طبق الكشرى المصرى يدخل موسوعة جينز

[Mohammad Abouzied]

طبق الكشرى المصرى يدخل موسوعة جينز (10-06-2004)

تستعد الوجبة الشعبية الأولى فى مصر طبق الكشرى لدخول موسوعة جينز للارقام القياسية فى احتفال عالمى يقام بمدينة شرم الشيخ يوم 19 أغسطس المقبل حيث سيقوم الطهاه بطهى أكبر وجبة كشرى فى العالم يصل إجماليها الى 5710 كيلو جرامات .

وصرح فهد باجابر رئيس مهرجان الجمال والسلام الدولى - الذى يقيم فعالياته للمرة الاولى بمصر فى التوقيت نفسه - بأنه تم اختيار مدينة شرم الشيخ تقديرا للمكانة المتميزة التى تحظى بها على المستوى العالمى باعتبارها مدينة السلام والجمال .

وأضاف رئيس المهرجان ان أكبر طبق كشرى - والذى يعد فى احتفالية على هامش المهرجان ويقام تحت رعاية محافظة جنوب سيناء - سيتم طهيه فى أكبر قدر فى العالم يتم صنعه على مساحة 40 ألف متر مربع .

يذكر أن المؤسسة المنظمة للمهرجان سبق لها أن نظمت فى مملكة البحرين مهرجانا مماثلا لطهى أكبر وجبة (كبسة) فى العالم تم تسجيلها عام 2001 فى الموسوعة العالمية نفسها .

ومن المقرر أن تعقد ادارة المهرجان مؤتمرا صحفيا يوم الاحد 20 يونيو الجارى بفندق ماريوت بالقاهرة يصاحبه حفل استقبال يحضره عدد كبير من وكالات الانباء العالمية وممثلى الصحف ومحطات التليفزيون لشرح تفاصيل المهرجان الذى يعد الاول من نوعه فى مصر

[فــيــروز]

ويا ترى بعد انهاء الاحتفال هيودوا فنطاس الكشرى ده فين؟ clp::

أرجو ان يقدموه لمن يحتاجه من الجائعين وهم كثيرون !! :lol:

[Cleo]

و يا ترى أكبر وجبة كشرى فى العالم اللى هاتطبخ فى شرم الشيخ.... هيأكلوا منها فقراء شرم الشيخ اللى مش لاقيين ياكلوا، ولا هاتروح للستيح اللى معاه يدفع تمن الإقامة و تذكرة الطيارة (و خلافه) ؟؟

[Lighthouse]

حتى لما فكروا يدخلوا موسوعة الارقام القياسية عايزين يدخلوها بطبق كشري :lol:

مااحلى الاستسهال بلا انجازات بلاخيبة :lol:

اكيد المرة الجاية ح يعملوا اكبر قرص طعمية في العالم

بس يدخلوا الموسوعة الاول ونشوف شطارتهم clp:: :lol:

[وسام]

و يا ترى أكبر وجبة كشرى فى العالم اللى هاتطبخ فى شرم الشيخ.... هيأكلوا منها فقراء شرم الشيخ اللى مش لاقيين ياكلوا، ولا هاتروح للستيح اللى معاه يدفع تمن الإقامة و تذكرة الطيارة (و خلافه) ؟؟ 

و هل هناك فقراء فى شرم الشيخ كالذين يفترشون شوارع القاهرة !!! :lol:

يلا اهى نوع من استرداد الكرامة.... معرفوش يضيفوا مصر لموسوعة الدول المستضيفة لكأس العالم + فضيحة الزيرو المتين ..... قالوا ندخلها موسوعة جينيس واهى حاجة احنا شاطرين فيها قوى....... الاكل clp::

تم تعديل 11 يونيو 2004 بواسطة وسام

[Abouhemeed]

عالم كشري صحيح ....

جاتنا ستين نيله في مخنا الهباب ... clp::

[disappointed]

أعتقد أننا لم نكن بحاجة إلى هذا الحجم الكبير لطبق الكشرى العملاق لنـُدخله إلى الموسوعة آنفة الذكر , إذ أن أى حجم أصغر من ذلك بكثير كان كفيلا بتحقيق هذا الهدف من باب أننا الشعب الوحيد تقريبا الذى يأكل هذا الكوكتيل الجهنّمى (كيف لا... وهو من بنات أفكارنا) , ثم أنه من المستحيل أن ينافسنا فى اللقب بعد تحقيقه طهاة ميلانو أو شيفات سان فرانسيسكو .

ثم ما حاجتنا من الأساس لدخول تلك الموسوعة عن طريق طبق كشرى ؟؟؟

ألم ندخلها بالفعل؟؟؟

أيها السادة.......

نحن أكثر شعب يحمل أرقاماً قياسية على مستوى العالم, فقد خرّج أبناء النيل البررة الأرقام القياسيّة التالية :

أطول طابور فى العالم (فرن عيش بالشرابيّه)

أسرع رجل فى سباق الــ20 متر(موظّف يحاول اللحاق بالأتوبيس)

أكثر انسان يأكل علب بولوبيف ماركة الهاو هاو (أكّلونا كلاب أولاد البولوبيف)

أذكى رجل فى العالم(أصبح رئيس وزراء)

أنشز مطرب فى التاريخ ( وإييييييييييه )

أكثر راقصه هزّا (منافسة ضرب نار على اللقب)

أكبر جامع للدمغات (عم مدبولى-مجمّع التحرير)

أكبر جوينت بانجو ( حماده سامسون)

صاحب أقدم ملابس لازالت تستخدم (إذا كان هناك مايرتديه)

صاحب أكثر الأحذية اهتراءاً (بعد إستبعاد حفاة المناطق العشوائية)

أقوى مصارع (من يحصل على فرخه من الجمعيّه)

أكبر مستهلك للخبز (لم يصبح أمامه غيره)

أكبر مخدوع(من ينتظر الرخاء)

أكبر مغفـّل (من يصدّق الوعود بالإصلاح و الديموقراطيّة)

أكبر طمّاع (من يريد أكل اللحمه مرّتين أسبوعيّا)

أكبر واهم (من يصدّق بيانات الوزراء)

أكثر محاور تليفزيونى استفزازا ( يعلنها ويفتخر بها)

أكبر مذيعه معمّره ( اذا كنت تعرف الحل اتّصل على رقم ..........من أى محمول واربح صابونه)

أكثر الكبارى أخطاءاً هندسيّة فى التصميم على مستوى العالم (كوبرى السيّدة عائشة)

أكثر شارع إزدحاماً على مستوى العالم(عبّاس العقّاد فى ليلة صيف)

أكثر عدد مطبّات فى شارع رئيسى واحد فى العالم(تتنافس أكثر من رئاسة حى على هذا اللقب)

أعلى نسبة تلوّث فى العالم(أنظر إلى القاهرة من فوق هضبة المقطّم المقطّم وهى تئن تحت الركام الكربونى)

أعلى نسبة عادم منبعث من سياره واحدة فى العالم (أتوبيس نصر –نقل عام)

الرقم القياسى فى انتهاء صلاحية مادّه غذائيّه يستهلكها آدميّون (من واقع بيانات بلد المنشأ قبل تعديل التواريخ بعد دفع المعلوم وتظبيط الهيئات الحكوميّه)

أكبر قرض بنكى يحصل عليه مفلس (ندين بالفضل فى هذا الرقم القياسى لنوّاب القروض ومديرى البنوك الهبّيشه)

أتفه فيلم وأهيف مسرحيّه و أكثر الأعمال الفنية سوقيّة على مستوى العالم (شاهد" أين تذهب هذا المساء")

أصغر رغيف خبز على مستوى العالم (جارى حاليا ضم هيئة المطاحن والمخابز لوزارة الصحّه بعد دخول الرغيف تحت تصنيف الأقراص والكبسولات)

أعلى نسبة خشب وفئران وعرس مفرومه بسيجاره واحده (كليوباترا)

أعلى نسبة دوسنتاريا أميبيّه فى كوب ماء واحد ( دون ذكر الشوائب الأخرى منعا للغثيان)

أكبر انفجار لماسورة مجارى (يتم تحديث بيانات الرقم القياسى على مدار الساعه)

أهيف عمله (راجع سعر صرف الجنيه المصرى "مع منافسه شرسه ضد الجنيه السودانى")

أغزر انتاج للكوسه (المحصول الرئيسى لحقول وزاراتنا)

أكثر مطارات العالم شبها بمواقف الكارّو (عارفينه طبعا)

أنشط هيئة سكك حديديه (فى صرف معونات الضحايا)

أنكد مسلسل تليفزيونى فى العالم(يحمل ماسبيرو أيضا عدّة ألقاب أخرى كأكثر مسلسل ممل وأكثر نسبة محسوبيّه....الخ)

أصعب اختبار قياده (اذا لم يكن معك واسطه)

أطول نعى (الموازنه العامّه ومحاضر جلسات مناقشة ميزانيّة الدوله)

أكثر رجل إلتصاقاً بكرسى ( فى ظل منافسة محمومة مع باقى العواهل و المشايخ و الرؤساء و الملوك العرب)

الرقم القياسى فى استخدام كلمه واحده فى نفس الجلسه (موافقه)

[فــيــروز]

أعتقد ان فنطاس الكشرى ده تسبب فى انتشار رائحة البصل و الثوم المستخدمين فى اعداد الوجبه حتى خارج حدود شرم الشيخ !! yaw: و حرصا من وزارة السياحه على صورة مصر اللى غطت عليها رائحة الكشرى اتفقت مع طائرتين من اللى بيرشوا مبيدات و راحوا رشوا شرم الشيخ بمعطرات الجو .. وادفع يا عبدوووو cr((: وكله عشان خاطر مصر :angry:

تم تعديل 13 يونيو 2004 بواسطة فــيــروز

[Cleo]

أعتقد ان فنطاس الكشرى ده تسبب فى انتشار رائحة البصل و الثوم المستخدمين فى اعداد الوجبه حتى خارج حدود شرم الشيخ !!  et:( و حرصا من وزارة السياحه على صورة مصر اللى غطت عليها رائحة الكشرى اتفقت مع طائرتين من اللى بيرشوا مبيدات و راحوا رشوا شرم الشيخ بمعطرات الجو .. وادفع يا عبدوووو  yaw: وكله عشان خاطر مصر  cr((:

بكرة إسرائيل تتهمنا إننا بنشن عليها حرب بيولوجية و نبص نلاقى البرادعى مشرف عندنا ....

(ولا خلاص... العملية بقت عينى عينك و مش مستاهلة برادعى و وجع دماغ)

إ؛نا نبص نلاقى المارينز فى اسكندرية و بورسعيد و دمياط و المينى قنابل النووية نازلة ترخ على القاهرة...

و صفوت الشريف طالع على القناة الأولى "ماكو علوج بالقاهرة"

و كله عشان طبق كشرى... :angry: