حد يساعدني سؤال مهم جدا عيزة جوابة!!!!!!!!

[nora]

الو ..الو...الوهل تسمعني!!

الف مبروك الزواج السعيد للأخت نورا.

انتهت الرساله ...حول

:unsure:  :D

سقراط

نعم اني اسمعك lo:: ups:

عقبالك يارب حول ..................... اتسمعنيييييييييييييييييييييييييي :huh: smk:

:P

[Farah]

الف مبروك يانواره وربنا ان شاء الله يكمل زواجك علي خير

وتعيشي في سعاده وراحة بال

ربنا يسترها معانا وتعدي اول 3 سنوات على خير بدون مشاكل لاني خيفة اوي من الي بسمعه من مشاكل 3 سنوات الاولى من الزواج

لي ملحوظه علي هذه الجمله مفيش حاجه اسمها 3 سنوات مشاكل ولا اكثر ولا اقل

وهو اثنين حيعيشوا مع بعض حتحصل مشاكل وحتعدي لو هما عايزنها تعدي

سيبك من المشاكل متفكريش فيها دلوقتي فكري في الحاجات الكويسه وان شاء الله ربنا يكتبلك السعاده

انسي اللي الناس بتقولوا كل تجربة زواج تجربه منفرده

الف الف مبروك افرحي

تم تعديل 19 مايو 2004 بواسطة Farah

[White heart]

الف مبروك يا نورا ،

و انشاء الله ربنا يتمم بخير.

[se_ Elsyed]

صحيح يا سس انا بيتي في القاهرة هعيش في القاهرة بأذن الله في النزهه الجديده انشاء الله بس معرفش برضوا نظام الحياة هناك اية اهى كله تجربة prt:  ha)

قشطة يا نورا ..

النزهة الجديدة 100 % وعشان تقسيمها الممتاز والمميزات اللي فيها فهي سحبت البساط من تحت منطقة مدينة نصر وأصبحت أسعار الشقق هناك أغلى .... والف مبروك مرة ثانية .

[se_ Elsyed]

وبدعي ربنا ان ربنا يسترها معانا وتعدي اول 3 سنوات على خير بدون مشاكل لاني خيفة اوي من الي بسمعه من مشاكل 3 سنوات الاولى من الزواج  prt:

نصيحة من اخوكي الصغنن س س ... إوعي ترمي ودنك لحد ويقعد يقولك أول 3 سنين وقصقصى طيرك ليلوف على غيرك .. وإغلبيه بالعيال يغابك بالمال والكلام المعتق ده ...

يابنتي ده لو عدى 3 سنين يبقى خلاص العرسان بيكونوا حمضوا وقربوا يطلعوا معاش !!!

بصي يا نورا أهم حاجة تحطيها حلقة في ودنك إنك ما تتخيليش إن الحياة الزوجية ستكون وردية وحالمة زي فترة الخطوبة .. لإنكم بقى هاتنزلوا لأرض الواقع وكل واحد هايظهر أمام الاخر على حقيقته بدون الأقنعة التى يضعونها في فترة الخطوبة - وهي مطلوبة برضوا - وتتأكدي تماماً إن إحنا بشر مش ملايكة وكل واحد في الدنيا له عيوبه وله مميزاته ... عشان كده طالما أخترتوا بعض بإرادتكم يبقى كل واحد يقبل البيعة على بعضها ...عيوب على مميزات على صلصة على مكرونة ...

[Farah]

س س كتب

نصيحة من اخوكي الصغنن س س

ايه ده ياابو العيال انت عاوز الناس تصدق انك اصغر من نورا

طب اصغر مني ممكن لكن من العروسه مينفعش

[out el koloub]

ألف مبروك يا نورا وربنا يسعدك prt:

[se_ Elsyed]

ايه ده ياابو العيال انت عاوز الناس تصدق انك اصغر من نورا

طب اصغر مني ممكن لكن من العروسه مينفعش

لأ ما يغركيش منظري وإن عندي عيلين والحاجات دي .. انا أهلي جوزوني صغير عشان خايفين عليه من الفتنة ..

وبرضوا نورا كبيرة وخبرة وما شاء الله بتلعب في الـ 32 سنة دلوقت .. بس كلمة حق تشوفيها ماتديلهاش 31 prt:

[linux]

الف مبروك يانورا.

بَارَكَ الله لَكَ ، وَبَارَكَ عَلَيْكَ ، وَجَمَعَ بَيْنَكُمَا فِي خَيْرٍ

[nora]

وايت هارت بجد أنت خلتني عيطت لما سمعت الاغنية الله يبارك فيك وفي فرح وقوت القلوب و س س و لينكس flrt: flrt:

س س بطل اشاعات حرام عليك انا لسة 16 ثنة يا اونكل بس زود عليها 10 :blink: :blink:

خلاص معاد الفرح اتحدد بأذن الله يوم 8/8 في القاعه الي قلت ليكم عليها وتنوروني كلكم f((:

عقل بالي بقول : يا دي المصيبة ليصدقوا ويجي النت كلة

:blink: :blink:

تم تعديل 21 مايو 2004 بواسطة nora

[Falcon Egypt]

السلام عليكم

الف مبروك يانورا.

pps:

وان شاء الله تملوا البيت اولاد وبنات بس يكون الواد الاول

اسمه برعى والبنوته اسمها ست الدار.الله شايفه الموسيقى

مش تقولى اسماء اليومين دول من : هيا ورانا وتامر

وروان ولو ان روان اسم نهر بالجنه لكن اسماء مالهاش

هيبه ولا موسيقى .عموما انتي كده فاتحه خيرعلى راْى السيده سلوى

لاخواتنا العزيزات فيروز وهى تستاهل كل خير مثقفه

ومهذبه ودمها خفيف والدكتوره شعنونه الطيبه واختنا لايت هاوس

كلوب محاورات المصريين مع انى كنت فاكر انها متزوجه ولديها اطفال, يجوز

انه حدث تداخل الاسماء مع اخت اخرى وجميع الانسات بهذا

محاورات المصريين واسمعى نصيحه اخوكى سى السيد فكلامه مضبوط

يعنى تغاضى على اخطاوْه حتى تسير المركب ولو هناك حب صادق بين الطرفين

ساعتها سيتحول الخطا الى صح

حكى لى صديق انه كان متزوج من بنت خالته ولكنها كانت

بتاعه مشاكل رغم انه عمل المستحيل لاخذها معه امريكا

ولم يكن معه اقامه فى هذا الوقت وذات يوم شرب الشاى ثم وضع الكوب الفارغ

على قطعه موبيليا ثمينه سهوا فهجمت عليه مثل الثور الهائج وعنفته ووبخته

بدعوى ان الكوب سيترك علامه على الموبيليا.ولم يمض عام حتى انفصلوا

وتزوج ببنت تعرف عليها بالصدفه اثناء زيارته لمصر ولم يكن هناك معرفه

مسبقه ولكنها احبته بجنون هكذا وصفها وحدث نفس الموقف ولكنه

كرره عن قصد فى هذه المره فقامت زوجته وفى حركه ذكيه وخفيفه فاخذت

الكوب وسارت الى المطبخ وهى لازالت تحكى له

عما حدث فى العمل وعادت وهى تكمل الاحداث وكاْن لم يحدث شئ وحدث

انى زرته يوم اجازته ولم تكن زوجته بالبيت فكانت لاتزال بالعمل فعزمنى على

طبق ارز باللبن وبعد انتهائى قام باخذ الطبق الى المطبخ

وغسله ووضعه فى مكانه فعجبتنى الحركه دى وعلق على قائلا: زوجتى

تعمل وبتتعب ولازم اديها هاند كلما امكن فاحنا الاثنين تروس لماكينه

لابد من ان يعمل الترسان حتى لاتتوقف الماكينه وعجبنى المثل

فالحب والاخلاص والوفاء هم سر السعاده الزوجيه

ربنا يتمم بخير ان شاء الله.وافضل الكلام هو

بَارَكَ الله لَكَ ، وَبَارَكَ عَلَيْكَ ، وَجَمَعَ بَيْنَكُمَا فِي خَيْرٍ

[se_ Elsyed]

واختنا لايت هاوس

كلوب محاورات المصريين مع انى كنت فاكر انها متزوجه ولديها اطفال, يجوز

انه حدث تداخل الاسماء مع اخت اخرى وجميع الانسات بهذا

عندك حق يا فالكون ... انا كنت فاكر كده برضوا .. حتى لايت هاوس نفسها دايماً كانت تقولي يا ش ش يابني انا باعتبر ولاد محاورات المصريين دول زي ولادي بالظبط ... يا سلام عالحنية يا سلام عالإنسانية .

وذات يوم شرب الشاى ثم وضع الكوب الفارغ

على قطعه موبيليا ثمينه سهوا فهجمت عليه مثل الثور الهائج وعنفته ووبخته

بدعوى ان الكوب سيترك علامه على الموبيليا.ولم يمض عام حتى انفصلوا

الله يطمنك يا فالكون كريست ياخويا ... بس الحمد لله إنها رسيت على التوبيخ والتعنيف بس وماحصلتش الضرب ... طب والله العظيم انا لو مكانه كنت مسكت الموبيليا الفاخمة دي كسرتها على دماغها حته حتة ( بفلوسي ) وبعد ما اخلص أقوم لاففها في سجادة فخمه برضوا ومأجر عربية كارو مش فخمة وأبعتها عند أهلها ... وده أقل واجب لها .. مش كفاية قلت مزاجة وطيرت بؤين الشاي اللي شربهم .... فين الإحترام والموده ؟ هو الرجل كفر يعني لما عمل كده ... وبعدين إنت قولت وضع كوباية الشاي مش دلقها ( يا حبة عيني على الوضع ده كان زمانه متعبي في كياس )

الحمد لله يارب اللي يشوف كوبيات الشاي بتاعت غيره تهون عليه بلوته ... ده انا على كده كنت زماني مُطلق من 25 سنة وقاعد دلوقت عند امي وحاطط إيدي على خدي .. أصل اخوك س س ملك الفوضى وإمبراطور العشوائيات ومدام س س ماورهاش شغلانه طول النهار إلا إنها تلم التعابين ورايا .

فالحب والاخلاص والوفاء هم سر السعاده الزوجيه

أنا عارفك يا نورا هاتسمعي من هنا وتفوتي من هنا .... عشان كده وإنت داخله اللجنة عايزك تلمي النصايح دي وتخليها في مجلد صغير عندك تحت عنوان " نصائح محاوراتية لأجدع حياة زوجية " حقوق الطبع محفوظة ومُعلبة .

[فــيــروز]

عموما انتي كده فاتحه خيرعلى راْى السيده سلوى

لاخواتنا العزيزات فيروز وهى تستاهل كل خير مثقفه

ومهذبه ودمها خفيف والدكتوره شعنونه الطيبه واختنا لايت هاوس

كلوب محاورات المصريين مع انى كنت فاكر انها متزوجه ولديها اطفال, يجوز

انه حدث تداخل الاسماء مع اخت اخرى  وجميع الانسات بهذا

محاورات المصريين

يا جماعه طلبنا سبعتلاف مره ايكون وش محرج او اى حاجه شبيهه pps:

على العموم الف شكر يا امير ده بس من ذوقك :D ha)

بالمناسبه صحيح ولو ان ده مش وقته بس الحقيقه الحكايات اللى بتحكيها من كل حين لآخر جميله خالص وفيها روح تفاؤل عاليه ربنا يديمها عليك ان شاء الله mf)

[Falcon Egypt]

السلام عليكم

حتى لايت هاوس نفسها دايماً كانت تقولي يا ش ش يابني انا باعتبر ولاد

محاورات المصريين دول زي ولادي بالظبط ... يا سلام عالحنية يا سلام عالإنسانية .

والله اختنا لايت احيانا تكون ناقمه على بعض الاوضاع السيئه وتجدها تعبر عن ذلك

بصراحه مقرونه بشجاعه يعنى دمها حامى وروحها ثوريه فخليك حريص ياابو السيد

العمر مش بعزقه وبما انك انسان عزيز علينا يبقى من الواجب تنبيهك ولقد اعذر من انذر

بس الحمد لله إنها رسيت على التوبيخ والتعنيف بس وماحصلتش الضرب ...

والله يااخى العزيز سى السيد هذه السيده هى استاذه فى فن المشاكل وتصعيدها

دى مره شافولها شغلانه فى محل فى مانهاتن وخرجت تجيب قهوه من محل

على بعد عشره امتار ويعمل به مصريين وهما اللى جابولها الشغلانه دى لمعرفتهم بزوجها

ومع زحمه الظهر نسى البائع واعطاها القهوه بسكر زياده. راحت مطوحه الكوبايه على الحائط

واعتذر لها البائع ثم جهز لها كوبا اخر لكنها رفضته واتهمت الشباب بانهم لايحسنون معاملتها

لانها مصريه وشتمتهم وفى اثناء خروجها وعلى حظها العسر كان صاحب المحل منتظرا

اياها على الباب وقد اغاظته بهذه الحركه خاصه وان المحل كان مزدحما بالموظفين

وفتره الذروه وهو معلم ايطالى كبير اوى من المافيا بتاعه نيويورك يعنى معروف وابن سوق

بيفتح المحل 24ساعه وفى اثناء الليل كل ضباط الشرطه العاملين بالورديه الليليه يدخلون المحل

للقهوه ولاستخدام دوره المياه ولضباط البوليس معامله خاصه فلهم تخفيض 50% ولذلك

تجد المحل بعد الثانيه عشره مساءا وكانه قسم شرطه يعنى البوليس كله فى خدمه المعلم

المهم شاور لها باصابعه وطلب مها ان تمسح الحائط فقالت له : ار يو كرازى؟ وذهبت ولم تمر دقائق

حتى ركبت سياره الشرطه ويدها خلف ظهرها بالغوايش اياها وظلت بقسم الشرطه حتى الواحده صباحا

حينما عاد زوجها من العمل وعلم بالقصه وحتى انهى اجراءات خروجها وكانت تجربه سخيفه.

.... فين الإحترام والموده ؟

سوْال وجيه......

بالمناسبه صحيح ولو ان ده مش وقته بس الحقيقه الحكايات اللى بتحكيها من كل

حين لآخر جميله خالص وفيها روح تفاؤل عاليه ربنا يديمها عليك ان شاء الله 

يااخت فيروز هذا من ذوقك وربنا يديم روح التفاوْل العاليه دى على اعضاء المحاورات

جميعا وذلك بعد ان اصبح الكثيرون مصابون بحالات الاكتئاب الظاهره التى اصبحت

اسمعها كثيرا وايضا خارج حدود منتدانا.

[amir]

على العموم الف شكر يا امير ده بس من ذوقك  mfb:  :P

حــــــد كلمك ؟

بتجيبى فى سيرتى ليه ؟؟

بس برضه انشالله نفرح فيكم كلكم

cr((:

[فــيــروز]

على العموم الف شكر يا امير ده بس من ذوقك  :D  :)

حــــــد كلمك ؟

بتجيبى فى سيرتى ليه ؟؟

بس برضه انشالله نفرح فيكم كلكم

ha)

هو احنا معندناش امامير غيرك ولا ايه !! :rolleyes:

شوية تواضع .. smk:

اوعى تزعل انا باغلس عليك بس .. :D

[nora]

:o :o

انا مش فهمه حاجة من الحوار الي بيدور عموما انا لسة متفرجه prt: rs:

[Lighthouse]

إحم إحم

انا اغيب يومين ارجع الاقيكم جايبين في سيرتي rs:

لا وعايزين تلبسوني عيال وابوهم كمان prt:

انا بس جيت اقول لكم كل واحد فيكم يخلي باله من نفسه ويحجز من دلوقتي سرير في عنبر الكسور في القصر العيني :o

وقد اعذر من تفنجر :o ngh: ngh:

[Falcon Egypt]

السلام عليكم

كتبت لايت هاوس :

لا وعايزين تلبسوني عيال وابوهم كمان

وليه لاْ يالايت. يارب يالايت نشوف فيكى يوم وانتى جانب الاستاذ فى الكوشه mfb:

واخويا سى السيد عامل دور واجب مع المعازيم وهو ابو الاصول mfb:

وياسلام بقى بعد كام سنه نلاقى معاكى الواد عنتر والواد شكلو والبنوته خضره

وبنوته تانيه بتعه. شايفه الاسماء دى بقى اى نعم تقيله شويه لكنها حاتضمن لهم

انه ماحدش يقرب ناحيه شارعكم للامان يعنى

يارب يالايت تفرحى بعريس يكون طيب وابن حلال. انتي عايزه واحد يكون

مسالم وطيب وهادئ mfb: عشان لما تسمعى نشره الاخبار وتلاقى خبر يفرس يقوم

الرجل مهدى الجو بكلمتين حلوين تقوم المعادله تبقى موزونه لكن لو واحد عصبى

حايقولك سيبينى عليه انا ابو شكلو الجن لا حكومه تهمه ولاحاجه تلمه اوعى ايدك

يالايت , شارون مين ده وسعى بس...والله اعلم ساعتها ممكن تعطيه الشومه وتقولى له

روح اله يوقف لك ولاد الحلال ياللا خلصنا منه وريحنا. mfb: