الساعه بعشره جنييييييه... والحسابه بتحسب

[قلب ابيض]

وكتاب الله بكتب لكم دلوقتى وانا ظغطى مش عارفه ان كان عاااالى ولا وااااطى

بس انتو حبايبى واصحابى ولااااااااازم اتفش فيكم

تعبت يا ناس

زهقت من 3 اسابيع فى البلد

حكم على القدر ان اتعامل مع الشارع المصرى الجميل الهادى المنظم النظيف الملتزم ال.... وال... وال................................

كل يوم بتعامل مع فئه مختلفه وكلها فى اطار جهاز العروسه ..

ناهيكم عن كل اللى ممكن احكى لكم النهارده بس عاوزه اقول لكم انى ركنت فى الازهر تحت الكوبرى من الساعه 1ظهرا حتى الساعه الخامسه عصرا ودفعت مكرهه 40 جنيييييييييه

ليييييييييييييييييييييييييه؟؟؟

والله تحت الكوبرى مش باركنج ولا مول ولا حتى حد مسح الازاز من باب مسح الجوخ :happy:

فقط لان الباشا امين الشرطه واقف جنب السايس ومعاه الدفتر وبلغنى بكل ثقه لاء بكل سفاقه ان الساعه بعشره جنيه ولا مش عاجبك؟؟؟؟

ونظرته متجهه للبيه ممثل الشرطه :lol:

ابتسمت ابتسامه عريضه من بتوع سيجنال تو وقلت له مشيها 25 المره دى ... صرخ فى وشى " حسبى الله ونعم الوكيل فيك ...الهى ............."

والله كنت هاعيط wst::

من الحر والتراب واللى سمعته والظلم

يارب انا معايا وبيحصل معايا كده....طب اللى مامعاهوش بيحصل معاه ايييييييه؟

تحيـــــــــــــــــــــــــــــــــــــــــــــــــــا مصر

[ساره احمد]

قلب ابيض حضرتك مش الوحيدة اللي حصل فيكى كدة انا كمان حصل معايا نفس الموقف في الازهر تدخلي تركنى العربية في شارع عادى يقولك 10 جنية وواحد تانى يقولك لا 20 جنية ولو هتركنيها اليوم كلة دة بقي حسب التسعيرة بس عامة بيعمل ديسكونت علي اليوم كلو

المشكلة انو شارع مش باركينج مثلا علشان يقول الساعة بكذا بس هما شوية ناس تقدرى تقولي فتوات وبياخدو الفلوس من الناس بالاجبار بتاجير شارع

تعيشي وتفرحى ببقيت ولادك

[صافى]

وكتاب الله بكتب لكم دلوقتى وانا ظغطى مش عارفه ان كان عاااالى ولا وااااطى

بس انتو حبايبى واصحابى ولااااااااازم اتفش فيكم

تعبت يا ناس

زهقت من 3 اسابيع فى البلد

حكم على القدر ان اتعامل مع الشارع المصرى الجميل الهادى المنظم النظيف الملتزم ال.... وال... وال................................

كل يوم بتعامل مع فئه مختلفه وكلها فى اطار جهاز العروسه ..

ناهيكم عن كل اللى ممكن احكى لكم النهارده بس عاوزه اقول لكم انى ركنت فى الازهر تحت الكوبرى من الساعه 1ظهرا حتى الساعه الخامسه عصرا ودفعت مكرهه 40 جنيييييييييه

ليييييييييييييييييييييييييه؟؟؟[/col

دا العادى يا قمر دا كويس قوى انة قال اربعين وسكت مقلكيش كمان راضى الزبون

قصدى امين الشرطة متحوليش تستغربى

[mekkawy]

هههههههههاي

لا بجد و الله

هههههههههههاي

أنا باة كان حظي أحلى من ده كله

كنت في الحسين قبل ما أسافر بكام يوم .. و كنت على الطريق الرئيسي و عاوز أركن في شارع جانبي .. رحت دخلت الشارع لقيت شلة كدة متكونة من أمناء شرطة و عامل جراج و عساكر .. رحت مقلب نور للعسكري فجالي .. فتحت الازاز و كان الحوار التالي:

مكاوى: ازيك يا برنس .. ايه يا عم الأمن مستتب؟

العسكري: مستتب يا باشا و كله تمام

مكاوى:طب ايه .. مش هنركن ولا ايه

العسكري: اركن يا باشا و ماله

مكاوى: طب إيه النظام

العسكري: هأشوف الأمين و أجيلك

مكاوى: شوف يا عمدة براحتك .. همن ساعتين مفيش غيرهم

العسكري: الباشا بيقولك (الباشا بيقولي .. واخدين بالكم .. الباشا اللي معهوش دبلون أصلاً) عشرة جنيه

مكاوى: سهلة يا عم .. وسع انت بس

العسكري: طب فين؟

مكاوى: خد يا عم .. فكلنا دي و تعالى

و قعد يلف المعلم على فكة للمية جنيه و جابها من تحت الأرض .. و مراتي يا عيني واقفة مشدوهة للحوار الصايع اللي جوزها بيعمله .. و بعد ما ركنت أدام الباشا (الأمين) و سنترت العربية و انضربلي تعاظيم سلام .. و مشيت مرفوع الرأس و رجعت مرفوع الرأس و بأبصلهم من فوق لتحت .. آه .. ما أنا دافع بأة .. دول عشــــــــــرة جنيه يا عالم

شوفي يا ماما قلب أبيض

أبجني تجدني .. و اذا وجدت البرانس .. حل الاستهوبص

مكاوى

[fatfouta]

انا بركن فى جراج العتبة وانزل اخدها مشى لغايت جوا شارع الازهر وعارفة انى لو ركنت تحت الكوبرى مش هخلص

مرة اختى عملت الموضوع ده ولقت مكان تحت الكوبرى وفرحت وركنت وهى راجعة لقتهم مكلبشين العربية فى الارض ومارضيش يفكها الامين غير لما اخد مبللغ وقدره حرمت من ساعتها

اركنى يا ستى فى جراج العتب وامشيها ولو مش قادرة ابقى خدى تاكسى لحمام التلات او الغورية وكده.....ده اذا رضى يقفلك التاكسى يعنى فى المكان ده

على فكرة يا القلب الابيض ياختى انا بموووووت فى المنطقة دى شارع الازهر عند سوق القماش والغورية وحمام التلات بحبهااا جداا

مش قلتلك استنى لما اجيلك

[herohero]

عادي ماكله بيعم كده الحته اللي عند الجامعه الامريكية ف وسط البلد كنت مستغرب تركن ازاي فزميلي قالي ادام اي محل فركنت زي الباشا والراجل ماجر اللي ادام المحل كباركنج

ده اللي بيعجبنا ف مصر بنحاول نتغلب ع مشاكلنا

فده عادي ياقلب ابيض

[Diab]

غيره

كنت واقف في مكان لقيت بيقولي منقوووع الوقوف ( ممنوع الوقوف )

5 جنيه وكنت عاوزه يعملي عجين الفلاحة :lol: :blink: بس كنت مستعجل الصراحة وسبت العربية طبعا

ووقفت براحتي برضه

تم تعديل 20 يونيو 2010 بواسطة Diab

[ابو محمد بن مصطفي]

الوقوف في وسط البلد دلوقتي بقي بالكروت زي كروت الشحن بتاعت المحمول

الواحد يركن العربية ويحط الكارت في الماكينة تلاقي الحاجز الحديدي يطلع

ولما الواحد يخلص مشاويرة يحط الكارت تاني في الماكينة يتم خصم القيمة من الكارت

وبعد كده تلاقي الحاجز الحديدي ينزل توماتيكي توماتيكي

شركة خاصة هي اللي مأجرة الشوارع من المحافظة

ولو لقيتي مكان للركن يبقي ياسعدك ياهناكي