمه بيهتم بمظهرة جدا ومنتفتحين على الغرب بطريقة فظيعه

بس للمعلومة معظمهم تعليمهم ضايع وخريجين معاهد بير السلم بس كويسين فى اللغات

مصر أم الدنيا

أكرم,

[م تيمور المراغي]

انا قلت نفس كلامك يا اغابي صدقيني حتى راجعي كلامنا حتلاقينا بنقول نفس الكلام

بعدين عندك نموذج زوجك الكريم الله يحميه عاقل ومحترم يعني مش قاعده ان كل مصري شاف لبنانيه يقوم مسبهل على طووول :blush2:

دي سكتهم تانيه خالص مالكمش انتم دعوه بيهم وربنا يهديهم ويهدينا كلنا

[اغابي]

انا حاسس انى عايش فى فيديو كليب وانا المخرج

بصراحه انا عارف شعب لبنان معظمه بيهتم بمظهرة جدا ومنتفتحين على الغرب بطريقة فظيعه

بس للمعلومة معظمهم تعليمهم ضايع وخريجين معاهد بير السلم بس كويسين فى اللغات

مصر أم الدنيا

أكرم,

شوف يا اكرم

انشالله انا تفنيشي من الشغل على ايدكم يا محاورات المصريين

الجملتين اللى انت كتبتهم دوول خلونى فرقعتها ضحكة من اللى هى

وبما ات كل الشغل عندى لبنانيين برضوه وسوريين وفلسطينيين وانا الوحيدة اللى مصرية

فخد عندك بقى التعليقات

شو ها الضحة الحلوة - تقبوريني يا امورة

:lol: :lol:

الهى اقبركم كلكم فى يوم واحد يا بوعدااا

عجبنى اوى صاحبك يا اكرم اللى كان قاعد فى فيديو كليب

:lol: :lol:

الجملة دى مالهههههاش حل تانى - دمرتنى من الضحك

اغابي

[م تيمور المراغي]

بعدين عندي ملحوظه عن الراجل المصري اللي اعجب باللبنانيه

مين اللي جاب سيرة الهدايا والاتصالات وبالملليم يعني انا شايف الارقام دي بكل دقه ماشاء الله ومتعدده

طيب ,, هو طبعا اللي اذاع الموضوع مستحيل اللبنانيه او زوجها دي ناس تقيله ومتودكه

فيه نوعيه من الرجال كده ,, عاوز يبان في الصوره وسط الجميع بيقول حصل كذا وكذا وانا صرفت كذا وكذا عشان يكون محور الحياه حتى لو طلع انه خفيف ومش راسي المهم اكون بؤرة الاحداث وخلاص ,,

يعني لو راجل على حق كان المواضيع دي ظلت طي الكتمان وخلاص انما باين عليه انه غشيم - انا آسف

[Ahmed Anwer]

عشان متضايقوش نفسكم يا جماعة

الراجل كان ذوقه متنوع و بيقدر المرأة المصرية

حسب ما سمعت من ناس شغالين معاه

كان متجوز نورا أخت بوسي مرات نور الشريف

في وقت من الأوقات

و كان مهيصها برده

يعني هوا يا جماعة هيعمل بالفلوس أيه

واحد عنده بلاد ،،، مدن كاملة

[اغابي]

انا قلت نفس كلامك يا اغابي صدقيني حتى راجعي كلامنا حتلاقينا بنقول نفس الكلام

بعدين عندك نموذج زوجك الكريم الله يحميه عاقل ومحترم يعني مش قاعده ان كل مصري شاف لبنانيه يقوم مسبهل على طووول :blush2:

دي سكتهم تانيه خالص مالكمش انتم دعوه بيهم وربنا يهديهم ويهدينا كلنا

هى الجملة دى على جوزى - اه قول كداا

انا الجملة دى مش متاكدة منها اوى برضوه

:lol:

الله واعلم جايز عاوز يشترى دماغه او لانى مزروعة جنبها عند الشاذلونج كنوع من الاعمال الامنية الاحتياطية يعني

:lol: :lol: :lol:

شوف القاعدة بتقول ايه

فى وجود اللبناية يجب الا تثق المصرية فى اى رجل مصري

اسمع كلامى ا نا موجودة معاهم فى الشغل ليا 5 سنين اهو

:lol: :lol:

تم تعديل 29 سبتمبر 2010 بواسطة اغابي