اسفه للازعاج بس ممكن تيجوا معايا شويه

[pocy]

اخوكم مزنوق يا جماعه هههههههههههههههههه

بدون لف ودوران انا بكتب حلقات من اللى بكتبها دى فى موقع اخر وجالى رساله خاصه من واحده قرأت قصصى وطلبت منى الاتى انى اكتب قصص للاطفال وانها هى تعمل ديزين ليها ونحاول نطبعها وننشرها والموضوع من يجي كام اسبوع كده والممول للموضوع ده انا وهى يعنى انا ادفع جزء وهى جزء وبما انها فى مصر طلبت انى هى تكون الموزعه بس هتاخد نسبه من الموضوع يعنى الربح هيبقي تلت لى وتلتين ليها لو طلع يعنى ربح للموضوع بس من ساعه ما قلتلى كده وانا مش عارفه اعملى اى حاجه للاطفال نهائي مع انى كنت بحكى ولازلت بحكى لعمر قصص بالفها كل يوم عليه اه والله وعن اللى عمله النهارده وازاى انه غلط طبعا هو مش فاهم كل ما عمر يرد يقلي اومر ده اسمه ولما اقوله ماما يقلي ماما بس كده المهم انا مش عارف هل الموضوع ده مجدى فعلا وهل انا اقنع نفسي انى بعرف اللف اساسا ولالا بصراحه انا مش عارفه ومحتاجه افاده منكم وياريت بصراحه علشان انتم اخوانى ومش هتجاملونى وانا هتحمل الكلام مش تقلقوا وبشكركم مقدما على النصيحه

هل القصص اللى بكتبها تنفع تتعمل قصص ولو للاطفال ينفع اكتب برضه باسلوب عامى كده وان شاء الله هاخد بالى من اخطاء الكتابه اللى ورايا ورايا وطبعا الكل عارف انى قاعده فى البيت لا شغله ولا مشغله غير النت والكمبيوتر وقبليهم كلهم عمر وابو عمر

ايه الطريق الصحيح اللى امشي فيه وهل ممكن اعمل الموضوع ده او المشروع ده لوحدى وهل انا اساسا انفع من الاساس ولا لا

وجزاكم الله خيرا على الرد ورمضان كريم

اختكم المحبه لكم فى الله

بوسي

أم عمر اللى هيكمل سنتين يوم 24/8 واياكم حد ينسي الهديه والعديه بتاعته

[se_ Elsyed]

فين طيب القصص دي يا ست بوسي عشان نقول رأينا ؟

والمكسب تيفتي تيفتي ... لإن المحاورات هي اللي أكتشفتك

اللهم صلي عالنبي

كل البنات أتجوزوا ..

قصدي كل الناس عماله تقلب عيشها .... وأنا قاعد زي خيبتها ..

شهد ربنا فتح عليها وبقت نجم من نجوم اليمن ومش ملاحقه طلبات ..

وبوسي بقت تنطلب بالأسم في الكويت والمجلات بتتهافت على اعمالها وبكره هاتركب الهامر وتبقى ولا أبله فضيلة ..

وحضرتك يا سين سين مقضيها سياسة وبتعرض حياتك للخطر من أجل حفنه ملاليم ....

ما تقوم أعمل لك برنامج إن شالله عن الطبخ حتى وأهي كلها طواجن وقب على وش الدنيا واركب الموجه ..

بلد شهادات صحيح

[doha]

اقبلي بلا تردد ..

بس اكتبي قصة واحده او اثنين بالكتير وارسليهم لها وشوفي لما ينطبعوا هيطلعوا شكلهم ايه ..

منصحكيش تعملي الموضوع لوحدك جربي الاول في قصة او اثنين زي ماقلت لك ولما تعرفي الطريقة مفيش مانع انك تشتغلي لوحدك خاصة والرسومات عليها عامل مهم جدا ولو البنت الي عرضت عليكي موهوبة في الرسم فده شيء هيضيف لك بكل تاكيد ..

متحطيش في بالك مكسب مادي دلوقت ابدا لانه امر قد يكون مستبعد لكن لو حصل فخير وبركه ..

وطبعا استخيري وربنا هيقدر لك الي فيه الخير ..

[Howayda Ismail]

الفكرة كويسة جدا بس خلى بالك ان معظم قصص الاطفال بتعتمد على شئ من الخيال وصنع الشخصيات الخيالية

امثال بات مان وسبيدر وسوبر مان وكذلك تقمص اشكال الحيوانات زى تيمون وبمبة فى mbc3 وحكايات

كليلة ودمنة بالاضافة لعامل الالوان والصور ده بيبقى مصدر جذب اساسى قبل مضمون القصة

وربنا يوفقك ان شاء الله