خدمة ال ADSL بطيئة جدا فى مصر منذ أسبوع

[Advisor]

منذ أسبوع تقريبا و خدمة الإنترنت بطيئة جدا و تتوقف تماما بين الحين و الآخر و إتصلت بخدمة الدعم الفنى فذكروا أن هناك إنقطاع فى الكابل البحرى و علينا نحن المستخدمين أن نتوقع بطء الخدمة أو توقفها حتى 28 أبريل سنة 2010 و اليوم هو اليوم الموعود و مازالت الخدمة مثل السلحفاة.

ما سبق كان إستهلالا لابد منه

دخلت الإنترنت فى حياتنا و أصبحت رافدا ثقافيا مهما و ليست مجرد من قبيل nice to have ، سأتصل الآن مرة أخرى بشركة الإتصالات مقدم الخدمة الذى أتعامل معه.

سؤالى لأعضاء و زوار محاورات المصريين من مصر أكرر من مصر هل تمرةن بنفس الصعوبة فى الوصول الخدمة ؟

[Advisor]

إتصلت بالدعم الفنى الآن و قالوا إن الخدمة ستنتظم يوم 30 أبريل سنة 2010 و أن السبب هو إنقطاع الكابل البحرى الرئيسى

[Alrefaey]

استاذ عادل نحن فى المملكة نعانى من نفس المشكله منذ ثلاث ايام تقريبا وقد جائتنى رساله على الجوال من احد شركات المحمول هنا انه سوف يحدث بطىء فى النت نتيجة لأصلاح الكابل البحرى .

[محمد عبدالعزيز]

أنا أيضاً أعانى فى مصر من انقطاع الخدمة لفترات قصيرة تتراوح مابين دقيقة ل 3 دقائق تقريباً بشكل متكرر يومياً.

بصراحة لم أفكر فى الاتصال بالدعم الفنى لأنهم فى كل المرات السابقة والتى كانت فيها المشكلة من عندهم لا يعترفون أبداً مهما أقنعتهم إن المشكلة مشكلتهم, ولازم يطلع المشكلة يا إما من عند العميل يا إما من عند السنترال.

[myusername]

وأنا ايضا اعاني نفس المشاكل

بطء في النت وانقطاع الخدمة من حين لأخر

وتتراوح مدة الانقطاع من دقيقة الي ربع ساعة علي الاكثر

علي كدة صديقي اللي اتهمته بأنه نش النت عين لما قاللي السرعة عندك خمس اضعاف سرعة النت عندي طلع مظلوم :unsure:

وأتاري الجاني الحقيقي هو الكابل البحري :lol:

صحيح ياما في الحبس مظاليم :rolleyes:

[shiko]

ممكن ...تسمعوا المعلومة دى ...

الكابل اللى اتقطع ده ...

كابل اسمه سى مى وى 4...

والمسار اللى اتقطع ده مسار بديل موش اساسى للانترنت ...

يعنى اى حاجة حصلت للانترنت موش نتيجة قطع فى الكابل ده

الكلام ده لانى بشتغل فى ادارة شركة الكابل اللى اتقطع

[الغريب]

وعندنا كمان في الكويت نفس المشكلة ولما راجعنا الشركة ، قالت أن الاتصال هيكون بطئ حتى يوم السبت وعليكم خير.

[Advisor]

اليوم هو الثلاثون من أبريل سنة 2010 ، ما زالت خدمة الإنترنت ( عن طريق ال ADSL) بطيئة جدا فى مصر ( على الأقل عن طريقة شركة إتصالات) و عند الإتصال بالدعم الفنى نجد رسالة مسجلة بأن هناك خلل فى الكابل البحرى أدى لسوء الخدمة !

[عماد حمدي]

انا سمعت فعلا ً ان الكابل الموجود في البحر المتوسط فية أعطال .. لكن انا بمصر الأن والخدمة ع ما يرام لم تتأثر نهائيا ً ..

أعتقد والله اعلم ان الكابل اللي في أعطال دا لا يوثر تأثير مباشر عن سرعة النت وانما هو كابل مساعد فقط يوثر بمناطق ومناطق آخري وليس الكل كما حدث منذ عام تقريبا ً وتوقف النت لفترة أسبوع كامل بطء وانقطاع ..

لذا لذم التنويه

عماد حمدي

[shiko]

اليوم هو الثلاثون من أبريل سنة 2010 ، ما زالت خدمة الإنترنت ( عن طريق ال ADSL) بطيئة جدا فى مصر ( على الأقل عن طريقة شركة إتصالات) و عند الإتصال بالدعم الفنى نجد رسالة مسجلة بأن هناك خلل فى الكابل البحرى أدى لسوء الخدمة !

...نصيحة فنية بحتة ...وهاتدعيلى لو انت فى مصر وبتستعمل موبايل برودباند استعمل اتصالات ...

لكن اى انترنت تانى ...ابعد عن اتصالات تماما...اشهد الله انها فنيا ...كل حاجة عندها ضايعة ...

انا طبعا ماليش دعوة بشركات الانترنت ...بس اعرف فنيات ودواخل الشركات دى كويس ...

هادى حضرتك شوية حلول ولو فى امكانك استخدم اياها ...

اشترك مع شركة تى اى داتا ...او فودافون ...الاتنين دول اجهزتهم احسن كتير من اتصالات ويليهم لينك...

وياريت تدخل الخدمة على تليون تانى وحضرتك هاتشوف الفرق بنفسك ...

بالنسبة لو موش عاوز تنفصل عن اتصالات اتصل برقم 155 وده رقم الجهاز القومى لتنظيم الاتصالات ممكن تقدم شكوى وهما هايتبعوا مع حضرتك سبب المشكلة ...

ممكن اقدم لحضرتك اى مساعدة لو تحب ...سيادتك تقدر تبعتلى فى اى وقت وان شاء الله ربنا يقدرنى واقدر الاقى لحضرتك حل

[dawn walker]

النت معايا شغال زى الفل ....

[shiko]

الخبر ده انهاردة

أكدت شركة الإمارات للاتصالات المتكاملة "دو" أن مُشغَلي الكابل Sea-ME-We 4 الدوليين استكملوا إصلاح الكابل الواقع في البحر المتوسط. وتوقعت الشركة في بيان صحفي أمس أن تعود حركة الاتصال على الكابل إلى حالتها الطبيعية خلال 24 ساعة و إعادة حركة الاتصال عبر الكابل تدريجياً إلى مساراتها المعتادة بعد أن تم تحويلها إلى مسارات متعددة تم اعتمادها خلال فترة انقطاع الكابل.

المصدرhttp://www.ameinfo.com/ar-169215.html

تم تعديل 2 مايو 2010 بواسطة shiko