جمال .... مصر

[yasser moustafa]

المشكلة مش فى جمال أو البرادعى أو غيرهم

احنا بنشوف فى امريكا حيث يذهب بوش ويأتى اوباما ولكن سياسة امريكا لم تتغير وكذلك فى اغلب دول العالم المحترمة

واحنا شوفنا تغير مصر من النقيض الى النقيض مع كل رئيس يأتى للسلطة - جمال والقومية العربية والسادات وسياسة الانفتاح وحسنى وسياسة اللا موقف

وبالتالى المشكلة الحقيقية فى طريقة اختيار الرئيس ثم فى اسلوب تنفيذ الرئيس لسلطاته - التى ليس لها حدود

يعنى لو انتخبنا افضل انسان فى مصر وبطريقة حرة ونزيهة ... فبعد ما ها يمسك المنصب ويمارس السلطات المتاحة حاليا والتى بلا حدود وتتجاوز قوة القانون فسوف يتحول مع الوقت الى ما نراه الآن

ولكن عندما يوضع قانون يحترم الفصل بين السلطات بأنواعها - تنفيذية وتشريعية وقضائية. ويحدد طريقة اختيار الرئيس وسلطاته وفترات الحكم، فانه فى هذه الحالة سوف يكون دور الرئيس والحكومة هو تنفيذ السياسة التى تتلائم مع توجهات الناخبين من الشعب وبالتالى لن تتغير بتغيير الرئيس

[se_ Elsyed]

جمال مبارك أحسن الوحشين ؟ !!!!!!!!!!!!!

هههههههههههههه

في لعيب في الأهلي بيلعب راس حربه .. هو ليبيري ... أسمه فرانسيس .... جميع من في مصر ويشجع كرة القدم أو مره شاف كره مدوره وما يعرفش دي إيه ... يكاد يبصم بالعشرة إن أي قرد ممكن يكون أحسن من هذا الفرنسيس ده

كذلك ما يحدث في مصر من دعارة سياسية صريحة .. اي بديل ولو مدير شركة بتصنع أقلام رصاص سيكون أفضل من جمال مبارك

يكفي الخراب المستعجل الذي حل على مصر بمجرد وجوده في الصورة واستخراعه لما يُسمى " لجنة السياسات " وبالتالي جمال إختار بنفسه مجموعة من الوزرا هم عبارة عن رجال اعمال وقاموا مجتمعين بتقسيم مصر وبيعها بالمزاد العلني للي يدفع أقل

إيه احنا نسينا احمد عز إبن مين ومين أخترعه

إبن جمال مبارك طبعاً والكل عارف كده

ومحمد منصور بتاع شيفرلية

والمغربي إبن خالة منصور ورجل الأعمال المعروف وصاحب العديد من الشركات

وامين أباظة بتاع الزراعة ورجل الاعمال المعروف

وزاهر جرانه بتاع السياحة ورجل السياحة وصاحب العديد من القرى السياحية بالغردقة

وحاتم الجبلي الحوت الكبير في مجال الطب والمستشفيات والمعامل

أعد لكم تاني ولا كفايه كده ؟

كل دول خارجين من عبايه جمال أبو 47 سنة .... وده كله وهو لسه على البر

وأقسم بالله لو تولى الحكم ... أنا متوقع إنه هايبيع هدومنا في المزاد .. وكل واحد لابس بيجاما او جلابية هايروح يسلمها لقصر الرئاسة لأنها ممتلكات عامه ويجب بيعها لسد عجز الموازنة

أما مين البديل ؟

مثلما قلت ....

وهل كان أحد في الوطن العربي مش مصر فقط يتوقع أن يكون هناك بديل للزعيم الملهم عبد الناصر

او السادات المؤمن

؟؟؟؟

يا سادة إحنا دولة بها 80 مليون وعيب لما نسأل سؤال عن بديل

أما من يروجون إلى أن البرادعي وغيره ليس لديهم خبرة رئاسية سياسية .. فهو شيء مسخره وملهاه من الكوميديا السوداء ....

وكأن كل رئيس لابد ان يكون معجون في الرئاسة من قبل .. أو كأنه لابد أن يكون بيعرف يعمل كل حاجه لوحده لأن عنده 400 إيد و300 رجل زي الألهة العبيطة بتاعت الهنود اللي بكذا إيد دي

[herohero]

فين برامج الناس اللي ممكن تترشح

للاسف في خواء سياسي وهو وضع غلط بالمرة ولا يعقل لكن هذا هو الحال فين البدائل عارفان ده مش مبرر لكنده اللي ع ارض الواقع

بهدوء وتروي فين برامج الاخوة الكويسين النظام بيقصص ريش اي حد

مع كامل احترامي وتقديري للبرادعي فين برنامجه

انا سمعته كذا مرة معندوش خطط لحل مشاكلنا ولا برنامج واضح غير انه اصلا ع كلامه بيقولانا اتزعم التغيير ولا ارغب ف ان اكون رئيسا

فين الناس التانيه فين الكفاءات النظام اقصاهم

فاصبح جمال مبارك هو الوان مان شوووو

طيب لو حصل والشعب تحرك وقال ماشي امسك ياجمال بس بشروط عدل لنا ف الدستور هتمسك 4 سنوات وبعدها انتخابات نزيهة وشروط الترشح تبقى منطقيه

يبقى هنستحمل خراب 4 سنين كمان ماشي بكلمة الخراب لكن هنضمن انها 4 سنوات فقط وساعتها ف خلال 4 سنوات يبدا بقى الكفاءات تعد نفسها

اتمنى ان نفكر ف الحلول القابلة للتنفيذ دون صراخ وعويل

لان مانراه امامنا لا يبشر بخير فكافه السيانريوهات المتوقعه سيئة

اما عن كلام سي السيد فالناس ده من زمان هو منصور شيفروليه ده مش من ايام السادات الراجل من زمن والمغربي كذلك وجرانه دول ناس وعائلات من زمن وماتنساش انت بتتكلم ع رجاله المعونة الامريكية ف مصر

المغربي -المنصور- شفيق جبر- غبور- حسام بدراوي

يعني لالناس ده رجاله المعونة فجمال مبارك هيعمل ايه

سيدي العزيز هؤلاء الوزراء غير مناسبين ل80 مليون ولكن مناسبين لطبقه معينه ماتعانيه مصر نتيجه سياسات غلط من زمان وجم الباشوات الحاليين كملوها

بجد نفسي نلاقي حل قابل للتنفيذ

بجد انا كنت اتمنى الاقي ناس فاهمة كده وتقولي خططها ايه

النظام موتهم ده شيئ تاني لكن ف الواقع للاسف لا يوجد

[Howayda Ismail]

يا شعبي حبيبي يا روحي يا حبيبي ياحاطك في جيبي يابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي ياللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضد تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغل لي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

[Howayda Ismail]

يا شعبي حبيبي يا روحي يا حبيبي ياحاطك في جيبي يابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي ياللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضد تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغل لي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

الخواطر دى منقولة لكن الخوف انه يكون البرنامج الانتخابى الجديد نفس النظام

[جسار]

مش عارف المعارضين اللى دمهم تقيل مش عاجبهم

الشاب العبقرى اللوذعى اللى ربنا يحفظه هو ومن أنجبه ، طيب ياريت كل الشباب زيه أتعلم من والده

أزاى البلد دى تتحكم وتمرس مع رؤساء الوزارات اللى كانوا بيجيبوله شيكولاتة معاهم وهما جايين

يقابلوا الريس الكبير ، وبعدين أنتم ناسيين تاريخه الرياضى العظيم فى الدورات الرمضانية

وأزاى هو وأخوه كانوا بيكسبوا كل سنة ربنا يحرسهم من العين ، ولما راحوا عزومة أم درمان

بتاعة طارق نور فى عزبته هناك ، قال الامن السودانى أعترض مسار الرحلة اللى مليانة فنانين

وبنات حلوين قال علشان الفيلا بتاعة بسلامته بجوار تجمعات الجمهور الجزائرى وممكن تحدث

أحتكاكات وطبعا أولاد مصر مارضيوش أبدا أن الامن السودانى يتحكم فينا ويقل من كرامتنا

هو أحنا شوية ومين ده اللى يقول لنا تروحوا ولاما تروحوش ، وبعد اللى حصل جه الاخ الصغير

على الهوا وقال بلا عرب بلا قومية عربية ، طيب أذا كان الرئيس القادم مش عارف دور العرب

بالنسبة للامن القومى المصرى وضحى بهم علشان خناقة فى ماتش كورة أمال ده حيمشى البلد

ازاى بعد كده .

[Ahmed Anwer]

الناس اللي بتقول أين البديل ؟؟؟؟

ممكن يجاوبوا علي سؤال واحد بس ،،،،

مين السبب في إن مفيش بديل ؟؟؟

أكيد النظام الفاسد اللي مش هقول ربي بدائل و كوادر

لأ مسمحشي بيها اساسا

يبقي النظام كله في الزبالة ممنوش فايدة مش يقرفنا و هوا حي و يتحكم فينا و هوا ميت

عيب عليكم الكلام اللي بتقولوه ده ،،

ده كلام النظام هوا عاوز يوصل للنقطة دي ،،، مفيش بديل فأرضوا بقه بأسوأ السيئين

و جمال مبارك أيه ده اللي ليه فكر أو ليه شخصية نطمع إنها تكون كويسة ؟؟؟

ده أبوه رحمة عنه

سيدي زمان لما كنا بنتلكمونقول ياناس فوقوا فكروا اتكلموا ف السياسة يقولك امشي جنب الحيط وادي النتيجه

انا بقول ان مفيش بدائل وده للاسف لانه نظام فاسد وفاشل لكن ايه الوضع

جمال مبارك مازلت ااكد ليس بالسوء لكنه ليس البديل المناسب لكن

حد يقولي ف ظل الفاسد والعقم وانا اسف ان اقول ان هذا النظام الفاسد اعقم البلد والنتيجه مانراه

طيب نفكر بصوت عالي ايه المتاح حاليا

الاخوان مانعرفشاي برنامج انتخابي لهم

البرادعي ماعندوش برنامج واضح

ايمن نور كذلك

طب حد يقزلي ايه السيناريو المتوفر هقولكم فوضى عارمة فاكرين المشهد بتاع فيلم خالد يوسف

للاسف هيحصل هتلاقوا الناس تدبح ف بعضوسرقة

وللاسف انتشار جرائم القتل الغريبة بتبين اننا قربنا بجد

يبقى مين اللي متاح يجي جمال مارك بس بشروط الدستور يتعدل ويجي يحكم 4 سنين بكملة القرف بتاع ابوه لكن ف خلالها الاحزاب تتحرك ويبدا لها نشاط

اما مانعيشه فهو حاله عجيبة من الغموض والتخبط

قالوا ضربوا الأعمي علي عينه !!!!

و إحنا عندنا أيه نخسره ؟؟؟

ما نجرب اي حد هوا إحنا يعني عايشين عيشة هنية و مية مية

[herohero]

اتمنى اننا نقدر نعملشيئ بجد وما يبقاش اللي الواحد بيسمعه من الكارهين لهذا الشعب حقيقي

طبعا اكيد عدت علينا المقولة اللي بيقولوا انها منسوبة لعمرو بن العاص

"شعب مصر، شعب يجمعه الطبل وتفرقه العصي ورجاله مع من غلب".

[the consultant]

والله مش عارف أقول أيه غير إن احنا مبنزهقش من الكلام اللي إحنا واثقين إن محصلته صفر.

ياعم ما هي السلبية دي هي اللي جايبانه وراه

برده عارفين إن السلبية هي اللي جايبانة وره و بعدين

السؤال مش إننا نعد نقول ياجماعة جمال الوحش الشرير حيرشح نفسه

يا جماعة البرادعي إبن حلال مصفي و عنده برنامج إنتخابي

و كمان أيمن نور زي الفل

من الاخر مالوش أدنى لازمة

في أكشن ولا مفيش هو ده اللي لازم نسأله لنفسنا والإجابة للاسف لا مفيش لان عمرك ماوقفت في مظاهرة ولا شاركت في حراك سياسي و لا حتى عارفين إحنا عايزين إيه و مين و على أساس إيه

الهم الأول حاليا هو التخلص من الحزبوطني الفاسد .....ليه عشان هو فاسد و أخفق في حكم مصر .....طيب حنتخلص منه إزاي .....مش عارف....طيب مين ييجي مكانه .....مش واثق ....طيب حتجيب غيره إزاي ......لا منا وقعت على ميثاق التغيير عبر الاثير .......!!!!!

من وجهة نظري الخاصة و اللي أثبتت صحتها في ظل العشر سنوات الماضية (إن الكلام مالوش لازمة لا بيحل ولا بيربط) و إالا ما كانتش الحكومة سابتنا نتكلم

الموضوع كله مدروس

بس أنا نفسي في حد يطلع يقولي من الناس اللي علقت ، أنا برشح فلان و حسعى إنه يفوز بالإنتخابات عن طريق كذا .

يا أساتذة الانتخابات على الابواب و مسمعناش حاجة عن تعديل الدستور اللي هو بنسميه في القانون "Preliminary requisite" يعني بدونه ولا تغيير و لا يحزنون

البلد حاليا في حالة بسميها " فرهدة سياسية" و من الأخر مالهاش حل و حلها الوحيد عواقبة وخيمة و كلكو عارفينه

أما جمال رشح جمال حط بوسترات جمال إستغل الظروف فكل ده بسببنا إحنا مش بسبب جمال

[se_ Elsyed]

اتمنى اننا نقدر نعملشيئ بجد وما يبقاش اللي الواحد بيسمعه من الكارهين لهذا الشعب حقيقي

طبعا اكيد عدت علينا المقولة اللي بيقولوا انها منسوبة لعمرو بن العاص

"شعب مصر، شعب يجمعه الطبل وتفرقه العصي ورجاله مع من غلب".

إسمح لي أعترض وبشدة ...

فلا سيدنا عمرو بن العاص قال ذلك ..

ولا نحن خانعون وتافهون لهذه الدرجة ...

ومجرد ترديد تلك العبارة الكاذبة التي من الممكن ان تكون منسوبة إلى الإسرائيليات .. هذا في حد ذاته منتهى الأحباط ... وعيب

عارفين ليه عيب .. بل حرام كمان ؟

كلنا عارفين إن سيدنا عمرو بن العاص كان صحابي جليل وصحب الرسول في غزواته وحياته ... بل سمع بنفسه الرسول يقول " إذا فتح الله عليكم مصرً فأتخذوا من أهلها جنوداً فهم خير اجناد الأرض "

يقوم ما فيش كام سنة بعد وفاة الرسول ويفتح عمرو بن العاص مصر وأول ما يدخلها يروح مكذب الرسول ويقول : لا خير اجناد الأرض ولا حاجه .. دول بتجمعهم طبلة وبتفرقهم صفارة " ؟

ينفع الكلام ده دينياً يا جماعة ؟

-----------

موضوع نجرب جمال مبارك .. ده لما يكون فردة شراب أو فالنه نص كمان نجربها ولو طلعت ضيقة نغيرها من المحل تاني ..

وموضوع ضربوا الأعور على عينه ... للأسف هذا ليس مصير 80 مليون بني أدم فقط .. ولكن مصير مستقبل اجيال قادمة وإذا أرتضى هذا الجيل بأن يكون أعومر ويُضرب على عينه .. فما ذنب أبناءنا القادمون ؟ ..

--------

أما موضوع عدم وجود برنامج واضح لباقي الأسماء التي من الممكن أن تترشح ..

فأقول

حوش والنبي البرامج اللي عماله تتدلق وغرقت الشعب المصري في النعيم ..

يا سادة هذا الإنسان المحترم الذي يُدعى البرادعي يتكلم بلساننا ويتحدث عن مطلب شعبي بضرورة وجود نظام سياسي محترم لا يرتبط بأشخاص ويسمح بتداول السُلطة

وهذا كله بمثابة أساس البيت .. أو الأرضية التي سيوضع عليها البرنامج ...

عمركوا شوفتوا شركة أشترت برنامج أوراكل وحاجه محترمة ونظام متكامل ما فيهوش ثغره ... وهما أساساً ما عندهمش جهاز بنتيوم 4 حتى يركبوا عليه البرنامج ده ؟

ما أسهل إن الواحد يأجر 5 زي محمد حسنين هيكل أو سمير رجب أو موسى صبري .. من الناس يعني اللي بتكتب كلام حلو وأخليهم يحطوا برنامج ما يخرش الميه وأعرضه على الشعب ..

ما أحنا شبعنا برامج ... حد فيكوا يوعى على الخطط الخمسية بتاعت مبارك ؟

اللي جابتنا الأرض وثبتتنا لمدة 20 سنة

ولما ما لقاش في فايدة ... قال لك خلص في المتخلص وهات من الأخر وأنجز يا وديع وبيع البلد عشان نسد الرقع والخروم اللي ملتها ... وعيشني النهاردة وموتنا بكره يا عم

[se_ Elsyed]

من وجهة نظري الخاصة و اللي أثبتت صحتها في ظل العشر سنوات الماضية (إن الكلام مالوش لازمة لا بيحل ولا بيربط) و إالا ما كانتش الحكومة سابتنا نتكلم

لأ لأ مش صحيح

الكلام بيجيب فايدة .. وفايدة كبيرة كمان

لأن في البدء كانت الكلمة

وأسمح لي يا أخي العزيز ...

كيف أنزل في مظاهرة أو اطالب الناس بالتظاهر ضد نظا فاسد وانا أصلاً ما باتكلمش ولا أوضح لهم الحقائق ولا مقتنع باللي بأعمله ؟

يا عزيزي كونسالتنت .. يمكن ما تعرفش إن ولله الحمد وده شيء نفتخر به هنا في هذا المكان المحترم .. إننا كنا اول من وقف في وجه حملة التوريث المسعورة التي بدأت سنة 2002 ....

ولم يمضى عاماً واحداً وتأثيرنا وكلامنا وصل فوق لاعلى مستويات وكانت في ردود أفعال رسمية ضد موقعنا لأنه صاحب رسالة وصاحب كلمة .. والحمد لله لم يستطع أحد أن يكمم أفواهنا .. لأننا نتلكم عن حق ونتكلم بأدب ونتكلم في بديهيات لإنها " مش عزبة أو محل بقالة بيتورث "

ولم نكن نحن فقط .. لكن كانت هناك وسائل ومواقع أخرى

عارف أنا متأكد إن لو ما كانش ده حصل

كانت البلد زمانها في جيب جمال الصغير وكان زمانه مترستق على الكرسي ومدلدل رجلية

لأ الكلام بيجيب فايدة وفايدة كبيرة ...

لكن أهم شيء تكون مقتنع به ... واهم شيء إنك ما تحبسش الكلام في قلبك ... لكن إتكلم واكتب وأثر في اللي حواليك واعمل اللي عليك عشان هاتتسأل عن كده ...

[se_ Elsyed]

سأنقل لكم صورتان فوتغرافيتان ألتقطتهما عيني خلال الأسبوع الماضي في مصر .. وللاسف كنت أنا اللي سايق العربية ومالحقتش أصورهما

1- الصورة الأولى ... الساعة 11 ونصف ليلاً في طريق مصر الإسماعيلية وتحديداً قبل مدخل الطريق الدائري وتحديداً أكثر في معسكر الامن المركزي اللي قبل الدائري .... زحمه وطوابير قدام المعسكر وأنا مستغرب في إيه ؟

أتاري الشرطة عامله فرن بلدي وبتبيع عيش للمواطنين على سور المعسكر ....

لا تعليق !!!!!!!!!!!!

2- الصورة الثانية .. ودي خلت دموعي تنزل أنا وزوجتي تلقائياً بمجرد أن شاهدناها ... كنا نمر أمام أحدى النوادي الرياضية ... وإذ بالطريق مقفول ومتعطل ... المهم مشينا شويه شويه وقربنا على النادي فقلت لمراتي .. دي خناقة كبيرة . الشرطة مالية المكان .... وأقسم بالله والله على ما اقول شهيد .. 3 عربيات أمن مركزي متروسه جنود وظباط .... وزحام رهيب .... وتريلا واقفه بتنزل كراتين ... والعساكر بتنظم الناس وبتذقهم ناحية الحيط ..

أتاري التريلا دي تبع القوات المُسلحة .. وجايه بتبيع لحمه مجمده للناس ... والشرطة نازله بهذا الكم عشان تنظم بيع اللحمه

هل من تعليق على عصر مبارك وإبنه جمال ؟

[the consultant]

طيب ليه لحد دلوقتي مش قادرين نشيل وزير الداخلية مع إن ده مطلب شعبي و أعتقد إنه أسهل كتير من الإطاحة بالحزب الوطني بالرغم من طوووول الكلام في هذا الموضوع ، ليه الضغط بالكلام لم يوقف بناء الجدار المصري الفلسطيني و لم يوقف مد إسرائيل بالغاز مع أنى أرى إن كل ده أسهل بكتير من افشال خطة الحزب الوطني في تمرير الرئاسة لجمال ، يمكن زي ما حضرتك بتقول كان الكلام له تأثير في تأجيل تفعيل مسلسل التوريث و لكن لم يؤدي مجرد الكلام الى إزالة هذا الفكر لدى الحزب الوطني .......................

خلينا نتكلم في ضوء الواقع التاريخي اللي أثبت إن الانظمة المستبدة لا يمكن التخلص منها عن طريق إنتقال شرعي للسلطة الى حزب من الاحزاب المعارضة مع خضوع النظام المستبد و موافقته أن يلعب دور حكومة الظل .....!!!!! و بالطريق الشرعي أقصد أن يرشح من يرشح نفسه و يفوز في إنتخابات نزيهة على الحزب الحاكم الذي يتقبل الخسارة و يصدق عليها..... و تعترف دول العالم بالحكومة الجديدة .....!!!! هل نعتقد أن هذا سوف يحدث في مصر و أين حدث ذلك من قبل

[se_ Elsyed]

هل نعتقد أن هذا سوف يحدث في مصر و أين حدث ذلك من قبل

لو ما حدثش من قبل ما كانش الأتحاد السوفيتي العملاق اللي كان بيتكون من 15 دولة وكان يفوق امريكا عددا وعدة وتكنولوجيا حربية ... ما كانش أتفكك في أيام بمجرد كلمة ..

وحدث ويحدث كل يوم ..... طالما في وعي وإرادة وصبر

التغيير لا يحدث بين يوم وليلة ولا مجال لليأس فيه

[MZohairy]

الموضوع ده بيفكرني بالحلاق اللي حلقت عنده امبارح

نهايته

اهدي الأغنيه القادمه لمعبود الجماهير الرئيس جمال مبارك و هي من كلمات بيرم التونسي و الحان رياض السنباطي و غنتها كوكب الشرق أم كلثوم بمناسبة ترشيح الرئيس جمال مبارك للرئاسه

يا جمال مبارك يا مثال الوطنيه

أجمل اعيادنا القوميه

برياستك للجمهوريه

و نجاتك يوم المنشيه

ردوا ردوا عليا ردوا عليا

[محمد عبدالعزيز]

طيب لو حصل والشعب تحرك وقال ماشي امسك ياجمال بس بشروط عدل لنا ف الدستور هتمسك 4 سنوات وبعدها انتخابات نزيهة وشروط الترشح تبقى منطقيه

يبقى هنستحمل خراب 4 سنين كمان ماشي بكلمة الخراب لكن هنضمن انها 4 سنوات فقط وساعتها ف خلال 4 سنوات يبدا بقى الكفاءات تعد نفسها

يعنى انت عاوز يوم مالشعب يتحرك -وكلنا عارفين إن حركتة عزيزة قوى ومش بالساهل- يقوم يتحرك عشان يقول ماشى يا جمال امسك بس بشروط؟!!!

طيب الشعب ده مش بيتحرك ليه مع البرادعى عشان يعدل الدستور بدل مايطلب من جمال إنه يعدل الدستور, وهو أساساً مش ناوى يعدل ولا نيلة إلا إذا كان التعديل للأسوأ.

الشعب لو اتحرك يبقى احنا مش محتاجين نستحمل جمال وقرفه 4 سنين كمان.

وبعدين حكاية إن مفيش برامج للمرشحين الآخرين دى نكتة بصراحة.

هو فين المرشحين أصلاً, والكل ممنوع بحكم الدستور؟

يبقى العقل والمنطق يقول تعديل الدستور الأول وبعدين نشوف البرامج, وإلا يبقى احنا عاوزين نحط العربية قدام الحمار.

اللى قلبه على مصلحة البلد فعلاً يبقى يضغط فى اتجاه تعديل الدستور وضمان انتخابات نزيهة, يضغط إزاى بقى دى مشكلة كل واحد يفكر فيها بنفسه ويشوف يقدر يعمل إيه.

[ابو محمد بن مصطفي]

اللي لافت نظري ومخليني عمال اهرش في راسي .... الشعار جمال ... مصر

اللي متعلق قدام العمارة اللي فيها الشغل بتاعي في وسط البلد

ولازم اصطبح بيه كل يوم وانا داخل واتمسي بيه وانا خارج يعني اخوكم بيعمل اصطباحة وبيمسي التماسي كل يوم

الشعار جمال ... مصر

المقصود بالتلات نقط ايه

مثلا مثلا اكمل النقط الناقصة  زي الامتحانات ولا ايه المقصود حد يفهمني

وليه سي السيد زود نقطة من عنده انا كدة اتلخبط (الشعار فيه تلت نقط والموضوع فيه اربع نقط) وانا هتجيلي نقطة

ولسة بهروش في دماغي

[the consultant]

هل نعتقد أن هذا سوف يحدث في مصر و أين حدث ذلك من قبل

لو ما حدثش من قبل ما كانش الأتحاد السوفيتي العملاق اللي كان بيتكون من 15 دولة وكان يفوق امريكا عددا وعدة وتكنولوجيا حربية ... ما كانش أتفكك في أيام بمجرد كلمة ..

وحدث ويحدث كل يوم ..... طالما في وعي وإرادة وصبر

التغيير لا يحدث بين يوم وليلة ولا مجال لليأس فيه

يا أستاذنا العزيز لا مجال للمقارنة بين الاتحاد السوفييتي اللي مكون من 15 دولة بثقافات و لغات و اديان و مرجعيات مختلفة كان من الصعب أصلا السيطرة عليها من قبل موسكو وبين مصر اللي هي دولة و احدة و كيان واحد متجانس الى حد كبير و مبني على النظام المركزي الدي يتميز بالوحدة و صعوبة الانقسام . و لكن ما أريد أن أقوله هو أننا تحدثنا كتيرا و ضغطنا بالكلمة كثيرا و لا مجال لليأس تماما مثلما قلت قهل من فكر جديد.....!!!

[herohero]

تمام يبقى احنا وصلنال

شيئ قاسم مشترك بينا وهو تعديل الدستور

فلو مثلا جه الرادعي ع نفس الدستور ده وطلع مش هو الراجل المناسب يبقى هيفضل كابس ع نفسنا كده

يبقى خلينا نقول عاوزين مرشح يعدل لنا الدستور

يعني انا مازلت متعشم ان مبارك يطلع بجد عاوز يعمل حاجه عدلة ف دنيته قبل اخرته ويعدل الدستور لان بجد هو ده الضمان تعديل الدستور وفترة الرئاسة تكون محدده غير كده مهما كان الشخص اللي هيجي مش هينفع

مصر ليست الدولة اللتي تحكم من قبل عائلة واحده او حاكم الى ان يشاء الله

وع فكرة انا استغربت لما سمعتهم بيقولوا المقوله ده ومنسوبة لعمرو بن العاص طبعا اللي قالها وذكرها شخص عليه علامات استفهام وهو عبد الباري عطوان رئيس تحرير القدس العربي

عموما ملخص المشكلة اننا جميعا راغبين ف التغيير لكن كيف هذه هي المشكلة اليات التغيير

ودعه المشكلة انا بايد البرادعي كالية من اليات التغيير لكن لي تحفظات ع قيادته لمصر

لكن كما ذكر هو وغيره الكثير ممن يؤيدون البرادعي فهو قائد لحملة تغيير

هنفترض جدلا جمال مبارك عمل التغيير ده ايه المانع

يبقى خلينا نقول احنا مش بنايد ولا بنعارض اشخاص احنا بنعارض افكار

يبقى خلي جمال مبارك يعرض افكاره وغيره يعرض

ونختار احنا ودستورنا يتعدل 4 سنوات ونشوف صدق من كذب هذه الافكار

لان ياجماعه مصر محتاجه الفترة القادمة مجلس حكم ليس شخص واحد البلد ف خلال الفترة الماضية وهي ليست بالقليلة اتدمرت تم عمل لها تعقيم من الابداع والفكر والرقي وبقينا زي ما انتم شايفين نموذج واضح للفوضى

مصر محتاجه عشر سنين نعمل ف صمت ونركز ونحل مشاكلنا بس فين

والله العظيم نفسي حد يطلع ويقول انا وخطتي اهي هعمل 1 2 3 وحاسبوني بعدها

عارفين والله لو ينفع نستعين بواحد زي العبقري الدكتور مهاتير محمد يحكمنا شوية

وايه يعني مادام مزنوقين ف حاكم يحكمنا مادام وصلنا للمرحله ده

وننزل اعلانات ف مواقع التوظيف مطلوب حاكم لدولة 80 مليون نسمة عدد 2 بحر و1 نيل ومناخ زي الفل وحضارة 7000 سنة وشعب قابل للتطور

وقناة سويس و3 حاصلين ع جائزة نوبل وكم عميد لكلبات هندسة ف كندا

ياترى هنلاقي الحاكم المناسب اللي يحكم بلد عظيمة كده

الواحد بيحزن لما تقولي يا سي السيد الناس واقفه بتاخد لحمه بتتحدف عليها وغيره وغيره

بجد الواحد بيوصل لمرحله من الجمود الفكري وبيقول هي ايه قفلت زي الدومينو

[se_ Elsyed]

الموضوع ده بيفكرني بالحلاق اللي حلقت عنده امبارح

الأخ زهيري

لقد تجاوزت حدودك ..

وبما أني الوحيد اللي عارف حصل إيه أمبارح

فأنت كده بتغلط في الحلاق wst:: wst::