ماما قلب ابيض ... عودي إلي الصفوف

[Simba]

يبدو أن ما حدث في موضوع الكوارع في باب المطبع قد كان له اثر سلبي علي مدام قلب أبيض واصبحت تتابع بصمت بعد ان كانت اعلنت من فترة بسيطة أدمانها للمحاورات

لذلك أعتقد ان هناك من هم مثلي من مشرفين وأعضاء يفتقدون وجودوها ومشاركاتها سواء في باب المغتربين او في باقي اقسام المنتدي

[ozoozo]

اضم صوتي الي صوت حسام

[عماد حمدي]

وانا معاكم طبعا ً وبضم صوتي لصوت سمبا و Ozoozo

[fatfouta]

قلب ابيض فى مصر يا سمبا فى اجازة هتطول شوية

واكيد لما تستقر وتعرف تدخل هاتيجى ان شاء الله

وتعود الى الصفوف والجماهير اللى مستنياها

[mekkawy]

و بضم صوتي المكاوي الأصيل .. كدة يبا عملنا رابطة القلوب البيضا

لعل المانع خير إن شاء الله

مكاوى

[ذهبية]

انا متغيبة فترة من المحاورات و لا اعرف الى حصل بالضبط

لكن لا اتخيل المحاورات بدون قلب ابيض

اى كانت المشكلة يا قلب ابيض ارجوكى لا تتركى هذا المكان فى القلب لك

كونى دائما كما انتى قلب ابيض

[طبيبة مصرية]

زى ما قالت فتفوتة

اختنا الغالية قلب البيض فى القاهرة الان :o

وهى اكيد مشغووووووولة جدا اليومين دول

علشان جواز بنوتتها

واكيد لما تفوق هتدخل وتطمننا عليها

وتجيب لنا معاها حتة من التورتة :lol:

[لولا]

طيب ..

انا اعتقد ان قلب المحاورات الأبيض لا يمكن ينسانا كده ويمشى ابتا ابتا مهما حصل ...

شور شور يا سمبا قلب ابيض مشغوله بس فى الأجازة الأيام دى ..ربنا يسعد ايامها وتقضى اجازة سعيده .

من موقعى هذا انتهز الفرصه عشان اقولها .. احنا بنحبك قوى يا قلب ابيض .. بلاش تطولى الغيبه wst::

لولا

[لماضة مصرية جدا]

السلام عليكم و رحمة الله و بركاته

هو فيه ايه يا جماعة؟؟؟؟

انا شفت العنوان ع البانر....و قولت "عودي للصفوف".....قووووم تخيلت كل اعضاء المحاروات اللي ماسك كبشة....و اللي ماسك غطا حلة...او كيس مخدة.....و بعدين هنقف في صف واحد عشان.....نهجم علي

احساس الافتقاد لاشخاااااااااااص غاليين علينا كتير

احساس صعب.....بس لما نحس انهم مع حبايبهم اكيد هنبقي مطمنين عليهم

ليه منعملشي توبيك....كل واحد حاسس انه هيغيب شوية كده يروح يسلم الباسورد بتاعته و الباسبور هناك.....قصدي يقولنا علي غيابه عشان مش نقلق عليهم

ربنا يطمنا علي تانت هارتي

فوتكم بعافية

لماضة..... بواب المحاورات

[لولا]

ليه منعملشي توبيك....كل واحد حاسس انه هيغيب شوية كده يروح يسلم الباسورد بتاعته و الباسبور هناك.....قصدي يقولنا علي غيابه عشان مش نقلق عليهم

ربنا يطمنا علي تانت هارتي

فوتكم بعافية

لماضة..... بواب المحاورات

تصدقى يا لمضمض يا اوختشى كنت بفكر فى ذات نفس الفكرة wst::

يالله سمى بالله كده وقُصى الشريط الأحمر وافتحى الموضوع ده موضوع مهم والله كل واحد طالع اجازة يعدى عليه كده وبالمره يشوف لو حد فينا عايز حاجه

قبل ما يسافر bv:-

نسميه ايه ؟؟ نسميه ايه ؟؟

عايزين اسم كده .. احم احم .. دمه تقيل ويتناسب مع وقار المحاورات بما انه موضوع هيبقى اساسى هنا ..

يعنى بلاش الأسماء الغريبه اللى ساعات بتختاريها :sad:

هههههه لسه الدماء الزرقاء الظاهر مآثره عليا :blink:

يالله فوتك بعافيه ...

آآآآآخ .. لخبطينى ..

قصدى يعنى تحياتى

لولا

[لماضة مصرية جدا]

ليه منعملشي توبيك....كل واحد حاسس انه هيغيب شوية كده يروح يسلم الباسورد بتاعته و الباسبور هناك.....قصدي يقولنا علي غيابه عشان مش نقلق عليهم

ربنا يطمنا علي تانت هارتي

فوتكم بعافية

لماضة..... بواب المحاورات

تصدقى يا لمضمض يا اوختشى كنت بفكر فى ذات نفس الفكرة wst::

يالله سمى بالله كده وقُصى الشريط الأحمر وافتحى الموضوع ده موضوع مهم والله كل واحد طالع اجازة يعدى عليه كده وبالمره يشوف لو حد فينا عايز حاجه

قبل ما يسافر bv:-

نسميه ايه ؟؟ نسميه ايه ؟؟

عايزين اسم كده .. احم احم .. دمه تقيل ويتناسب مع وقار المحاورات بما انه موضوع هيبقى اساسى هنا ..

يعنى بلاش الأسماء الغريبه اللى ساعات بتختاريها :sad:

هههههه لسه الدماء الزرقاء الظاهر مآثره عليا :blink:

يالله فوتك بعافيه ...

آآآآآخ .. لخبطينى ..

قصدى يعنى تحياتى

لولا

ماشي يا عم الدماء الزرقاء

ايه رايك في

"يا مسافر وحدك.....و فايتنا"

"هتوحشوني"....و يا سلام بقي لو ننزل في الباك جروند بتاع التوبيك...اللي يخش عليه.....اغنية حزينة كده مع شوية شحتفات و جموع...و ع باب التوبيك هقف ابيع مناديل كلينكس....الله مش لسه بكوم نفسي

"مهما تغيب.....من قلبي قريب"

"أنا ماشي.....بس احب ادحرج التماسي"

"اللقا ده نصيب".......ايه قناة النيل للدراما دي

"انا رايح اجازة....بس انتوا لسه في قلبي زي الفلة في الازازة".....عاطشفي اهه

"استأذنكم الغياب.....بس مش كتير"

ايه رايك بقي

اختاري اللي يعجبك....و افتحي التوبيك يا لؤلؤة الاحساس

مساااااكي توبيكات...حروف...كلمات.....تواصل ع البعد

و فوتك بعافية

[لولا]

اختاري اللي يعجبك....و افتحي التوبيك يا لؤلؤة الاحساس

ايه دوت .. اختار كده لوحدى wst::

لأ احنا مش مستعجلين .. نعمل انتخابات الأول لإختيار اسم الموضوع .. وقرعه مين يقفله ..قصدى يفتحه انا زرار الفتح عندى مهنج اليومين دول bv:-

فوتكم بعافيه

لولا

[myusername]

رسالة الى ماما قلب ابيض... حول :blink:

يا رب تكونى بخير دايما... و بجد المحاورات من غيرك ماتنفعش... امال مين اللى هيعمل الكوارع؟ :lol:

يا ريت تطمنينا... و حشتينا... شحتفتينا :P.. مستنيينك على خير.

[doha]

الي قلب ابيض القاطنة بدير النحاس .. عودي ياهامييس .. قصدي يابليه ..

انتي عارفه ان مينفعش ناكل كرشة وكوارع من غير قلب وفشة والذي منه ..

البنت بتتجوز وماله ايه المشكلة بس متسيبيناش على لحم بطننا عشان مواضيع بسيطه زي دي .. ايه يعني مشغوله مع العريس واهل العريس .. كل دي امور تتدبر ياماما لكن ( الجرمأ ) الي واقفين مستنيين وكل واحد في ايده مغرفه كده حرام وقفتهم دي ..

خلصي الي وراكي قوام قوام وتعالي كملي المسيرة وعلمينا مما فتح الله عليك في مجال الأناجر والحلل ..

ابنتك المشتاقة .. ابنتك ايه بس في حد يبقى له ابنه شحط كده ..

مامتك الصغيره المشتاقة ..

كده معقول ..

[الغريب]

يا جماعة هي دي عادة قلب أبيض كل أجازة :lol:

ممكن تقولو كدة مبتفتكرش المحاورات وهي في مصر ، وليها حق أنتو عارفين بقى

على العموم أنا بردو بأيد رأي لماضة أننا نعمل موضوع فكرته أن أي حد هينشغل لفترة أو هينزل أجازة يسيبلنا تحية كدة قبل الفراق

وكلها يومين يا سيمبا وتنزل مصر ونعمل موضوع "سمبا .. عوود إلى الصفوف " :blink:

مش ممكن يكونو الجماعة اللي بينزلو مصر دوول بيتقابلو في منتدى تاني أسمه محاورات المغتربين ، بما أنهم جوا البلد :P

[fatfouta]

لولا ولماضة اقسم بالله ماشوفت كلامكم غير دلوقتى بعد ماعملت الموضوع ده

اضغطوا هنا كده

فعلا انا بستعجب ساعات على طوارد الأفكار

انا من زمان وانا بفكر ان يبقى عندنا دفتر فى المحاورات نسجل فيه غيابنا كلنا عشان ماحدش يقلق عالتانى

عموما والله أسفة ماشوفتش كلامكم قبل ماعمل دفتر الانصراف bv:-

[myusername]

لولا ولماضة اقسم بالله ماشوفت كلامكم غير دلوقتى بعد ماعملت الموضوع ده

اضغطوا هنا كده

فعلا انا بستعجب ساعات على طوارد الأفكار

انا من زمان وانا بفكر ان يبقى عندنا دفتر فى المحاورات نسجل فيه غيابنا كلنا عشان ماحدش يقلق عالتانى

عموما والله أسفة ماشوفتش كلامكم قبل ماعمل دفتر الانصراف bv:-

صادقة يا فتفوتة من غير ما تحلفى... لان انا كمان كنت عايز اعمل نفس الموضوع من فترة.. و كنت هسميه: "انتا فين يا غالى bv:- bv:- "

[قلب ابيض]

يبدو أن ما حدث في موضوع الكوارع في باب المطبع قد كان له اثر سلبي علي مدام قلب أبيض واصبحت تتابع بصمت بعد ان كانت اعلنت من فترة بسيطة أدمانها للمحاورات

لذلك أعتقد ان هناك من هم مثلي من مشرفين وأعضاء يفتقدون وجودوها ومشاركاتها سواء في باب المغتربين او في باقي اقسام المنتدي

انا جيييييييييت :lol: سمبا ياغالى ...سباق بالخير دايما يارب

اسمح لى اشكرك على مبادرتك الطيبه والغاليه والسؤال عنى 0000جزاك الله خير وجمعك باسرتك على خير يارب

تحياتى وامتنانى لتفهمك واحساسك بسبب زعلى

الف شكر

اضم صوتي الي صوت حسام

وانا معاكم طبعا ً وبضم صوتي لصوت سمبا و Ozoozo

و بضم صوتي المكاوي الأصيل .. كدة يبا عملنا رابطة القلوب البيضا

لعل المانع خير إن شاء الله

مكاوى

Ozoozo مكاوى تسلموا يا شباب 000نجاملكم فى الانقطاع الجاى 000وحلوه اوى رابطه القلوب البيضا دى يا ابو سلمى :happy:

[قلب ابيض]

قلب ابيض فى مصر يا سمبا فى اجازة هتطول شوية

واكيد لما تستقر وتعرف تدخل هاتيجى ان شاء الله

وتعود الى الصفوف والجماهير اللى مستنياها

جلت منك دى يا فطومه ... انا لما انقطعت عن المحاورات كنت مازلت لم اغادر الكويت انا بالقاهره منذ 6 ايام فقط

واوضحت سبب انقطاعى فى موضوعين منهم واحد اتحذف

مااااااااعلينا ...السبب انت عرفتيه منى النهارده الصبح وصافى يالبن :lol:

وماتحرمش من سؤالك ابدا

انا متغيبة فترة من المحاورات و لا اعرف الى حصل بالضبط

لكن لا اتخيل المحاورات بدون قلب ابيض

اى كانت المشكلة يا قلب ابيض ارجوكى لا تتركى هذا المكان فى القلب لك

كونى دائما كما انتى قلب ابيض

ذهبيه المشاعر كلامك درر يا حبوبه 000صدقنى المحاورات جزء منى بس الفتره اللى فاتت كان الجزء ده مريض ومحتاج يتعافى داخلى اديت له مسكنات وقادر على كل شىء اتعافى واتواصل معكم من جديد

تسلم على سؤالك :lol:

زى ما قالت فتفوتة

اختنا الغالية قلب البيض فى القاهرة الان wst::

وهى اكيد مشغووووووولة جدا اليومين دول

علشان جواز بنوتتها

واكيد لما تفوق هتدخل وتطمننا عليها

وتجيب لنا معاها حتة من التورتة :happy:

عيونى يا طبيبه يا ام قلب دهب مش تورته بنتى بس لاء وابنى ان شاء الله

بس دعواتكم

السلام عليكم و رحمة الله و بركاته

هو فيه ايه يا جماعة؟؟؟؟

انا شفت العنوان ع البانر....و قولت "عودي للصفوف".....قووووم تخيلت كل اعضاء المحاروات اللي ماسك كبشة....و اللي ماسك غطا حلة...او كيس مخدة.....و بعدين هنقف في صف واحد عشان.....نهجم علي

احساس الافتقاد لاشخاااااااااااص غاليين علينا كتير

احساس صعب.....بس لما نحس انهم مع حبايبهم اكيد هنبقي مطمنين عليهم

ليه منعملشي توبيك....كل واحد حاسس انه هيغيب شوية كده يروح يسلم الباسورد بتاعته و الباسبور هناك.....قصدي يقولنا علي غيابه عشان مش نقلق عليهم

ربنا يطمنا علي تانت هارتي

فوتكم بعافية

لماضة..... بواب المحاورات

ريهام ........ !!!!!

صباح الفل :sad:

[قلب ابيض]

طيب ..

انا اعتقد ان قلب المحاورات الأبيض لا يمكن ينسانا كده ويمشى ابتا ابتا مهما حصل ...

شور شور يا سمبا قلب ابيض مشغوله بس فى الأجازة الأيام دى ..ربنا يسعد ايامها وتقضى اجازة سعيده .

من موقعى هذا انتهز الفرصه عشان اقولها .. احنا بنحبك قوى يا قلب ابيض .. بلاش تطولى الغيبه :happy:

لولا

لولتى انا مرحبا بك فى صفوف المجاهدين :lol:

انا كمان انتهز تلك هاذوها الفرصه واكرر لك انى اوحيبوكى اكتر بكتير يالولتى ومعزتك عندى مالهاش سبب معين الا انى احبك فى الله

رسالة الى ماما قلب ابيض... حول :lol:

يا رب تكونى بخير دايما... و بجد المحاورات من غيرك ماتنفعش... امال مين اللى هيعمل الكوارع؟ :sad:

يا ريت تطمنينا... و حشتينا... شحتفتينا wst::.. مستنيينك على خير.

تصدق يا يووووزر ان انا اتعقدت خلاص من الكوارع دى ؟؟

حاسه انى شبهه المعلمه جنايات ورابطه القمطه وقاعده فى المسمط

انا حبيت بس اعلم اللى ماتعلمش اكل بلدنا اللى ماتلاقيهوش الا فيها بس... ده تراااااث يا ولاد بالثاء ماتفهمونيش صح md2:

بعد الشر عليك من الشحتفه يا عريييييييييييس wst::