أتجوز ؟؟؟؟ ولا أشطب الشقة الاول...........

[hOuSsAm]

السلام عليكم

متشكر ليكوا يا جماعة جدا جدا

وكنتوا ونعم الناس اللى بتنصح بجد

بتنصحوا لوجه الله ولحد يمكن متعرفهوش

المعلومة وصلت والقرار اخدته خلاص

يمكن انا كنت واخده من زمان (محدش يستغرب) بس حبيت افكر بصوت عالى معاكوا يمكن يكون حد شايف حاجة انا مش شايفها

مكاوى وسارمار

متشكر ليكوا عالاتصالات

كلامكوا فرق معايا كتير

باذن الله تتعزموا عالفرح فوق السطوح وكل واحد ياخد الحاجة الساقعة وساندوتش جبنة رومى وهتيجى الست لماضة جارتنا اللى فوق تقولى ماخدتش مع انها اخدت قبل كدة :blink:

مكاوى هو مين هيحيى الفرح غيرك

انا عزمت الاستاذ عمرو دياب والاستاذة المبجلة اليسا :angry2:

اجهز بفرقتك يا معلم بقى

اتمنى التوفيق للجميع :sad:

[اغابي]

يا ابني اسمع الكلام باة وجعت قلوبنا معاك

و متسمعش كلام أغابي wst::

شكلها يا واد منشنة عليك لما تجيب بنوتة عشان الشقة بأة اللي في المدينة الجديدة و الحاجات دي

فاهمك أنا :yahoo:

مكاوى .. في حاجة ؟

ما تفكرنيش يا مكاوى - انا كنت نفسي فى بنوتة اوى - لكن ارادة ربنا

اعيش فى الدنيا من غير ايبنيههه - اكمن يا مكاوى يا خوية - اللى مخلفتش بنت على راى مامتى وبابتى - ما خلفتش خالص والاولاد مسيرهم لحريمهم

المهم انا بطمنك يا حسام انى عاوزة مصلحتك - ومش طمعانة فيك ولا حاجة - انا ممكن اعشم فى انك تاخد بس اولادى الاتنين عندك كدا

تريحنى من خلقتهم مثلا شهرين فى شقتك الجديدة كل سنة :yahoo: ومش حانسالك الجميل دااه ابدا . .

انا عاوزة مصلحتك - بلاش تتورط فى جواز وانت ما خلصتش كل حاجة بعد الجواز فيه ترتيبات وخطط تانية - اسمع كلامى انا وايمن . . عاوزين مصلحتك

وما تسمعش كلام مكاااوى

اغابي :yahoo:

[اغابي]

السلام عليكم

متشكر ليكوا يا جماعة جدا جدا

وكنتوا ونعم الناس اللى بتنصح بجد

بتنصحوا لوجه الله ولحد يمكن متعرفهوش

المعلومة وصلت والقرار اخدته خلاص

يمكن انا كنت واخده من زمان (محدش يستغرب) بس حبيت افكر بصوت عالى معاكوا يمكن يكون حد شايف حاجة انا مش شايفها

مكاوى وسارمار

متشكر ليكوا عالاتصالات

كلامكوا فرق معايا كتير

باذن الله تتعزموا عالفرح فوق السطوح وكل واحد ياخد الحاجة الساقعة وساندوتش جبنة رومى وهتيجى الست لماضة جارتنا اللى فوق تقولى ماخدتش مع انها اخدت قبل كدة :lol:

مكاوى هو مين هيحيى الفرح غيرك

انا عزمت الاستاذ عمرو دياب والاستاذة المبجلة اليسا wst::

اجهز بفرقتك يا معلم بقى

اتمنى التوفيق للجميع

بلاش تتورط فى الجواز يا حسام - الا بعد ما تخلص كل تخطيطك وبعدين انت كاتب كمان مونتريال

لسه قدامك سفر لكندا

لالالالا - انت مشكلة

اغابي

[mekkawy]

انا عاوزة مصلحتك - بلاش تتورط فى جواز وانت ما خلصتش كل حاجة بعد الجواز فيه ترتيبات وخطط تانية - اسمع كلامى انا وايمن . . عاوزين مصلحتك

وما تسمعش كلام مكاااوى :P :P

اغابي :lol:

على فكرة فعلاً جداً .. و بأكد على مقولة والدتك .. اللي ما خلفش بنات .. مخلفش .. البنت دي حبيبة أبوها .. و زي ما كانوا يقولوا عندنا زمان .. البنت بتجيب راجل ... إنما الولد بيجيب كوبة :lol:

مش دايماً يعني عشان نون النسوة هنا و في كل مكان ما يقلبوش علينا بس wst::

بلاش تتورط فى الجواز يا حسام - الا بعد ما تخلص كل تخطيطك وبعدين انت كاتب كمان مونتريال

لسه قدامك سفر لكندا

لالالالا - انت مشكلة

اغابي

انسي يا عمرو ... قصدي .. انسي يا أغابي

أنا سهران امبارح مع حسام ع التليفون من 1:00 ايه أم و حتى 2:30 ايه ام بردو .. بسلامته ضيع مني صلاة الفجر لأني نمت متأخر .. و في الآخر تقوليلي ميسمعش كلامي .. ده أنا كنت أعلقه من رجليه و أحطله في الفلكة .. :lash:

خلاص يا أغابي .. هاردلك .. الموضوع اتحسم خلاص و حسام هيتجوز .. هنجوزوووووه :P

من عبد الرحيم عمرو .. و احتكم الأمر .. من عبد الرحيم عمرو و احتكم الأمر يا جماعة و هيتجوز .. هيتجــــــــــــوز

مكاوى .. أنا مقنع .. مقنع جداااااااااً

[hOuSsAm]

يا ابني اسمع الكلام باة وجعت قلوبنا معاك

و متسمعش كلام أغابي :P

شكلها يا واد منشنة عليك لما تجيب بنوتة عشان الشقة بأة اللي في المدينة الجديدة و الحاجات دي

فاهمك أنا :P

مكاوى .. في حاجة ؟

ما تفكرنيش يا مكاوى - انا كنت نفسي فى بنوتة اوى - لكن ارادة ربنا

اعيش فى الدنيا من غير ايبنيههه - اكمن يا مكاوى يا خوية - اللى مخلفتش بنت على راى مامتى وبابتى - ما خلفتش خالص والاولاد مسيرهم لحريمهم

المهم انا بطمنك يا حسام انى عاوزة مصلحتك - ومش طمعانة فيك ولا حاجة - انا ممكن اعشم فى انك تاخد بس اولادى الاتنين عندك كدا

تريحنى من خلقتهم مثلا شهرين فى شقتك الجديدة كل سنة :lash: ومش حانسالك الجميل دااه ابدا . .

انا عاوزة مصلحتك - بلاش تتورط فى جواز وانت ما خلصتش كل حاجة بعد الجواز فيه ترتيبات وخطط تانية - اسمع كلامى انا وايمن . . عاوزين مصلحتك

وما تسمعش كلام مكاااوى :P :P

اغابي :lol:

فعلا عندك حق

البيت من غير بنات بيبقى ملهوش طعم

وانا شخصيا مفتقد ده جدا ان ملييش اخوات بنات

والدتى كان نفسها يبقى عندها بنت - بس هى ارادة ربنا

بجد لو تعرفى تتصرف وتجيبى بنت ولو حتى من عند الجيران اهو احسن من مفيش :lol:

-------

موضوع مصلحتى ده بقى

ربنا يقدم اللى فيه الخير

بس اتاكدى انى مش باخد اى خطوة اعتباطا

كله مدروس ومحسوب كويس جدا

بستخير ربنا فى الاول

وبعد كدة بذاكر كويس

وعلى راى ميكاوى هعمل الهوم ورك بتاعى اول باول

وزى مقالت مغتربة العبرة مش بالفلوس العبرة بالاستعداد والشهادات اللى تدعم الواحد فى مستقبله

وبجد السنة الجاية زى النهاردة هتسعموا خبر كويس اوى وملهوش علاقة بالزواج (حاجة جديدة لانج) وهيتفتحلها توبيك جديد :P

اهو سبق صحفى وقبلها بسنة

تانى متشكر جدا لاى حد دخل التوبيك وقال نصيحة لوجه الله

اتمنى التوفيق للجميع wst::

[justtrying]

بصراحه مسألة الزواج دي يعني خطوه كبيرة ومحتاجه تفكير كتير لكن الاساس الي هتبني عليه تفكيرك هوه اساس مادي إلى حد كبير

لأني بيني وبينك الفقر في حد ذاته بينسي حاجات كتير جدا ومعاه بتدفن حاجات كتير قوي

فبلاش تجوز وانت عليك ديون كتير وتبدأ تشتت نفسك في متاهات وبعدين اولاد واقساط ومدرسة ومصاريف .. الخ الخ

وانت اصلا مش ضامن الشغل الي انت فيه لأن مفيش شغل مضمون

فبلاش تاخدك العاطفة بالكامل هيه مطلوبة ولكن لازم في النهاية تحكم العقل

تقول اجوز وبعدين ربنا يحلها حاول يكون عندك الاساسيات على الاقل المبادئي البسيطة الي ممكن اي اتنين يبدؤأ حياتهم مع بعض وهيه الشقة والعفش ولو حتى مراتك هتشارك معاك في العفش

لكن كونك انك تجوز وتقول سبها على الله ففي الاول والاخر كله على الله ولكن ربنا اعطانا عقل عشان نبدأ نفكر ونشوف مستقبلنا هيمشي ازاي واسعى وربنا يكرمك بإذن الله

تم تعديل 23 يونيو 2010 بواسطة justtrying

[عبيد الله]

السلام عليكم ورحمة الله وبركاته

وبين مؤيد ومعارض

يامسهل

اقولك حاجة

( خير متاع الدنيا الزوجة الصالحة )

و

( يامعشر الشباب من استطاع منكم الباءة فليتزوج )

* الباءة = تكاليف الزواج

طيب احنا هنصعبها علي نفسنا ليه

انت عندك شقة ........ بس مش متشطبة

مش هتقعد فيها

خايف م المستقبل

الا قولي ........... هو انت لو كنت في مصر يعني ....ضامن المستقبل دة ؟؟؟؟

ضامن انك لو عندك شقة ومفروشة وحساب ف البنك ........ ومظبط امورك ......... ضامن ان مايحصلش حاجة تهد كل دة ( لاقدر الله )

طيب مانسيبنا م الكلام النظري .......... والحسابات والتخطيط

( أنا ماقولتش ماتخططش ............ بس ماتضيعش حياتك بسبب التخطيط )

ازاي تخطط لمستقبلك صح

ماينفعش تحسبها كدة بالورقة والقلم وعدد السنوات اللي محتاج تبني نفسك فيهم

لا ماتجيش كدة

انا احسبها بمهاراتي ......... بقدراتي

يعني انا هعمل ايه لو لاقدر الله واجهتني اي ظروف اضطريتني اسيب الخليج وانزل مصر

أعتقد اللي يجاوب علي السؤال دة هو : شهاداتي ... امكانياتي العلمية ...... قدراتي

بس خلاص

احب اضيف حكاية واقعية يمكن تفيدك

من اسبوعين او اكتر شوية بسيطة

احدي صديقاتي المقربات جداً ...... بتتصل بيا علشان تدردش معايا في عريس متقدم لها ..... جاهز من مجاميعه ...... برده بيشتغل في السعودية وجايب كل حاجة ..... هي اول مرة تشوفه او تكلمه اصلاً

بعدها بيومين : الو رضوي انا نازلة اجيب الشبكة دلوقتي

- نعم !!!!!!!!!!

انا طبعا مندهشة اخر حاجة ....... يابنتي انتي مش لسة لما تعرفيه وتعرفي اخلاقه ودماغه .........الخ

لا مافيش وقت بابا سأل علي اهله وهما ناس محترمين

بعد يومين تانيين كانو بيشترو الموبيليا

يوم الاربع اللي فات كان الفرح !!!!!!!!!

بالظبط حوالي اسبوعين او اكتر شوية بسيطة وكانو متجوزين

خلاص العريس جاهز وكامل والعروسة جاهزة وخلصنا

عارف ليه ؟؟؟

لأنه برده بيحسبها بالورقة والقلم ونسي عناصر تانية مهمة جداً ماتتحسبش بالطريقة دي اصلاً

نزل لم الموضوع كله واختصره في اسبوعين وخلصنا

أعتقد انك عارف طبعاً زواج بالطريقة دي ممكن يحصل فيه ايه

لأنه خلاص جهزكل الامكانات المادية اللي تضمن له المستقبل ونازل يدور علي اي بنت والسلام ....... خلاص ضيع وقته كله في تجهيز الامكانات المادية .......... وهي كمان بتدور علي واحد جاهز مادياً ويوفر لها كل اللي هي عايزاه وخلصنا علي كدة ....... مشروع او مقاولة ....... بيحسبوها بالورقة والقلم وخلصنا

أخي الفاضل

اللي عايزة اقوله ......... اختر الرفيق قبل الطريق

بلاش الحسابات المادية البحتة

ماتحسبهاش كدة

احسبها ببنت الناس اللي هتقف جنبك وتساعدك علي بناء مستقبلك ............. تفهم ظروفك وتقدر امكانتك وماتكونش ثقل زيادة عليك

لأنها هي اللي ممكن تساعدك علي البناء .......... وهي اللي ممكن تكون السبب في هدم كل شيء

( اظفر بذات الدين تربت يداك )

تحياتي

جزاكِ الله خيراً أختاه.. كلامك كالجوهر..

شكراً للأخ حسام أن أثار هذا الموضوع.. قرأت كل المشاركات وتعلمت الكثير منها.. الجميل أنها جائت على لسان مجرّبين عارفين.. وبالطبع ليس من ذاق كمن سمع..

وفقكم الله جميعاً لما يحب ويرضى.. وملء بيوتكم بالحب والرضا والسعادة في الدارين..

[Omar Ghazaly]

الكلام الي قلتوه هنا عدي عليه عشر سنين (تسع سنين و ١١ شهر) 

و تقريبا انا عندي نفس مشكلة أستاذ حسام بالظبط ، انا فعلا سني داخل علي ٢٣ و يعتبر شهر قبل التخرج و فعلا انا بطلب من ربي العفاف جدا و عرفت واحدة و قعدت ارتبك جامد و افضل أعمل حسابات معقدة و قعدت اكتشف ان فعلا ححتاج ٢٠ سنة او ٣٠ سنة عشان كل ده يخلص. 

الفكرة كلها مش بس السفر كمسالة فلوس انما برضو انا شخص هدفي ان اقدم دراسات عليا و ان اعمل ماجستير و دكتوراه إن شاء الله، ولما فكرت ان حتي لما أكلم اهل البنت فكرت في نفسي اني اخلص علي الاقل الماجستير و حكون وقتها بسافر كتير بسبب ظروف شغلي مع ان دخلي غير ثابت (مرشد سياحي). 

الشقة موجودة نص تشطيب لو ده الي اقدر اقوله، يمكن الي فاضل هي الأجهزة و المطبخ. 

و لسا عشان اكون صريح معرفش ايه هو الي علي العريس و العروسة يجيبوه، وغير كدا انا كنت من قبل ما اعرف البنت الي عجباني (حوالي سنة و نص) كنت بفكر في شغلي و اني ارفع نفسي لفوق بدراسات عليا او اني اسافر. لحد ما عرفتها و للاسف المشكلة مش مع اهلها لان عارف عنهم كويسين و صديق من عيلتي (عمي و خالي) اتعاملوا معاهم و اتاكدوا انهم اهل طيبين و كرم، بس اهلي يعتبروا الحاجز الكبير الي قصادي مع انهم المفروض الي في ضهري و سندي بس فكرة ان حتي بس اعرف واحدة شايفنها اخر خطوة تتعمل خالص.

بس قعدت و أتكلم مع البنت و فهمتها ظروفي و هي قدرت ده جدا، بس كان لازم برضو اقولها ان فيه فترة ححتاج ان اكون اكون بيها نفسي بدخل ثابت عشان أوفر شقة جاهزة و ادخل في موضوعات معقدة الي معرفش ليه ليها لازمة زي (مؤخر، مقدم، قايمة، فرح اتفشخر بيه قدام الناس كلها عشان في الاخر ميعجبش حد). 

انا الحمدالله لو اتكلم عن نفسي فانا الحمدالله إنسان بيدور علي واحدة علي خلق و دين و اهل كويسين اجتماعيا و اخلاقيا زي ما اتربيت عليه (فكرة ان برضو جواز بين عيلتين مش بس ولد و بنت) ، بس بفضل ربنا و كلام الناس الي ردت علي اسئلة كتيرة عمري ما تصورت اني حقدر اجاوب عليها و خايف و قاعد اتعقد كل يوم اكتر بسبب العادات و التقاليد الي عجزت شباب كتير و اكتر من عشر سنين وقت ما فتحتوا موضوع استاذ حسام ، و الحقيقة انا فعلا في كل مرة بفكر و بعمل حسابات كتيرة زي ما أستاذ حسام و اي حد زيه بيحاول انه في النهاية يضمن عيشة كويسة ميقلش عن مستوي البنت عن بيت اهلها. 

بس فعلا الحسابات دي خلتني انسي ان الرزق ربنا الي بيجيبه ، و بتبقي بارادته و بنسي برضو إن الجواز بالحلال ربنا بيزود الرزق من غير ما يحس بارادته برضو. 

اشكركم جدا و اتمنالكم ايام طيبة و سعيدة

[كيمو كامل]

السلام عليكم ورحمه الله وبركاته أنا شاب عندي 21سنه عندي شقته اتشطبت فاضل تقفيل النقاشه ومعنديش جيش مشكلتي اني بحب بنت من دفعتي وكنت عايز اتقدملها وهي وافقت لكن للاسف امي اختلفت معايا وقالتلي انت لسه قدامك العمر ومش هندخل بيوت الناس وغير انت جاهز تتجوز علي طول مش هنستني سنه ولا سنه ونص لكن انا بحب البنت دي ومش قادر انساها دلوقتي أنا في حيره خايف البنت تتخطي في اي وقت وتروح مني وخائف اخد قرار من نفسي وازعل امي مش عارف اعمل اي 

تم تعديل 11 أبريل 2022 بواسطة كيمو كامل

[عادل أبوزيد]

مساء الخيرات و أسعد ألله أيامكم .... الموضوع ده مر عليه ما يقرب من عشرة سنوات و المداخلة الأخيرة مر عليها عدة أيام

و هذا يدل على أن الموضوع حي و ربما متكرر كثيرا  مسألة بناء أسرة بما فيها و أهمها إختيار شريك العمر  المسألة ليست سهلة  أو هكذا تبدو  الآن و منذ عشرة سنوات  و منذ نصف قرن !  وهذا لا يعني أننا أمام دومينو مقفولة  المهم لازم نفكر خارج الصندوق  حضرتك تتكلم بمعطيات ستينات القرن قبل الماضي و اليوم كل يوم شئ جديد 

قرأت من أسابيع عن أحد مشاريع التعمير التي بدأها أو سيبدأها السيسي -  عبارة عن إسكان بلإيجار  شقق مفروشة بالكامل يعني حضرتك تستلم الشقة و معك فقط شنطة هدومك  طبعا أكيد هذا المشروع ليس في وسط البلد يمكن في المدن الجديدة

الأمر يتطلب من حضراتكم  البحث و التنقيب في الإنترنت و أكيد هناك معلومات جديدة و متجددة و المسألة تحتاج لطولة بال

تم تعديل 13 أبريل 2022 بواسطة عادل أبوزيد
تصحيح إملائي