رمضان...في مصر....طعم تاني

[لماضة مصرية جدا]

:cry: :cry: :cry: :cry:

:cry1: :cry1: :cry1: :cry1:

أستاذ مكاوي .....حضرتك لسة سايب مصر ....بتعيط على ايييييييه ....يعني دلوقتي باب كندا و المغتربين ابتدو الحقد والاسود اللي جوه ....فلو سمحت ....حرص على نفسك شوية مينفعش كده wst::

يا لهوي.... ع اللون الغامق... و الشريطة السودة اللي علقتوها ع باب المخل....قصدي التوبيك

طب ده انا كنت جايبالكم معايا

دوت

حد بيحبه

معرفشي ليه كنت فاكرة انه محمد منير بس علي قزم....(وش عيل فكيك من يومه)

بس بالامانة انا بحب المعزة رشيدة اكتر....مش عارفة ليه

اتفضلوا....

و بعدين ع جنب بقي يا عكاوي...انت يا راجل انت مش هتروح عمرة....امانة تدعيلي (يا خوفي يا عكاوي...تدعي عليا اني اتقلب ابقي رشيدة...لا ركز يا عم الحاج)

مسااااااكم.....صباااااحكم.....ذكريات تفرحنا (هارشين مش عايزين لون غامق الله يرضي عنكم)

[لماضة مصرية جدا]

السلام عليكم و رحمة الله و بركاته

الحقيقة انا اخويا...ربنا مايقطعله عادة...(ما عدا دي يا رب...وش واحدة واقفة في الشباك بتدعي)....قبل الفطار تلاقيه راصص رصة عجيبة جدا عوبارة عن ايه

عن السائل دوت

و اوعي حد يقولي...تحاليل....(وش عوكل و هو بيشرب بوج عصير)

راعوا ظروفي انا بنضطر اشرب مجاملة من قيمة 20 سنة و طالع

هو بيقولي سوبيا

و انا بحسه رغوة سكر و ميه....و مش عارفيين الحقيقة فين

يا ريت حد يكسب فيا ثواب ع الاقل السنة دي...احسن اني بشرب حاجة عرافاها

مش عارفة؟؟؟؟

طب حد هنا كان تخصص شرا قطايف...

و لازم يشتريها عصافيري....(ماما كانت تفضل توصي في...اوعي يضحك عليكي...مش عارفة ليه دايما امي فخورة بيا... :lol: )

القطايف العصافيري اللي هي دي بقي

اكتر حاجة بحبها لما بنروح للراجل اللي ف الشارع...انه بجد قدر يفكر ازاي يكسب بمشروع بسيط مش مستاهل كتير

الجميل في العصافيري دي...انها متنفعشي تتقفل بالشكل العادي بتاع القطايف....و عشان كده بنعملها قراطيس و نحشيها قشطة و فستق....بتبقي حكاية

انا ممكن ااقعد أكل فيها من المغرب للعشا

اتفضلوا معانا

ايه ده انا حاسة اني جوعت

طب فوتكم بعافية

[the consultant]

رمضاااااااان في مصر :sad: ليه كدة بس يا باشموهندسة لماضة خدي عندك بأة

1: السهر لحد الفجر

2: اللمة على السفرة و خصوصا أول يوم كنا نتجمع عند جدتي الله يرحمها حوالي 20 فرد غير الاطفال و جزء الستات كان بيتنافس بالاطباق و إحنا نضرب و طبعا السفرة لازم يكون عليها (رقاق و بامية و صواني بطاطس و طواجن لحوم و فراخ و ملوخية و حاجات ماتتكلش مع بعض و مع ذلك كله بيضرب)

3: السوبيا (الإسكندراني العظيمة) أكيد اخوكي سكندري الاصل دي اعظم مشروب في رمضان

4: و بعدين مدفع الإفطاااااااااااااااااااااار أضرب

5:كنا زمان لازم نسمع الراديو على الفطار (كان في تمثيليات جامدة جدا ) و برنامج بونا بيتي فاكرين الشغل ده

6: دور بقه على بكار الله يرحمه (طيب فاكرين برنامج بدون كلام ) بتاع حسن مصطفى :lol:

7: تراويح

8: دورات رمضانية و فرهدة لحد السحور

9: على فكرة كان عندنا تقليد هام جدا إن اول يوم لااااااااااااازم نتسحر كبدة

9: و للاسكندرانية السحور عند (جاد و سويسرا و محمداحمد bv:- :sad:

10: و اكتر وقت تحس فيه بجمال رمضان لما يخلص العيد ياااااااااااااااااااه بيعم الإكتئاب و الناس تنام بدري و تحسي والله الدنيا ضلمت

11: و على فكرة كنا بنعمل الزينة من ورق الشمعدان فاكريين كان الوان كتير و كنا بنحتفظ بيه عشان نكسب عضوية القويري (هي ايه فايدة العضوية دي) :blush2:

انتي فعلا البتي علينا الأحزان يا لماضة بس الجميل في الموضوع اني ناااااااااازل إن شاء الله في العشرة الاوااااخر :lol: :lol: :lol: :lol: :D

[Salwa]

السلام عليكم و رحمة الله و بركاته

ع فكرة انا من انبارح و انا بأنب نفسي....مش قصدي و الله اخليكوا تفتقدوا مصر...بس انا عايزة نحس روح رمضان اللي بنحسها في مصر منين ما نكون

لما فكرت في التوبيك دوت....مخبيش عليكم كنت مستهدفة..ايون و منشنة علي 3 اشخاص اتنين من االمحاورات وواحدة براها....كنت بفكر في ماما سلوي...و دامو و صاحبتي اللي هاجرت كندا الشهر اللي فات

رمضان في مجتمع عربي غير لما يكون في بلد ممكن يبقي صعب تسمع فيها الاذان.

بس عشان منبقاش قاعدين نقلب المواجع....و لا ننكش في كراكيب الذكريات....احنا نشجع بعض بقي ان احنا نعمل نفس الروح بتاعت رمضان اللي بنحس بيها في مصر....نحسها و نعملها منين ما نكون علي خريطة العالم

تعالوا نتلم مع بعضينا....تعالوا نحكي ذكرياتنا عن رمضان...اول سنة صيام....اول مرة صلاة تراويح في الجامع....رمضان اللي غيرني و لا انا اللي غيرته....خلوها مساحة خاصة بينا في المحاورات بتاعتنا كلنا....عشان ده اول رمضان الحقيقة بقضيه معاكو في المنتدي...ماشي

اللهم بلغنا رمضان ...و أعنا علي عبادتك و طاعتك علي الوجه الذي يرضيك عنا.

صباحكم لمة.....ربنا ميحرمنا منها.....و بنتحدي بيها الفواصل الزمنية و الجغرافية

كل سنة وانتم جميعا طيبين .

كل سنة وانتى طيبة ياريهاااااام يامقلبة علينا المواجع..

:rolleyes: :

شكرا جزيلا بجد يعنى ومش عارفة اقولك ايه لانك افتكرتينى يعنى ف موقف زى ده...

تصدقى انى فضلت ييجى (( حاجة وعشرين سنة )) مشوفش رمضان ف مصر ؟؟؟

ولكن من كام سنة ...قضيت يومين اتنين فقط فى رمضان ....ثم...السنة اللى قبل اللى فاتت ...قضيت حوالى اسبوعين من رمضان بين مكة والمدينة ثم قضيت عشر ايام ف مصر ...لكن؟؟

كان كل شئ تقريباااااا غريب عليا جدا جدا جداااااااااا..

حاولت اروح اصلى التراويح ف مسجد ابراهيم .واستمع للشيخ حاتم .(( استحالة طبعاااااا))..وعلشان تعرفى كانت اعداد المصلين تصل للمليون .

http://www.youtube.com/watch?v=s2LsjawqpPs&feature=related

http://www.youtube.com/watch?v=M11b38WczGE&feature=related

بس عاوزة اقولك ...ان لى اقارب ساكنين ف منطقة ( السلسلة ) والاكثرية يتجمعون للصلاة هناك ويستمعون للشيخ ويصلون التراويح ..

لكنى ؟؟

ومعذرة ...

اسمحى لى اقول الحقيقة ..

انا انفعل يسهولة ..(( ربنا خلقنى كدة .. :blush2: )) أتأثر ...وطيلة صلاتى فى خشوع (( ابكى )) ..وانسى من حولى وما حولى ..

افرح ببساطة ايضا ..ولا استطيع مداراة فرحتى بكل الاشياء الصغيرة الجميلة التى تحيط بى وكأنى (( طفلة )) اكتشف كل شئ لأول مرة ...!!!

منظر بائع الكنافة والقطايف....منظر الفوانيس ...المساجد عندنا ف اسكندرية والنساء توزع ( اكياس الحلوى والبلح والعصائر. قبل صلاة التراويح وبعد صلاة العشاء )

كل ده كأنه جديد ( عليااااا ) فعلا ..

العيد...

كان عيد الفطر السنة اللى قبل اللى فاتت .....اول عيد اقضيه ف مصر بعد اتنين و تلاتين سنة غربة ..

كنت عاملة زى اللى دخل الامتحان (( من غير مايراجع حاجة ليلة الامتحان ...خايف يكون نسى !!!))...

خفت انام بالليل....خفت....بعدين تروح عليا صلاة العيد ..

صحيت قبل الفجر ...((كنت احرص على ان اكون على وضوء طيلة يومى وليلى ...كان احساس غريببببببب جدا جدااااااا علياااااا احساس مفرح جدااا ...رضا رائع .)) .

وكأنى فجأة ..

اكتشفت ان فيه جوانب كتيرة قوى ف الصورة ...انا بس اللى شايفاها ..

اظن ايضا ..

ان فرحتى كانت (( عدوى للجميع ))..

والخلاصة ...

كنت بقول لنفسى ايامها ..

انا

سافرت من مصر من اكتر من اتنين وتلاتين سنة ...بفرحة الطفلة بكل ماهو جديد ...ولما مرت الايام ...ومفيش حاجة اتغيرت فى مجتمعى ( الجديد ) ..

عدت...لنفس المكان ....رغم مرور السنين ..

بكل الفرحة اللى مشيت بيها وكنت شايلاها جوايا ....فهمتى قصدى ؟؟

رمضان كريم ....رمضان جميل..رمضان كله رضا وتسامح وود ..

نتقابل على خير...ف يوم من الايام ...ف الحرم ان شاء الله .

[Salwa]

http://www.youtube.com/watch?v=ff1I-ASMUZs&feature=related

[عبدو صالح]

للاسف هنا فى جده انا مش حاسس ان رمضان خلاص يوم الاربع

عمار يامصر فعلا

الواحد بيحس برمضان قبليها بسنة :D