انا والايجار وهواك

[ozoozo]

السنه اللي فاتت كانت اول اجازه لي في مصر وطبعا كانت مشكلتي الكبري العربيه ...ماكانش معايا عربيه فقلت مفيش مشكله اقضيها تاكسيات لكن المشكله ان التاكسيات كتنت يتكلفني في اليوم الواحد حوالي 100 جنيه ده غير القرف بتاعهم انه مش عايز يقف ولو وقف مش عايز يروح الحته اللي انت عاوزها ولو راح الحته الي انت عاوزها يقعد يرغي طول الطريق ويصدعك........وللاسف معرفتش استمتع بالاجازه عشان مش عارف اخرج من البيت ولو خرجت وقت كبير بيضيع في البحث عن مواصله مناسبه

لذلك قررت اني اتوجه للايجار حيث ان الايجار في حدود 150 جنيه في اليوم وانا اصلا بصرف 100 في اليوم لكن زي مانتم عارفين ان 99% من المكاتب في مصر نصابين وعشان تاجر عربيه شهر ممكن تقضي بقيت عمرك في السجن من وصولات الامانه والشيكات اللي كاتبها علي نفسك

فكرت اني اشتري عربيه شركه مع احد اصدقائي في السعوديه وكل واحد يستعملها في اجازته لكن لقيت في مشكله بتاعه رفع العربيه

وفي الاخر رسيت علي الايجار لكن من شركه زي النظام هنا في السعوديه يكون فيها تامين شامل وبصوره البطاقه والرخصه بس لقيت ادامي كذا شركه

1-budget

2-Avis

3-sixt

4-Euorope car

لكني وجت ان ارخص شركتين هما يوروب كار وسيكست وممكن تحجز براحتك وتدفع لما تستلم العربيه

فحجزت لشهر يوليو الجاي من سيكست عربيه شيفروليه سبارك ب127 جنيه في اليوم ومن يوروب كار رينو كليو ب 195 جنيه

ونظام التامين انك تدفع 500 دولار وتستردهم لما ترجع العربيه وده اقصي تحمل عليك انشا الله العربيه تتحرق او تتسرق

ده موقع يوروب كار

http://www.europcar.com.sa/cgi-bin/reserva...;CTRCT=50592654

وده سيكست

http://www.sixt.com/

ودي تجربه ممتازه مع احد اعضاء منتدي نايل موتورز مع يوروب كار

http://www.nilemotors.net/Nile/28919-europcar.html

انا طبعا عايز اخد السبارك لانها ارخص بس للاسف معرفش حد اتعامل معاهم في مصر فهل حد اتعامل معاهم قبل كده

وهل عندكم حل اخر لمشكله الايجار والعربيه في مصر؟

تم تعديل 21 مايو 2010 بواسطة ozoozo

[ذهبية]

ما تشترى عربية رخيصة 128 حالتها كويسة و قضى بيها الاجازة وارفعها لما تسافر

اهى حاجة تقضى بيها مشاوريك و فى نفس الوقت وفرت فلوسك من الايجار اللى هيوصل انفس تمن عربية 128

[ozoozo]

ما تشترى عربية رخيصة 128 حالتها كويسة و قضى بيها الاجازة وارفعها لما تسافر

اهى حاجة تقضى بيها مشاوريك و فى نفس الوقت وفرت فلوسك من الايجار اللى هيوصل انفس تمن عربية 128

والله انا فكرت في ده

بس في كام مشكله

اولا:الامور الي الان لم تتضح بالنسبه للسيارات المستعمله في مصر يعني ممكن بكره الصبح يطلعوا قرار ان اي سياره عدي عليها عشر سنين مالهاش ترخيص تاني

ثانيا :برضه شراء سياره مستعمله فيه بعض المخاطره عشان تلاقي حاجه كويسه ومضمونه

ثالثا رفع السياره هايكلفني 100 جنيه في جراج يعني 1200 جنيه في السنه ده غير الصيانه السنويه اللي لازم اعملهالها

[se_ Elsyed]

ما تشترى عربية رخيصة 128 حالتها كويسة و قضى بيها الاجازة وارفعها لما تسافر

اهى حاجة تقضى بيها مشاوريك و فى نفس الوقت وفرت فلوسك من الايجار اللى هيوصل انفس تمن عربية 128

والله انا فكرت في ده

بس في كام مشكله

اولا:الامور الي الان لم تتضح بالنسبه للسيارات المستعمله في مصر يعني ممكن بكره الصبح يطلعوا قرار ان اي سياره عدي عليها عشر سنين مالهاش ترخيص تاني

ثانيا :برضه شراء سياره مستعمله فيه بعض المخاطره عشان تلاقي حاجه كويسه ومضمونه

ثالثا رفع السياره هايكلفني 100 جنيه في جراج يعني 1200 جنيه في السنه ده غير الصيانه السنويه اللي لازم اعملهالها

ده غير حاجه مهمه كمان ..

مش منظره والله ولا تكبر

لكن فعلاً ... جو الزحام والحر أصبح لا يُطاق في مصر ومش زي زمان .. وبالتالي التكييف في العربية مهم جداً .... معليش إحنا بنتكلم

بس حلوه يا اوزوز موضوع التأمين ده ..

كل التجربة بقى كلنا أذان صاغية عشان تفيد الشعب

[ozoozo]

ممكن كمان تحجز من المكتب بتاعهم في السعوديه علي التليفون

ٍSixt 0096612197171

وممكن تستلم العربيه في المطار او من فرعهم في المعادي

Euorope car 92000153

من المطار او فرعهم في مساكن شيراتون

لكن الافضل الحجز عن طريق النت عشان تفدر تتحكم في كل حاجه وتشيك علي السعر المناسب ليك

وعلي فكره لو في مؤسسه او مجموعه بياخدوا رقم معين عند يوروب كار وبيدخلوا الرقم ده اثناء الحجز بياخدوا خصم 20 % يعني تقريبا نفس سعر المكتب

فممكن لو استاذ عادل او حد من الاداره يخاطب الشركه ممكن يدونا رقم زي ده للمحاورات وفي منتديات تانيه عاملين كده

وده هايستفيد منه ناس كتير في المنتدي هنا

[أسد]

كانت عادتي أن أستأجر سيارة في الإجازات .. وكنت أستأجر من أحد المكاتب الذي يملكه صديق لي .. وبالتالي لم أكن أكتب أي شيكات أو إلتزامات أخرى

ثم بدأت بعد أن استمر يؤجر لي سيارة موديل أقدم بسعر السيارة الحديثة .. فحولت مساري

وبدأت أستأجر من شركة الطيار

ناس محترمة .. بس بتعمل لهم تفويص على الفيزا كارت .. وبتكتب عقد عادي جداً ..

كان حتى عام 2007 إيجار لاكورولا الجديدة 200 جنيه يومياً ..

تجاربي معهم أكثر من رائعة ..

المشكلة أنهم بيحسبوا 100 كيلو فقط في اليوم وبعد كده الكيلو سعر 3 جنيه .. كتير قوي

وفي عام 2008 .. قررت أن أشتري سيارة جديدة ..

زوجتي وابني يقضون 3 شهور في مصر .. وأنا أقضي معهم شهر واحد ..

كنت أستأجر السيارة عند وجودي فقط .. وباقي الفترة .. كانت تعتمد زوجتي على التاكسيات ..

لذلك قررت شراء سيارة تستعمل لمدة 3 شهور في السنة .. وأرفعها في جراج تكلفني 900 جنيه سنوياً ..

المسألة ليست إقتصادية ... ولكنها مريحة ..

والوصول إلى معادلة رخيصة واقتصادية ومريحة في نفس الوقت .. مسالة صعبة ..

بالمناسبة كنت قد اشتريت سيارة نيسان صني ..

[اغابي]

ما تشترى عربية رخيصة 128 حالتها كويسة و قضى بيها الاجازة وارفعها لما تسافر

اهى حاجة تقضى بيها مشاوريك و فى نفس الوقت وفرت فلوسك من الايجار اللى هيوصل انفس تمن عربية 128

انا بصراحة يا استاذ محمد راى من راى الاخت / ذهبية

اغلب اللى فى الخليج - شاريين عربية بسيطة جدا تقضي الغرض وكل ما ينزلوا اجازة يقضوا بيها وقتهم ومشاويرهم

. . لكن انك تدفع فى اليوم مش عارفة كام واتحمل مفاجات تانية كتير هى دى المخاطر - طب ايه اللى يجبرنى على كدا .

على فكرة لو عندك فى العمارة محل او شقة دور ارضى افتح الاوضة على الشارع واعمله باركن للسيارة ولما ترجع الاجازة التانية خلى بس ميكيانيكي يشيك عليها

وفى النهاية اوفرلك يا استاذ محمد - حضرتك لو حسبتها حتلاقيها اوفر لكن لو مش عندك باركن ممكن هنا الموضوع متساوى فى الحالتين لان انك تاجر باركن يبقي مش

توفير ولا حاجة - انا باتكلم ان لو حضرتك عندك باركن فى عمارتك دور ارضي .

اغابي

:lol:

[ozoozo]

تجاربي معهم أكثر من رائعة ..

المشكلة أنهم بيحسبوا 100 كيلو فقط في اليوم وبعد كده الكيلو سعر 3 جنيه .. كتير قوي

..

يوروب كار بتديك عداد مفتوح

وسيكست 150 كم وجنيه ونص للكيلو

ما تشترى عربية رخيصة 128 حالتها كويسة و قضى بيها الاجازة وارفعها لما تسافر

اهى حاجة تقضى بيها مشاوريك و فى نفس الوقت وفرت فلوسك من الايجار اللى هيوصل انفس تمن عربية 128

انا بصراحة يا استاذ محمد راى من راى الاخت / ذهبية

اغلب اللى فى الخليج - شاريين عربية بسيطة جدا تقضي الغرض وكل ما ينزلوا اجازة يقضوا بيها وقتهم ومشاويرهم

. . لكن انك تدفع فى اليوم مش عارفة كام واتحمل مفاجات تانية كتير هى دى المخاطر - طب ايه اللى يجبرنى على كدا .

على فكرة لو عندك فى العمارة محل او شقة دور ارضى افتح الاوضة على الشارع واعمله باركن للسيارة ولما ترجع الاجازة التانية خلى بس ميكيانيكي يشيك عليها

وفى النهاية اوفرلك يا استاذ محمد - حضرتك لو حسبتها حتلاقيها اوفر لكن لو مش عندك باركن ممكن هنا الموضوع متساوى فى الحالتين لان انك تاجر باركن يبقي مش

توفير ولا حاجة - انا باتكلم ان لو حضرتك عندك باركن فى عمارتك دور ارضي .

اغابي

:lol:

هي دي المشكله الباركنج عايز فلوس

ده غير الفلوس اللي هاوقفها في العربييه ان كان 30 او 40 الف وبعد ماتنزلي مصر سعرها هايقل لانها هاتبقي موديل قديم

وبعدين بلاش استاذ والحاجات دي علي فكره انا عندي 27 سنه بس لكن الجواز بدري هو اللي مكبرني

تم تعديل 22 مايو 2010 بواسطة ozoozo

[اغابي]

هي دي المشكله الباركنج عايز فلوس

ده غير الفلوس اللي هاوقفها في العربييه ان كان 30 او 40 الف وبعد ماتنزلي مصر سعرها هايقل لانها هاتبقي موديل جديد

وبعدين بلاش استاذ والحاجات دي علي فكره انا عندي 27 سنه بس لكن الجواز بدري هو اللي مكبرني

طيب شوف بقى يا محمد

مادام الباركنج مش موجود انا باتكلم لو عندك باركنج ملكك يعنى او عمارتك ملكك- لكن لو مش موجود ولسة بقى حتستاجر

يبقى طبعا ايجار سيارة باليوم لان مفيش حل تانى - بس مين قال ان السيارة ب 40 او 30 الف

كتير كدا اوى -

عموما الحسابات دلوقتى اختلفت لان ايجار الباركن انا عارفة انه بيوصل ما بين 130 الى 150 ج فى الشهر

فترسي بقى انك تاجر سيارة باليوم وعوضك على الله - وربنا يكتبلك السلامة ويحميك شرها

وتمنياتى يا محمد باجازة سعيدة .

اختك اغابي

:lol:

تم تعديل 22 مايو 2010 بواسطة اغابي

[se_ Elsyed]

باركنج باركنج ... يالله باركنج ..

يوجد عدد 2 باركنج ممكن يتقسموا أربعه ( 18 متر كلهم ) في مدينة العبور ... مُظلل وحراسة 24 ساعه ... وباب مقفول طول السنة ... ها مين قال أنا ؟

هاعمل لكم ديسكاونت هايل .... 500 ج في السنة .... والدفع مقدماً والشكك ممنوع والزعل مرفوع والرزق على الله :lol:

يالله بقى عاوزين نقب على وش الدنيا ونعيش ...

[okwaitme]

أستاذ س س

طيب لو حجز مكان بس، من غير وجود عربية يعني، المبلغ يكون كام في السنة؟؟

[elrasy]

موضوع مهم وكنت بفكر فية علشان نازل اجازة قريب

حلو جدا الشركة اللى بتدى عداد مفتوح,, يا ريت لو جربتهم تقولنا انطباعك عنهم.

[ozoozo]

انا جيت ياحلويين عشان احكي تجربتي الولبيه مع الشركه دا هيه اللي هي يوروب كار

عادي خالص عملت الحجز من علي النت وفي كود معين pormotional code بدخله في صفحه الحجز والكود ده بيديك 12 % خصم وعملت الحجز يوم الثلاثاء 19 يوليو الساعه 12 في مكتبهم في المطار القديم اديتهم رقم الحجز ولقيتهم مجهزين العربيه-كليو مانيوال 1400 سي سي- وغاسلينها ومغيرين زيت وكل حاجه وبعدين دفعت الفلوس ومضيت العقد اللي فيه رسم كروكي للعربيه موضح اي خدوش او حكات وعملوا هولد في الكريديت كارد علي 550 دولار تامين 400 للعربيه لو عملت حادثه اقصي تحمل هو ال 400 دولار و 150 للرخصه لو ضاعت

وخدت العربيه23 يوم اليوم بحوالي 175 جنيه ولسه مرجعها امبارح وعملولي refund للمبلغ تاني في حسابي وطبعا ولا وصولات ولا شيكات ولا اي نصب

ده ربط الموقع للحجز بتحجز وبعدين تدفع في مصر وانت بتستلم

http://www.europcar.com

وده كود الخصم 44412383

واي استفسار انا تحت امركم واي مشكله في عمل الحجز علي الموقع ممكن اساعدكم

تم تعديل 12 أغسطس 2010 بواسطة ozoozo

[engmido]

واي استفسار انا تحت امركم واي مشكله في عمل الحجز علي الموقع ممكن اساعدكم

طيب لو سمحت ممكن توضحلنا بالصور او حتى من غير كيفية الحجز او الاشتراك

وايه المقصود بالبروموشنا كود وكيفية الحصول عليه

وهل لابد من الاشتراك والتسجيل فى الموقع

وضّّّّّّّّّّّّح....ابن ....افصح...ههههههههههههههه

[ozoozo]

واي استفسار انا تحت امركم واي مشكله في عمل الحجز علي الموقع ممكن اساعدكم

طيب لو سمحت ممكن توضحلنا بالصور او حتى من غير كيفية الحجز او الاشتراك

وايه المقصود بالبروموشنا كود وكيفية الحصول عليه

وهل لابد من الاشتراك والتسجيل فى الموقع

وضّّّّّّّّّّّّح....ابن ....افصح...ههههههههههههههه

معلش انا مش عارف اخد برنت من الصفحه

لكن الخطوات بسيطه جدا هاتختار مكان الاستلام وتاريخه وايضا العوده وتاريخها وبعدين تدخل الكو في الخانه اللي قبل كونتينيو والكود ده منتشر علي النت كنوع من الدعايه للشركه وده خاص بالمقيمين في دول مجلس التعاون

بعد كده هايجيلك قايمه بالسيارات المتوفره واسعارها وتختار المناسب ليك

وبعدين تدخل بياناتك وهايوصلك علي الميل رقم الحجز والكونفيرميشن بتاع الحجز وهو ده اللي هاتستلم بيه العربيه

[se_ Elsyed]

أسمح لي أحييك يا أوزأوز .. بجد معلومات وافيه كافيه شافيه وتسلم إيديك قوي قوي قوي

[ozoozo]

نسيت اضيف نقطه مهمه جدا وهو ان العداد مفتوح مش محدد بكيلومترات

وممكن تدفع كاش في فرع جده او الرياض قبل ماتنزل مصر في مقابل حوالي 15 % خصم (يعني هايفرق تقريبا 3 % عن خصم الكود)

وكل سنه وانتم طيبين

[Dr.mmfriend]

نسيت اضيف نقطه مهمه جدا وهو ان العداد مفتوح مش محدد بكيلومترات

وممكن تدفع كاش في فرع جده او الرياض قبل ماتنزل مصر في مقابل حوالي 15 % خصم (يعني هايفرق تقريبا 3 % عن خصم الكود)

وكل سنه وانتم طيبين

انا عندى حل ظيف عملته الاجازة الى فاتت

قبل نزول مصر باسبوع تقريبا بعتت لاخويا اشترى عربيه نوبيرا كويسه

وكتبها باسمه طبعا

قضيت بيها الاجازة زى الفل

وبعد الاجازة بعناها تانى بنفس سعرها

ايه رأيكم فى الفكره دى؟؟؟

[elrasy]

نسيت اضيف نقطه مهمه جدا وهو ان العداد مفتوح مش محدد بكيلومترات

وممكن تدفع كاش في فرع جده او الرياض قبل ماتنزل مصر في مقابل حوالي 15 % خصم (يعني هايفرق تقريبا 3 % عن خصم الكود)

وكل سنه وانتم طيبين

انا عندى حل ظيف عملته الاجازة الى فاتت

قبل نزول مصر باسبوع تقريبا بعتت لاخويا اشترى عربيه نوبيرا كويسه

وكتبها باسمه طبعا

قضيت بيها الاجازة زى الفل

وبعد الاجازة بعناها تانى بنفس سعرها

ايه رأيكم فى الفكره دى؟؟؟

هية فكرة حلوة جدا بس المشكلة لو متباعتش او اتاخرت فى بيعها

[Dr.mmfriend]

مهو المطلوب بقي انه يكون عندك حد فى مصر يبيع ويشترى

انت حتى لو خسرت فيها انت الكسبان لانك احسب ايجار العربيه دلوقتى كام

واسمك راكب عربيتك ولا شيكات ولا تخاف تحكها ولا حد يعدلك الكيلومترات

وانا انصح تجيبلك فيرنا او لانوس

لو حبيت تشترى هتلاقى ولو حبيت تبيع هتبيع الصبح