الرجيم

[هشام عبد الوهاب]

السلام عليكم يا أهل المطبخ

للأسف قررت منذ ثلاثة أسابيع ان امتنع عن قراءة اى وصفات طعام داخل مطبخ المحاورات وقررت اخيراااااااا اعمل رجيم .

النتيجة كانت ممتازة .. فقدت 8 كيلو فى اول اسبوعين .

اما الأسبوع الثالث فربنا يسهل موعد الميزان يوم الجمعه ، لكن اعتقد انى لن افقد اى كيلو تانى .

المهم .. لو اى حد عنده جدول السعرات الحرارية ياريت يكتبه فى موضوع منفصل .

التوبيك ده علشان نتكلم عن الرجيم وانواعه وتجاربنا وكله ..

وسلمولى على الفتة باللحم الضانى وصنية القرع بالبشاميل .

vmp:

[أسد]

منذ سنوات قللة وصل وزني إلى 107 كيلو جرام ..

وكان قياسي في البنطلون 44

وقررت إني إعمل ريجيم .. ذهبت لأخصائي تغذية ...

وقرر لي نظام ريجيم يعتمد على السعرات الحرارية ..

أول أسبوعين أمش على نظام يعتمد على 1200 سعرة حرارية في اليوم ...

ثم الأسبوعين التاليين نظام يعتمد على 110سعرة حرارية في اليوم

الأسبوعين التاليين 1000 سعرة حرارية في اليوم ..

ومن ثم تكرر هذا النظام مرة أخرى منذ البداية ...

وكررت هذا النظام مرتين .. أي 12 أسبوع ....

فقدت من وزني 25 كيلوجرام ...

وأصبح قياس البنطلون 34

ومنذ ثلاث سنوات تقريباً . وأنا محافظ على وزني . أحياناً زيد وزني إثنين أوثلاثة كيلو جرامات .. أقوم بعمل ريجيم لمدة أسبوعين .. ومن ثم أنقصهم مرة أخرى ..

ولكني أعاني .. حيث أنني وباستمرار .. أدقق في كل شئ آكله .. من حيث النوعية والكمية ...

والحقيقة أن هذا يضايقني جداً ..

ولكني مثابر على المحافظة على وزني ....

[Farah]

هشام حلو قوي 8 كيلو في اسبوعين ياريت تقول عملت ايه بالضبط حتي تنقص هذا الوزن

علي فكره دايما اول اسبوع النقص يكون سريع بعد كده النقص بيكون بطيئ

انا بدأت يوم 23 مايو وكل اللي نزلته يدوب 4 كيلو بس مش متبعه نظام معين

باخد باللي من كل حاجه بأكلها وبحاول امنع اي طعام مقلي او في خارج المنزل

علي فكره هذا اللنك فيه انواع كثيره للرجيم

وهذا جدول السعرات الحراريه

جدول السعرات

وهذا رجيم بيقولوه عليه رجيم النقاط

http://www.diet-world.host.sk/diet31.htm

[Farah]

اللنك ده بيحدد ايه الوزن المطلوب انقاصه

http://www.room42.com/nutrition/basal.shtml

[هشام عبد الوهاب]

هشام حلو قوي 8 كيلو في اسبوعين ياريت تقول عملت ايه بالضبط حتي تنقص هذا الوزن

اولا شكرا على اللينكات الحلوة

شوفى يافرح .. انا كنت باتبع نظام غذائى زمان يودى فى داهية يعنى كنت باعمل كل حاجه غلط .

بالليل بعد الشغل (من 2 صباحا) ابتدى اكل اكله دسمة من اللى ودعتهم وبعد صلاة الفجر تبدأ مرحلة الشيكولاته الصغيره (مارس، جالاكسى...الخ ) يطلع ربع كيلو كده .. المهم علشان مانكدش على حد .

لم اذهب لأى طبيب ولم اخذ برأى اى حد .. والنظام اللى اتبعته هو:

الفطار .. 1- كوب عصير بدون سكر ( جريب فروت،برتقال، تفاح + قهوة بسكر دايت اسمه ايكوال)

او 2- تفاحه + بيضه مسلوقه ..

الغداء.. سمك مشوى بأى كمية +سلطة خضراء بدون زيت .

او بدل السمك فراخ مشوية او لحم بتلو مشوى اومسلوق ، او تونه مغسوله بماء .

أو اى خضار(عدا النشويات) بدون زيت او سمن مع قطعتين لحم بتلو + رغيف سن .

العشاء .. متنوع شويه يعنى

1- تفاح ... فقط او زبادى فقط ... وايام الشغل الجامد قطعه جبن قريش +2 بيضه مسلوقه + رغيف سن .

واحيانا ابدل الغدا مكان العشاء

بين الوجبات لو جعان ......... خيار او خص فقط وبأى كمية

احيانا كنت باشرب سفن دايت واعصر معاها لمونتين .

الشاى والقهوة بسكر دايت .

============

بعد اول اسبوعين يوم تبويظ اكل اللى على مزاجى .

بعد كل اسبوع يوم الجمعه فسحه ( اكل اللى على مزاجى)

طبعا ال8 كيلو مش نتيجة عبقرية اختراع الرجيم لكن لأنى بطلت سيل الدهون والنشويات والسكريات ...

نفسى فى واحدة كيت كات من السوبر سوبر سايز.

[هشام عبد الوهاب]

هايل يا اسد ... فعلا برافو عليك ... هاجرب حكاية السعرات دى من الأسبوع الخامس ... يعنى من السبت القادم .

فرح ... رحتى فين .... على فكرة انا نزلت 2ونص كيلو كمان فى الأسبوع الثالث .

يظهر ان الرجيم ناجح

[Farah]

فرح ... رحتى فين ....

افندم ...تسجيل حضور :huh:

اقر واعترف اني الاسبوع ده كنت ملتزمه جدا بالرجيم غير بقية الايام مازلت في المشي في مشوار الرجيم

اصل بصراحه انا واخده الموضوع بسهوله عشان مزهقش

الاسبوع ده نزلت حوالي 2.2 كيلو

دخلت شربة الكرنب في الاكل (تعرفها ؟؟؟؟؟؟؟؟؟؟؟؟)

ولكني لا استطيع الاستمرار فيها هو اسبوع بالعافيه منه تنظيف للبطن ومنه تغير....يقال انها تحرق الدهون كثيرا

[Mohammad Abouzied]

http://www.egyptiantalks.org/invb/index.php?showtopic=3966

موضوع اللياقة البدنية ها تلاقي فيه كل الي انت عاوزه ثم فيه موضوع عن الرجيم كتباه سيدة موجود فيه كل انواع الرجيم ايضا

http://www.egyptiantalks.org/invb/index.ph...wtopic=4853&hl=

[Farah]

هشام

عامل ايه في الرجيم

الاسبوع ده انا جربت شاي اعشاب ومفهوش كافين اسمه CHINA SLIM TEA

بيقولوا حلو قلت اقوللك عليه

[هشام عبد الوهاب]

جربت الشاى ... قبل كده بس طعمه مش ولابد بالنسبة لى .

الرجيم تمام وماشى كويس وابتديت اتعود رغم حالات الضيق احيانا ..

فى اختراع هايل اسمه شوربة الكرنب ، بتحرق الدهون وطعمها معقول جدا .

كرنب احمر .. كرنب ابيض (غير المصرى) .. كرفس ..ملح وفلفل ...

استاذ محمد ابوزيد كنت عاوز اسألك جهاز العجلة نتايجة عامله ايه .. معلوماتى ان 15 دقيقة بتحرق 600 سعر .. ايه رأيك ..

وايه الفرق بين الجهاز الرخيص والغالى غير السرعات .

الثمن عندنا من 400:850 جنيه ..

[أسد]

مايسمى بشاي الريجيم هو في الأغلب شاي ملين .. يعمل على إبقاء الطعام في الأمعاء فترة قصيرة فيقلل من الإمتصاص .. وإستعماله لفترات طويلة غير مستحب .. لأنه يسبب متاعب في القولون ..

أما الكرنب .. فالكرنب إذا كان شوربه أو مقطع في السلطة .. سواء الكرنب الأخضر ، الأبيض أو الأحمر ... فهو ممتاز لمن يقوم بالريجيم .. على الرغم من أن مذاقه ليس جيداً .. ولكنه يساعد على تقليلالوزن بصورة جيده حيث أن الكرنب (الملفوف) غذاء صعب الهضم .. فمن يأكله يحس بالشبع بسرعة .. وبما أنه صعب الهضم .. فهو يبقى في المعدة فترة أطول مما يعزز الإحساس بالشبع ، أثناء عملية هضمه يرق الجسم المزيد من السعرات الحرارية.

أما الأجهزة الرياضية التي تستعمل في المنزل فهي أمر جيد .. وكلها تقريباً مفيدة .. ولكن يعيبها أن الشخص يكسل في المواظبة على إستخدامها والتدرب عليها .. وأنه في الغالب لا يقضي الوقت المطلوب في إستعمال تلك الأجهزة .. لأنه سرعان مايشعر بالملل من إستخدامها .. وهذه من أحد الأشياء التي يعتمد عليها مسوقوا تلك الأجهزة في إنتاج أشكال مطورة منها ..

وأنصح بأن يكون هناك إلتزام محدد في مواعيد محددة للتمارين الرياضية وفي أماكن غير المنزل .. مثل نادي صحي أو رياضي ... وأسهل وأرخص وسيلة وأكثرها فعالية .. هي المشي الرياضي .. ويمكن ممارسة المشي في أي مكان ...

تمنياتي بالتوفيق ..

[Mohammad Abouzied]

بصراحة معلومات جديدة علي شوية طبعا 600 سعر حراري يعني هايخفض وزنك تقريبا 8 جرام تقريبا عموما لها طريقة اخرى مخالفة تماما تعتمد على والوزن والسرعة والميل الذي تجري عليه والاجهزة الحديثة بها كومبيوتر بيعمل كل هذه الحسابات لوحدة بالاضافة الى سرعة البنض كمان

لكن عموما الجري على السير بصرعة معتدلة تصل الى 8 كيلوا ساعة تقريبا 20 دقيقة مرتين بيكون مناسب جدا لاي فرد يريد ان يخسس وزنه مع الارتباط بالحميه

اما عن الاسعار فهي تعتمد على النوعية والاحمال وتنقسم الاجهزة الى نوعين استعمال تجاري او شاق او استعمال منزلي وهو ما يعلن عنه في التلفزيون بشرط ان يكون اصلي وليس مقلد

الاستعمال التجاري يصل سعره على الاقل الى خمسون الف جنية على اقل تقدير ويمكن حاليا اكثر اما الاستعمال المنزلي فيبدأ من الف وخمسمائة الى خمسة الاف واقل من كدا لا اعتقد انه يكون عملي ومفيد