ايه رايكوا فى مشكلة صحبى.....الواد ده تعبنى معاه ومش عارف اعمله ايه

[hOuSsAm]

السلام عليكم ورحمة الله وبركاته

الاخوة الافاضل متشكر ليكوا جدا عالاهتمام

اظن اننا وفينا الموضوع بكل الاقتراحات وكل الاراء

واظن ان اخينا العريس دخل شاف الكلام... والاراء

وكل واحد ليه دماغ.... وعارف مصلحته كويس..... نتمنى لهم التوفيق

ولو فيه حاجة جديدة انا عرفتها هبقى اقولكوا .....بس للمصلحة العامة

[masraweya]

السلام عليكم

ممكن اقتراح -من غير ضرب-

ليه ميروحش لباباها بعيد عن البيت و يكلمه بصراحة و يفهم منه

ممكن الاعتراض بس للسن و لما يلاقيه رجل يعتمد عليه و متمسك بيهم يوافق

ربنا ييسرلهم الخير

[se_ Elsyed]

من قولت فى الاول هو ميعرفش مشاعرها نحيته ايه

ما خدتش بالي من الموضوع ده إلا دلوقت

يا نهار الفطار فيه لسه فاضل عليه 4 ساعات !!!!!!!!!

إنت بتهرج يا حسام .. أو صاحبك بيهرج عشان ما نظلمكش ( إوعى تكون إنت هذا السخص ؟ )

يعني طول الفترة دي معيش نفسه في الوهم وعمال يعد نجوم الليل .. وإحنا عمالين نقول له حارب الدنيا عشان حبيبتك ... وأشرب بيريل وجمد قلبك ... وكل ده البونيه مش واخدها بالها منه أساساً وممكن لو راح إتقدم لها تقول له : إنت مين ياض ؟

هو في كده في الدنيا ؟

يعني لو كانت بلت ريقه بكلمة حلوه - بسبوسة أو قاطيف حتى - كنا قولنا في هدف وسبب لإنه يتشجع ..

لكن اتاري البنت ولا داريه بيه وإنه حب من طراطيف واحده

يا حلاوه

خليه يفوق يا حسام ويشوف مستقبله وما يعيش في الوهم أحسن يحصل له حاجه .. والله باتكلم جد

[hOuSsAm]

طيب متضربش كدة يا سى السيد

الجديد بقى

ابوه اصلا مش موافق انه يروح تانى

شاف كلامكوا واقتنع برايكوا وراح لابوه امبارح يكلمه فى الموضوع مرضاش

واهو بيحاول معاه

يعني طول الفترة دي معيش نفسه في الوهم وعمال يعد نجوم الليل .. وإحنا عمالين نقول له حارب الدنيا عشان حبيبتك ... وأشرب بيريل وجمد قلبك ... وكل ده البونيه مش واخدها بالها منه أساساً وممكن لو راح إتقدم لها تقول له : إنت مين ياض ؟

ممكن بردوا وتبقى حركة تجنن..... يروح يكلمها تقوله انا معرفكش..... ده ممكن يموت فيها :)

إنت بتهرج يا حسام .. أو صاحبك بيهرج عشان ما نظلمكش ( إوعى تكون إنت هذا السخص ؟ )

يعم عيب انا بتاع الحركات دى........ (انت مدعو على خطوبتى قريبا فى جدة باذن الله تعالى بعد الامتحانات)بس ادعى انى انجح:)