صندوق العلوم و التكنولوجيا - مهم لمن يعمل في البحث العلمي

[Mostafa Kasem]

مبادرة صندوق العلوم و التكنولوجيا المطروحة مؤخراً هي في اعتقادي بالفعل اولى الخطوات لدخول مصر عصر البحث العلمي الحقيقي... باعطاء الباحث الحرية في اجراء بحوثه و تمويل مصاريفه....دون الاشتباك بالقوانين المندثرة في الجامعات

انا بصيت على الموقع بتاعهم و قولت الخصه ليكوا

هناك اكثر من نوع منحة للبحث العلمي - احدهما لو انت شغال مدرس في جامعة حكومية او خاصة و معاك دكتوراة اخذتها في اخر عشر سنوات- ونشرت على الاقل ورقتين بحثيتين في اخر ثلاث سنوات في مجالك - و معاك طالب ماجستير بيحضر معاك - ممكن تقدم عليها - هي اسمها منحة شباب الباحثين - ممكن تحصل على حوالي نص مليون جنيه و ده شامل مرتب ليك (حوالي 10 الاف شهريا) و للطالب اللي معاك (حوالي 3 الاف شهريا)... ده غير فلوس لحضور مؤتمرات علمية بالخارج حوالي 20 الف جنيه سنوياً....

منحة اخرى تمنح في مواضيع معينه - اخرها كان من اسبوع في موضوع الطاقات المتجددة و دي ممكن توصل لحوالي 6 مليون جنيه للباحث شاملة مرتبه و مصاريف بحثه و مصاريف الناس اللي هتشتغل معاه (طلبة - فنيين - اداريات - الخ)... في واحدة قادمة للتقديم - اخر ميعاد للتقديم اول ديسمبر....

الموضوع يخص كل من يعمل في البحث حتى لو لم يكن معيداً - حيث ان هذا سيغير من خريطة الدراسات العليا ايضاًَ - يعني انت لو ناوي تعمل ماجستير - حاول تدور على واحد يكون معاه منحة من دول و تشتغل معاه في موضوع حيوي و واقعي بدل من الحاجات النظرية و هاتاخد فلوس كمان.

اللينكات في الاسفل هي للشروط و للتقديم من قبل المعيدين او المدرسين في الجامعات المصرية

http://www.stdf.org.eg/

http://www.stdf.org.eg/index.php?option=com_content&view=article&id=3&Itemid=3

http://www.stdf.org.eg/index.php?option=com_content&view=article&id=5&Itemid=14

في انتظار ارائكم المثمرة

[أحمد سيف]

الله ينور عليك يا دكتور مصطفى ... وجزاك الله خير على الموضوع والروابط

[masraweya]

جزاكم الله خيرا

تم تعديل 2 سبتمبر 2010 بواسطة masraweya