هو أنا فين؟

[fatfouta]

انا عاوزة البانر يرجع يمشى فوق ذى الاول لو سمحتم

يا جمااااااعة حد يرد علينا.....

والمشرفين فين؟؟؟ مابقوش زرق ذى الاول ليه؟؟ انا مش شايفاهم خاااالص :blink:

لو سمحتوا عاوزة البانر يمشى فوووووق....انا كده تااايهة والله

[doha]

تصدقوا بدأت اتعود .. في امل ياجماعه اننا ناخذ على الشكل المطور

فكرتوني بقصة بيحكوها في كلية الهندسة .. ان مرة عااوزين يهجروا قرية صعيديه او نوبيه مش فاكره . . يشيلوهم من مجرى السيل يحطوهم في مكان بعيد فبنوا لهم قرية حديثة بمباني نظيفة بحنفيات مية وصرف صحي .. الاهالي اعتررضت وقالوا مش هنسكن في قرى فيها حنفيات وصرف .. ليه ياجدعان ؟ قالك عشان بناتنا فرصتهم الوحيده في الزواج لما بيرحوا ( يملوا المية ) من على الحنفية العمومي فيشوفهم ابن الحلال او واحده من قرايبه !!

هم صحيح معاهم حق بس هنعمل ايه دي سنة الحياه ..

معليش ياجماعه تعالوا على نفسكم وبكرا تتعودوا على الحنفيات التوماتيك .. ويجي اليوم الي كل واحد يدخل توبيكه وفي ايده صابونه ..

ملاحظه : مفتقده اوي الرابط بتاع آخر المشاركات الي بيجيب المشاركات الجديده في كل المنتديات .. كل شويه الاقيه ويتوه مني تاني مش عارفه اشارك بسبب عدم وجوده .. ياريت حد يساعدنا في المتاهة دي ..

[aimen]

مدام ضحى

مش عاوز احبطك بس الأصدار بتاع المنتدى حديث جدا وللأسف هاك المواضيع ده مش موجود على معظم المنتديات

ممكن حضرتك تتابعى رابط شاهد المحتوى الجديد بيقوم بنفس الحكاية تقريبا

على الربط المواضيع الجديدة

عن نفسى انا رابط المنتدى عندى هو رابط المشاركات الجديدة بمعنى لما بأضغط عليه بيجيب لى المشاركات الجديدة مباشرة ولا احتاج للدخول على الواجهه الرئيسية ثم تصفح المنتدى

...

بقولكم ايه

حدش يعرف ليهة مافيش مواضيع بتظهر جديدة فى الريدر google reader من ساعه التطوير للأصدار الجديد ده

يارب على نهاية السنة نغير ابو علاء كمان ونبدأ على نظيف

تم تعديل 17 يوليو 2010 بواسطة aimen

[aimen]

حاجه غريبة جدا بتحصل

المنتدى كل شوية يفصلنى ويعملى sign out

مع ان فى الأصدار القديم كنت ببقى مسجل الدخول مثلا لشهر ومافيش مشكلة

[الغريب]

يا جماعة عاوز أقولكم نصبر شوية على الملاحظات بتاعتنا أ/عادل أظنه بيشتغل عليها بشكل كويس وده الدليل

بس أهم حاجة أننا نعرض ملاحظتنا اللي بتمثلنا مشكلة بالفعل ، وكمان نزود التفاعل مع النسخة الجديدة علشان نقدر نكشف عن أي مشكلة جديدة

تم تعديل 18 يوليو 2010 بواسطة الغريب

[مغتربة]

كمان لما اكون فى صفحه منتدى و عايزه ارجع للصفحه الرئيسيه للمنتدى او الصفحه الاولى من المنتدى الى انا فيه

ليه لازم اعمل تراجع او عن طريق اذهب من تحت ليه اتلغى ايقونه العوده للمنتدى الفرعى و العوده للمنتدى الرئيسى

[أشرف محمد]

بسم الله الرحمن الرحيم

نداء إلى الأخ الفاضل الأستاذ / عادل أبو زيد

برجاء التكرم بمحاولةإنقاذ منتدى محاورات المصريين من الإندثار و الضياع - فهذا المنتدى العظيم لا يوجد مثيل له على الإنترنت 0

[الغريب]

أنا آسف يا جماعة هسأل سؤال ميتسألش في وجهة نظر الكثيرين

أنما هو بصرااحة بيلح عليا جدا

هو ليه محاورات المصريين مش زي المطاريد في أسلوب العرض الرائع بتاعه أو زي الشبكة الوطنية الكويتية ؟

بالرغم من أن محاورات المصريين يرتاده أسره رائعة من المرتادين ويقوده كوكبة واعية من المشرفين

شكرا .. وآسف

[aimen]

لأن المنتديات هناك V Bulletin ودا له ستايلات كثير جدا ومشهور اغلب المنتديات شغالة بيه

اما المحاورات فمن نوع IP.board وهى مش مشهورة قوى للدرجة دى وكمان الدعم بتاعها محدود عربيا

سعر الIP ... يعادل 150 دولار

اما الVB فسعره 250 دولار

لكن ممكن تجيب نسخ عادية ومنزوع منها كود التبليغ ( يعنى ملطوشة ) من اى موقع على النت

تم تعديل 21 يوليو 2010 بواسطة aimen

[لولا]

انا فين ؟؟

حاسه بصدمة فعلا وغربة .. كأنى اول مره فى حياتى ادخل المنتدى دوت !!

[لماضة مصرية جدا]

انا فين ؟؟

حاسه بصدمة فعلا وغربة .. كأنى اول مره فى حياتى ادخل المنتدى دوت !!

السلام عليكم و رحمة الله و بركاته

اولا حمد لله ع السلامة... يا رب يكون غيابك خير

ثاينا بقي

احنا في الحكاية و الغربة دي....اديلنا اسبوع....بصي في الاول هتتخضي و هتمشي كده تبقي مش عارفة تروح فين و لا تيجي منين....بس بعد كده هتتعودي....و الاحلي بقي هتتكتشفي حاجات حلوة

يعني مثلا فيه تشات روووم....لو نون النسوة هنا بتبقي حلوة اوي عاملة زي الفرح الشعبي.... :lol: بنبقي زي ما نكون متجمعين بجد...و دي حاجة بتقربنا اوي من بعض

احنا كلنا متهيالي لسه بنستكشف....بس واحدة واحدة هتلاقي الامور ظبطت