أحمد زكى بدر يوقف رخص المدارس الأجنبية

[أسد]

زكى بدر يوقف رخص المدارس الأجنبية ويجبر طلابها على اداء التحية للعلم المصري

<H6 style="COLOR: #999999">6/28/2010 12:43 am </H6> var addthis_pub="ehabh"; var addthis_brand = "Mashy.com";var addthis_localize = { share_caption: "أضف", email_caption: "أرسل هذة الصفحة عبر البريد", email: "Email", more: "المزيد" }; http://www.addthis.com/bookmark.php?v=20 ذكرت صحيفة مصرية امس الاحد ان وزير التربية والتعليم أحمد زكي بدر قرر وقف تراخيص المدارس الأجنبية في البلاد وإعادة النظر في المدارس القائمة حاليا.

ونقلت صحيفة 'الأهرام المسائي' عن بدر قوله ان الهدف من قراره هو إخضاع هذه المدارس التي يبلغ عددها المئات لإشراف وزارة التربية والتعليم.

ومن ضمن الإجراءات التي سيخضع إليها طلاب هذه المدارس ومعظمهم من الأجانب دراسة اللغة العربية والدين والتربية القومية وأداء تحية العلم والنشيد الوطني يوميا.

ونقلت الصحيفة عن بدر استياءه من كثرة عدد المدارس الأجنبية في مصر. وقال الوزير 'لا توجد دولة في العالم بها هذا الكم من المدارس والشهادات الأجنبية'.

وأشار بدر الى انه سيتم قصر هذا النوع من التعليم على نوعيتين من الطلاب الأجانب الموجودين في مصر خاصة أبناء الدبلوماسيين أو المصريين الذين كانوا يعملون في الخارج.

بداية الجنان والهبل ..

نفسي أعرف .. وهو ماله .. نعلم عيالنا في مدارس أجنبية .. ولا مدارس مصرية ..

هو ماله ..

أنا اليوم قرأت الخبر ده .لو صحيح .. مش عارف أقول إيه

يعني من حسن المدارس المصرية .. مش عاجبه إن فيه ناس بتدفع دم قلبها علشان تستثمر في أبناءهم بالتعليم ..

شئ غريب وعجيب ..

لو صدق هذا الخبر... سيكون من الأخبار السيئة جداً ..

وهذا يؤكد .. إن لاراجل لا حيطور تعليم .. ولا ناوي على حاجة ..

هم شوية حركات وهمبكة وضحك على الذقون وخلاص ..

لو صدق هذا الخبر ..

فأنا أعتذر عن حماسي له في البداية .. لأن هذا هو عبارة عن تخريف ..

[myusername]

شىء جميل انه يفرض تحية العلم.. و كل الكلام الجميل ده..

لكن مش من حقه انه يمنع المصريين انهم يدخلوا اولادهم مدارس نضيفة!!

يعنى انتا لا ترحم.. و لا تسيب الناس كمان؟؟ مش فاهم بصراحة..

و بعدين مع احترامى يعنى, ما هو ولاد الوزرا و كبارات البلد كلهم متعلمين فى المدارس دى... و حفيد حسنى مبارك الله يرحمه(يرحم حفيده مش يرحم مبارك) كان فى مدرسة الامريكان كوليدج.. اشمعزا بقى؟

[Howayda Ismail]

من حقه فعلا فرض هذه الاشتراطات بان يدرس الدين واللغة العربيه فى هذه المدارس لكن موضوع التربيه الوطنية دى فيها

كلام تانى لما يبقى فى ديقراطية يبقى يدروسها فى المدارس الحكومية والخاصة .

حقه لان معظم خريجى هذه المدارس وخاصة المصريين لايعلمون اقل المعلومات عن دينهم ومستوى لغتهم العربية

فى الحضيض. كذلك هذه المدارس تطبق قوانين بلادهم على ارض مصرية وذلك لايجوز وحدث ذلك من المدرسة الفرنسية

انها انذرت طالبة بخلع الحجاب وعندما رفضت كان مصيرها الطرد والرفت رغم كان لها اخين اخرين فى المدرسة وعندما لجأ والدها

للقضاء وحصل على حكم برجوعها للمدرسة لم يتمكن من تنفيذ الحكم ولاننسى ما تفعله الدول الاروبية بالمسلمين خاصة

المحجبات ونحن لانقصد افراد كما حدث مع مروة الشربينى ولكن نقصد تعنت الحكومات نفسها ضد المسلمين وماكان

من شيخ الازهر الراحل الا انه افتى بضرورة تطبيق المسلمين لقوانين البلاد الاجنبية المتواجدين فيهم.

خلاصة القول لا اعتراض على فرض شروط ورقابة على هذه المدارس ولكن الاعتراض وقف تراخيصها فمن حق كل

انسان ان يختار لاولاده مستوى التعليم الذى يناسبه معنويا وماديا وكل الناس هربت للتعليم الخاص المصرى او الاجنبى

لتدهور التعليم فى المدارس الحكومية التى لايوجد بها تعليم اصلا.

[doha]

الاخبار من النوع ده بحسسني ان بجد في عملية ( تطفيش منظم ) للناس المحترمه من انها تكمل عيشتها في مصر ..

يارب يطلع الموضوع غير مااحنا فاهمين ..

[بركة]

أرى ما ترينه يا ضحى وخايفه جدا

كده بقت عزبة ..

ربنا يستر .

[herohero]

بصراحه دهخطوة من زمان وخطة موضوعه عشان البلد تتقدم بيهم انامش عاو اتكلم عشان محدش يقولي بلاش تشاؤم عموما الاخوه اللي ف اجازة حاليا ف مصرهيقدروا يقولوا رايهم وهم ع ارض الواقع

البلد بيتم افراغها من الناس العدله اللي بتفهم واللي مش عاوزة ترتشي والباقي اللي مازال فيه نفس وعنده اصارا ع البقاء بيتظاهر يعني يا ناس هاجه بره البلد ياناس هاجه ف الشوارع

وبالتاليمثل هذا القرار العنتري متوقع لكن هل سيادة الوزير وفر بديل يعني انا موافق مش عاوزين مدارس اجنبية هل انت موفر ليا مدارس حكوميه محترمه ابني ما يروحش ويرجع متجبس ولا متعقد نفسيا لانك معين ناس مش مؤهلة تربويا

سيادة الوزير انا مازلت مستغرب يا دكتور يامهندس هو انت مهندس بجد يعني انت راجل عملي يؤسفني اننا نعيش حكومة المهندسين وللاسف بجد زعلتونا وكرهتونا ف الهندسة يا دكاترة الهندسة

[om marawan]

هو مبدئيا انا مستغربة يعنى ايه المدارس دى مش بتعلم عربى ولا دين !!!!!!!

ويعنى ايه تفرض على طالبة خلع الحجاب وهى فى بلدها يعنى تطبيق قانون دولة داخل دولة تانية

عموما القرار استثنا ابناء العاملين بالخارج واللى اولادهم كانوا فى مدارس اجنبية برة مصر

لكن بالنسبة للناس اللى عايشة جوه مصر فهى مش الخيار الوحيد المطروح يعنى فيه عدة مدارس على مستوى ممتاز وليست اجنبية يعنى مدارس مصرية خاصة حتى وبعضها يتبع مناهج دولية يعنى البدائل موجودة وماحدش قال لازم حكومية الى ان يتحسن حال المدارس الحكومية اللى مش هتتصلح فى يوم وليلة

رأيى ان مراجعة رخص المدارس ده موضوع مش بالسوء اللى ظاهر بيه لأنه الاصل هو خضوعها للرقابة زى مابيحصل هنا فى الكويت واللى المفروض يحصل فى اى دولة ان اى مدرسة تخضع لاشراف الوزارة خاضة بالعدد الكبير اللى موجود منهم فى مصر

[عنبو]

لو الخبر صحيح يبقى على البركه وموافق ومؤيد بشده كمان لانى اساساً ضد التعليم فى مدارس اجنبيه

لانها بتطلع عيال هويتها مختلفه تماماً وده عن تجربه

تم تعديل 29 يونيو 2010 بواسطة عنبو

[herohero]

لو الخبر صحيح يبقى على البركه وموافق ومؤيد بشده كمان لانى اساساً ضد التعليم فى مدارس اجنبيه

لانها بتطلع عيال هويتها مختلفه تماماً وده عن تجربه

هل الهوية بالتعليم

سيدي هو انت شايف ف اعلامنا هوية واضحه حضرتك شايف ان الوظائف المحترمة حكر تقريبا ع خريجين كليات اجنبية وانت تعلم جيدا ان خريجين الجامعه الامريكية لهم اولوية ف التعيين ف الاماكن الراقيه وممكن يكون فنيا اقل منك لكن مطلوب

اذا لماذا لا تكون الصورة واضحه من البداية عاوز تتعلم تعليم غير التعليم الحكومي ماشي ادفع تكاليفه ولكن يكون هذا التعليم تحت اشراف واضح من وزارة التربية منعا من وضع اي كلام قد يؤثر على الطالب ف معتقداته وافكاره

اما الهوية فلا اجد لها ظهور الان سيدي اعلامنا لوشوفته كله رقص وغنا معنى كده اننا كلنا راقصات وراقصين

للاسف الهوية الان ف مرحله تخبط وعلى كل فرد ان يصنع هويته بنفسه

راينا التي غنت ماشربتش من نيلها كانت عاوزة تخلف ف امريكا

وزوجه ابن الغالي خلفت في بريطانيا ابله خديجه مش ولدت ف بريطانيا باين انا مش متاكد

يعني اللي اقصده الغاء التعليم الاجنبي قرار خاطئ خلي اساليب تعليم مختلفه متاحه ف البلد لكن باشراف وزارة التربية

[عنبو]

لو الخبر صحيح يبقى على البركه وموافق ومؤيد بشده كمان لانى اساساً ضد التعليم فى مدارس اجنبيه

لانها بتطلع عيال هويتها مختلفه تماماً وده عن تجربه

هل الهوية بالتعليم

سيدي هو انت شايف ف اعلامنا هوية واضحه حضرتك شايف ان الوظائف المحترمة حكر تقريبا ع خريجين كليات اجنبية وانت تعلم جيدا ان خريجين الجامعه الامريكية لهم اولوية ف التعيين ف الاماكن الراقيه وممكن يكون فنيا اقل منك لكن مطلوب

اذا لماذا لا تكون الصورة واضحه من البداية عاوز تتعلم تعليم غير التعليم الحكومي ماشي ادفع تكاليفه ولكن يكون هذا التعليم تحت اشراف واضح من وزارة التربية منعا من وضع اي كلام قد يؤثر على الطالب ف معتقداته وافكاره

اما الهوية فلا اجد لها ظهور الان سيدي اعلامنا لوشوفته كله رقص وغنا معنى كده اننا كلنا راقصات وراقصين

للاسف الهوية الان ف مرحله تخبط وعلى كل فرد ان يصنع هويته بنفسه

راينا التي غنت ماشربتش من نيلها كانت عاوزة تخلف ف امريكا

وزوجه ابن الغالي خلفت في بريطانيا ابله خديجه مش ولدت ف بريطانيا باين انا مش متاكد

يعني اللي اقصده الغاء التعليم الاجنبي قرار خاطئ خلي اساليب تعليم مختلفه متاحه ف البلد لكن باشراف وزارة التربية

هناك فرق شاسع يا بشمهندس بين المدارس الاجنبيه والجامعات الاجنبيه

انا من انصار الجامعات الاجنبيه اين كانت فى مصر او بره مصر وليس من انصار المدارس الاجنبيه

لان الولد اللى بيدخل الجامعه بتكون اتشكلت ثقافته وهويته ممكن يحيد وينحرف شويه بس ممكن يرجع فى يوم من الايام للى هو

انفطر عليه ولكن لما تلاقى الولد اساساً المفاهيم عنده متلخبطه يبقى هيرجع ازاى ويرجع ليه اساسا اذا كان هو شايف انه مبيعملش

حاجه غلط

اما بقى بالنسبه ان المدارس الاجنبيه دى تبقى تحت اشراف وزراه التربيه والتعليم بمصر فمعتدقش ان ادارة المدارس دى هتوافق

[رضوي]

السلام عليكم ورحمة الله وبركاته

بصراحة قرار يستاهل الاحترام

دة انا بتغاظ بشكل لما بشوف المدارس الأجنبية دي رافعين أعلام بلاد تانية

زي مثلاً علي سبيل المثال لا الحصر المدرسة البريطانية ............ رافعين علم انجلترا وعادي جداً ....... واقعد ادور علي علم بلدنا مش لاقياه .......... وف الآخر الاقيه مرمي في آخر صور المدرسة

طيب ليه ؟؟؟؟؟؟؟؟ علشان مستوي التعليم يعني ؟؟؟

مافيه مدارس خاصة محترمة جداً ومستوي التعليم فيها فعلاً راقي وممتاز ......... ولا لازم الاجنبي ........ المصري وحش ؟؟؟

وبجد اتفرست مرة لما قعدت مع تلميذ من تلامذة المدارس الأجنبية في مصر ........... الولد طول ماهو قاعد بيكلمني كل لغات الدنيا ماعدا العربي ...... وعلي فكرة انا اتكلمت مع الولد اكتر من ساعتين متواصلتين واحاول اخليه يقلب عربي مافيش فايدة ....... هو بيتكلم عربي كويس اوي ......... قصدي مصري لهجتنا يعني ........ لكن يقرا ويكتب عربي دي صعبة جداً بالنسباله ....... لأنه لسة في ابتدائي والعربي مابيعرفهوش .............. واللي غاظني اكتر اني لما اتكلمت معاه اكتر اتأكدت انه مايعرفش حاجة عن الدين اصلاً ........ ساعتها سألت مامته انتي مابتعلموهش الدين ليه ؟؟......... كانت اجابتها اكثر استفزازاً ........ قالتلي هو لسة صغير ( الولد عنده حوالي سبع سنين يعني المفروض يكون مدرك لأبسط أمرو الدين )

صحيح الأهل سبب في الموضوع دة ......... لكننا اتعلمنا في مدرستنا حاجات كتير اوي بالاضافة اللي اهلنا علموهالنا .......... يعني كان للمدرسة نصيب كبير في التربية الدينية والوعي الديني .......... دة غير الوعي القومي

علشان كدة انا احترم القرار دة ......... واتمني انه يتنفذ

تحياتي

[Howayda Ismail]

المفروض ان تعود مادة التربية الدينية مادة اساسية بمعنى يكون لها حصص منظمة و ليست عشوائية فى ذيل الجدول

ويدرسها متخصص حتى لو مدرس اللغة العربية لكن مايحدث الان تترك حصص الدين للمدرسين حصص احتياطية وكذلك

يعطيها المدرس المتفرغ بغض النظر نوع المادة التى يدرسها وبالتالى لايوصل معلومة صح للتلاميذ ومازاد من المأساة

انه اصبحت مادة خارج المجموع فلم يعد يهتم الطلاب ولا المدرسون بها وتراجع بمذكرة اعدها المدرس ليلة الامتحان

وفى كثير من الاحيان الطالب بيدخل بالمذكرة معه يغش منها لضيق الوقت وخصوصا صفوف النقل الذى عادتا المراقبين

هم مدرسين المدرسة وعلى صلة بالطلاب والنتيجة لايوجد تحصيل من اى نوع زيادة على ذلك التشجيع على الغش

فنشأ الجيل اللى شيفينه دلوقت معظم الشباب لايعرف اسماء الانبياء والرسلات التى انزلت عليهم واللى ابسط من كده

طريقة الوضوء الصحيحة او اى معلومات عن الطهارة او الصوم او ابسط قواعد الفقه او التوحيد .

لابد من تصحيح القاعدة فى المدارس الحكومية وهى الاساس لعموم الشعب فليس الجميع يلحق اولاده بمدارس خاصة

ولاننسى دور الاسرة فى تعليم ابنائها مبادئ الدين الصحيح وبذلك ينصلح حال الامة لان التقوى ضاعت من القلوب.

[om marawan]

للاسف الهوية الان ف مرحله تخبط وعلى كل فرد ان يصنع هويته بنفسه

..........

.........

يعني اللي اقصده الغاء التعليم الاجنبي قرار خاطئ خلي اساليب تعليم مختلفه متاحه ف البلد لكن باشراف وزارة التربية

هو مش هيلغى التعليم الاجنبى هو بس هيوقف الرخص الجديدة لان البلد فيها بالفعل مئات المدارس الاجنبية لكن مهم فعلا انها تكون تحت اشراف عشان مانلاقيش قصة اجنبى مثلا مقررة بتفرض فكر معين مرفوض فى مجتمعنا

حتى تدريس التربية القومية ممكن تعتبر خطوة فى زيادة الوعى ببلدك وحقوقك فيها يعنى بتدى نوع من الانتماء عشان تفكر ان دى بلدك فيبقالك دور فى الاصلاح وفرض الديمقراطية

المدارس مؤثرة جداا فى تحديد الهوية يعنى احنا زمان كنا مدرسة خاصة بتدرس دين وقرأن واخويا اللى قضا سنيتن بس فى السعودية اتعلم تجويد و ترتيل وكان لها اثر كبير فى حياته يعنى التأسيس مهم خصوصا فى السن الصغير

صحيح دلوقتى المدارس العادية مقصرة جداا فى دورها لكن مش معناه اسيبها للى يزرع ثقافته بدون رقابة

وبجد اتفرست مرة لما قعدت مع تلميذ من تلامذة المدارس الأجنبية في مصر ........... الولد طول ماهو قاعد بيكلمني كل لغات الدنيا ماعدا العربي ...... وعلي فكرة انا اتكلمت مع الولد اكتر من ساعتين متواصلتين واحاول اخليه يقلب عربي مافيش فايدة ....... هو بيتكلم عربي كويس اوي ......... قصدي مصري لهجتنا يعني ........ لكن يقرا ويكتب عربي دي صعبة جداً بالنسباله ....... لأنه لسة في ابتدائي والعربي مابيعرفهوش .............. واللي غاظني اكتر اني لما اتكلمت معاه اكتر اتأكدت انه مايعرفش حاجة عن الدين اصلاً ........ ساعتها سألت مامته انتي مابتعلموهش الدين ليه ؟؟......... كانت اجابتها اكثر استفزازاً ........ قالتلي هو لسة صغير ( الولد عنده حوالي سبع سنين يعني المفروض يكون مدرك لأبسط أمرو الدين )

تحياتي

فعلا يارضوى الطفل بيكون قرايته فى العربى ضعيفة جداا ومستوى بجد يزعل يعنى بابقا عاوزة اسألهم هو هيقرا قرآن ازاى

لكن زى ماقلتى الاهل عليهم دور واعتقد انجزء من القرار هيساهم شوية فى تحسين وضع اللغة العربية حتى ولو كانت بدون اولوية

[عبير يونس]

أنا حأقول رايي و مش عايزة ضرب

:blush:

الراجل عايز يرجع الهوية المصرية

ده اللي ظاهر

و خلينا وراه لحد ما يثبت العكس

العلم المصري ان مكانش يترفع على أرض مصر يترفع فين

التعليم الأجنبي يلزمنا منه العلوم المتطورة زي العلوم والريضيات

و الكومبيوتر

واللي طبعا بتتطور كل يوم في الغرب

و لازم نتعلمها بلغتهم

ماينفعش استنى ترجمة

انما بقى العلوم الاجتماعية لا

لازم أركز على مجتمعي مش مجتمعات الغرب

للناس اللي عايشين في مصر طبعا

يعني لو انا في الغرب

لازم ولادي يدرسوا المجتمع للي عايشين فيه طبعا

عشان يقدروا يعيشوا فيه

و واجبي انا كأم أعرفهم تاريخ و عادات بلدنا

و طبعا الدين واللغة

اللي طبيعي مش حيلاقوها في مدارس الغرب

كون بقى مفيش حرية و ديموقراطية

ده ما يخلينيش استهتر بتاريخ بلدي و الدراسات الاجتماعية الخاصة به

بالعكس تماما

الانتماء هو اللي هيعالج كل الأمور المعوّجة

لكن عدم الا نتماء و الاستهتار بالبلد

و اهانتها في الداخل و الخارج

على لسان المصريين قبل اي حد تاني

هو اللي على نغمة

يكش تولع

انا مع القرار

و بجد

صحصح فيا حاجات كده عن نظرتي لتعليم ولادي

و فكرة هروبي القائم في الخليج

و الخطط المستقبلية للهروب الكبير

:rolleyes: لكندا

عزائي ان الحمد لله ولادي عارفين دين ولغة عربية في مدارس السعودية

ربنا يقدم اللي فيه الخير للجميع

تم تعديل 30 يونيو 2010 بواسطة مصرية متغربة

[se_ Elsyed]

قرار أكثر من رائع

وليس معنى تنظيم عمل المدارس الاجنبية الموجودة أن يتم إلغاء وجودها

ولا يُمكن بأي حال من الأحوال ان يقبل أي إنسان وطني محترم وجود دويلات داخل دولته ترفع علمها وتُطبق قوانينها هي تحت حجِة " بفلوسي "

وشوفوا كده بعينكم المدارس الأجنبية الموجودة في أي دولة ... هل بتطبق قوانينها هي ام تتبع قوانين الدولة التي فيها ؟

[kitkat]

قرار شجاع من راجل محترم

[SAW]

- إن صدق و أشك أنه يستطيع - سيكون قرار متخلف من العقليات الحجرية التي تحكمنا - ولكل الذين يؤيدون أقول معنى تأييدكم أنكم ترفضون وجود مدارس مصرية في الخارج ترفع علم مصر لتضم أبناء جاليتها أم أنه حلال لنا في الخارج و حرام عليهم في الداخل؟ المدارس الأجنبية في أي دولة هي وطن صغير للمغتربين و من حقها أن ترفع علم بلادها لتنمية إنتماء أبنائها و إذا كنت حضرتك من جنسية أخرى أو حتى البلد المضيف ما الذي يجعلك ترسل أبناءك إلى هكذا مدارس؟!!

- من حق المدرسة اليابانية أن ترفع علم بلادها لتأصيل الإنتماء لدى أبناء الجالية اليابانية في مصر و كذلك الأمريكية و البريطانية و الأسبانية و الإيطالية و كل المدارس الأجنبية.

- متى نتخلص من الفكر الإقصائي - أنا و بس - بلدي و بس - ديني و بس (في ناس تانية عايشة غيرنا).

- مش معنى كلامي أنني ضد المدارس الحكومية و رفع علم مصر طبعاً - بس دي حرية تعليم.

- سؤال اَخر هام - ماذا فعلت المدارس الحكومية التي ترفع علم مصر؟؟!! هل زرعت الإنتماء فعلاً - طيب و الإنتحار و الهجرة غير الشرعية و التجسس - الناس دي كلها إتعلمت في مدارس بترفع علم دول أجنبية؟؟!!

- فرقعة إعلامية لتغطية نتيجة الثانوية العامة السيئة للغاية و التغطية على وفاة ما يقرب من سبعة مراقبين "في الشتات". و لن يجرؤ على أخذ هكذا قرار.

- أعـــــــــــــارض بشــــــــــــدة.

تم تعديل 4 يوليو 2010 بواسطة SAW

[طبيبة بالخارج]

سمعت انه ناوي يمنع خريجي الثانوية الأجنبية من دخول الجامعات الحكومية و دخول الجامعات الخاصة فقط.

فهل هذا صحيح ايضا؟ و هل كل اهالي الطلبة في التعليم الأجنبي يقدرون على مصاريف الجامعات الخاصة؟

نحن هنا مثلا في السعودية ليس امامنا سوى التعليم الأجنبي لأن التعليم السعودي ما زال ضعيف و الامتحان في السفارة المصرية ليس بالبديل الافضل لعدم السماح بوجود مدارس للسفارة بصفة رسمية بالسعودية و الامتحانات تكون كلها في نهاية السنة و ليست مثل مصر على ترمين.

فهل اترك زوجي بمفرده و انزل بأولادي لنكمل في التعليم الحكومي؟ هل هذا حل يرضي احد؟

يعني احنا سافرنا و اتغربنا عشان في الآخر نحط كل فلوسنا في الجامعات الخاصة بمصر ده لو كفت كمان؟