ممكن أدخل

[kfaya]

مساء الفل

أخيرا وبعدد تردد استمر يطلع سنتين تلاتة .... قررت أتوكل على اللة و انقل نفسى من مربع قارئ الى مربع مشارك ....

على فكرة دى مش حاجة سهلة !!!!! دى عايزة شجاعة و بالذات من واحد مش متعود على الكتابة فى المنتديات .......

نيجى بقى للحاجة الاصعب .....

تختار الاسم ازاى ؟؟؟؟؟؟؟

هو كل حاجة فيها صعوبة كدا afr2: أطيعة محدش بياكلها بالساهل ,,,,,,,

أخيرا بعد مشوار أخترت الاسم اللى انتم شايفينة دة ,,,,,,,,,

حاجة كدا جديدة و اوريجينال و ممكن يعمل شغل ====

بعد كل الصبر دة دخلت لئيت الدنيا مولعة :) و لينكس ماسك فى أل ابو زيد و مدام سلوى و الكباريتى بيخلصوا ....

و هشام بك واخد اجازة و يارب متطولش و الدنيا كدة مش عاطفية ..... :P

ياريتنى دخلت لما كانت مزهزهة ايام ما شعنونة اشتغلت بياعة خضار و رسمت على الجزاز و حشيش فى الجيش حكلنا حكاية الجطة :blink: ...

على فكرة انا كنت باقرأ حكايات الجطة مع كل اصحابى و لما كانت بييجى الشابتر الجديد ممنوع حد يقرأ لوحدة ززز لازم نتلم كلنا وواحد يقرأ بصوت عالى و نموت من الضحك حتى البكاء .........

صلوا على النبى و روقوا لحسن أرجع متفرج تانى و أفكر ادخل بعد تلات سنييييييننننن

أخوكم كفاية ...........

[سقراط المصري]

الأخ كفايه

اهلا وسهلا ومرحبا بك

وبالرغم من اني منقطع منذ شهور عن الكتابه لإنشغالي ، إالا ان انا يعني احيانا بدخل لما بحس ان حد محتاج استشاره نفسيه.

عامة توقيت دخولك فعلا حرج ، فهشام عبد الوهاب قطع في الواحد والله واخي العزيز لينكس زعلان ( وانا موافق على زعله).

ادخل برجلك اليمين ، ودائما استعمل كلمات مثل :

آليات- تفعيل- فلسفه الوضوع- اتصلت بالامس بمسؤل كبير- خبرتي بمجال- وارى انه يجب علينا- وكلنا نعلم- إلى اخره من هذه العبارات .

سيكون لك شأنا عظيما في المحاورات ولن تطرد او تاخد انذار او يغلق لك لموضوع.

وعلى فكره اجمل تعليق عجبني في موضوع لنكس كان تعليق حشيش.

اهلا وسهلا

سقراط

تم تعديل 29 أبريل 2004 بواسطة سقراط المصري

[نيرون]

afr2: art:)

شكلى عارفك !!!!!!

ودى تحيه منى انا ليك بمناسبه مجيتك

cbyb:

cbyb:

cbyb:

cbyb:

تم تعديل 29 أبريل 2004 بواسطة نيرون

[Mohammad Abouzied]

سيبك من مشاكلنا مع ليونكس لان مصرين البطن بتتخانق

المهم انت زملكاوي ولا اهلاوي لان الموضوع دا ها يترتب عليه اشياء كتير بالاضافة الى المزايا

[linux]

الأخ كفايه

أعرفك بنفسي، لينكس غاوي مشاكل!!

ياعم أنت خدت عني فكرة وحشه و لا أيه؟؟؟

ده أنا غلبان !!

اهلا وسهلا و طال غيابك ليه؟

ياراجل ... متابع المنتدي من أيام جطة حشيش؟! واضح أن الصبر عندك هوايه.

سؤال بس لو تسمح ...

أنت تقرب ل "كفاية حرام" اللي بنسمع أسمه في ماتشات الكورة و لا ده مجرد تشابه أسماء؟

[kfaya]

العزيز سقراط .....

أشكرك على الترحيب بظهورى على الشاشة ,,,, كما أنى سعيد بعودتك للكتابة بعد شهور و يالا نشجع المنتدى شوية عشان خاطر فية ناس كتير كويسة هنا مش لازم عقدها ينفرط ( حلوة ينفرط دى ) art:)

بس قولى يا دكتور .... ازاى عرفت من أول رسالة ليا انى محتاج استشارة نفسية sdm: .... [تقول اية من اسلوبى ؟؟؟؟؟؟؟؟ يعنى مفيش حاجة بتستخبى عليكم ابدا ,,,,, ماشى شغل الريكوردر وانا جاهز و هحكيلك على كل حاجة لوحدى ......

لينوكسسسسسسسس ...............

يا راجل كدة برضك ,,,,, أنا أفتكرتك بتتكلم جد و ناوى تخلع ///////

و أنا اللى أولت أهو لينكس أتكل و هيسيب فراغ كبيييييييييييييييرررررررررر يالا يا كفاية أدخل دة الملعب بقى فاضى , ألئيك طلعتلى من أول رسالة ..... bk:

عود أحمد يا ابو الليانيك ..... art:) و عقبال اللى فى بالى \\\\\

فعلا نداء كفاية حرام كان من اسبابى لاختيار الاسم وانا معجب بية عشان نداء محترم و مبيجرحش المنافسين .. و لسة كنا بنزعق بية فى استاد القاهرة الاسبوع الماضى فى ماتش الهاند بول ضد تونس لما شخلعناهم فى النهائى و أخدنا كاس افريقيا ... يومها حطيط أربع أعلام لمصر على ابواب العربية و أختها كلكسات لغاية البيت ....

عمنا محمد ابو زيد ..

أهلاوى القلب و القالب و العشق و الهوى و النجوي و الفؤاد و .. و.. و..

ما يمنعش انى باحترم الزمالك و بالذات كمال درويش و حازم امام ,, و طبعا مرتضى منصور ( يارب يكسب الانتخابات عشان ساعتها الزمالك هيلعب ضد اسمنت قنا و ربنا يستر علية ميتغلبش ) ..

نيرون ,,,,,

لأ مش أنا اللى فى بالك ....... سيب العود و الكبريت و فكر شوية كمان ..

[se_ Elsyed]

[

عمنا محمد ابو زيد ..

أهلاوى القلب و القالب و العشق و الهوى و النجوي و الفؤاد

كفاية إبني حبيبي بيضربوا بك المثل ......

تعالى إنت وقعت من السما وأنا إستلأقيتك ..

أنا من هنا ورايح هاتبنى موهبتك وهاعمل منك نجم منتداوي يلمع في سماء النت ...

وطالما طلعت أهلاوي يبقى أنت في حمايتي الشخصية ...

[حشيش]

عقلى الباطن: مفيش جريمة كاملة والفاعل لا بد أن يترك أثر يرشد عنه smk:  mfb:  mfb:...أستطيع أن اؤكد أننى قد عرفت من هو كفاية art:)  art:)  bk: ...لكنى لن أصرح بإسمه حتى لا يتم إيقافه من جديد non::  non::  non::

عقيد/ محمد حشيش

مكتب مكافحة جرائم الإنترنت

[kfaya]

حششششيييييششششش يا خخخخخووووييييياااااا

أستر عليا الهى يستر علييييككك

ان بر دو قلت مفيش غير صحبى وأخويا حشيش اللى ممكن يهرشنى !!!!

أستحلفك ب التفاح اللبنانى .... بالجراية و الجروانة ما تجيب سيرة للادارة ...

أوعدك اللى حصل المرة اللى فاتت مش ممكن يتكرر تااانى ابدا .....

حرام عليك دا انا اضضطريت ( مش عارف اكتبها من الخوف ) أغير الكمبيوتر بحالة

عشان اتخلص من الماضى الرهيب دة .......

خلاص ؟؟؟؟؟؟؟ وعد ؟؟؟؟؟ و عمرى ما هزعلك تانى

بس والنبى ما تجييب سيرة

[se_ Elsyed]

عقلى الباطن: مفيش جريمة كاملة والفاعل لا بد أن يترك أثر يرشد عنه smk:  mfb:  mfb:...أستطيع أن اؤكد أننى قد عرفت من هو كفاية art:)  art:)  bk: ...لكنى لن أصرح بإسمه حتى لا يتم إيقافه من جديد non::  non::  non::

عقيد/ محمد حشيش

مكتب مكافحة جرائم الإنترنت

إيه ده انا حاسس إني باتقرطس ....

حشيش إنت مننا وعلينا .. وبعدين ماتنساش المكافاة الي رصداها الإدارة لكل من يرشد عن الاعضاء المارقين ومطاريد الجبل وهي عبارة عن 25 مليون دولار مشمشي عن الراس ( سواء محلوقه او غير محلوقة ... يعني حي أو ميت )

يبقى اتكلم وانا اوعدك إني هاعتبرك شاهد ملك أو أمير حتى .

[حشيش]

حششششيييييششششش يا خخخخخووووييييياااااا

أستر عليا الهى يستر علييييككك

لا تخف mfb:...أنت فى ذمتى :blink:...من أذاك فقد أذانى mfb:...ومن كرشك فقد كرشنى :blink:...ولكن حذار أن تنقض عهدك معى mfb:...ولعلك قد قرأت قصيدتى الأخيرة بعنوان (أستر عليا) والتى تأتى هذه الأبيات فى إستهلالها:

نحن قومُ ُ لا يذل لنا جار

ولا ننام بليلٍ أو نهار

نحفظ عهد الهوى ونصونه

إلا لمن نقد العهد ويخونه

ترانا فى الوغى أسودُ

وإذا حمى الوطيس نبوسُ

الأخطل إبن وائل (وشهرته حشيش)

[kfaya]

حبايبى .....

أبو السيد و أبو حشيش

أجيرونى ......... أجيرونى ........... أجيرونى ..............

أنا مرصود ..... مرصود ...... مرصود ........

مش عارف من ساعة ما دخلت و كل شوية واحد يقولى

أنا عارف أنت ميييييييننننن ......

تغييييييييررررر الأسم مش هيفيدك .........

و جوابات تهديد على الميل ... لدرجة أنى غيرت الميل

بتاعى و عملت أكونت فى حتة تانية خالص ......

مش معقول الماضى هيفضل يطاردنى للأبد ... :blink:

أنا قلت خلاص هفتح صفحة جديدة و أستجير باساطين

المنتدى و ننسى بقى الكروت و القعدة على الدكك ...

عملت نفسى أهلاوى .... رحت داخل قلب س س فى

ثانية , و راح متبنينى على طول ...

و كبرت حشيش و رسمتة و فكرتة بالجطة ..... راح

قايل فيا قصيدة عصماء ولا معلقات ابن الرومى ....

يعنى بالذمة أعمل اية أكتر من كدة ؟؟؟؟

أنا بصراحة مبسوط هنا و مش ناوى أمشى تانى .....

متهيألى كدا معايا تحالف قوى جدا أم أشوف بقى المرة

دى مين هيقدر يطلع لى أحمر ولا حتى أصفر ......

[se_ Elsyed]

يوم ورا يوم الفكرة عماله تتبلور في كينونة عقلي عن ماهية شخصيتك الخفية وتقريباً أنا عرفت إنت مين ... لأن ما تنساش يا كفاية يابمي إنك بتتعامل مع أذكى جهاز مخابرات في العالم الثالث .

بس والله مابتفرق معانا الأسماء .... ولا يمهني شكلك ولا يهمني عنوانك .. طالما بتمشي جنب الحيط وبتسمع الكلام :blink: وتوبت وعملت عملية تجميل وغيرت ملامحك وبصماتك ونويت تبقى عضو صالح في المجتمع .

كلمة أخيرة هأقولهالك وتحطها حلقه في ودانك ... المتغطي بحشيش عريان يابني ... وإنت في موقفك ده كالمستجير من النار بالرمضاء ( قعدت يوم عشان أوصل للجملة دي ) فخلي بالك حشيش لسه في فترة المراقبة .

واخيراً مرحباً بك بين إخواتك وحبايبك والمجتمع والناس وتعالى بقى عشان تلبس وتأكل .

[kfaya]

الى : 309

أنا شايف فى عنيك نظرة احتكارية تحكمية استفرادية .......

أنت عايز تفرق بينى يبين حشيش لية ؟؟؟

انت ما تعرفش ان لة خال رتبة كبيرة جدا ....

و لولاة كان

اتمرمط فى الجيش و شاف الذل و الهوان !!!!!!!

وبعدين المرة اللى فاتت انا كنت مسلملك دقنى و مديك الامان .... ومع

ذلك انا عرفت من مصادر موثوق منها ان كان ليك يد فى اللى حصل !!!

و أنك ما كنش ليك اى دور فى الدفاع عنى او حتى قولت كلمة طيبة تحنن

قلب الجورى عليا ......

و دلوقتى جاى تقوللى حشيش متراقب و أبعد عنة احسنلك ؟؟؟؟؟؟؟

يا سلام يا خويا .....

أنا من ساعة ما شوفت طيارتك و فيلتك الجديدة و انا تأكدت انك

الراجل الكبير ..... و البعد عنك غنيمة ... و يا نحلة لا تقرصينى ولا

عايز عسل منك ....

ألا قولى الطيارة و الفيلا دول حتخدمهم ليك خالص ولا هترجعهم بعد

الخدمة ...... ؟ ؟ ؟ ؟

عهدة يعنى و ماضى عليهم و كدا ؟؟؟؟؟

[se_ Elsyed]

أنا شايف فى عنيك نظرة احتكارية تحكمية استفرادية .......

أنا ؟!!!!

ربنا يسامحك .. ليه شايفني تاجر دقيق مشون الشولة عندوا وعمال يحتكر في الناس ؟؟؟

وإيه تحكمية دي ؟ يابني انا مش ريموت كنترول

أنت عايز تفرق بينى يبين حشيش لية ؟؟؟

انت ما تعرفش ان لة خال رتبة كبيرة جدا ....

هأو .. ما طلع معاش ياخويا ... وبعدين حتى وهو في الخدمة دا هو اللي سلط الجطط والشويشية والواد إبن ابو سليم عليه عشان يطلعوا عين حشيش ويصلبوا عوده .

وبعدين المرة اللى فاتت انا كنت مسلملك دقنى و مديك الامان

هاتنكر إني ظبط لك دقنك وحطيط لك كولونيا من النوع الفاخر ( أفتر شيف ) .. ده انت حتى ماحسبتش بعد ماخلصت حلاقة .

ومع ذلك انا عرفت من مصادر موثوق منها ان كان ليك يد فى اللى حصل !!!

كذب كذب كذب .. دول فئة موتورة وعملاء وعايزين يلطخوا سمعتي اللي زي البرلنت وانا عارفهم واحد واحد وهاسحلهم .

و أنك ما كنش ليك اى دور فى الدفاع عنى او حتى قولت كلمة طيبة تحنن

قلب الجورى عليا ......

بقى بعد ده كله بتنكر عطفي وحناني وإني كنت باحابي عليكم زي الصقر ما بيفرد جناحاته ويعملها مروحة يضلل بها على فراخه ... معليش ده جازات المعروف .

أنا من ساعة ما شوفت طيارتك و فيلتك الجديدة و انا تأكدت انك الراجل الكبير

أهو وطلعت كمان مش حافظ الأفلام ... انا الرجل الثاني رشدي أباظة .

ألا قولى الطيارة و الفيلا دول حتخدمهم ليك خالص ولا هترجعهم بعد الخدمة ...... ؟ ؟ ؟ ؟

هذا من فضل ربي وتعب السنين ومرمطتي في بلاد الله لخلق الله لحد ما وقفت على رجلي - أومال إنت قبل كده كنت واقف على إيدك ؟ -

وبعدين ما هو كله لمين في الآخر ؟

ماهو ليكوا ... ولا الجحود وصل بكم للدرجة دي .. وإنت بالذات يا كفاية انا متوجس منك خيفة وحاسس إني لما أبقى نايم على الكنبة وبأطلع في الروح .. مش هاتستنى السر الإلهي لما يطلع او حتى تطلعوا إعلام الوراثة وتجري على الجراج عشان تضرب اليخت او تاخد العربية السماوي اللي كنت بأحب أركبها وانا عايش ..

لكن معليش كفاية الناس تقول عليه إن س س خلف وربى .. ويشاوروا عليكوا في الشارع ويقولوا ولاد س س أهم ...

وعايزك تفتكر دايماً مبدئي في الحياة

" اعز الولد ولد الولد "

" واكسر للبنت ضلع يطلع لها 24 "

والسلام ختام .

[kfaya]

الى : 309

هقولك من الاخر على اللى كنت مخبية عليك و خايف أصدمك

فى أعز الناس عندك .....

أنا أتصلت بيهم كلهم و أمنتهم يقولوا الحق , حتى سكوربيون

خليت واحد صول قريبنا بعتنى لواحد صول هناك و دخلتلة جوة ...

اللى قالوة عنك أكد ظنونى انك الراجل الكبير و انك مش " حد تانى "

خلف كل الكوارث اللى حصلتلى هنا قبل كدا .......

بالذمة حد يكون عندة طيارة و ويخت و فيلا زى دول و يفضل

يستعرض بيهم كدا قدام الناس ....... ولا يعنى خلاص عشان

قانون من أين لك هذا طلع غير دستورى و لغوة ..............

[afiona]

أنا كنت ناوى أرحب بيك بس حكاية إنك أهلاوى ومن مشجعى أصحاب القميص الأحمر مظباطيتش معايا....إحنا ناقصين ....

ولكن....وآه من لكن....وآه من حواء....

عملت نفسى أهلاوى ....

أوكى...أهلا بك يا معلم ومفيش داعى تتنصل من زملكاويتك..

الحاج محمد أبو زيد زملكاوى وعشان كده الأهلاوية لا تنبس شفاههم بكلمة فى المنتدى على الإطلاق...

ويلكم ..(welcome يعنى) .....

[kfaya]

افيونا ........

و حياة أسمك الغالى عليا أنا ما ليا فى الكورة دى نهائى ....

لكن بعد ما طئست و عرفت ان س.س. هو الراجل الكبير

و الكل بيعمل لة حساب و البصاصين تبعة منتشرين فى كل

حتة ..... عرفت انة بيشجع نادى فى مصر اسمة الاهلى

قلت و مالة يا كفاية أدخل علية بشوية اونطة و الايد اللى

ما تقدرش تعضها .... تبوسها ..... و رحت قايل الحتة الاهلوية اللى انت شفتها دى ..... ام اية حاول يتبنانى

و يشغلنى بصاص ..... رفضت و ثورت .... و هددتة ...

لما لقانى عضمة ناشفة و نابى أزرق بعد عنى على طول ...

هى دى الحكاية .....

[عصام]

ولو إنى ماليش فى الموضوع ده .....

لكن

..... عرفت انة بيشجع نادى فى مصر اسمة الاهلى

دى عجبتنى :blink: mfb: mf(