البادى كارينا والصيف والسواريه وانا وهوااااااااااااااااك

[hOuSsAm]

من ساعة منزلت الاجازة وانا حاسس ان فيه سرطان او طاعون تفحش فى البلد كلها واتى عاليابس والاخضر الا قلة قليلة جدا (من رحم ربى) وده مش فى مدينة واحدة او مكان معين ............. لاء ده تفحش فى كل الاماكن وبكل الاشكال ........ ولكل الاشكال والاعمار والطبقات.

وهو ما يسمى بـــ البادى كارينا

ومرة كنت ماشى فى وسط البلد أشاهد المعروضات فى المحلات فوقعت عينى على إعلان عن (بادى كارينا ) فنظرت فوجدت الآتى :

وجدت دمية عرض على هيئة امرأة ظننتها فى أول الأمر عارية و لما دققت النظر ( بدون نية سيئة ) لم أجدها كذلك بل وجدتها ترتدى هذا الـ ( بادى كارينا )

للجهلاء أمثالى غير المطلعين على أحدث خطوط الموضة أقول لهم إن هذا النوع من اللباس النسوى هو عبارة عن فانلة ( سواء بكم أو نصف كم ) تلتصق بالجسد التصاقاً شديداً كأنهما واحد ( الجسد و الفانلة) و ألوانها مختلفة ، و منها ألوان تشبه لون الجسد تماماً حتى يظن الرائى غير المدقق أن لابسته عارية .

و هو يستخدم استخدام هام جداً و فعال بين الفتيات

فالفتاة التى تريد أن ترتدى فستان سواريه عارى الظهر و الذراعين و الرقبة و الصدر فإنها لأنها محتشمة و محترمة و متدينة و لابسة الحجاب ، فإنها تلبس تحته هذا الـ ( بادى كارينا ) و بلون الجلد فتكون قد ضربت عصفورين بحجر واحد و هو أنها ارتدت الفستان الذى تحبه ، و فى نفس الوقت لم تفرط فى حشمتها و أدبها .

يا دى الخيبة ... هى العملية ناقصة

أتذكرون يوم ظهر الاسترتش ، قلنا على الدنيا السلام

اليوم ظهر ما هو ألعن من هذا الاسترتش

هذا الـ ( بادى كارينا )

و لقد علمت و العهدة على الراوى أن هناك من الفتيات و الله تعالى أعلم يرتدون على الشيء على البنطلون و يخرجون به إلى ال بغير أن يلبسوا شيئاً فوقه ... يعنى عارية (الحمد لله انى نزلت فى اجازة الجامعات)

و لا أدرى يسمح لمثل هذه الفتاة أن تخرج بمثل هذا المنظر القبيح

القضية من وجهة نظرى ليست فى البادى كارينا تحديدا ............ ولكن القضية ان الناس فاكرة ان ده حجاب اسلامى شرعى

وراى الناس عن البنت دى انها متدينة ومحجبة ومحترمة وابوها اسد فى البيت

بقى فيه تشويه لصورة الحجاب فى المجتمع ............ اصل مش ده الحجاب اللى نعرفه عن الرسول صلى الله عليه وسلم

حاجة غريبة كمان بلاقى واحدة ست ورعة ومنتقبة واحترام ايه وادب ايه وبنتها جنبها بالبادى كارينا وسعات بيبقى ابوها ابو لحية جنبهم

انا مش بتدخل فى شئون حد ومش هحكم على حد بحاجة كل واحد حر فى الحاجة بتاعته بس اللى يهمنى محدش يضحك عليا ويقولى دى محجبة وانا مش شايف فيها ريحة الحجاب......... والله (وده فى راىى) لو كانت سابت شعرها ولبست لبس نضيف زى مكنا بنشوف ايام زمان كان اشرفلها (وكنت هقتنع بدماغها شوية لكن دلوقتى الدماغ مش جاية معايا)

السؤال دلوقتى هو اللى بتلبس البادى كارينا ده محجبة ولا متبرجة (عايز افهم بس)

وهل فيه سبب صحى او نفسى معين يخلى البنات يلبسوه يمكن انا مش فاهم وظالمهم.........يعنى بيخليهم عندهم احساس بالانتعاش او بيدى قوة فى الشخصية

[herohero]

ايه يا اخ حسام انت زيما بيقولوا فيمصر الفكر السلفي اثر عليك ولا ايه ؟؟؟؟

الحاجات ده موجوده من زمان لفتت نظرك دلوقتي شكلك عشان ده اول اجازة فعنيك متعوده على الدنيا بالابيض والاسود مش بال 256 لون

سيدي هذه الامور هكذا من زمان الحكايةانت طلعت بره وشوفت من بره الصورة فقدرت تحس ان الصورة مش ع مزاجك انما وانت جواها كانت عادي

عشان كده دايما اقول اننا مش بنعرف نقارن الا لما نشوف يعني ما ابقاش ف مصر واقول كندا وحشه

ماتذكره شيئ عادي جدا خد جولة كده لو انت مش من القاهرة ع معهد الححجاز ف ميدان الحجاز طبعا هم اجازة دلوقتي ياريت كنت تشوفهم راحين لابسين ايه

وخد رجلك كمان وروح لحد معهد شيراتون وياسلام العصرية بص ع الطريق من طريق الاتوستراد وانت طالع من مساكن شيراتون يعني هتلاقي الناس محترمة قوووووووووي

وروح الافراح ف النوادي العسكرية مثلا وغيرها وشوف اللبس يا اخ حسام الدنيا حر فخلي الناس تاخد راحتها

انت اللي شكلك اتاثرت بالفكر الوهابي .... ماهو ده اللي بيقولوه ف الاعلام

[لماضة مصرية جدا]

السلام عليكم و رحمة الله و بركاته

ثالثا...حمد لله ع السلامة علي سلامة الوصول لارض الوطن العزيز....حيث دايما تحس نفسك انك جاي من عالم تاني...بتفكرني بنفسي لما نزلت من السعودية حيث احنا متعودين نغطي وشنا و كنت بغطيه بطبقتين و اول ما نزلت مصر....مشيت بوشي.....و كنت حاسة ان الشارع كله بيتفرج عليا

ثانيا.....هو حضرتك بتتكلم ع البادي كارينا ليه و بس.....هو لبس كتير من المحجبات ممكن يبقي اصلا مش حجاب.....و الحاجة اللطيفة انك ممكن تلاقيها ماشية مع ماما مثلا او مع بابا....عااااااااااااادشي

الحاجة اللي تفرس يا مواطن و دي مزعلاني من البنات اوي مع اني منهم.....ان دايما لو فيه فرح او خطوبة او مناسبة بتاعت بنت عم خالة ابويا.....معرفشي ايه اللي بيجي في دماغ البنات انه عااااااااادشي يعني....و اهو فرح و ليلة من العمر و الكلمة اللي بتشلني "خلونا نفرح... ".....بجد بتفرسني

اولا بقي....حضرتك حاطط ليه التوبيك ده في هدي الاسلام؟؟؟..... اصل شروط الحجاب متهيالي معروفة.....و لا ايه

بس برضه احب اطمن حضرتك.....ان دلوقتي بقي فيه اكمام بتتلبس كده بدل البادي....و بتبقي زي الشميز واسعة و فضفاضة....حتي السواريه فيه حاجات حلوة اوي من غير ما الواحدة ترقع و تلصم هي بس عايزالها حتة تفكير آآآآد النملة

حمد لله ع السلامة استاذ حسام

و نورت مصر

(وش اي شيال في مطار القاهرة صالة 3)

ربنا يتولانا برحمته

[hOuSsAm]

الفاضل هيرو

انا عارف ان الحجات دى موجودة من زمان بس لما كنا بنشوف الطالبات فى الجامعة بتلاقى اللى لابسين الحجات دى نسبة بسيطة من الباقى يعنى تلاقى واحدة اوفر والباقى لبسنا العادى اللى متربين عليه

وكنت تلاقى الاوفر سايبة شعرها ولابسة لبس انيق وشيك مش بيبين مفاتنها زى مبنشوف دلوقتى

تانى حاجة اللى شوفته ده اوفر اوى لبس اوفر والوان اوفر ومكياج اوفر................... اوفر اوى

والناس بالنسبة ليها ده العادى وده الطبيعى وده حجابنا........... والموضوع مش موضوع فكر سلفى ولا غيره دى سنن الفطرة اللى البنات بتتعود عليها

عايز بس اجيب مكرفون وبصوت عالى اقولهم يا اخواتى ده مش حجاب

طيب هما ليه مغطيين شعرهم ولفينه ميت الف لفة (ايه التناقض الفظيع ده)

انت عارف زى ايه زى متلاقى واحد مربى لحية طويلة ولابس جلابية او توب وتلاقيه بيسب بالدين او مبيصليش

الفاضلة لماضة

وعليكم السلام ورحمة الله وبركاته

الله يسلمك وعقبالك عن قريب باذن الله

اللى بيحزن اكتر فعلا انك تدخلى اماكن عمل تطوعية والمفروض انهم بيشتغلوا عند ربنا ولابسين الحجات دى على اساس انها حجاب.

سايبين الاولويات وماسكين فى الفروع

مش الافراح بس وياريتها تيجى عالافراح........... الناس فى مناسبتها الاجتماعية ... جامعتها.... شغلها ...... كورسات عادى بالنسبة ليها

ده الطبيعى وده اللبس المحتشم بتاع اليومين دول

بردوا مش عايز اجى على حرية حد او اتدخل فى لبس حد

الفكرة مستاء من المناظر اللى بشوفها وده الطبيعى فى الشارع مش فى اماكن معينة زى مهيرو بيقول....

يا جماعة ده المنتشر فى ابسط الاماكن فى مصر المحروسة.......... الناس الغلابة العادية او الناس متوسطة الحال...... الناس المتدينة اللى بيقولوا عليهم

بس عن نفسى انا رافض الوضع ده تمام

الحاجة اللي تفرس يا مواطن و دي مزعلاني من البنات اوي مع اني منهم.....ان دايما لو فيه فرح او خطوبة او مناسبة بتاعت بنت عم خالة ابويا.....معرفشي ايه اللي بيجي في دماغ البنات انه عااااااااادشي يعني....و اهو فرح و ليلة من العمر و الكلمة اللي بتشلني "خلونا نفرح... ".....بجد بتفرسني

للاسف انا رحت فرح قبل كدة وماشاء الله بنات العيلة كلهم كانوا منتقبات بس للاسف كان لبسهم فى الفرح اوفر اوى اوى اوى

نسوا النقاب (لابسين سواريه متجسم اوى وبالوان اوفر اوى)

اى بنت طبيعية هتكسف تلبسه وتخرج بيه فى الشارع او عالاقل تقابل بيه ضيوفها

وبيرقصوا فى الفرح والناس واقفة وعادى وده على اساس اننا عيلة واحدة ولا ايه......... مش فاهم

اللهم لا تؤاخذنا بما فعل السفهاء منا

[herohero]

يا اخ حسام حظك انك ف فترةاجازة الكليات والا كنت هقولك اخطف رجلك لتجارة عين شمس وشد رجلك بعدها لمعهد الحجاز واختم المسيرة بمعهد شيراتون وارجع ف التروماي من ادام معهد شيراتون

وساعتها ابقى قولي ايه رايك ف اللبس حاجه ممتازة قوووووووووووووووي

وخلي الطابق مستور كبر دماغك عادي ياحبيبي زي اللي بتقلع الحجاب ف الفرح واللي بتتعرى ف الفرح عادي هناك العديد من المتناقضات ماتشغلش بالك

شكلك وحشتك الحياة بالابيض والاسود

[enjisultan]

والله عندكو حق بجد من ساعة الموضة المنيلة دى وا طلعت وانا مش لاقية بلوزة واحدة بكم توحد الله فى المحلات اللى كنت متعودة البس منها

على زكر ان الموضوع فى هدى الاسلام وانا فى مصر سمعة من البلكونة خطبة يوم الجمعة يا حراام الامام كان برضة مخنوق على الاخر من الاستايل دا فقعد يتكلم على شروط

الحجاب واللبس

وفجأة للقيتوا بيقول من الاخر يا جماعة كل اللى لبسة اخضر فى اصفر تعتبر مش محجبة (اول موضوع الكارينا دا ما نزل كان فى ماتشنج كدة يبقى البادى اصفر والبلوزة اخضر )

مشهورة اوى اليوني فورم دا المهم بصراحة عندة حق

بجد حلو ان الواحدة تكون شيك ومحجبة انا طبعا مش ضد بس اهم من دا كلة انها تكون مستورة والكارينا دا مش سوترة خالص الحقيقة ..................................حتى لو كان بس كم

هو اللى باين برضة زى قلتة

[Ahmed Anwer]

عامة الستات المصريين مضطهدين من شركات و متاجر الملابس

رغم إن النسبة العظمي من النساء في مصر محتشمين ( مش هأقول محجبين ) عشان منخشش في نقاش فرعي

لكن المحلات كل تركيزها علي ملابس عارية و أذواق غربية و أمشي قدام أي فاترينة محلات نسائي و أنتا تلاحظ كده

فالست المصرية دايما بتعمل العايب عشان تعرف تلبس حاجة مناسبة

مفيش حاجة معينة مصممة لذوقها [وسط][/وسط]

[hOuSsAm]

عامة الستات المصريين مضطهدين من شركات و متاجر الملابس

رغم إن النسبة العظمي من النساء في مصر محتشمين ( مش هأقول محجبين ) عشان منخشش في نقاش فرعي

لكن المحلات كل تركيزها علي ملابس عارية و أذواق غربية و أمشي قدام أي فاترينة محلات نسائي و أنتا تلاحظ كده

فالست المصرية دايما بتعمل العايب عشان تعرف تلبس حاجة مناسبة

مفيش حاجة معينة مصممة لذوقها [وسط][/وسط]

اللى عايز يلبس حاجة معينة بيلبسها

وبنشوف فى الشارع ناس لبسها محترم جدا وشيك كمان وفى كذا مدينة

يبقى البس المحترم موجود

ده مش مبرر عشان الواحدة تمشى فى الشارع من غير هدوم

ولو مبرر يبقى الاكرم ليها تقعد فى البيت معززة مكرمة حافظة نفسها

[Ahmed Anwer]

عامة الستات المصريين مضطهدين من شركات و متاجر الملابس

رغم إن النسبة العظمي من النساء في مصر محتشمين ( مش هأقول محجبين ) عشان منخشش في نقاش فرعي

لكن المحلات كل تركيزها علي ملابس عارية و أذواق غربية و أمشي قدام أي فاترينة محلات نسائي و أنتا تلاحظ كده

فالست المصرية دايما بتعمل العايب عشان تعرف تلبس حاجة مناسبة

مفيش حاجة معينة مصممة لذوقها [وسط][/وسط]

اللى عايز يلبس حاجة معينة بيلبسها

وبنشوف فى الشارع ناس لبسها محترم جدا وشيك كمان وفى كذا مدينة

يبقى البس المحترم موجود

ده مش مبرر عشان الواحدة تمشى فى الشارع من غير هدوم

ولو مبرر يبقى الاكرم ليها تقعد فى البيت معززة مكرمة حافظة نفسها

حضرتك مفهمتش قصدي

أنا مش بدافع عن البادي كارينا في حد ذاته

أنا بس بشرح نقطة ،،، إن الستات بيستخدموه وسيلة للتحايل علي عدم توفر موديلات محتشمة

يعني يكملوا بيه كم قصير ،،، يسدوا بيه فتحة في الأمام أو الخلف

كده يعني

[أحمد سيف]

شكلك وحشتك الحياة بالابيض والاسود

ملعوبه

[hOuSsAm]

شكلك وحشتك الحياة بالابيض والاسود

ملعوبه

مش احسن من كمية الذنوب اللى بنلمها فى اشولة دى

[hOuSsAm]

الموضوع اتنقل للموضوعات الخفيفة :lol:

انا مش معترض ............... عادى

بس هقولكوا اللى حصل

بتناقش مع واحد فى العيلة فى الموضوع ده ........... قالى يبنى عادى ماهوكل البنات فى البلد دلوقتى بتلبس كدة ولازم تتقبل الوضع.......... قولتله يعنى ترضى لبنتك تلبس كدة او ابنك يتجوز واحدة كدة ......... قالى عادى يبنى طالما الناس كلها كدة يبقى هو احنا اللى هنغير الكون (قمة السلبية واللامبالاة) :sad:

اجيبله احاديث وايات ويمين شمال وهو عادى فى التراوة

اللى حصل ان الناس بقت بيس (بيس عالاخر) ............... وغسلت ايديها من كل حاجة

ولا عزاء للمحجبات :sad:

تقبلوا تحياتى wst::

[herohero]

يا اخ حسام ماتتعبش نفسك بجد انا مستغرب هو انت مكنتش في مصر قبل كده

ياوحش الفكر الوهابي اثر عليك بقيت متطرف

اسكت ياحسامماتفكرناش ا حظك انك نازل ف اجازة الدراسة بص لو انت كده ف الدراسة كنت هقولك روح تجارة عين شمس وروح معهد الحجاز ومعهد شيراتون وانت تعرف ان البادي الكارينا ده عااااااااااااااااااااااااااااادي جدا

صدقني البنات المحترمة بتجد معاناة في اختيار اللبس المحترم

كبر دماغك وعيش زي بقية الناس صدقني اللي بتصفه بعدم المبالاة ده هو الشيئ المطلوب من كل واحد فينا ف مصرن العزيزة حبيبي السلبية ف كل شيئ

ماتشغلش بالك انسى وخليك بييييييييييييييييييييس وكوووووووووووووول wst::

[ذهبية]

سالت واحدة من البنات اللى كانت لابسة بهذا الشكل و كمان كانت مليانة جدا يعنى المنظر العام مش حلو خالص

قولت لها لية كدة انتى بتلبسى علشان شكلك يبقى حلو مش منظر غير لائق بالمرة

قالت يعنى اعمل اية

الموجود كلة يا ام كدة يا ام كدة قولت يعنى اية

قالت يا ام مجرجر و فضفاض و اللى يشوفنى يقولى يا مدام يا ام البس زى البنات بدل ما يتقال عليا انى متجوزة

وانا لسة بنت

قولت ليها طيب ما تفصلى هدوم ملائمة قالت غالين عليا ومش اى حد هيعرف يفصل وبرضة هافصل حسب الموضة

البنات حاطة فى دماغها ان اللى بيلبسوا حشمة هما بس المتجوزين

ياترى الغلط فى مين بقى ؟؟؟؟؟

فى البنات و لا المجتمع الى مفهمهم كدة و لا فى محلات الازياء اللى مش سايبة اى بديل

[hOuSsAm]

ياترى الغلط فى مين بقى ؟؟؟؟؟

فى البنات و لا المجتمع الى مفهمهم كدة و لا فى محلات الازياء اللى مش سايبة اى بديل

طبعا منكرش ان فيه غلط كبير من المجتمع

بس الغلط الاكبر من البنت

بردوا مفيش مبرر للهدوم دى

منا بشوف بردوا الهدوم المحترمة التانية

هى المقارنة بقت عالدين كدة ليه؟

ربنا يهدينا جميعا :blink:

[Dr.mmfriend]

الغلط فى اهالى البنات دول الى بيسمحولهم ينزلوا من بيتهم لابسين كده

بصراحه يعنى حتى لو مفيش دين !!!

مفيش غيره؟؟؟؟؟

حاجه بقت تنقط

طيب يا نجم مش كنت تدعم موضوع كده بكام صوره للمزز دول ؟؟

:blink: :ninja:

[engmido]

لا حول ولا قوة الا بالله

الى اين يا مصر ويا مسلمين

------------------

اتفق معك يا هيرو وفعلا الدنيا بقت عااااااااادى

اى حاجة لا فيه حشمة ولا وقار

ولكن فعلا كما قال حسام ان هذا كله ليس مبررا للتبرج او لالباس الحق بالباطل

ويجب ان نصمد