عملية الليزك بالرياض

[aimen]

السلام عليكم

ياترى عملية الليزك تكلفتها بالرياض ؟

وهل يشملها التأمين

وماهو افضل مكان يمكن اجراء العملية به ؟

تحياتى

[nightmare]

داخل فقط اقول لحضرتك ألف سلامة يا أ.أيمن

ربنا يشفيك ويعافيك ويمتعك بالصحة والعافية دائماً.

مع خالص تحياتى

[أسد]

عملية الليزك .. لا يغطيها التأمين إطلاقاً

من أفضل الأماكن .. مستشفى مغربي بالرياض

التكلفة تبدأ من 5000 ريال للعين الواحدة .. حسب التشخيص وتقدير الطبيب للحالة

[اغابي]

الف الف سلامة عليك يا استاذ ايمن

طب ما تعملها فى مصر افضل

وبعدين لازم فحص الاول انت عارف ليه - لان فى حالات الاستيجماتيزم مش حينفع فيها ليزك

كمان فى مصر معروفة العين الواحدة بـ 2000 جنيه

قول بعد الفحوصات والكشف العينين الاتنين حيكلفوا بــ 4500 جنيه

وكمان الدكاترا بيبقو شطار جدا جدا انا راى يا استاذ ايمن تعمل العملية فى مصر هى بس اسبوع متابعة بعد العملية

وبعد اسبوع المتابعة ما يخلص تقدر ترجع السعودية

كمان حاجة تانية هو الدكتور بيطلب منك انك تغسل وشك بمية بدون صابون او اى حاجة

ومن اهم الشرووط ممنوع تلمس عيونك بايدك يفضل تنام كمان كحمايا للعين بنظارة شمس لغاية الصبح كل يوم احتياطي اصابة العين اثناء النوم

كمان ممنوع لفترة انك تنزل البحر او اى حمام سباحة

غالبا لمدة 3 شهور

خلى بالك وقت العملية بالكتير ربع ساعة فقط - وكمان اثناء العملية حتشم ريحة شياط ما تتخضش دي عينك بتتحرق

:lol:

وخليني اساعدك لو رحت مصر فى اسماء دكاترا شطار جدا

بس لازم تحجز معاهم فى التلفون قبلها بشهر لانهم بيبقو خارج مصر

تحياتى للجميع

اغابي

:roseop:

تم تعديل 27 سبتمبر 2010 بواسطة اغابي

[hOuSsAm]

الف سلامة عليك يا ايمن

ويارب تقوملنا بالسلامة وان كنت اتمنى ان سؤالك ميكونش ليك

[aimen]

شاكر لكم مروركم الكريم

شفانا الله واياكم اجمعين

اعتقد انى حأخد بنصيحة مدام اغابى واعملها فى مصر

شكلها كده على مصر ان شاء الله

مرة اخرى

اللهم اشفى مرضانا اجمعين

[ozoozo]

^{بص يايمن انا نظري ناقص عشره ومابفكرش اعملها عشان ليها اضرار في النظر الضعيف اوي زي ماينص 6 وانت طالع}

^{انا شايف ان العمليه دي تنفع للبنات عشان مابيحبوش يلبسوا نضاره عشان عمليه اصطياد العريس تتم بنجاح وبعدين يفاجأوه انهم مش شايفين حلجه}

^{لكن الولاد بالعكس شكلك اشيك بالنضاره}

^{المهم علي رأي اعلانات بريل}

^{استرجل والبس نضاره}

تم تعديل 27 سبتمبر 2010 بواسطة ozoozo

[herohero]

الف سلامة ياسدي

عليك وعلى مغربي ف القاهرة

اللي ف السيده نفيسة انا كنت مع الوالد بيعمل ميا بيضاء لكن ذهلت من مدى سرعة الليزك

وانا متظره كم من البنات البنت تدخل بنظارة تطلع من غيرها

القصه يبدو عليها سهلة

وبصراحه مغربي متخصصين ف العيون عن تجربة من ناحية الوالد وكثير من الأصدقاء

وتمنياتنا بدوام الصحة