البركان الايسلندي اشتغل تاني

[MZohairy]

يا جماعة الخير

سلام الله عليكم و بركاته

ممكن العالمين ببواطن الصحف و النت و الاخبار يقولولنا آخر اخبار السحابه البركانيه ايه حاليا بالتحديد و ناويه تروح فين؟

انا مسافر قريبا و مش عايز اسافر من غير ماكون عارف الموضوع رايح فين

لو حد عنده اخبار محدثه و جديده ياريت فضلا ينزلهالنا هنا عشان نبقى فاهمين الاوضاع و على ضوءها نختار انسب طيران

و خصوصا المسافرين عبر اوروبا

اشكركم بأدب شديد

[التونسى]

انا تضررت .. وما زال احتمال تضررى قائم بفعل تلك السحابه البركانيه .. عشان كده متابع اول باول اخر مستجداتها

السحابه شكلها أخده اوربا كلها مقاوله .. يعنى بعد ما شلت حركة الطيران بمعظم انحاء اوربا من حوالى 3 اسابيع .. عدا اسبانيا والبرتغال .. النهارده بس قرات على موقع الب بى سى بالاصدار الانجليزى انها اتجهت نحو اسبانيا والبرتغال وشلت حركة الطيران باجزاء كبيره منها .. ومن يومين اتسببت فى شل حركة الطيران بايرلندا

وده لينك لاخر المستجدات ..

http://news.bbc.co.uk/2/hi/europe/8670645.stm

وانصح اى مسافر لاوربا ...او عبرها ترانزيت يعنى ... انه يدخل موقع شركة الطيران الخاصه به ويشوف اذا رحلته اتاجلت والا لا .. احسن من المفاجاءات الغير ساره اللى ممكن يواجهها لو توجه للمطار بدون تأكد