هل تضع أهداف لحياتك؟ دعوة لتحقيق أحلامك (متجدد)

[عبير يونس]

معلش هخرجك عن الموضوع شويه

ساعات بحس ان الممجتمع............. الاسره ...............الزوج.............. الدنيا

سمها ما تشائى

هيه الى بتضع اهداف الحياة للنساء من خلال نمط واحد

للنجاح فى عقولهم

احيانا بحس ان حتى الاحلام لو خرجت بره الاطار بنتحاسب عليه

شوفي يا جاسمين يا حبيبتي

في مقولة عجبتني جدا جدا جدا لأستاذي و معلمي د. ابراهيم الفقي

(رأيك عني لا يمثلني أنا، و إنما يمثلك أنت)

هدفك طول ما هو يرضي ربنا سبحانه وتعالى

فلا تعملي أي حساب لأي من كان بعد الله تعالى

فهو ملك الملوك

و هو من سيحقق لنا أهدافنا و يمدنا بكل السبل اللازمة لتحقيقها

و يستوي في ذلك الذكر والأنثى عند المولى عز وجل

مَنْ عَمِلَ صَالِحاً مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ{97} النحل

إذا كان ربنا جل و علا يقول ذلك

حنعمل حساب لكلام الناس و نظرة المجتمع؟؟؟!!!

[Damo]

موضوع جميل جدا مدام مغتربة

آخر مداخلة كانت من سنة تقريبا

يا ترى ايه اللي حصل لنا خلال السنة دي؟

يا ترى حققت حلم من أحلامك ؟

حضرتك عارفه السؤال ده خلاني اخود بالي من حاجة.

اني قاسية على نفسي قوي!

أكيد طبعا مفيش حد مش بيمر بصعوبات بصفة مستمرة خلال حياته. بس الصعوبات بتيجي بدرجات مختلفة.

في الصعوبات الصغيرة بتاعت كل يوم اللي لو فشلنا في تخطيها مش هتفرق خالص في الbig picture

مثلا : المنبه مرنش, مش لاقية فردة الكوتشي, الباص فاتني, نمت في محاضرة, الخ

وفي الصعوبات اللي زي مطب في حياتنا.نادرة لكن ممكنة. اللي لو فشلنا فيها ممكن تأثر على الbig picture وساعات (مش دايما ) يكون فيه طرق لتخفيف العواقب . والفشل في الصعوبات دي ممكن يجبرنا أننا نغير الهدف الاساسي .

مثلا (لا قدر الله ) : , جامعة رفضتني, ورق ناقص , ورق مش عاجبهم , سقط سنة, تخصص رفضني, حد من الأسرة مرض واحتاج رعاية, مفيش فلوس, مادة رخمة, رسبت مادة. الخ

وآخر اتنين مش زي بعض. صعوبة مادة رخمة بتخطاها اني انجح المادة دي ولو سقط ابقى فشلت. غير صعوبة التعامل مع السقوط: now what ؟؟؟! أعيدها تاني ؟ هتاخر في الدراسة ؟ الخ

وفي الصعوبات الفشل فيها ..=فشل في الحياة. فشل ذريع في الbig picture. مفيش امل بعديها.

بصراحة مشعارفة الاقي غير مثال واحد دلوقتي: يأس permanent (غير بتاع كل حين وآخر )

لو مش عرفنا نتخطى دي يبقى اتمسحت حياتنا واتمسح وجودنا و في عيوننا مبقناش شايفين نفسنا.

يا رب محدش يمر بالصعوبة دي ابدا.

اسفة ان كل الامثلة على الجامعة معرفش غيرها

بس أكيد فيه زييها في كل حاجة تانية

أنا مريت بسلسلة صعوبات من تاني نوع ورا بعض. طاخ طاخ طاخ...يمكن أكتر من اللي كنت متعوده عليه. الحمدلله تخطيت معظمها ...لكن البعض...

وفضلت حاسه بفشل كامل..كاني بهدلت الدنيا وكل الخطط باظت ومفيش حاجة ينفع تتصلح. تعاملت كاني فشلت فيما يكاد يكون تالت نوع.

لحد ما دخلت الموضوع ده بس أخدت بالي إن الصعوبات أنواع...وكل اللي قلته فوق

سؤال حضرتك :

يا ترى ايه اللي حصل لنا خلال السنة دي؟يا ترى حققت حلم من أحلامك ؟

زي النهردة السنة اللي فاتت كان عندي أهداف (أو أحلام) تتنفذ خلال الفترة اللي فاتت.

نفذتها ؟ نعم!

كلها ؟!.......... آه !!!!

أي اقوال اخري ؟؟؟! ...... ايوة ....سبقت الخطة اللي كنت حطاهـا !!!!!!! زي النهردة السنة اللي فاتت ولا كان يخطر على بالي إني هوصل لدلوقتي بدري كده !!

اومال العياط من الصبح ده على إييييييييه

كل مرة افشل في حاجة اقول خلااااص.....الحياة ملهاش طعم ...وانا هعيش لإيييييييه ... و المسائل تمشي والحياة تستمر.

وأول مايصادفني فشل تاني ------>

كل مرة نفس السيناريو؟ مبنتعلمش ؟؟؟!

المهم اللي استنتجته, رغم إني كنت بعتبر نفسي قوية في وقت من الاوقات. قوتي كانت في تصدي الصعوبات.

في اوقات الفشل كان عندي نقص شديد في امتصاص الصدمات. والنقص ده استنفذ قدرتي في تصدي اللي جاي.

وطبعا كل مازادت الصعوبات زادت فرص الفشل.

أنا اصلا كنت داخلة اقول حاجة تانية خالص

مرة تانية بقى

أنا نبطشيتي خلصت

حد يصحي شهرزاد

تم تعديل 3 مايو 2011 بواسطة Damo

[لماضة مصرية جدا]

أنا نبطشيتي خلصت

حد يصحي شهرزاد

يا نااااااااااااااعم...مين بينادي.....مش هصحي انا دلوقتي....(وشي و انا بشد البطانية علي ام راسي و بتغطي مع يقين جوايا اني لو نمت بس 5 دقايق راح تفرق كتير....كذب طبعا)

دخلت التوبيك هنا....عشان "اقراني"

اقرا انا في يوم كتبت لنفسي ايه....و يمكن زي ما بتقولي يا مصرية عشان بعد سنة نشوف الواحد وصل لفين

طب بما اننا في لحظة صباحية و كدهوت و علي غيار الريق

احب اقول

اني في مفارق طرق

و المفروض دلوقتي حالا مش كمان 5 دقايق اني احط هدف واضح و محدد و لا يسمح بالتفاوض و اتحمل مسئولية قراري

متفقة "معايا"...من سنة فاتت...لما قولت الحياة مش راح تديني فانوس سحري ادعكه يطلعلي المارد و يديني اللي حلمت بيه في لمح البصر

و متفقة برضه مع دامو اني بقي عندي مشكلة في "امتصاص الصدمات"

دلوقتي حالا

حاسة اني منهكة....مش بس جسديا و متكومة في سريري الدافي

لكن متكومة جوه comfort zone....المنطقة الآمنة اللي انا معيشة نفسي جواها

و زي ما انا مش عايزة اطلع من السرير

برضه دايسة علي زرار Pauseو موقفة استريو حياتي علي وضع معين

بس الفكرة اللي عمالة تتعملق من جوايا

مقدرشي افضل في السرير و لا في كهفي الىمن اكتر من كده

و مينفعشي...لأن محدش راح يمدلي ايده و يشدني يصحيني من "نومي"

يمكن قاسية علي نفسي.."خديني جنبك يا دامو"....بس لاني مبحبش حد يجي يطبطب عليا و بعدين يقترح عليا اهداف و لاني في حالة "تيه" ممكن ببساطة الاقي نفسي مع الموجة

السؤال يا مصرية

مش "هل بتضع اهداف"...لان الاجابة هتبقي ببساطة يا ايوة يا هزة راس تقولك لا

لكن السؤال

يا تري انت قادر تحمي احلامك ...تحافظ عليها...زتستدعيها لما تحس انك مهزوم...مكسور...متكوم جوه منك في سرير الدنيا

يا تري قادر تصحيها لما تنام جواك و تغيب وسط الدوشة...ووسط احلام ناس تانية..ممكن متبقاش لايقة عليك

يا تري بتقدر تشوفها....قريبة...و لا بس بتحب تخليها.."احلام" بعيدة....افتكرها...و اتنهد

مليون يا تري

و كل يا تري منهم....برضه محدش راح يشدك من السرير و يقومك

يا تاخد قرارك دلوقتي حالا انك تقوم و تشمر دراعاتك و تدور عليها

يا برضه يا تاخد قرارك...انك تفضل متكوم في السرير متدفي بالبطانية...و بتكذب علي نفسك ان 5 دقايق نوم تاني مش راح تفرق يعني...بس في الحقيقة انها راح تفرق كتير

خد قرارك...دي بطانيتك..و سريرك و احلامك...و حياتك كلها

بكلم نفسي علي فكرة قبل ما اكلم حد تاني

صباحكم....استيقاظ....مش بس من النوم....استيقاظ للحياة كلها

[لماضة مصرية جدا]

معلش هخرجك عن الموضوع شويه

ساعات بحس ان الممجتمع............. الاسره ...............الزوج.............. الدنيا

سمها ما تشائى

هيه الى بتضع اهداف الحياة للنساء من خلال نمط واحد

للنجاح فى عقولهم

احيانا بحس ان حتى الاحلام لو خرجت بره الاطار بنتحاسب عليه

السلام عليكم و رحمة الله و بركاته

المداخلة دي وقفت و سرحت فيها اوي يا جاسمين

عارفة يا جاسمين طول عمري بدعي ربنا اني لما اتجوز و اخلف اخلف ولد....لان تربيته فعلا اسهل بكتير من تربية بنت

مجتمعنا قاسي....حقيقي

مجتمعنا قدامه كتير عشان يتغير...حقيقي جدا

مجتمعنا بينادي بحاجة....و جوه منه اوي في الاعماق لساه جواه حاجات تانية كتير....ابصم بالعشرة

بس اللي وصلتله

انا بدافع عن احلامي انا...مع اني بنت عادية جدا...مع اني مش جان دارك و لا عالمة فيزياء مثلا....بس و انا بدافع عن حلمي دوت بستحمل كل خبطة تجيلي عشان اني فكرت انط.."بره" القالب

حياتي كانت هتبقي اسهل....اكيد لو كانت الناس اكثر تفهما...و هما يتفهموا ليه اصلا....لو كانوا بس في حالهم...و سابوا غيرهم يحقق حلمه بطريقته هو...او هي

مفهوم النجاح...القالب....مين بيحاسبنا علي الحلم

توبيك رائع جدا يا جاسمين....ليه مش تعمليه و نقدر نشوف فعلا مين حط مين في "قالب"

فكرتيني باحمد مطر لما قال

وضعوني في إناء و قالوا لي تأقلم

و قد ضاق إنائي بنموي فتحطم

-----------------------------------------

صباحك....بره القالب....عشان ده حقي و حلمي

[عبير يونس]

احب اقول

اني في مفارق طرق

و المفروض دلوقتي حالا مش كمان 5 دقايق اني احط هدف واضح و محدد و لا يسمح بالتفاوض و اتحمل مسئولية قراري

متفقة "معايا"...من سنة فاتت...لما قولت الحياة مش راح تديني فانوس سحري ادعكه يطلعلي المارد و يديني اللي حلمت بيه في لمح البصر

و متفقة برضه مع دامو اني بقي عندي مشكلة في "امتصاص الصدمات"

دلوقتي حالا

حاسة اني منهكة....مش بس جسديا و متكومة في سريري الدافي

لكن متكومة جوه comfort zone....المنطقة الآمنة اللي انا معيشة نفسي جواها

و زي ما انا مش عايزة اطلع من السرير

برضه دايسة علي زرار Pauseو موقفة استريو حياتي علي وضع معين

بس الفكرة اللي عمالة تتعملق من جوايا

مقدرشي افضل في السرير و لا في كهفي الىمن اكتر من كده

و مينفعشي...لأن محدش راح يمدلي ايده و يشدني يصحيني من "نومي"

يمكن قاسية علي نفسي.."خديني جنبك يا دامو"....بس لاني مبحبش حد يجي يطبطب عليا و بعدين يقترح عليا اهداف و لاني في حالة "تيه" ممكن ببساطة الاقي نفسي مع الموجة

السؤال يا مصرية

مش "هل بتضع اهداف"...لان الاجابة هتبقي ببساطة يا ايوة يا هزة راس تقولك لا

لكن السؤال

يا تري انت قادر تحمي احلامك ...تحافظ عليها...زتستدعيها لما تحس انك مهزوم...مكسور...متكوم جوه منك في سرير الدنيا

يا تري قادر تصحيها لما تنام جواك و تغيب وسط الدوشة...ووسط احلام ناس تانية..ممكن متبقاش لايقة عليك

يا تري بتقدر تشوفها....قريبة...و لا بس بتحب تخليها.."احلام" بعيدة....افتكرها...و اتنهد

مليون يا تري

و كل يا تري منهم....برضه محدش راح يشدك من السرير و يقومك

يا تاخد قرارك دلوقتي حالا انك تقوم و تشمر دراعاتك و تدور عليها

يا برضه يا تاخد قرارك...انك تفضل متكوم في السرير متدفي بالبطانية...و بتكذب علي نفسك ان 5 دقايق نوم تاني مش راح تفرق يعني...بس في الحقيقة انها راح تفرق كتير

خد قرارك...دي بطانيتك..و سريرك و احلامك...و حياتك كلها

بكلم نفسي علي فكرة قبل ما اكلم حد تاني

صباحكم....استيقاظ....مش بس من النوم....استيقاظ للحياة كلها

في ناس كتير اوي يا لماضة بتعيش و تموت و ما كانش لها هدف

و لا خدوا بالهم من كده

و لا حتى عرفوا يعني ايه نضع هدف

سؤالك يليق بمرحلة متقدمة

بينما لا زلت أخاطب ال TRUE BEGINNERS

خللينا ناخد بايد اللي لسه ما شافش الطريق

و برضه حننبهه في مرحلة وضع الأهداف ازاي يختار هدف مستمر

أما متابعة الأهداف فدي حتكون مسئوليتهم همه

عشان اللي يحط أهداف و ما يتابعهش

يبقى ما استوعبش الدرس كويس

و لازم له EXTRA CLASSES

في المستوى المبتدئ ....مرة تانية

[jasmin hamed]

معلش هخرجك عن الموضوع شويه

ساعات بحس ان الممجتمع............. الاسره ...............الزوج.............. الدنيا

سمها ما تشائى

هيه الى بتضع اهداف الحياة للنساء من خلال نمط واحد

للنجاح فى عقولهم

احيانا بحس ان حتى الاحلام لو خرجت بره الاطار بنتحاسب عليه

شوفي يا جاسمين يا حبيبتي

في مقولة عجبتني جدا جدا جدا لأستاذي و معلمي د. ابراهيم الفقي

(رأيك عني لا يمثلني أنا، و إنما يمثلك أنت)

هدفك طول ما هو يرضي ربنا سبحانه وتعالى

فلا تعملي أي حساب لأي من كان بعد الله تعالى

فهو ملك الملوك

و هو من سيحقق لنا أهدافنا و يمدنا بكل السبل اللازمة لتحقيقها

و يستوي في ذلك الذكر والأنثى عند المولى عز وجل

مَنْ عَمِلَ صَالِحاً مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ{97} النحل

إذا كان ربنا جل و علا يقول ذلك

حنعمل حساب لكلام الناس و نظرة المجتمع؟؟؟!!!

كلام جميل ماقدرش اقول حاجه عنه