مبروك الدكتوراه يا فريده

[فــيــروز]

معلش بقى يا جماعه B)

اصل فريده لها فى رقبتى دين خصوصى h):

يعنى عملت لى موضوع تهنئه مخصوص ايام ما بقيت الست المشرفه فيروز :D

وجابت لى ازازتين شربات قها من النوع المفتخر .. tea))(:

وباكو سكر تومين "تموين يعنى" :P مع انى مش عارفه ليه بيحطوا سكر على الشربات اساسا وهو مسكر .. حاجه تموع النفس

ولهذا كان لزاما علىّ .. اول ما تاخد الدكتوراه اللى مطلعه عينيها يا عينى من زمن بعيد :) .. آجى ابارك و اهنى يا زينب يا بنت خالتى .. :P

الف الف مبروك يا فريده rs:

حقيقى التهنئه دى عمرها ما هتكون عادله بالنسبه للتعب و العناء اللى اكيد شعرتى بيهم بس بصلة المحب خروف وانا عند وعدى بالعزومه بس انت حددى المعاد مابقاش ليكى حجه ;)

تم تعديل 19 مايو 2004 بواسطة فــيــروز

[د/ألفا]

ألفا مبروك للاخت العضوة فريدة على حصولها على الدكتوراه .

بس انا مش عارف كانت الرسالة فى اى المجالات ؟؟؟؟؟؟؟؟

[kfaya]

مليون مبروك الدكتوراة :)

عقبال ........ البكاريريووووسسسس ............ :P

[se_ Elsyed]

ألف ألف مبروك يا دكتورة فريدة .. زي ما يكون قلبي كان حاسس عشان كده جبت سيرتك في الموضوع بتاع الفراخ إمبارح ....

بعد إذن المشرفة - السابقة - فيروز .. دور الشربات ده على حسابي وهانزل مشاريب كمان للمنتديات المجاورة ...

د/ ألف كتب

بس انا مش عارف كانت الرسالة فى اى المجالات ؟؟؟؟؟؟؟؟

موضوع الرسالة يا سيدي كان بإختصار عن " حقوق المرأة المهضومة من جانب الرجال المستقويين في ظل عصر العولمة وآليات السوق العربية المشتركة " :) ( انا بأغيظ فريده بس عشان هي بتحب تسمع الكلام عن حقوق المرأة والعبارات الرنانة دي )

[سيد كبريتة]

مبروك الدكتوراة

[Farida]

يا كسوووووفى يا فيروز ليه كده الأحراج ....مش عارفه اقولكم ايه انتم فعلا اخوة لى ربنا يكرمكم ..... الشربات موجود بس كل واحد يبعت لى عنوانه و ابعت له ازازة قها معتبره .,,,,

[حشيش]

ألف مبروك يادكتورة فريدة :D ...ممكن لو فيها رزالة خدمة صغيرة كده smk:...الواد إبن أختى بيجيله حالة هستيريا ويقعد يكسر فى البيت وبعد كده تجيله حالة تشنج وتبول لا إرادى :unsure: ...ياريت روشتة كده على زوقك وما يهمكيش تمن الدوا :P ...أنا سداد من جنيه لميه...هوه مش حضرتك برده تخصص مسالك :huh:

[عصام]

الواد إبن أختى بيجيله حالة هستيريا ويقعد يكسر فى البيت وبعد كده تجيله حالة تشنج وتبول لا إرادى :unsure: ... :huh: 

أبوس إيدك يا د / فريدة تشوفى مشكلة حشيش ....

حاولى تعالجى الولد ...

أتوسل إليكى....

cbyb: cbyb:

التوقيع :

جارهم اللى ساكن تحتيهم .. وبيفكر يعزل من الدب طول النهار والسقف اللى باظ من الميه!! كل الواد ما تجيله الحالة

ألف ألف مبروك

smk: :P :D lo::

[Sherief AbdelWahab]

مبروك الدكتوراة يا فريدة ، و عقبال 100 دكتوراة.. :unsure:

أحلى خبر سمعته من ساعة الصفر و خسارة الأهلي اللي جابتلي اكتئاب مزمن!

خلص الكلام

[أسامة الكباريتي]

الأخت الدكتورة فريدة حفظها الله .. قيمة لها وزنها واعتبارها بين الجميع ..

وما الدكتوراه إلا تتويج لمسيرة طويلة من العطاء المستمر ..

نبارك لأنفسنا هذه الدرجة العلمية المرموقة التي تحصلت عليها اختنا الفاضلة ..

فألف مبروك ..

والشربات تكون دايت يادكتورة الله يخليكي ..

والله انني اشارك في هذه المداخلة لأنها تخص أخت عزيزة .. لكن القلب قد تحطم لما يجري في رفح ..

فآسف إذا ما كان الكلام جافا .. لكنه والله من القلب رغم دمع العين ..

[omtmam]

الف مبروك يا د فريدة

و عقبال الاستاذية

و ياريت تقوليلى احساسك ايه لحظة المناقشة :huh: smk: cbyb:

و بعدها :P :D :unsure:

[KWA]

بسم الله الرحمن الرحيم

السلام عليكم ورحمة الله وبركاته

مبروك يادكتوره

[Farida]

يا جماعه انا فعلا متأثرة جدا من مشاعركم و فرحتكم دى اللى بتحسسنى انى بين اخوة باعتز بيهم و باحترمهم كلهم و الله ..

فيروز حبيبتى شكرا للموضوع و انتى دايما سباقه و شكرا للايت برضه علشان افتكرتنى فى موضوع اعضاء نفتقدهم

د.ألفا شكرا الرساله فى مجال علوم الحاسب

كفايه نفسى اعرف انت مين فيهم بس شكرا على التهنئه

س.س. مش عارفه انت ليه واخد عنى الفكره دى انا طيبه جدا و مش معقده خالص زى ما بتقول و مش باعض فى اللحاف مثلا بتحسسنى انى عامله زى ماجده زكى فى مسلسل النساء قادمون ...بس شكرا على شعورك انت فعلا أخ عزيز

الأستاذ سيد كبريته شكرا على التهنئه

نيجى لحشيش و الله انت رايق بشكل بقى انا تخصص مسالك ماشى الدكتوراة الجايه ان شاء الله احاول اخليها مسالك علشان ابن اختك بس انا طولت قوى المرة دى ياترى ابن اختك حا يستانانى 7 سنين كمان

أسو شكرا على التهنئه و حأحاول أسرع المره دى علشان السقف و الريحه

الأخ العزيز شريف ألف شكر و انا و الله كمان مش فرحانه قوى بس باصبر نفسى انى حأحاول أجعل الدكتوراة دى علم ينتفع به مش موضوع الدكتوراة بالذات لأنها اكيد حا تترمى فى الزباله زى اخواتها ...بس بلدنا بلد شهادات فأكيد الواحد ممكن تكون له كلمه مسموعه و يقدر يغير حاجه

الأستاذ العزيز أسامه الكباريتى انا بجد ما أستهلش الكلام ده كله ده كتير على بس انت أخ عزيز و اطمنك نصر الله قريب ان شاء الله ...

أبوتمام انا عارفه انك بتحضرى دكتوراة انتى كمان بس متهيألى مش فى مصر أكيد المواضيع حا تختلف بس بجد قبل المناقشه ما كنتش قادرة افتح كتاب و لا ابص فى كلمه واحده و قعدت ادعى و الحمد لله بس من كتر السنين اللى قضيتها لحد دلوقتى مش مصدقه ...

[سقراط المصري]

الف مبروك كمان مره للدكتوراه.

انا فاكر انني باركت في مكان تاني برضه.

معلش زياده الخير خيرين.

بس سؤال صغير ، هي الدكتوراه في اي مجال من فروع المعرفه.

الف الف مبروك

سقراط

[Farah]

الف مبروك يافريده

خبر رائع وجميل ومفرح

ويارب تحققي كل اللي نفسك فيه

عقبال البنات

مبروك *مبروك *مبروك :unsure: :huh: smk:

[White heart]

مع أطيب تمنياتى بمستقبل مشرق و نجاح متواصل...

[ragab2]

ألف مبروك

يادكتورة فريدة

مع مستقبل مشرق وحياة هانئة سعيدة

أنتى والعائلة الكريمة

بإذن الله

[Farida]

اخوانى KWA و سقراط فعلا انتو هنيتونى فى موضوع اعضاء نفتقدهم و من ذوقكم هنيتونى هنا كمان مش عارفه اقولكم ايه ده دليل على صدق مشاعركم ...شكرا مرة تانيه

فرح شكرا على التهنئه انت اسمك جميل على اسم بنتى

وايت هارت أشكرك بجد انت فنان حقيقى و الصورة دى حلوة بشكل انا نزلتها عندى للذكرى ...

د. رجب الف شكر و عقبال اولادك

و شكرا مرة أخرى لكل اللى شارك و لسه حا يشارك

تم تعديل 20 مايو 2004 بواسطة Farida

[linux]

الف مبروك و عقبال الدكتوروهات الصغنتوتة أن شاء الله.

صحيح العلام نور و من جد وجد ...

[مواطنين]

الف الف مبروك يا دكتورة فريدة نيلك شهادة الدكتوراه بجدارة.

هنيئا لنا ولك وولا اقربائك ومعار فك

... مبروك نجاحك واجتيازك الدفاع عن اطروحة الدكتوراه

وليكن نيلك هذه الشهادة المرموقة حافزا لبذل المزيد من الجهد والمثابرة

والسعي المتواصل في رفد العملية التربو ية فى مجال علوم الحاسب التي اصبحت اساسية وضرورية لاعداد المجتمع المتقدم

فالى امام