الدراسات العليا في كندا

[أحمد سيف]

هستكمل النقطة اللي كنت بدأتها والخاصة بمراسلة الدكاترة والتقديم ... لكن قبل كده حبيت أدعو كل من شارك في الموضوع لإضافة نسخة من مشاركته الناحية الثانية حتى نحافظ على ترابط الموضوع في الناحيتين ... طبعا المسألة اختيارية تماما لكنها فرصة لمزيد من الإفادة والثواب لمن يرغب

نقطة مهمة في تحديد الجامعات والمشرفين المحتملين هي العلاقات ... إذا كان مشرفك الحالي أو السابق لديه علاقات مع دكاترة في جامعات غربية سواء عن طريق الدراسة السابقة أو العمل المشترك ووافق على الاتصال بهم لتزكية طلبك فإن ذلك يعطيك دفعة إضافية ويسهل قبولك ... هذا الاتصال اللي غالبا بيكون شخصي ومباشر ويختلف عن رسائل التوصية الرسمية وله غالبا مفعول أقوى ... لذلك يفضل أن تتصل بأساتذتك من أيام البكالوريوس والماجستير (اللي علاقتك كويسه بيهم طبعا) وتطلب منهم ترشيح مشرفين محتملين لك في الدكتوراه والاتصال بهم إن أمكن.

دلوقت حضرتك عملك Shortlisting لـ 10 أو 15 دكتور في جامعات أو أقسام مختلفة ... الخطوة التالية هي مراسلتهم للاستفسار عن امكانية قبولك كطالب في فريقهم البحثي ... ولإنه زي ما بيقولوا الانطباعات الأولى تدوووووم فلازم تكون مركز جدا في الخطوة دي ... يفضل إنك تكتب رسالة رسمية ( 10-12 سطر) تتضمن التالي:

- تعريف مختصر بنفسك (الاسم - المهنة الحالية - أعلى مؤهل)

- الغرض من الرسالة

- تبدي اطلاعك على واهتمامك بالمجالات اللي الدكتور شغال فيها ... وممكن تذكر له إنك قرأت له ورقة بحثية مثلا للتدليل على أهتمامك بعمله (وتكون قرأتها فعلا !!)

- تذكر له نبذة مختصرة عن خلفيتك الأكاديمية والبحثية... ممكن مثلا تذكر عنواين بعض الأوراق البحثية التي نشرتها أو عنوان رسالة الماجستير

- أيضا نبذة عن اهتماماتك والمجال اللي حابب تشتغل فيه وعلاقته بما درسته

- تعرض عليه تزويده بأية معلومات إضافية يحتاجها

مش محتاج أقول إن الرسالة لازم تكون خالية من الأخطاء الإملائية والنحوية ومكتوبة بأسلوب منظم واحترافي وجذاب ... ومافيش مانع ترفق معاها CV مختصرة أو نسخة من ورقة بحثية نشرتها لإبراز قدراتك في البحث والكتابة العلمية ... هتتبعث الرسالة على ايميل الدكتور مع title مناسب وتنتظر الرد

هناك عدة احتمالات :

- ممكن الدكتور يتجاهل رسالتك تماما وده أسوأ شئ ممكن يحصل لإنك في هذه الحالة مش هتعرف هل ده بسبب إنك ما عجبتهوش ولا لإنه لم يفتح الرسالة أساسا ... لذلك إذا مرت مدة كبيرة (شهر مثلا) دون أن تتلقى منه رد ممكن تستعبط وتقوم باعث نفس الرسالة مرة ثانية لكن تجنب الإلحاح

- ممكن يرد عليك ويقولك إنه مش مستعد يقبل طلاب جدد أو إنه ماعندهوش funds كافية أو إن المجال اللي اقترحته جديد عليه ومش عايز يدخل فيه أو إنه مش مقتنع بالـ Background بتاعتك ... في الحالة دي ممكن تستبعده وتبدأ تدور على حد ثاني في القسم لو مصمم تقدم على الجامعة دي

- ممكن يقولك ماشي قدم عادي زي أي طالب والقرار هياخذه القسم بناء على المعايير والتنافس بين الطلاب ... ويبقى كده ما قفلش الباب لكن مش متحمس أوي ليك.

- وممكن يبدي اهتمامه بطلبك وغالبا هيطلب منك معلومات ومستندات ثانيه ويتناقش معاك في النقطة اللي اقترحتها وفي الحالة دي تبقى السناره غمزت ويبقى في احتمال لابأس به إنه ياخذك ... ويتبقى بعد ذلك إجراءات القبول الروتينية ومسألة الـ funding لإنه هيبقى عايز يتأكد إنك استنفذت جميع الوسائل المتاحة أمامك قبل أن يمولك من ميزانيته.

عموما لا تتوقع انبهارا بمؤهلاتك وقدراتك ووعودا بالقبول الفوري إلا إذا كنت معجزة ونزلت عليهم من السماء.

باقي نقطة مهمة وهي أنك يجب أن تقرأ جيدا سياسة كل قسم فيما يتعلق بالاتصال بالدكاترة ... هناك أقسام تشجعك على ذلك وأخرى تطلب منك صراحة عدم الاتصال المباشر بالدكاترة فيما يخص القبول ... وهناك زي ما ذكرت قبل كده أقسام عاملة آلية معينة للتقييم المبدئي فلازم تخلي بالك من الحتة دي.

الحلقة الجاية هتكون بإذن الله عن تقديم الطلبات والـ Statement of Objectives

أراكم على خير

[Guest agaser]

جزاكم الله كل خير يا شباب bv:- على طرح الموضوع المهم جدا ده

وده لان اكيد الدراسه هيه هدف رئيسي من اهداف الهجره لكندا

على المستوى الشخصي انا مهتم بالماجستير , وكان عندي سؤال مهم لاصحاب الخبره

هل ينفع اني اشنغل فى كندا وفى نفس الوقت اكون بحضر دراسات عليا وماجستير ؟؟

وهل ممكن احصل على منح دراسيه وانا اعمل بدوام كامل ؟

[أحمد سيف]

جزاكم الله كل خير يا شباب bv:- على طرح الموضوع المهم جدا ده

وده لان اكيد الدراسه هيه هدف رئيسي من اهداف الهجره لكندا

على المستوى الشخصي انا مهتم بالماجستير , وكان عندي سؤال مهم لاصحاب الخبره

هل ينفع اني اشنغل فى كندا وفى نفس الوقت اكون بحضر دراسات عليا وماجستير ؟؟

وهل ممكن احصل على منح دراسيه وانا اعمل بدوام كامل ؟

دراسة الماجستير نوعين ... دوام جزئي أو دوام كامل ... لو هتدرس بدوام جزئي ممكن تشتغل بس مش من حقك تقدم على منح دراسية أو تشتغل في الجامعة ... لو هتدرس بدوام كامل هيكون من حقك تستفيد من المنح ومن العمل في الجامعة لكن مش هتعرف تشتغل

[salamatarek]

فى اخر حلقات التمهيد (وممكن اخرج بره حدود كندا المرة دى)

المرة دى انا عايز الفت النظر لوجود بعض المنح ( فى كندا وخارجها) وليس عن طريق مراسلة الجامعات فقط ولكن عن طريق مؤسسات معروفة والامثلة كما يلى:

1- منح الجامعات الكندية بالتعاون مع الجامعات المصرية وده عن طريق هيئة السيدا

وهى اختصار ل Canadian International Development Agency

فى الرابط التالى

http://www.mans.edu.eg/arabic/pgs/canada-minha.htm'>http://www.mans.edu.eg/arabic/pgs/canada-minha.htm

2- منح ادارة البعثات المصرية ( يجب متابعتها من وقت لاخر لانه ساعات بيبقى فيها منح فى كندا)

http://www.mohe-casm.edu.eg/Main_men...nts_Second.jsp

3- المنح الدراسية الدولية لمؤسسة فورد (فى امريكا)

http://www.mans.edu.eg/mansnews/2009/090916.htm

4- the british Chevening Scholarship Scheme (فى انجلترا)

http://www.mans.edu.eg/arabic/pgs/br...h-scholar.html'>http://www.mans.edu.eg/arabic/pgs/br...h-scholar.html

5- منح الفولبرايت (فى امريكا)

http://www.mans.edu.eg/arabic/pgs/fulbright-minha.htm'>http://www.mans.edu.eg/arabic/pgs/fulbright-minha.htm

6- برامج منح دراسية متنوعة

http://www.mans.edu.eg/arabic/pgs/

7- منح من DAAD لتبادل الزيارات بين الباحثين المصريين والألمان GESP:

http://cairo.daad.de/en/studyingresearchgermany/

8- دليل الجهات المانحة على مستوى العالم

http://www.mans.edu.eg/arabic/pgs/sites2.htm

9- برنامج مؤسسة القلعة ( المصرية)

http://www.citadelscholarships.org/

والمؤسسة دى بيملكها ابن الكاتب محمد حسنين هيكل) والغلرض منها تمويل تحضير الدراسات العليا للطلبة المصريين لو هما اتقبلوا فى جامعات القمة العالمية ( والكندية طبعا) ولها عدة شروط وتوقيتات محددة للتقديم

وبعد كده ان شاء الله انا كمان هبدأ فى الجد وفى كندا على وجه الخصوص.

مع تحياتى

[salamatarek]

لما نتتبع التفكير المنطقى لازم نحدد حاجات كتير منها الجامعة والتخصص والدكتور المشرف والمكان ولكن قبل كل ده لازم نعرف تيرمات الدراسة فى كندا وهى كما يلى:

1- Fall semester والتيرم ده غالبا يبتدى فى سبتمبر وينتهى فى ديسمبر, وهو التيرم الرئيسى فى كندا , وفيه بتبتدى اغلب برامج الدراسات العليا فى كندا.

2- Winter semester والتيرم ده بيبتدى فى يناير وينتهى فى ابريل او اول مايو , وهو ثانى اهم تيرم فى السنة وهناك بعض البرامج التى تبدأ فى هذا التيرم.

3- Summer semester والتيرم ده بيبتدى فى مايو وينتهى فى اغسطس, وممكن ناس كتير ما تسجلش فى السيمستر ده وفيه بتكون اغلب اجازات الدكاترة لانه الصيف طبعا.

معنى الكلام ده ان الواحد لازم يركز انه يدخل فى الفال سميستر , ولكن كل كليه لها توقيت نهائى مختلف لاستلام اوراق التقديم, يعنى فى جامعات ممكن يكون اخر تاريخ لاستلام اوراق التقديم فى نوفمبر من السنة السابقة, وفى جامعات مثلا اخر ميعاد ليها فى مارس من نفس السنة, وفى جامعات فى مايو, وفى جامعات فى يوليو, وكل ذلك لبدأ الدراسة فى سبتمبر, رغم ان الدراسة ممكن تبدأ فى اى سيمستر تانى , ولكن الكلام ده بيتحدد لما تراسل الجامعة بنفسك وتعرف طلاباتهم بالضبط.

معنى الكلام ده ان الواحد لازم يجهز كل ورقه وامتحاناته قبل كل التوقيتات دى بفترة علشان يعرف يظبط اموره وطبعا من اهم الامتحانات ما يلى:

1- التويفل, ومتوسط المطلوب فيه ممكن يكون 550 وممكن يصل الى 580 او 600 فى بعض الجامعات ويجب التاكد من هذه النقطة بالتحديد لاختلافها من جامعة لاخرى.

2- او الايلتس اكاديمك ( تاااااااااانى) ومتوسط القبول فيه 6,5 بحيث لا تقل كل درجة فى المهارات عن 5,5 وساعات 6 , وممكن اجمالى متوسط القبول يصل الى 7 فى بعض الجامعات. وعلى فكرة فى جامعات ممكن تقبل بامتحان الايلتس جينرال اللى احنا خادناه فى الهجرة ولكن يلزم التأكد من الجامعة عن هذه النقطة.

3- الGMAT بيكون مطلوب فى برامج ال MBA

4- GRE لا يتم طلبه كثيرا فى كندا على عكس امريكا , ولكن لو الواحد اخده ممكن يدعم موقفه.

وكمقارنة مبدئية لمن لا يعرف الجامعات الكندية المقارنة بين الجامعات فى جريدة ذا جلوب اند ميلail فى الرابط التالى

http://www.globecampus.ca/navigator/

وميزة الموقع ده انه بيقارن اراء الطلبة وامكانيات الجامعات, وليس الاساس هو الرانك فقط, ولكن توافر المنح وحجم برامج دعم الابحاث الماية فى الجامعات المختلفة وجودة التعليم ووجود مكتبات قوية وحاجات تانية كتير, ويمكن مقارنة ثلاثة جامعات قصاد بعض فى المرة الواحدة , وطبعا واضح من نفس الموقع حجم الجامعة من حيث انها كبيرة او متوسطة او صغيره وكمان عدد الطلبة فى . وهو بصراحة من اجمل المواقع فى الموضوع ده وممكن يحسم اختياراتكم بسهولة.

وفى اثناء تجهيز الاوراق والامتحانات, بتكون مرحلة مراسلة الدكاترة زى ما اضاف الزميل احمد سيف وهو ده موضوع الحلقة القادمة ان شاء الله.

[salamatarek]

انا عارف ان فى ناس وقعت مننا فى النص وفيه كلام مش مترابط مع بعضه, علشان كده احب الخص الموضوع فى كام نقطة وبعد كده هنكمل المشوار:

1- التعرف على الجامعات الكندية والمقارنة بينها بواسطة الرابط الذى وضعته من قبل والبدء فى البحث عن القسم العلمى المطلوب الدراسة فى اى جامعة وعلى اسماء الدكاترة اللى لهم نفس التخصص بتاعى, ومعرفة مواعيد اخر توقيتات ممكنة لاستلام اوراق التقديم فى كل جامعة.

2- وعلى التوازى يلزم معرفة الاختبارت المطلوبة من اى جامعة او تخصص مثل اختبارات اللغة وخلافه للبدء فى كورسات لها والبدء فى الدخول لهذه الامتحانات للحصول على الدرجات المطلوبة.

3- التعرف على التقدير المطلوب لكل جامعة وكل تخصص والبدء فى استبعاد الجامعات التى تطلب تقديرات اكبر من تقديرى سواء فى البكالريوس او الماجستير ( والنقطة دى هتكلم عنها بالتفصيل لاحقا)

4- حصر الجامعات اللى ممكن الواحد يقدم فيها وحصر الدكاترة اللى شغلهم قريب من مجالى , والجامعات اللى اقدر اوفى متطلباتها من التقديرات والامتحانات المختلفة.

5- البدء فى ارسال ايميلات الى الدكاترة المعنيين واحنا بنشرح باختصار مؤهلاتنا وخبراتنا ونوايانا فى الدراسة وتقديراتنا فى الكلية والدكاترة اللى اشرفوا علينا فى الماجستير مثلا , ودرجاتنا فى امتحانات اللغة, واوراقنا البحثية المنشورة.

6- انتظار رد الدكاترة حتى يوافق احدهم او بعضهم على انك تكمل دراستك العليا معاه.

7- ارسال الابليكاشن الى الجامعة مع كل المرفقات المطلوبة.

8- انتظار جواب الموفقة من الجامعة وده غالبا ببيبقى قبل شهرين او ثلاثة من بداية الفصل الدراسى لاعطاء بعض الوقت للحصول على فيزا الطلبة من السفارة الكندية اللى غالبا بتاخد شهر وساعات اقل من كده او اكتر ولكن ينصح دائما بالتقديم قبل موعد الدراسة بشهرين لتلافى حدوث اى تاخير.

9- التقديم على فيزا الطلبة فى السفارة مدعمة بجواب موافقة الجامعة وموضحة لحالة المتقدم المادية سواء فى حصوله على منحة او خلافه.

10 – الحصول على الفيزا والسفر.

طبعا احنا اتكلمنا شوية عن اول نقطتين وممكن اكمل كلام فيهم شوية وسنستعرض كل نقطة من النقاط العشرة لاكمال الدراسات العليا فى الجامعات الكندية سواء الماجستير او الدكتوراه بالتفصيل , ولكنى هبدأ اتكلم من النقطة الثالثة لان اول نقطتين اتكلمنا عنهم وفى النص ممكن ازود كلام عنهم ان شاء الله.

مع تحياتى

[amirmorkos]

موضوع أكثر من رائع,

شكراً جزيلاً للقائمين عليه.

تم تعديل 4 أغسطس 2010 بواسطة amirmorkos

[salamatarek]

النقطة الثالثة

المرة دى زى ما قلنا قبل كده هنتكلم عن نقطة مهمة جدا وهى التقديرات اللى ممكن تدخلنا للدراسات العليا فى كندا, لكن قبل كده لازم نعرف حاجة مهمة ان كل جامعة فى كندا موجود فيها ما يسمى بال

School of graduate studies

يعنى كلية للدراسات العليا وداخلها يوجد كل برامج الدراسات العليا لكل كليات الجامعة وكلية الدراسات العليا دى لها اشتراطات محددة فيما يخص التقديرات المطلوبة للدخول ودرجات محددة فى اختبارات اللغة وخلافه, ولازم كل برامج الدراسات العليا تطبق الشروط دى ولو البرامج عايزة تزود عن الشروط دى ممكن برضه ولكن لا يمكن انها تنزل عنها ابدا الا فى حالات قليلة. وطبعا نظام كلية الدراسات العليا دى لها نظام خاص بها لضمان جودة التعليم العالى بعيدا عن التعليم الجامعى العادى, طبعا دى حاجة غير برامج جودة التعليم عندنا فى مصر اللى كل

فلوسها انتوا عارفين بتروح فين طبعا J

لكننا قلنا من شوية مصطلح غريب عن التقديرات المطلوبة وهو ال GPA (Grade Point Average)

وهو نظام مختلف عن نظام التقديرات فى جامعاتنا المصرية , وعلى فكرة هو مختلف من جامعة للتانية فى كندا لكنه ممكن يتطابق فى كليات كتيرة فى كندا, وانا هاحط مثال من جامعة ريرسون لتوضيح الفرق بين هذا النظام ونظام الدرجات العادى كما يلى:

Letter Grade

Performance Designation

Grade Points

Conversion to

Letter Grade

Excellent

4.33

90-100%

4.00

85-89%

3.67

80-84%

Good

3.33

77-79%

3.00

73-76%

2.67

70-72%

Satisfactory

2.33

67-69%

2.00

63-66%

1.67

60-62%

Marginal

1.33

57-59%

1.00

53-56%

0.67

50-52%

Unsatisfactory

0

0-49%

Redeemable Failure

0

NIL

Failed for Non-Attendance

0

NIL

طبعا هتلاحظوا ان اخر درجات فى نظام كندا هو 4,33 ولكنه فى جامعات اخرى كثيرة ينتهى عند 4.00 ولذلك يلزم معرفة نظام كل جامعة للتأكد من تطابق امكانيات الطالب مع نظام الجامعة.

وبعد ما اتعرفنا على نظام الدرجات, ممكن نعرف الخلاصة وهى كما يلى:

1- هناك جامعات تعرف نظام التعليم المصرى تماما – بكل سلاطاته ببابا غنوجه

- ولذلك تشترط على الطلبة المصريين على وجه الخصوص ان يكون تقديرهم 80 % فى البكالريوس لدخول الماجستير, او الحصول على ماجستير بتقدير جيد جدا فى مواد التمهيدى , زى جامعة تورنتو وساسكاشوان وفى غيرهم كمان على ما اتذكر جامعتين او ثلاثة بتطبق نفس النظام.

2- السؤال المهم دلوقت , يعنى ما ينفعش واحد تقديره جيد فى البكالريوس يدخل على ماجستير؟

والاجابة ان فيه جامعات ممكن تقبل بجيد ولكن لازم يكون درجات الانجليزى تبعة كويسة جدا والتمويل مش مضمون قوى فى الحالة دى, واسهل انه يكون معاه جيد وماجستير علشان يدخل دكتوراه, من انه يكون معاه جيد فى البكالريوس ويدخل ماجستير, لانه علشان الواحد يضمن دخول الدراسات العليا فى كندا يفضل يبقى تقديره جيد جدا لضمان اى وسيلة تمويل زى ما هنتكلم لاحقا.

وعلى فكرة الحصول على منحة او تمويل للدكتوراه اسهل كتير من الحصول عليها للماجستير خصوصا للطلبة الدوليين اللى مش من كندا, علشان كده احنا من البداية مركزين على الدكتوراه, لانه حالات قليلة قوى اللى ممكن تتقبل ماجستير بمنحة كاملة ولازم لها تقديرات جيدة جدا وتوفيق كبير من ربنا.

3- وعموما متوسط قبول الدرجات فى كندا هو B او حوالى 70 % ما بيخدوش C خالص, والكلام ده بيختلف حسب التخصصات طبعا ولكن كلامى هو كلام عام ممكن تلاقوا كلام تانى من جامعة للتانية, لكن فيه جامعات كتير جدا بتشترط 75% ويلزم تحديد هذه الجامعات بالضبط ومقارنتها بتقديرات الطالب, وفيه جامعات بتشترط التقديرات دى فى اخر سنتين فقط من الدراسة مش فى التقدير العام, ومش معنى ان اى واحد جاب التقديرات دى انه اتقبل, ده فقط الحد الادنى لكن هناك اعتبارات اخرى كثيرة مثل توافر التمويل, وجود اماكن شاغرة للدراسة, درجات اللغة الانجليزية, موافقة الدكتور المشرف على الطالب.

4- وبكده نبقى اتعرفنا على نظام الدرجات الى هيسهل لنا استبعاد الجامعات اللى بتطلب درجات كبيرة اكبر من تقديراتنا, علشان فى الاخر نرسى على الجامعات اللى الواحد ممكن يتقبل فيها, والتصنيف ده على فكرة بيطابق الرانك بتاع الكليات اللى اتكلمنا عنه قبل كده الى حد كبير, يعنى جامعة زى تورنتو او ماجغيل او البيرتا او بريتش كولومبيا بيكون الدخول اليها صعب جدا لناس كتير ولذلك ممكن ساعتها نركز على الجامعات الاسهل فى الدخول اليها نسبيا, وليس من اجل الدخول اليها فقط ولكن من اجل الخروج منها ايضا, لان كل جامعة بتشترط ان درجات الطالب فيها لا تقل عن مستوى معين, وهو غالبا قريب جدا من مستوى التقديرات المطلوبة للدخول الى هذه الكليات, فبالتالى لو جامعة طالبة منى 80% علشان ادخلها هتطالبنى ب 80 % وانا بدرس فيها ودى ممكن تبقى صعبة على ناس كتير, علشان كده الجامعات الاسهل نوعا ما ممكن تكون دى ميزتها , وهى اننا ممكن نسلك فيها بسهولة اكبر, ولكن بدون شك الجامعات القوية لها سمعتها فى مجال العمل والاعتراف العالمى بها.

مع تحياتى

A+

A

A-

B+

B

B-

C+

C

C-

D+

D

D-

F

F-S

FNA

[Guest agaser]

جزاكم الله كل خير يا شباب bv:- على طرح الموضوع المهم جدا ده

وده لان اكيد الدراسه هيه هدف رئيسي من اهداف الهجره لكندا

على المستوى الشخصي انا مهتم بالماجستير , وكان عندي سؤال مهم لاصحاب الخبره

هل ينفع اني اشنغل فى كندا وفى نفس الوقت اكون بحضر دراسات عليا وماجستير ؟؟

وهل ممكن احصل على منح دراسيه وانا اعمل بدوام كامل ؟

دراسة الماجستير نوعين ... دوام جزئي أو دوام كامل ... لو هتدرس بدوام جزئي ممكن تشتغل بس مش من حقك تقدم على منح دراسية أو تشتغل في الجامعة ... لو هتدرس بدوام كامل هيكون من حقك تستفيد من المنح ومن العمل في الجامعة لكن مش هتعرف تشتغل

احمد باشا سيف

الف شكر على الاجابه الشافيه , جزاكم الله خيرا

[salamatarek]

النقطة الرابعة

المرة دى هنتكلم عن حصر الجامعات والبرامج اللى نقدر نقدم فيها بس الاول هكتب شوية روابط عن تجارب زملائنا فى اتحاد الدارسين المصريين فى امريكا الشمالية عن تجاربهم فى جامعاتها المختلفة كما يلى:

1- دليل الباحث قبل السفر

http://www.esana.org/Projects/Esa_Link/ESA-Link%20Canada%20Booklet.pdf

2- دليل جامعة ادمنتون فى البيرتا

http://www.esana.org/Projects/Esa_Link/Units%20Information/Canada/ESA%20Edmonton%20-%20CANADA.pdf

3- دليل جامعة ميموريال فى نيوفوندلاند

http://www.esana.org/Projects/Esa_Link/Units%20Information/Canada/ESA%20St%20johns.pdf

4- دليل جامعة جيلف فى اونتاريو

http://www.esana.org/Projects/Esa_Link/Units%20Information/Canada/ESA%20Guelph.pdf

5- دليل جامعة هاميلتون فى اونتاريو

http://www.esana.org/Projects/Esa_Link/Units%20Information/Canada/ESA%20Hamilton%20-%20CANADA.pdf

6- دليل جامعة مونتريال فى كيبك

http://www.esana.org/Projects/Esa_Link/Units%20Information/Canada/ESA_Montreal.pdf

7- دليل جامعة اوتوا فى اونتاريو

http://www.esana.org/Projects/Esa_Link/Units%20Information/Canada/ESA%20Ottawa-%20CANADA.pdf

8- دليل جامعة شيربروك فى كيبك

http://www.esana.org/Projects/Esa_Link/Units%20Information/Canada/ESA_Sherbrooke.pdf

9- دليل جامعة تورنتو فى اونتاريو

http://www.esana.org/Projects/Esa_Link/Units%20Information/Canada/ESA_Toronto.pdf

10- دليل جامعة واترلو فى اونتاريو

http://www.esana.org/Projects/Esa_Link/Units%20Information/Canada/ESA_Waterloo.pdf

11- دليل جامعة ويسترن اونتاريو

http://www.esana.org/Projects/Esa_Link/Units%20Information/Canada/ESA_Western%20Ontario_Canada.pdf

12- دليل جامعة وينيبج فى مانيتوبا

http://www.esana.org/Projects/Esa_Link/Units%20Information/Canada/ESA%20Winnipeg%20-%20CANADA.pdf

وبعد كده هنتكلم عن حصر الجامعات اللى ممكن نقدم فيها واسباب استبعادنا لاى جامعة كما يلى:

1- عدم وجود برنامج دراسى فى القسم بتاعنا يناسب تخصصاتنا.

2- وجود برنامج دراسى فعلا , ولكن الدكاترة اللى فيه شغلهم بعيد عن نقطة البحث اللى انا عايزها.

3- لغة الجامعة فى الدراسات العليا, انا شخصيا ساجد صعوبة كبيرة فى دراسة الهندسة بالفرنساوى علشان كده ممكن الواحد يستبعد جامعات كتير من كيبك للاسف.

4- التقديرات المطلوبة اعلى من تقديراتنا فى البكالريوس او الماجستير.

5- درجة اللغة الانجليزية المطلوبة عالية جدا على امكانياتنا.

6- عدم وجود وسائل دعم مادية كافية فى الجامعات( والنقطة دى هتكلم عنها بالتفصيل فيما بعد)

7- مكان الجامعة سواء كان بعيد فى اخر الدنيا او فى مدينة كبيرة والنقطة دى ساعات بتفرق مع ناس كتير.

8- قيمة الدعم المادى اللى ممكن الجامعة توفره للباحثين, يعنى الموضوع ده مش متساوى من جامعة للتانية, ولو الواحد يقدر كان يقدم فى الجامعة اللى بتعطى اعلى دعم مادى ممكن.

9- وجود دكاترة مصريين فى التخصص بتاعى فى اى جامعة ممكن يفيد جدا ويحسم الاختيار فى هذه الجامعات.

10- عدد الطلبة اللى الدكاترة بيشرفوا عليهم, لانه كل ما زاد العدد بطبيعة الامر الدكتور بيبقى عليه ضغط كبير.

واهتمامه بيقل بدون شك, فكل ما الدكتور كان عدد الطلبة عنده اقل كل ما كان افضل بالنسبة لى.

[salamatarek]

تابع النقطة الرابعة

بالنسبة لحصر الدكاترة اللى الواحد ممكن يشتغل معاهم, فى نقاط كتير ممكن تفرق, ولو اننا طبعا لو اى دكتور قال لنا موافق فى الحقيقة هنقدم ورقنا عنده على طول . ولكن ممكن اخذ هذه النقاط فى الاعتبار عند المقارنة كما يلى:

1- سن الدكتور المشرف يفضل يبقى متوسط السن, ولا هو كبير قوى ولا صغير علشان تلاقى الموضوع متوازن.

2- قدر التمويل اللى الدكتور يقدر يوفره.

3- سمعة الدكتور فى الجامعة بناء على اراء الطلبة فيه, وهتلاقوا فى مواقع الجامعات صفحات لاراء الطلبة فى الدكاترة.

4- عدد الابحاث المنشورة للدكتور و المؤتمرات اللى بيشارك فيها وروابطه فى كندا وفى العالم.

5- مدى قرب تخصص الدكتور من الموضوع اللى الواحد عايز يبحث فيه, يعنى ممكن تلاقى دكتور عمل بحث مقارب جدا للبحث اللى انت عايز تعمله, ساعتها هتلاقى الموضوع سلس اكتر.

6- يا سعده يا هناه , اللى الدكتور بتاعه يبقى مصرى, مش فى كل الحالات طبعا, ولكن فى اغلب الحالات , اغلب الدكاترة المصريين بيحبوا تكون طلبتهم مصريين, وبيساعدوهم وبيفهموا نظامهم بسهولة لانهم غالبا بيبقوا متخرجين من نفس الجامعات المصرية.

ولكن اللى بيفرق طبعا فى كل الكلام السابق هو الباحث نفسه, يعنى فى ناس بتفضل الجامعات الكبيرة القوية علشان سمعتها طبعا ووجودها فى مدن كبرى ممكن الواحد يلاقى جنبها شغل بارت تايم بسهولة ويعمل علاقات كتيرة تسهل له الحال عند الاستقرار النهائى فى كندا.

وناس تانية تفضل الجامعات المتوسطة فى الريف مثلا حيث هدوء المعيشة اللى ممكن يفضلوها الاسر بشكل خاص, وكمان علشان الدراسة تكون اسهل ويعرفوا يمشوا حالهم فيها.

وناس ممكن تفضل الجامعات الصغيرة علشان يقدروا يثبتوا نفسهم فيها بسهولة, وحتى لو كانوا عايزين يشتغلوا فيها بعد انتهاء الدكتوراه يكون الموضوع اسهل شوية من الجامعات الكبيرة اللى طلباتها بتكون اكتر فى هذا الخصوص.

وفى النهاية هتلاقى عندك لستة نهائية – مش عايز اكتب ليستة دى تانى علشان ذكرياتا معاها مش كويسة L- ممكن نسميها قائمة بالجامعات والدكاترة اللى الواحد ممكن يقدم يفكر فيها ويبعت ايميلات للدكاترة اللى فيها, وغالبا مثلا ممكن تبقى فى حدود عشرة جامعات اقل او اكثر قليلا, وعدد لا بأس منه من الدكاتره. والقائمة دى بتكون نتيجة مقارنتنا وبحثنا عن الجامعات والدكاترة, وخليط ما بين كل ما تعلمناه فى النقاط السابقة وبين امكانياتنا الدراسية.

وبعد كده ان شاء الله هنتكلم عن النقطة الخامسة باذن الله.

مع تحياتى

[salamatarek]

النقطة الخامسة

بعد ما عملنا حصر للجامعات اللى ممكن الواحد يتقبل فيها, ودورنا على الدكاترة اللى بيشتغلوا فى تخصصنا و الخطوة اللى بعد كده ان احنا نراسل الدكاترة على الايميلات تبعهم المنشورة فى صفحة كل دكتور فى مواقع الجامعات, ودلوقت فى سؤال مهم, وهو ليه احنا ما نقدمش ابليكاشنز فى الجامعات مرة واحدة ونستنى الجامعات لما ترد علينا وخلاص, وهما يبقوا يحولوا الطلبات على الدكاترة وكده, والاجابة ان كل ابليكاشن هيتقدم للكلية هيكلف فلوس طبع ممكن نحسبها مع بعض دلوقت بصورة بسيطة وهنبقى نتعمق فى الموضوع ده بعدين كما يلى:

1- تكلفة ارسال الورق بالبريد المصرى السريع (ارخص طريقة) 20 دولار

2- رسوم الابليكاشن بتختلف من جامعة للتانية وتتراوح حول ال 100 دولار وممكن توصل 120 دولار مثلا

3- تكلفة الشهادات, فى كليات كتير بتطلب نسختين من الشهادات يعنى شهادتين تخرج + شهادتين تقديرات المواد الدراسية + شهادتين للساعات الدراسية, تبع الجامعة اللى اتخرجت منها الكلام ده يتكلف 110 دولار تقريبا.

4- تكلفة ارسال شهادة الايلتس للجامعة ( لان اغلب الجامعات تطلب ان الشهادات ترسل اليهم مرة واحدة من البريتش كاونسل) 30 دولار

يبقى كله كده تقريبا 300 دولار بالتقريب علشان ابعت ورقى لجامعة واحدة فقط, طبعا الرقم ده ممكن يختلف من جامعة للتانية ومن شركة بريد الى اخرى ولكن الحسبة تقريبية.

يعنى لو هنبعت مثلا ورقنا الى 5 جامعات ونشوف هيوافقوا ولا لأ , الموضوع ده ممكن يكلفنا 1500 دولار. علشان كده مراسلة الدكاترة بتوفر فلوس برضه J

يبقى احسن حاجة نبعت للدكترة استفسارات الاول توفيرا لهذه المصاريف لان ردود الدكاترة بتتفاوت جدا فى الموضوع ده كما يلى:

1- فى دكاترة بتطنش ومش بترد على الايميلات اصلا وده اللى بيحصل مع نسبة كبيرة من الدكاترة, وده اما لانهم مش موافقين او مش عندهم تمويل, والشكر لاخونا الاهلاوى الاصيل على تأكيده لهذه النقطة, وساعتها يستحسن ما نبعتش الورق للجامعات دى لاننا عرفنا الخلاصة من عدم رد الدكتور.

2- فى دكاترة ممكن تقول لك كلام عايم ان مؤهلاتك كويسة وممكن يفكروا فى الموضوع بس هما مش محتاجين حد حاليا, بس ممكن تقدم فى الكلية وتشوف ممكن اى دكتور تانى يقبلك, وطبعا ما تبعتش الورق برضه, واسأل الدكاترة التانيين الاول.

3- فى دكاترة بتقولك ان مؤهلاتك كويسة بس عندهم طلبة كتير حاليا , او لا يوجد تمويل كافى معاهم, وفوت علينا السنة الجاية, طبعا احتفظ باسماء الدكاترة دى ولو الوقت سمحلك ابقى ابعت لهم السنة الجاية.

4- فى دكاترة ممكن تقولك معلش احنا على المعاش دلوقت ودور على دكتور تانى, كتر خيرهم طبعا.

5- فى دكاترة ممكن يردوا وكتر خيرهم برضه ويقولوا لك انهم عايزين امكانيات دراسية اعلى قليلا من امكانياتك وان الضغط عليهم كبير.

6- وفى النهاية قد يحالفك الحظ ويقولك دكتور انه قبلك وقدم ورقك فى اقرب فرصة وانا هاكلم شئون الطلبة بالنسبة لك, وهو ده الدكتور الوحيد اللى ممكن الواحد يقدم ورقه فى الجامعة تبعه وهو مطمئن نوعا ما , طبعا ليس اطمئنان كلى, لانه بعد شهر او شهرين ممكن واحد تانى يقدم ويكون تقديراته اقوى من تقديراتك ومعاه جوابات توصية من دكاترة مرموقين, وساعتها يبقى كل شئ قسمة ونصيب. لكن بعد كل هذه المحاولات مش هتلاقى كل الجامعات فاتحة دراعاتها ومستنيانا, ولكن هنلاقى جامعتين او تلاتة بالكتير اللى ممكن نقدم فيهم الورق بتاعنا. وبعد ذلك نصل الى النقطة السادسة فى انتظار الرد من الجامعات.

بس فى نقطة كانت عايزة توضيح, يعنى كل الكلام ده علشان ناخد منحة scholarship يعنى ما فيش اى طريقة تمويل تانية؟

الاجابة انه فيه طرق تمويل كتير واشهرها ما يلى:

1- الحصول على منحة كاملة scholarship من الجامعة ودى تتكفل بكل مصاريفك دون الحاجة منك الى انك تدرس وبس وشكرا مش عايزين اى حاجة تانية من سعادتك, ودى طبعا بياخدها الاعلى تقديرا .

2- الحصول على Assistantship سواء Teaching Assistantship or Research Assistantship وساعتاها الجامعة بتتكفل بمصاريفك ولكن نظير انك تعمل ك TA or RA فى الجامعة كباحث مساعد او معيد, وغالبا بتيجى باحث مساعد علشان مش اى حد ياخد معيد ويدرس للناس هناك كده بسهولة الا اذا كان هو هنا فى مصر كان معيد اساسا, وممكن مساعد الباحث بعد سنة مثلا يقلب معيد لما يكون اتعود على الجو شوية.

3-الحصول على Fellowships سواء من الجامعة او اى مؤسسة اخرى ودى شبه ال scholarship, ولكن شروطها مختلفة شوية. وممكن تتطلب بعض الاعمال الاضافية.

4- الحصول على تمويل من مؤسسة خيرية زى ما اتكلمنا عنها قبل كده او اى شركة صناعية لها اهتمام بالبحث بتاعك فى مجال عملها.

وطبعا الاسهل هى ال Assistantships لان الدكاترة بيستفيدوا من طالب الدراسات العليا تماما, وشروطها اخف شوية من باقى الطرق, واللى بيحدد شروطها وقيمتها وظروفها الدكاترة طبعا, وده سبب مهم لمراسلة الدكاترة من الاول.

طيب هنبعت نقول ايه للدكاترة بالضبط؟

فى عشرة او اثنى عشرة سطر ممكن نوضح التالى:

غالبا كل الناس بتعرف نفسها وتقول ايه هى مؤهلاتها وتقديراتها واتخرجنا من الجامعة الفلانية, واشتغلنا مع الدكاترة فلان وفلان, وعملنا بحث اسمه كذا, ونشرنا ابحاثنا فى مؤتمرات كذك وكذا, واخدنا تويفل او ايلتس ودرجاتنا كذا, وفى النهاية نسألهم عن توافر تمويل للدراسة تحت اشرافهم فى الماجستير او الدكتوراه. وممكن باختصار نوضح لهم نوايانا البحثية Research Interestsفى المرحلة القادمة. وساعات ناس تبعت ال CV بتاعها لتأكيد وجود خبرة عملية بجانب الخبرة النظرية.

يا رب وفقنا

[أحمد سيف]

ما شاء الله أستاذنا الكبير الباشمهندس سلامه غطى الموضوع بصورة شاملة وماعادش في حاجه أقدر أضيفها بعد هذا الشرح المفصل

جزاك الله خير يا باشمهندس على المعلومات القيمة والنصائح الجميلة ... أنا شخصيا استفدت منها كثييييييييييير

تحياتي من بلاد بتغمس العيش في الشوكلاته

[salamatarek]

حمد الله على سلامتك يا بشمهندس احمد, ايه الاخبار

الله يكرمك, احنا برضه عايزين مشاركاتك الجميلة حتى تعم الفائدة, لان تجاربنا بدون شك مختلفة وكلنا بنكمل بعضنا فى الاخر, مش تحكيلنا يا زعيم عن المؤامرة العلمية اللى كنت مشترك فيها

وعن البلاد اللى بتغمس العيش في الشوكلاته , وانا اوعدك اول ما نتقابل هاجيبلك شوكلاته جلاكسى وكادبورى كمان

[أحمد سيف]

في هذه المشاركة سأحاول الإجابة على بعض الأسئلة الشائعة حول تقديم طلبات الدراسات العليا بالجامعات الغربية عموما والكندية خصوصا ... بالتوازي مع الشرح المفصل الذي يقدمه الباشمهندس سلامه

لإثبات مستواي في اللغة الانجليزية ... أقدّم Toefl ولا IELTS؟

يجب بداية أن ترجع الى موقع الجامعة وبالتحديد الى موقع كلية الدراسات العليا والقسم الذي ترغب في الالتحاق به للتأكد مما إذا كان الامتحانين مقبولين (وغالبا هما كذلك) ... وإذا لم تجد المعلومة واضحة فيمكنك أن تراسل الكلية وتتأكد من ذلك ومن السكور الأدنى المقبول وممكن ايضا تسأل عن متوسط السكور للطلبة المقبولين بالفعل لكلا الامتحانين.

طيب لنفترض أن الامتحانين مقبولين ... هتلاقي تناسب بين الحد الأدنى المطلوب لكل منهما ... مثلا هتلاقي مطلوب سكور تويفل 92 أو أيلتس 6.5 مع حد أدنى لكل مهارة (22 تويفل و 6 أيلتس مثلا) ... و في بعض الكليات بيشترطوا تويفل 100 أو أيلتس 7. فغالبا لو عرفت تعدي السكور المطلوب في أحد الامتحانين فهتعدي السكور المطلوب في الثاني ... ويبقى بعد ذلك نقطة توفر المصادر وسهولة التسجيل والتفضلات الشخصية ... وفيما يلي ملخص للفروق بين الامتحانين أنقله لكم من رسالة وصلتني بهذا الخصوص:

Difference between IELTS and TOEFL Tests? IELTS: International English Language Testing System TOEFL: Test Of English as a Foreign Language

Although IELTS is a British/Australian exam and TOEFL is an American one, they're both accepted internationally. So, there are loads of colleges and institutions in the States that accept IELTS, and loads of Commonwealth ones accepting TOEFL.

IELTS accepts both Commonwealth and American spelling; TOEFL only accepts the latter. If you write with American orthography (e.g. color, sulfur, edema), you'll be comfortable with either one; if you write with Commonwealth orthography (e.g. colour, sulphur, oedema), then TOEFL will be harder as you're gonna have to 'translate' many words.

* During the listening section, IELTS randomly employs a wide range of accents (English, Welsh, Scottish, American, Australian, Irish, New Zealand), some of which are rather informal. TOEFL uses Standard American almost exclusively.

* The speaking section of TOEFL IBT consists of talking to a mic (they record what you say and then assess it in New Jersey). IELTS consists of an interview. Moreover, TOEFL asks you to talk about chiefly academic matters (e.g. speak one minute about bee reproduction or a psychological bias), while IELTS (both Academic and General) has more quotidian questions (e.g. 'tell us about what you like to give and get as birthday present'). For many people, talking to a mic's better than face-to-face, for others, it's the other way around; same for the topics: many feel 'at home' when speaking about scientific topics but get confused with a more everyday dialogue, or viceversa... so, again it's up to you.

* TOEFL is cheaper, quicker to take (about 3 hours, a little more or a little less), and results get to you in less time. Moreover, it's graded from 0 to 120, which is much more precise than from 0 to 9 (although it's got half-bands). In spite of that, many people still prefer IELTS and feel the extra money spent is worth it.

IELTS is widely used in the UK and Australia and also recognised by most American and Canadian universities, including Harvard Business School; TOEFL is used mainly by American universities, though also accepted in the UK and Australia.

تم تعديل 7 أغسطس 2010 بواسطة أحمد سيف

[أحمد سيف]

السؤال التالي ... ايه هي الـ Statement of Purpose وأزاي أكتبها؟

Statement of Purpose وأحيانا بيكون اسمها Statement of Objectives هي من أهم المرفقات مع طلب الالتحاق بمعظم برامج الدراسات العليا ... وأحيانا بتكون هي المحدد الأساسي لقبول طلبك أو رفضه ... ولها عدة فوائد:

- تسمح للمقيمين بتقييم مستواك في الكتابة من حيث الحصيلة اللغوية والتمكن النحوي والإملائي والتسلسل المنطقي للافكار وقوة الأسلوب تنظيم الجمل والفقرات.

- تعطي المقيمين فكرة عن أهدافك ودوافعك لاستكمال برنامج الدكتوراه وتسهم في إقناعهم بجديتك والتزامك.

- تبين للمقيمين اهتماماتك الأكاديمية وتساعدهم على تقييم درجة ارتباطها بمسار الأبحاث في القسمز

- تساعد المقيمين على التعرف على خلفيتك الأكاديمية والعملية وتقييم مدى جاهزيتك للانخراط في دراسة الدكتوراه.

لذلك يجب أن تخصص وقتا كافيا وتبذل جهدا كبيرا لتكون الـ SoP التي تقدمها على المستوى المطلوب ... في اعتقادي فإن كتابة رسالة (SoP) جيدة قد يستغرق أسبوع من أجل صياغة الأفكار وتنظيمها وتحريرها ومراجعتها ... وخلي بالك أنك لن تستطيع عمل اسطمبه واحدة لجميع الجامعات والبرامج بل يجب أن تعملها Customization لتتلائم مع الجهة التي سترسل لها.

هناك بعض الجامعات التي تسهل عليك المهمة بأن تطلب منك الإجابة على بعض الأسئلة وبعضها الآخر حتى يقدم لك نماذج من الرسائل لتصيغ رسالتك على نفس المنوال ... لكن الأغلبية تترك لك الحرية في كتابة رسالتك ولكنها ستقدم لك خطوطا عريضة لها ... من المهم جدا أن تدخل موقع الجامعة والقسم وتقرأ جيدا ما هو مطلوب من حيث الشكل والحجم والمضمون وتلتزم به.

عادة الـ SoP تتكون من عدة فقرات:

الفقرة الأولى: تشرح فيها لماذا تريد أن تستكمل دراسة الدكتوراه ولماذا اخترت هذا المجال وهذه الجامعة بالذات وما الذي تخطط له بعد الحصول على الدرجة.

الفقرة الثانية: توضح فيها اهتماماتك الأكاديمية والبحثية والنقطة الذي ترغب في دراستها وما ستضيفه فيها.

الفقرة الثالثة: تعرض فيها خلفيتك الأكاديمية والعملية وخبرتك في المجال الذي اخترته وما نشرته من أبحاث أو عملت به من مشاريع ذات علاقة به.

الفقرة الرابعة: تعرض فيها قدراتك في مجال التعامل مع الأجهزة المعملية وبرامج الكمبيوتر واللغات وغيرها من الـمهارات العملية وكذلك الأنشطة الاجتماعية والطلابية والتطوعية التي قمت بها خلال مراحل دراستك السابقة ونبذة عن اهتماماتك وهواياتك.

ويمكنك أن تطعّم الرسالة ببعض اللمسات الشخصية (مثل أن تقول أن سبب حبك للمجال هو والدك الذي كان يعمل به أو أنك اخترت المجال لأنه يخدم قريتك أو بلدك) ... لكن لاداعي للإغراق في التفاصيل الشخصية علشان ما تقلبش منك دراما.

هناك العديد من المواقع على الانترنت التي تحتوي نماذج من هذه الرسائل ويمكن البحث عنها (بالجوجل) والاطلاع عليها بسهولة لتساعدك على كتابة رسالتك الخاصة ... ولكني طبعا لا أنصح إطلاقا باقتباس رسالة جاهزة أو فقرات كاملة منها لأنه فضلا عن أنها قد لا تكون مناسبة لحالتك فإن اكتشاف هذا النقل قد يتسبب لك في مشكلة كبيرة.*

[أحمد سيف]

سؤالين مهمين جدا:

- أيهما يأتي أولا ... الهجرة أم الدراسة؟ يعني أهاجر الأول وبعدين من هناك أقدم على دراسة ولا آخذ قبول من جامعه ولما أروح هناك أقدم على هجرة؟

الحقيقة القرار ده يعتمد على ظروف كل واحد ... ولو أني أفضل أن تأتي الهجرة أولا لأنها هتسهل عليك حاجات كثير:

- أولا هيكون لك أولوية في القبول عن الطالب الأجنبي في حالة استيفائكم لمعايير القبول

- ثم هتفرق معاك في الماديات لإن معظم الجامعات تكون مصاريف الدراسة فيها للمقيم أقل من الطالب الأجنبي ... وأيضا ستتمكن من الاستفادة من المنح الدراسية والقروض الميسرة الممنوحة للمقيمين

- وأخيرا فإن الفترة التي ستقضيها في الدراسة ستحتسب كاملة من فترة إقامتك اللازمة للحصول على الجنسية ... بينما لودرست ثم حصلت على وضع المقيم الدائم ستحتسب لك نصف المدة بحد أقصى سنة واحدة.

المشكلة الوحيدة أنك لو عملت اللاندينج مثلا في يناير ستضطر للانتظار في كندا حتى سبتمبر لتبدأ الدراسة أو تعود الى بلدك حتى موعد بدء الدراسة مع ما يعنيه ذلك من مصاريف إضافية وضياع وقت.

لكن في بعض الأحيان بيكون الحصول على قبول في جامعة كندية هو السبيل الوحيد أو الأيسر للهجرة دون انتظار لسنوات وشروط معقدة ( مع مراعاة الاعتبارات اللي ذكرها الإخوة حول الدراسة بغرض الهجرة) ... وفي هذه الحالة فإن التقديم على الدراسة يأتي أولا.

ولو الاثنين جم مع بعض يبقى خير وبركه ... بمعنى إنك تاخذ فيزا الهجرة وبعدها مباشرة يجيلك قبول في جامعه ... فتروح هناك كمهاجر قبل بدء الدراسة بشهرين ولا حاجه وتطلع البي آر وبعدين تغير وضعك في الجامعة الى مقيم دائم وتستفيد بالمميزات دون ضياع وقت ... لكن ده سيناريو مثالي شويه لإنك صعب تظبط التوقيتات بالشكل ده ولو انه مش مستحيل.

السؤال الثاني ... والذي لا أملك له إجابة قاطعة ولذلك أطلب من أصحاب الخبرة الإجابة عليه:

- هل تكفي المنح التي تقدمها الجامعات ومؤسسات تمويل الأبحاث لمعيشة الطالب خلال مدة دراسته؟ طيب وإذا كان معاه عيله يبقى ايه الحل؟

اللي أعرفه إن كل الجامعات تضمن حد أدنى من التمويل لطالب الدراسات العليا ... يعني مثلا جامعة ووترلوو تضمن 19650 دولار على الأقل سنويا لطالب الدكتوراه ... من خلال الـ Fellowships و الـ Scholarships والـ Research Assistantships ، الطالب بيدفع منهم 7500 تقريبا كمصاريف فبيفضل معاه 12000 بمعدل ألف دولار كل شهر ... طبعا المبلغ ده ممكن يزيد لو قدر يحصل على Teaching Assistantship وممكن يتضاعف مرتين أو أكثر لو قدر يحصل على منحة من الـ NSERC مثلا

هل المبلغ ده يكفي للمعيشة ولا الواحد هيضطر يسحب من مدخراته المتواضعه علشان يقدر يعيش؟ الله أعلم أنا لسه على البر.

[samehelgilany]

متابع على الناحيتين ودى أول مشاركة ليا هنا بس دا لحساسية الموضوع

[cutey]

يعني بصراحة مجهود رائع رائع رائع فوق الوصف

جزاكم الله خيرا دكتور سيف وباشمهندس سلامة بجد هاااااااااايل ..ربنا يجعله فى ميزان حسناتكم

الموضوع وضح نقط كانت غامضة كتييييييير .. واختصرتو خطوات بحث كتير على ناس ..كلفتكم اكيد وقت طويل من البحث والتركيز .. وفوقها مجهود نقلها لينا جزاكم الله كل خير عن كل واحد هيستفيد بخبراتكم دي .. وربنا يوفقكم لما يحبه ويرضاه .. ويقضي لكم حوائجكم من الدنيا والاخرة وييسر لكم أموركم يااااااااااااااارب :wub:

اختكم كيوتي :) ماجستير فنون جميلة اسكندرية 2010 بس الماجستير بتاعي لايحة قديمة فا من غير تقدير .. هل تقدير تمهيدي ماجستير يغني عنه؟؟ ولا لأ؟؟

[أحمد سيف]

متابع على الناحيتين ودى أول مشاركة ليا هنا بس دا لحساسية الموضوع

أهلا بيك يا استاذ سامح

بس حضرتك ممكن توضح تقصد ايه بحساسية الموضوع

إذا كان قصدك المشاركة في المنتديين فمافيش أي حساسية أبدا ... على الاقل من ناحية المحاورات ... معظم الأعضاء (حتى المشرفين) هنا لديهم عضويات هناك والعكس صحيح ... وكثير من الموضوعات هتلاقيها موجوده هنا وهناك ... المثال الأوضح هو هذا الموضوع بالذات الذي يكتب في المنتديين على التوازي بواسطة نفس الأشخاص